Blog

ფული – შენი შინაგანი სამყაროს სარკე: როგორ ვცვლით რეალობას დამოკიდებულებით? – აღნიშნულ საკითხზე ვრცელ პოსტს Astrologia.ge სოციალურ ქსელში აქვეყნებს:

„დაფიქრებულხართ, რატომ არის, რომ ზოგისთვის ფული ადვილად მოდის, ზოგისთვის კი ის მუდმივი ბრძოლისა და შიშის საგანია? პასუხი არა ეკონომიკაში, არამედ ჩვენს დამოკიდებულებაში იმალება.

ფული ენერგიაა, რომელსაც უყვარს მოძრაობა და დაფასება. მდგომარეობა ჩვენს ცხოვრებაში სწორედ მაშინ იცვლება როცა ხედვას ვცვლით:

1. დეფიციტის ფსიქოლოგიიდან – სიუხვისკენ ➔

დეფიციტი: „ფული არ მყოფნის“, „ძალიან ძვირია“, „მე ამას ვერასდროს ვიყიდი“. ასეთი ფიქრებით თქვენ ბლოკავთ ფინანსურ ნაკადს. სამყარო გპასუხობთ: „მართალი ხარ, არ გყოფნის“.

სიუხვე: ნაცვლად იმისა, რომ თქვათ „ვერ ვიყიდი“, ჰკითხეთ საკუთარ თავს: „როგორ შემიძლია ამის უფლება მივცე საკუთარ თავს?“ ეს კითხვა ტვინს აიძულებს ახალი შესაძლებლობები ეძებოს.

2. შიშიდან – მადლიერებისკენ ➔

ბევრი ჩვენგანი გადასახადების გადახდისას სტრესს განიცდის.

შეცვალეთ დამოკიდებულება: ყოველი გადახდილი ლარი არის დასტური იმისა, რომ თქვენ გაქვთ რესურსი! როცა იხდით კომუნალურებს, მადლობა გადაიხადეთ სითბოსთვის და სინათლისთვის.

შედეგი: მადლიერება ზრდის თქვენს ვიბრაციას, რაც მაგნიტივით იზიდავს ახალ შემოსავლებს.

3. ფული როგორც „ბოროტება“ – თუ როგორც „ინსტრუმენტი“? ➔

თუ ქვეცნობიერად გჯერათ, რომ „ფული ადამიანს აფუჭებს“, თქვენი გონება ყველაფერს გააკეთებს, რომ არ გქონდეთ ის (რათა „არ გაფუჭდეთ“).

ახალი პროგრამა: ფული არის საშუალება, რომ გააკეთო სიკეთე, იმოგზაურო, განვითარდე და დაეხმარო სხვებს. ფული მხოლოდ აძლიერებს იმას, რაც უკვე ხარ.

პრაქტიკული სავარჯიშო: „დალოცეთ ნაკადი“

დღეიდან, ყოველთვის, როცა ფულს გასცემთ (მაღაზიაში თუ ონლაინ), გულში თქვით:

„სიხარულით ვუშვებ და ასმაგად დაბრუნებულს ველოდები“. დააკვირდით, როგორ შეიცვლება თქვენი განწყობა და რა საინტერესო გზებით დაიწყებს სამყარო თქვენს დასაჩუქრებას.

თქვენ როგორი დამოკიდებულება გაქვთ ფულთან? გიხარიათ მისი ხარჯვა თუ ყოველი თეთრი „გენანებათ“? გაგვიზიარეთ თქვენი გამოცდილება კომენტარებში!

სწორად შერჩეული ძი მძივი აძლიერებს შენს არჩევანს.

დაწერე კომენტარში მხოლოდ ერთი სიტყვა:

სიყვარული / ფინანსები / კარიერა იმისთვის რომ ავარჩიოთ შენი კონცენტრირებისთვის მნიშვნელოვანი ძი, მიზნების მარტივად და სასიკეთოდ მისაღწევად“,- ნათქვამია ინფორმაციაში.

