Blog

თბილისში, ავლაბრის დასახლებაში, საცხოვრებელი კორპუსის სხვენში ხანძარი გაჩნდა.არსებული ინფორმაციით, მეხანძრე-მაშველებმა შენობიდან ერთი დაშავებული მოქალაქე გამოიყვანეს – იგი კონტაქტურია და შესაბამის სამედიცინო შემოწმება უტარდება.ადგილზე საგანგებო სიტუაციების მართვის სამსახურის რამდენიმე ბრიგადაა მობილიზებული.

ბაღდათის რაიონში სოფელ ალისმერეთში, 3.1 მაგნიტუდის მიწისძვრა მოხდა.

ინფორმაცოას სეისმური მონიტორიგის ცენტრო ავრცელებს. მიწისძვრა 05:21 საათზე დაფიქსირდა.

2026 წლის ივნისი ფინანსური თვალსაზრისით გარდამავალი და გადაფასების თვე იქნება. ასტროლოგიური ფონი გვთავაზობს არა სწრაფ მოგებას, არამედ ჭკვიანურ დაგეგმვას, პრიორიტეტების განსაზღვრასა და ფინანსური ჩვევების გადახედვას.

ვენერასა და მერკურის გავლენა განსაკუთრებით გააძლიერებს ხარჯებთან დაკავშირებულ ემოციურ გადაწყვეტილებებს, ამიტომ ივნისში მთავარი გამოწვევა იქნება სურვილებსა და რეალურ შესაძლებლობებს შორის ბალანსის დაცვა.

თვის განმავლობაში განსაკუთრებით ხელსაყრელი დღეებია:
4, 9, 14, 18, 22 და 27 ივნისი – მოლაპარაკებებისთვის, ფინანსური გეგმების შედგენისთვის, ახალი თანამშრომლობებისა და მნიშვნელოვანი შენაძენებისთვის.

ფრთხილად იყავით:
7, 16, 21 და 29 ივნისს – ამ დღეებში მაღალია შეცდომების, იმპულსური ხარჯებისა და ფინანსური გაუგებრობების რისკი.

ვერძი

ნუ აჩქარდებით დიდ შესყიდვებზე

ივნისში ვერძისთვის მთავარი გამოცდა ემოციური ხარჯები იქნება. შესაძლოა, განწყობის გამოსასწორებლად სპონტანური შოპინგისკენ გაგიწიოთ გულმა, თუმცა თვის ბოლოს მსგავსი გადაწყვეტილებები ნაკლებად მოგეწონებათ.

ფინანსურად განსაკუთრებით წარმატებული იქნება:
9 და 22 ივნისი – შემოსავლის ახალი წყაროების მოსაძებნად და საქმიანი მოლაპარაკებებისთვის.

რას უნდა მოერიდოთ:

• ტექნიკის ან ძვირად ღირებული ნივთების დაუგეგმავ შეძენას;
• სხვისი გავლენით ფულის დახარჯვას.

კურო

დროა, ფულს სხვა თვალით შეხედოთ

კუროსთვის ივნისი ფინანსური სტაბილურობის გამყარების პერიოდია. კარგი დროა ბიუჯეტის დეტალურად გადასახედად და იმის გასაანალიზებლად, სად „ქრება“ თანხა ყოველდღიურად.

ყველაზე ხელსაყრელი დღეები:
4, 14 და 27 ივნისი – დანაზოგის, ინვესტიციის ან დიდი შენაძენის დაგეგმვისთვის.

რჩევა:
მეტისმეტ ეკონომიას ნუ გასწევთ – მცირე სიამოვნებებზე სრულად უარის თქმა ემოციურად დაგღლით.

ტყუპი

პრიორიტეტების სწორად შერჩევა ყველაფერს შეცვლის

ივნისში ტყუპებს ბევრი საინტერესო შეთავაზება და იდეა ექნებათ, თუმცა ყველაფერში ერთდროულად ჩართვა ფინანსურ ქაოსს გამოიწვევს.

წარმატებული დღეები:
5, 18 და 22 ივნისი – ახალი პროექტების, ონლაინ საქმიანობისა და კონტაქტების გაფართოებისთვის.

სიფრთხილე გმართებთ:
16 ივნისს მოერიდეთ დაუგეგმავ ონლაინ შესყიდვებს.

კირჩხიბი

უსაფრთხოების განცდა მხოლოდ თანხას არ უკავშირდება

კირჩხიბები ივნისში განსაკუთრებით ფინანსურ სტაბილურობაზე იფიქრებენ, თუმცა ზედმეტი კონტროლის სურვილმა შეიძლება მუდმივ შფოთვაში გამყოფოთ.

ყველაზე კარგი დღეები:
9 და 27 ივნისი – ფინანსური გადაწყვეტილებების მისაღებად.

მნიშვნელოვანი რჩევა:
ზოგჯერ ფულის სწორად გამოყენება უფრო ღირებულია, ვიდრე მხოლოდ დაგროვება.

ლომი

შთაბეჭდილებისთვის დახარჯული თანხა შეიძლება ზედმეტი აღმოჩნდეს

ივნისში ლომებს მოუნდებათ საკუთარი წარმატების დემონსტრირება ძვირად ღირებული ნივთებით, საჩუქრებით ან საიმიჯო ხარჯებით – თუმცა გაფრთხილებენ: ყველა ეფექტური შენაძენი ნამდვილად არ არის საჭირო.

წარმატებული დღეები:
14 და 18 ივნისი – კარიერული ფინანსური საკითხებისთვის.

რას უნდა მოერიდოთ:

• სტატუსის საჩვენებელი ნივთების შეძენას;
• ემოციურ კონკურენციას.

ქალწული

პატარა ხარჯები დიდ პრობლემად იქცევა

ქალწულებისთვის ივნისი იდეალური დროა ფინანსური „დასუფთავებისთვის“. გაფრთხილდით: მცირე, მაგრამ მუდმივი ხარჯები საბოლოოდ მნიშვნელოვან თანხა იქცევა.

საუკეთესო დღეები:
4 და 22 ივნისი – ფინანსური გეგმების შესადგენად.

გადაამოწმეთ:

• ონლაინ გამოწერები;
• ავტომატური გადახდები;
• ყოველდღიური მცირე ხარჯები.

სასწორი

ფინანსური შეთანხმებები ღია საუბარს მოითხოვს

სასწორებისთვის ივნისში მნიშვნელოვანი იქნება საერთო ფინანსები – პარტნიორთან, ოჯახთან ან კოლეგებთან.

ხელსაყრელი დღეები:
9, 18 და 27 ივნისი – მოლაპარაკებებისა და შეთანხმებებისთვის.

ფრთხილად იყავით:
ნუ დატოვებთ გაურკვეველ ფინანსურ პირობებს „მოგვიანებით გასარკვევად“, ყველაფერი დროულად გაარკვიეთ.

მორიელი

ფული შეიძლება იქ აღმოჩნდეს, სადაც აღარ ეძებდით

მორიელებს ივნისში ძველი პროექტები, დავიწყებული კავშირები ან წარსულში დაწყებული საქმეები ფინანსურ სარგებელს მოუტანს.

წარმატებული დღეები:
14 და 22 ივნისი.

რჩევა:
გადახედეთ ძველ იდეებს – ზოგი მათგანი ახლა გაცილებით პერსპექტიულია.

მშვილდოსანი

ახალი კონტაქტები ფინანსურ კარს გაგიღებთ

ივნისში მშვილდოსნებისთვის მთავარი რესურსი ადამიანები იქნებიან. ახალი ნაცნობობები, საქმიანი საუბრები და თანამშრომლობები მომავალში მნიშვნელოვან მოგებად შეიძლება გადაიქცეს.

ყველაზე კარგი დღეები:
5, 18 და 27 ივნისი.

მნიშვნელოვანია:
ნუ იჩქარებთ გადაწყვეტილებების მიღებას – ჯერ ყველა პირობა კარგად შეისწავლეთ და მერე გადაწყვიტეთ.

თხის რქა

თქვენი შრომა ნელ-ნელა შედეგს გამოიღებს

თხის რქებისთვის ივნისი სწრაფი ცვლილებების დრო არ არის, თუმცა სწორედ ახლა გამოჩნდება ბოლო თვეების მუშაობის შედეგი.

ხელსაყრელი დღეები:
9, 14 და 22 ივნისი.

რჩევა:
ნუ დაკარგავთ მოთმინებას – პროგრესი უფრო სტაბილურია, ვიდრე ერთი შეხედვით ჩანს.