სა­ქარ­თვე­ლო­ში ყო­ველ­წლი­უ­რად ათე­უ­ლო­ბით ადა­მი­ა­ნი იკარ­გე­ბა ისე, რომ მათ კვალს ვერც ოჯა­ხის წევ­რე­ბი და ვერც სა­მარ­თალ­დამ­ცა­ვე­ბი ვერ აგ­ნე­ბენ. დღეს არა­ერ­თი ადა­მი­ა­ნი ეძებს და­კარ­გულ საყ­ვა­რელ ადა­მი­ანს და იმის მი­უ­ხე­და­ვად, რომ მათი გა­უ­ჩი­ნა­რე­ბი­დან საკ­მაო დროა გა­სუ­ლი, ისი­ნი იმედს მა­ინც არ კარ­გა­ვენ, ცდი­ლო­ბენ რო­გორ­მე ხელ­ჩა­სა­ჭი­დი იპო­ვონ და მი­აგ­ნონ მათ კვალს. ოფი­ცი­ა­ლუ­რი ინ­ფორ­მა­ცი­ით, ყვე­ლა­ზე ხში­რად 25-დან 45 წლამ­დე ასა­კის ადა­მი­ა­ნე­ბი იკარ­გე­ბი­ან. ში­ნა­გან საქ­მე­თა სა­მი­ნის­ტროს ვებგ­ვერ­დზე გა­სუ­ლი წლის სტა­ტის­ტი­კა დევს.

• არ­სე­ბუ­ლი ინ­ფორ­მა­ცი­ით, 2025 წლის იან­ვრი­დან ივ­ნი­სის ჩათ­ვლით სულ 64 ადა­მი­ა­ნი და­ი­კარ­გა, მათ­გან 36 მო­ი­ძებ­ნა, სამ­წუ­ხა­როდ მათ შო­რის 6 გარ­დაც­ვლი­ლი იპო­ვეს და ამ დრომ­დე მო­სა­ძებ­ნი დარ­ჩა 28 ადა­მი­ა­ნი. აქე­დან 18 წლამ­დე ასა­კის ანუ, არას­რულ­წლო­ვა­ნი ხუთი პი­რია.

ეს გა­სუ­ლი წლის სტა­ტის­ტი­კაა და სამ­წუ­ხა­როდ მას მე­რეც გა­ვი­გეთ არა­ერ­თი ახალ­გაზ­რდის გა­უ­ჩი­ნა­რე­ბის ამ­ბა­ვი. უგზო-უკვლოდ და­კარ­გულ პირ­თა სტა­ტის­ტი­კა მარ­თლაც სა­გან­გა­შოა. მა­გა­ლი­თად 2024 წელს 114 პირი და­ი­კარ­გა, მათ­გან 57 მო­ი­ძებ­ნა, მაგ­რამ დღემ­დე 42 იძებ­ნე­ბა. მათ შო­რის ექ­ვსი არას­რულ­წლო­ვა­ნი, ხოლო 18 პირი 25-დან 45 წლამ­დე ასა­კის არის. სტა­ტის­ტი­კის მი­ხედ­ვით, 1973 წლი­დან 2025 წლის ივ­ნი­სის ჩათ­ვლით სა­ქარ­თვე­ლო­ში სულ და­ი­კარ­გა 6747 ადა­მი­ა­ნი და ამ დრომ­დე მო­სა­ძებ­ნი დარ­ჩა 1024 ადა­მი­ა­ნი. და­კარ­გულ­თა უმე­ტე­სო­ბა 25- დან 45 წლამ­დე ასა­კი­საა. 66 პრო­ცენ­ტი კა­ცია, 34პრო­ცენ­ტი კი ქალი. და­კარ­გუ­ლი 1024 ადა­მი­ა­ნი­დან 37 არას­რულ­წლო­ვა­ნია.

იმის მი­უ­ხე­და­ვად, რომ დრო გა­ურ­კვევ­ლო­ბა­ში გა­დის, უმ­ძი­მე­სი მდგო­მა­რე­ო­ბა­შია და­კარ­გუ­ლი ადა­მი­ა­ნე­ბის ოჯა­ხის წევ­რე­ბი, ისი­ნი მა­ინც იმედს ებღა­უ­ჭე­ბი­ან და აქვთ იმის მო­ლო­დი­ნი, რომ და­კარ­გულ საყ­ვა­რელ ადა­მი­ანს იპო­ვი­ან. რო­გორც ცნო­ბი­ლია, პი­რის უგზო-უკვლოდ და­კარ­გუ­ლად აღი­ა­რე­ბა სა­სა­მარ­თლოს გზით ხდე­ბა და­ინ­ტე­რე­სე­ბუ­ლი პი­რის გან­ცხა­დე­ბის სა­ფუძ­ველ­ზე. თუ პი­რის ად­გილ­სამ­ყო­ფე­ლი უც­ნო­ბია და ორი წლის გან­მავ­ლო­ბა­ში არ გა­მო­ჩე­ნი­ლა თა­ვის სა­ცხოვ­რე­ბელ ად­გი­ლას, სა­სა­მარ­თლო მას უგზო-უკვლოდ და­კარ­გუ­ლის სტა­ტუსს ანი­ჭებს. იმ შემ­თხვე­ვა­ში, თუკი და­კარ­გუ­ლად აღი­ა­რე­ბუ­ლი პირი დაბ­რუნ­დე­ბა, ან მისი ად­გილ­სამ­ყო­ფე­ლის აღ­მო­ჩე­ნა მოხ­დე­ბა, სა­სა­მარ­თლოს გა­და­წყვე­ტი­ლე­ბა უქ­მდე­ბა.