მერწყული

საინტერესო იდეებს რეალური გათვლა სჭირდება

მერწყულებს ივნისში შეიძლება უჩვეულო ფინანსური იდეები ან ახალი ინვესტიციების სურვილი გაუჩნდეთ. შთაგონება ძლიერი იქნება, თუმცა აუცილებელია ფაქტებისა და დეტალების შემოწმება.

წარმატებული დღეები:
4 და 18 ივნისი.

ფრთხილად:
ნუ წამოიწყებთ სარისკო ფინანსურ ექსპერიმენტებს ემოციების ფონზე. გადაწყვეტილება მიიღეთ მაშინ, როცა მშვიდად და გაწონასწორებულად იგრძნობთ თავს.

თევზები

ოცნებების რეალიზებისთვის კონკრეტული გეგმა დაგჭირდებათ

ივნისი თევზებისთვის შემოქმედებითი და შთამაგონებელი იქნება, თუმცა ფინანსური წარმატებისთვის მხოლოდ იდეები საკმარისი არ არის – იდეებს ხორცშესხმა სჭირდება.

ყველაზე ხელსაყრელი დღეები:
9, 22 და 27 ივნისი.

რა დაგეხმარებათ:

• მკაფიო გეგმა;
• ვადების განსაზღვრა;
• მცირე, მაგრამ რეგულარული ნაბიჯები.

ივნისის მთავარი ფინანსური რჩევა ზოდიაქოს ყველა ნიშნისთვის:

ეს თვე სწრაფ მოგებაზე მეტად ფინანსური ჩვევების გადახედვასა და გრძელვადიან სტაბილურობაზე ფიქრს მოითხოვს. ივნისში მიღებულმა გააზრებულმა გადაწყვეტილებებმა შესაძლოა ზაფხულის მეორე ნახევარში უფრო მყარი ფინანსური საფუძველი და სიმშვიდის განცდა შეგიქმნათ

 ხაშურში სროლის შედეგად 2 ადამიანი მოკლეს | გავრცელებული ცნობებით, მოკლულია კომპანია ,,ბილტმორის” ორი წარმომადგენელი. ადგილობრივი მედიის ცნობებით, მკვლელობა მხარეებს შორის არსებულ დაპირისპირებას მოჰყვა. მთავარი დეტალებს შსს-ში არკვევს

მნიშ­ვნე­ლო­ვან კი­თხვაზე ენ­დოკ­რი­ნო­ლო­გი ნინო ჯი­ქუ­რა­უ­ლი პა­სუ­ხობს:

ხსნა­დი ყავა ჯან­მრთე­ლო­ბის­თვის მა­ინ­ცდა­მა­ინც სა­სარ­გებ­ლო არ არის, რად­გან მას­ში სხვა­დას­ხვა ფხვნი­ლე­ბია კომ­ბი­ნი­რე­ბუ­ლი. მე ვთხოვ პა­ცი­ენ­ტებს, რომ არ მი­ირ­თვან ხსნა­დი – კომ­ბი­ნი­რე­ბუ­ლად და­ფა­სო­ე­ბუ­ლი ფხვნი­ლის ყავა. სა­სურ­ვე­ლია, ავი­ღოთ ცალ­კე რძე და ცალ­კე ყავა, ნა­ღე­ბი და ყავა და ამ ფორ­მით შე­რე­უ­ლი მი­ირ­თვათ. და სუ­ლაც უმ­ჯო­ბე­სია ყა­ვის მე­ო­რე ვა­რი­ან­ტი – დაფ­ქვი­ლი ყა­ვის მარ­ცვლე­ბის­გან მომ­ზა­დე­ბუ­ლი. ზო­გა­დი რე­კო­მენ­და­ცი­ის სა­ხით გე­ტყვით, რომ ორი ჭიქა ყა­ვის და­ლე­ვა დღე­ში საკ­მა­რი­სია, მაგ­რამ ძა­ლი­ან დიდი მნიშ­ვნე­ლო­ბა აქვს ადა­მი­ა­ნის ჯან­მრთე­ლო­ბის მდგო­მა­რე­ო­ბას, და­ვუშ­ვათ, თუ გვაქვს თირკმლის კენ­ჭო­ვა­ნი და­ა­ვა­დე­ბა, მა­შინ არ იქ­ნე­ბა ყა­ვის დიდი რა­ო­დე­ნო­ბით და­ლე­ვა სა­სურ­ვე­ლი. რად­გან შარ­დმდე­ნი ეფექ­ტით გა­მო­ირ­ჩე­ვა, ყა­ვის მოყ­ვა­რუ­ლი ადა­მი­ა­ნე­ბი წყალს ივი­წყე­ბენ ხოლ­მე და ფიქ­რო­ბენ, რომ მათ მი­ი­ღეს წყა­ლი ყა­ვის სა­ხით, რაც არ არის სწო­რი. რაც შე­ე­ხე­ბა კო­ფე­ინს, მას­ზე ჯერ­ჯე­რო­ბით ერ­თმნიშ­ვნე­ლო­ვა­ნი დას­კვნა არ არ­სე­ბობს. მეც­ნი­ე­რე­ბის აზრი ყო­ველ­თვის ორად იყო­ფა. ზუს­ტად ცნო­ბი­ლი არ არის, რამ­დე­ნად მოქ­მე­დებს ის ჩვენს ნახ­შირ­წყლო­ვან ცვლა­ზე და რამ­დე­ნად გვიქ­ვე­ი­თებს მა­დას, მაგ­რამ ეს სა­კი­თხის მხო­ლოდ ნა­წი­ლია