ამ სტა­ტის­ტი­კა­ში ჯერ­ჯე­რო­ბით ვერ მოხ­ვდე­ბო­და 18 წლის ზუ­რაბ გუ­ლა­რო­ვი, რო­მელ­საც გა­სუ­ლი წლის 12 დე­კემ­ბრი­დან ეძე­ბენ. ბიჭი კას­პში ცხოვ­რობს. ის გამ­თე­ნი­ას გა­ვი­და სახ­ლი­დან და მას შემ­დეგ მის კვალს ვერ­სად მი­აგ­ნეს.

“სა­ერ­თოდ არა­ფე­რი ხელ­ჩა­სა­ჭი­დი ამ დრომ­დე არ გვაქვს. უაღ­რე­სად კარ­გი ბავ­შვია ზუკა, სტუ­დენ­ტი გახ­და წელს, ჯა­ვა­ხიშ­ვილ­ში სწავ­ლობ­და. ღამე ადგა და სახ­ლი­დან გა­ვი­და. მას მერე ვერ­სად ვპო­უ­ლობთ. მო­ბი­ლუ­რი ტე­ლე­ფო­ნი სახ­ლში და­ტო­ვა, არა­ფე­რი არ ვი­ცით გარ­და იმის, რომ ვე­ძებთ. ღმერ­თს შევ­თხოვ ვი­პო­ვოთ უვ­ნე­ბე­ლი. ყველ­გან ვე­ძებთ, არ­სად არ არის ჯერ­ჯე­რო­ბით. არა­ნა­ი­რი პრობ­ლე­მე­ბი არ ჰქო­ნია,” – გვი­თხრა ზუ­რაბ გუ­ლა­რო­ვის ნა­თე­სავ­მა.

 

ერთ წელ­ზე მეტი გა­ვი­და არას­რულ­წლოვ­ნის, მე­ცხრე კლა­სე­ლი ალექ­სან­დრე მი­ქე­ლა­ძის გა­უ­ჩი­ნა­რე­ბი­დან. მის ძებ­ნა­ში ლა­მის მთე­ლი სა­ქარ­თვე­ლო ჩა­ერ­თო, მაგ­რამ ბი­ჭის კვალს ვერ­სად მი­აგ­ნეს.

 

ალექ­სან­დრე მი­ქე­ლა­ძე ბა­თუმ­ში გა­უ­ჩი­ნარ­და 2025 წლის 16 იან­ვრის ღა­მეს. 22:00 სა­ა­თის შემ­დეგ მო­ზარ­დის კვალს ვე­რა­ვინ მი­აგ­ნო. მისი პი­რა­დი ნივ­თე­ბი, ჩან­თა და ტე­ლე­ფო­ნი, ოჯა­ხის წევ­რებ­მა ზღვის სა­ნა­პი­რო­ზე აღ­მო­ა­ჩი­ნეს. და­კარ­გუ­ლის ძებ­ნა ზღვა­ში კარ­გა ხანს მიმ­დი­ნა­რე­ობ­და. გა­მო­ძი­ე­ბას ამ დრომ­დე არ აქვს რა­ი­მე ხელ­ჩა­სა­ჭი­დი ინ­ფორ­მა­ცია. ოჯა­ხის წევ­რე­ბი ამ­ბობ­დნენ, რომ გა­უ­ჩი­ნა­რე­ბამ­დე მო­ზარ­დი ინ­გლი­სუ­რის გაკ­ვე­თილ­სა და ვარ­ჯიშ­ზეც იმ­ყო­ფე­ბო­და, თუმ­ცა შემ­დეგ მისი კვა­ლი ზღვის სა­ნა­პი­როს­თან გაქ­რა. პე­რი­ო­დუ­ლად აქ­ვეყ­ნებს სო­ცი­ა­ლურ ქსელ­ში სტა­ტუ­სებს მისი დედა.