თვალის და ნეგატივის არ უნდა გვეშინოდეს, რადგან რისიც გვეშინია, ვიზიდავთ, – ამის შესახებ ნუმეროლოგი ვენგო ლომთაძე აცხადებს.

„როგორც კი ვიგრძნობთ, რომ ჩვენ მივიღეთ გარკვეული ნეგატიური მუხტი, აუცილებელია, გარკვეული მოქმედებები: სხეული უნდა იყოს ტონუსში, სირბილი შეგიძლიათ დაიწყოთ…დაიმახსოვრეთ, დიდი ნეგატივი დიდი პოზიტივის დასაწყისია.

კონკრეტულ რიცხვში დაბადებულ ადამიანებს ნეგატიურ ენერგიებთან სხვადასხვანაირი იმუნიტეტი გააჩნიათ:

1-ელში, 10-ში, 19-ში და 28 რიცხვებში დაბადებულები განსაკუთრებით იზიდავენ ყურადღებას და თვალს, მაგრამ მდგრადები არიან ამ ყველაფრის მიმართ. წაიქცევიან, მაინც ადგებიან და გასაკეთებელს გააკეთებენ. ცუდი ის არის, რომ ისინი გაფრთხილებებს არ იღებენ.

2, 11, 20 და 29 –  განსაკუთრებით სენსიტიურები არიან. ეს ადამიანები მგრძნობიარე ნატურები არიან, პოზიტიურ ენერგიას იმდენად ძლიერად გრძნობენ, რამდენადაც ნეგატიურს.  მათთვის დაცვა, თილისმების ტარება და შერჩევა განსაკუთრებით მნიშვნელოვანია.

ანალოგიურად, 3, 12, 21 და 30 რიცხვში დაბადებულებს აქვთ სამყაროსადმი ღიაობა და ხშირად, ადამიანები ამ ყველაფრით სარგებლობენ, ენერგოველს უბინძურებენ და შემდეგ მათ დახმარება სჭირდებათ, ამიტომ მათთვის თილისმები განსაკუთრებით მნიშვნელოვანია.

რაც შეეხება, 4, 13, 22, 31 – კერკეტი კაკლებივით უტეხები არიან. ძლიერი დაცვა აქვთ, ძალიან დიდი მდგრადობა გააჩნიათ. საკუთარ თავს იმაზე მეტს უშავებენ, ვიდრე გარე პიროვნებები ახდენენ მათზე ზემოქმედებას.

საკუთარი თავის გათვალვა თვალის და ნეგატივის ერთ-ერთი ფორმაა. საკუთარი ეჭვებით თავს აზიანებენ.

5, 14, 23 – ამ ადამიანებს თვალის მიმართ კარგი თავდაცვის უნარი აქვთ, უბრალოდ, ხშირია, როცა ვერ აღიქვამენ როდის დაბინძურდნენ. როცა ცოდნით შეიარაღებულები არიან, მარტივად გაუმკლავდებიან ყველაფერს.

6, 15, 24 – ეს ადამიანები ძალიან ამტანები არიან, მაგრამ სხვების მიმართ გახსნილები. მათ ძალიან დიდხანს შეუძლიათ ატარონ ნეგატიური ფიქრები, თვალი, არ აწუხებენ სხვებს… სჭირდებათ, რომ თავდაცვის მექანიზმები შეიმუშაონ.

7, 16, 25 – ამ ადამიანებმა ყოველთვის იციან, ვინ და როგორ მოქმედებს მათზე ცუდად. ვინც მათ თვალავს, მის მიმართ ნეგატიური განწყობა ავტომატურად უჩნდებათ, სარკისებურად უბრუნებენ.

8, 17, 26 – ასევე ძალიან ძლიერი ამტანობა გააჩნიათ, თუმცა, ყველაზე ახლობელი ადამიანები არიან მათი გამთვალავი. უცხოებისადმი კარგი იმუნიტეტი გააჩნიათ, ახლობლებთან უჭირთ. ამ დროს, მნიშვნელოვანია თავიანთი ინტერესები დაიცვან.

9, 18, 27 – ამ შემთხვევაში გვანან 7-იანებს, მათაც ძლიერი ინტუიცია აქვთ. თუმცა, საკუთარი ეჭვებით და ფიქრებით თავს იზიანებენ.

წყარო: ​primetime.ge

იტალიაში ქართველი ემიგრანტი გარდაიცვალა. სამწუხარო ინფორმაციას სოციალურ ქსელში შოთო სიხარულიძე ავრცელებს.

„გარდაცვლილი ნახეს დილით საწოლში იტალიაში, მარტინაფრანკაში. როგორც ფიზიკურად სულიერადაც ლამაზი იყავი ლალიკო. როგორ მენანები უფალმა სამარადისო დაგიმკვიდროს გამძლეობა შენს ოჯახს

ეს ტრაგედია, ყველა ქვეყანაში მცხოვრები ემიგრანტების ნაწილია!…

მეხის გავარდნას ჰგავდა შენი უეცარი გარდაცვალება რა იყო ეს ბედისწერა? ყველაზე ზრუნავდი და ყველას მშველელი იყავი და მუხანათი სიკვდილის მოახლოება იქნებ ამიტომაც ვერ გაიგე?! ლამაზი და მშვენიერი წაგიყვანა იქ სადაც მართალნი განისვენებენ, ცათა სასუფეველში გადაინაცვლა შენმა ლამაზმა სულმა. არაფერია ამ ქვეყანაზე სიკვდილზე საშინელი“, – წერია გავრცელებულ პოსტში.

საბავშვო ბაღებში ავტორიზაციის პროცესი ფინალურ ეტაპზეა, სადაც რეგისტრაციისა და სააღმზრდელო დაწესებულებების ინსპექტირების დასრულების შემდეგ, შესაბამისმა უწყებამ უნდა გადაწყვიტოს, აკმაყოფილებს თუ არა კონკრეტული ბაღი ფუნქციონირებისთვის საჭირო კრიტერიუმებს და აქვს თუ არა მას მუშაობის გაგრძელების უფლება. პროცესის ფარგლებში ინფრასტრუქტურა, სააღმზრდელო პროგრამები, კვება და აღმზრდელების კვალიფიკაცია შემოწმდა. ამის შესახებ სიუჟეტი “პირველმა არხმა” მოამზადა:

2016 წელს მიღებული რეფორმის ფარგლებში მიმდინარე პროცესის ამ გადამწყვეტ ეტაპზე ავტორიზაცია ბაღების ჯერ მხოლოდ მცირე ნაწილმა, მათ შორის რამდენიმე კერძო სკოლამდელმა დაწესებულებამ მიიღო. ბაღებს, რომლებმაც საჭირო კრიტერიუმები ვერ დააკმაყოფილეს, ავტორიზაციის მისანიჭებლად და იდენტიფიცირებული პრობლემების მოსაგვარებლად ვადა 2030 წლამდე ექნებათ, ხოლო ხარვეზების გამოუსწორებლობის შემთხვევაში ეს დაწესებულებები დაიხურება. ​

უსაფრთხო ინფრასტრუქტურა, დაცულობის განცდა, ჯანსაღი გარემო, ასაკის შესაბამისი პროგრამა და სრულფასოვანი კვება სწორედ ის აუცილებელი მინიმუმია, რომელსაც მშობელი შვილისთვის სააღმზრდელო დაწესებულებისგან ითხოვს. საზოგადოებაში ხშირად ჩნდება კითხვები იმის შესახებ, თუ რომელ ბაღშია მაქსიმალურად დაცული ეს სტანდარტები და საჯარო ბაღი უნდა შევარჩიოთ თუ კერძო – ეს სწორედ ის საკითხებია, რომელთა წინაშეც ბაღის ასაკს მიუღწეველი ბავშვების მშობლები დგებიან. იმისთვის, რომ ყველა ბაღს საერთო საბაზისო სტანდარტები ჰქონდეს და ამ სტანდარტების დაცვა სახელმწიფოს მხრიდან კონტროლდებოდეს, ქვეყანაში მოქმედ ყველა საბავშვო ბაღს ავტორიზაციის გავლის ვალდებულება დაუწესდა.

ამ ეტაპზე ქვეყანაში 1763 საჯარო და 295 კერძო ბაღი ფუნქციონირებს. მრავალწლიანი რეფორმის საბოლოო მიზანს წარმოადგენს ის, რომ 2030 წლამდე ავტორიზაციის პროცესი ყველა ბაღმა გაიაროს. ამ დროისთვის 190-მდე საჯარო და ერთი კერძო ბაღია ავტორიზებული, ხოლო წლის ბოლომდე ამ სიას კიდევ 90 ბაღი დაემატება.

განათლების, მეცნიერებისა და ახალგაზრდობის მინისტრის მოადგილე, ზვიად გაბისონია ამბობს:

“​ძირითადი მაინც ინფრასტრუქტურული და კვალიფიკაციის ნაწილებია, ხოლო რაც შეეხება უშუალოდ შედარებას, დღეისათვის მისი განხორციელება ძალიან რთულია, რადგან, როგორც აღვნიშნეთ, დაახლოებით 189 საჯარო ბაღია ავტორიზებული და მათ ფონზე მხოლოდ ერთია კერძო. აქედან გამომდინარე, მსგავსი შედარება ამ ეტაპზე არარელევანტური იქნება, თუმცა დაახლოებით ორი წლის პერიოდში საჯარო და კერძო ბაღებს შორის ავტორიზაციის ნაწილში არსებული განსხვავებების უკეთ შედარებას შევძლებთ.”

რეფორმა, რომელიც 2016 წელს “სკოლამდელი აღზრდისა და განათლების შესახებ” კანონით დამტკიცდა, არაერთ ეტაპს გულისხმობს. პირველი ეტაპი ბაღების რეგისტრაცია იყო, რადგან მანამდე სახელმწიფოს მათ შესახებ ზუსტი სტატისტიკაც კი არ ჰქონდა. განათლების ხარისხის განვითარების ეროვნული ცენტრის ექსპერტები ქვეყნის მასშტაბით არსებულ საბავშვო ბაღებში თავად დადიან, მათ მდგომარეობას ამოწმებენ, შესაბამის რეკომენდაციებს გასცემენ და ავტორიზაციის ვადებსაც ინდივიდუალურად განსაზღვრავენ.

კანონის თანახმად, ყველა კერძო თუ საჯარო ბაგა-ბაღმა სანიტარულ-ჰიგიენური ნორმები და კვებითი რაციონი უნდა დაიცვას. სტრატეგიაში გაწერილია ინფრასტრუქტურული სტანდარტებიც. მაგალითად, ბაღის განთავსება შენობის მხოლოდ პირველ და მეორე სართულზეა შესაძლებელი. ამასთანავე, უდიდესი ყურადღება საგანმანათლებლო სტანდარტს მიექცევა, რადგან საბავშვო ბაღი არა უბრალოდ მოვლა-მეთვალყურეობის ადგილი, არამედ საგანმანათლებლო სივრცე უნდა იყოს. გაკონტროლდება აღსაზრდელებისა და აღმზრდელების რაოდენობაც.

“​ავტორიზაციის პროცესი შესაბამის უწყებებს გარკვეული ტიპის მონიტორინგის დაწესების შესაძლებლობას აძლევს, რის საფუძველზეც მათ ნებისმიერ დროს შეუძლიათ შემოწმება განახორციელონ. ამ მიმართულებით მონიტორინგი საკმაოდ ინტენსიური იქნება, რადგან საუბარი ძალიან სპეციფიკურ დაწესებულებაზეა. სწორედ ამიტომ, ამ ნაწილს დინამიკაში უნდა დავაკვირდეთ და უახლოეს პერიოდში უფრო ნათლად გამოჩნდება, თუ რა მიმართულებით შეიძლება გახდეს საჭირო დამატებითი ჩარევა. სულ ოთხი ძირითადი სტანდარტი არსებობს, რომლებიც ინფრასტრუქტურულ, კვალიფიკაციისა და ადამიანური რესურსების ნაწილებს მოიცავს; კონკრეტული ბაღის შეფასებაც სწორედ ამ ოთხი ძირითადი პარამეტრის მიხედვით ხდება.”

​ავტორიზაციის პროცესში თბილისის ბაგა-ბაღების მართვის სააგენტო 2023 წლიდან ჩაერთო. მიმდინარე სასწავლო წელს ავტორიზაციის წარმატებით გავლა დედაქალაქის ხუთმა საჯარო ბაღმა მოახერხა. სააგენტოში აცხადებენ, რომ წლის ბოლომდე ავტორიზაციის მიღებას კიდევ ათ სააღმზრდელო დაწესებულებასთან დაკავშირებით ელოდებიან.

თბილისის საბავშვო ბაგა-ბაღების მართვის სააგენტოს ხელმძღვანელი, გურამ ოქროპირიძე, ამბობს:

“ეს პროცესი, უამრავი კრიტერიუმის გათვალისწინებით, საკმაოდ ვრცელ შემოწმებას მოიცავს. ამ მიზნით ყოველწლიურად ბიუჯეტში შესაბამისი თანხებია გათვალისწინებული, რაც, პირველ რიგში, ბაღების ინფრასტრუქტურის მოწესრიგებასა და მის ავტორიზაციის მოთხოვნებთან შესაბამისობაში მოყვანას გულისხმობს. მოქმედი ბაღებისთვის შესაბამისი ტენდერები უკვე გამოცხადდა, რის შედეგადაც უახლოეს პერიოდში არსებული ინფრასტრუქტურა დადგენილი მოთხოვნების მიხედვით მოწესრიგდება.”

101-ე საბავშვო ბაღი ერთ-ერთი პირველია, რომელმაც ავტორიზაციის პროცესი წარმატებით გაიარა. სააღმზრდელო დაწესებულებას აღნიშნული სტატუსი მომდევნო ოთხი წლის განმავლობაში ექნება. ბაღის დირექტორი იხსენებს, რომ ამ შედეგის მისაღწევად გუნდი თითქმის ორი წლის განმავლობაში მუშაობდა. მისი განმარტებით, კრიტერიუმების სრულად დასაკმაყოფილებლად საკმაოდ ბევრი დეტალის გათვალისწინება გახდა საჭირო.

101-ე ბაგა-ბაღის დირექტორი, ქრისტინე მოდებაძე, ამბობს:

“ავტორიზაციის ფარგლებში 101-ე ბაგა-ბაღში კურიკულუმის ჩარჩო დამტკიცდა, რაც ბავშვის ემოციურ კეთილდღეობასა და განვითარებას გულისხმობს. ამასთანავე, დაინერგა “ჰარტის” (Heart) და სასკოლო მზაობის პროგრამები. თითოეული აქტივობა ბავშვის ინტერესებისა და მისი თავისუფალი ნების გათვალისწინებით დაიგეგმა, ხოლო ავტორიზაციის პროცესში ერთ-ერთ მთავარ გამოწვევას ბავშვთა საერთო რაოდენობის მოქმედ კანონმდებლობასთან შესაბამისობაში მოყვანა წარმოადგენდა.”

​თუ დადგენილ ვადებში, ანუ 2030 წლისთვის ბაღები ავტორიზაციის სტატუსის მოპოვებას ვერ შეძლებენ, კანონის თანახმად, მათ ფუნქციონირების უფლება ავტომატურად ჩამოერთმევათ. ბაღებისთვის ავტორიზაციის პროცესი უფასოა. რეფორმის სრულად დასრულების შემდეგ კი, ავტორიზაციის ხელახლა გავლა ბაღებისთვის ყოველ ოთხ წელიწადში ერთხელ სავალდებულო გახდება.