“ალექ­სან­დრე… სა­ხე­ლი, რომ­ლის გა­გო­ნე­ბა­ზეც გული მე­კუმ­შე­ბა… სა­ხე­ლი, რო­მე­ლიც მე შე­ვარ­ჩიე ჩემი მუც­ლად მყო­ფი შვი­ლის­თვის… სა­ხე­ლი, რო­მელ­მაც ძა­ლი­ან დიდი ძალა და სიმ­ტკი­ცე მო­მი­ტა­ნა და­ბა­დე­ბი­დან… ამ სა­ხე­ლის მა­ტა­რე­ბე­ლი, ჩემი შვი­ლი, ჩემი ნა­წი­ლი, ჩემი ძალა და ახლა უკი­დე­გა­ნო მო­ნატ­რე­ბაა… რო­გორ მინ­და და­ვუ­ძა­ხო ჩემს ალექ­სან­დრეს და გა­ვი­გო მისი “ხო დეე…” – და­წე­რა რამ­დე­ნი­მე დღის წინ დე­დამ ნა­თია დი­აკ­ვნიშ­ვილ­მა სო­ცი­ა­ლურ ქსელ­ში.

 

წლე­ბის წინ და­კარ­გულ შვილს ისევ ეძებს და­რე­ჯან დი­ა­სა­მი­ძის დედა, ლამ­ზი­რა მა­ხა­რა­ძე. დღემ­დე შვი­ლის მო­ლო­დინ­შია და ამ­დე­ნი წლის მე­რეც არ აქვს მთა­ვარ კი­თხვა­ზე პა­სუ­ხი, სად გა­უ­ჩი­ნარ­და მისი 16 წლის გო­გო­ნა. დარო (და­რე­ჯან) დი­ა­სა­მი­ძე 2013 წლის 7 აგ­ვის­ტოს აჭა­რა­ში, სო­ფელ ახალ­შენ­ში და­ი­კარ­გა. ბი­ძის სახ­ლი­დან შინ წა­ვი­და, მაგ­რამ გზა­ში გო­გო­ნა გაქ­რა.

“შვი­ლის გა­უ­ჩი­ნა­რე­ბი­დან ამ­დე­ნი წლის შემ­დე­გაც არა­ფე­რი სი­ახ­ლე არ მაქვს. ვართ იმ წერ­ტილ­ში, სა­დაც ვი­ყა­ვით. არ გვაქვს არა­ნა­ი­რი წინ გა­დად­გმუ­ლი ნა­ბი­ჯი. რაც დრო გა­დის, უფრო ცუ­დად ვარ. ყვე­ლას ვე­მუ­და­რე­ბი, იქ­ნებ და­მეხ­მა­როთ-მეთ­ქი. ჩემ­სა­ვით გა­ნად­გუ­რე­ბუ­ლი ბევ­რი დე­დაა, ვერ ამიხ­სნია რა­ტომ უნდა იკარ­გე­ბოდ­ნენ ახალ­გაზ­რდე­ბი ქვე­ყა­ნა­ში? ამა­ზე ფიქ­რს რომ ვი­წყებ, აზ­როვ­ნე­ბის უნარს ვკარ­გავ, გა­მა­გე­ბი­ნეთ, ასე უგზო უკ­ვა­ლოდ რა­ტომ ქრე­ბი­ან ადა­მი­ა­ნე­ბი სა­ქარ­თვე­ლო­ში? ყველ­გან ვე­ძებ­დი ჩემს შვილს. მათ შო­რის სა­ზღვარ­გა­რეთ, უბ­რა­ლოდ ვერ­სად ვე­რა­ფე­რი ხელ­ჩა­სა­ჭი­დი ვერ ვი­პო­ვე.

ამ­დე­ნი წელი გა­ვი­და და არა­ფე­რი მაქვს სა­ლა­პა­რა­კო. ნეტა მქონ­დეს სი­ახ­ლე, წინ გა­დად­გმუ­ლი ნა­ბი­ჯი. ჟურ­ნა­ლის­ტი თქვენ ხართ და მა­პა­ტი­ეთ კი­თხვას რომ ვსვამ, მაგ­რამ მა­ინ­ტე­რე­სებს, ამ­დე­ნი ადა­მი­ა­ნი რომ იკარ­გე­ბა ყო­ველ­წლი­უ­რად, მათი ოჯა­ხის წევ­რებს დნმ-ის ანა­ლი­ზე­ბი აღე­ბუ­ლი აქვთ? მა­ინ­ტე­რე­სებს სხვა ქვეყ­ნებ­შიც ეძე­ბენ თა­ვი­ანთ შვი­ლებს? ჩემი შვი­ლის ძებ­ნა როცა და­ი­წყო ინ­ტერ­პო­ლით, მა­შინ მე ჩა­ვა­ბა­რე დნმ-ის ანა­ლი­ზიც, რამ­დე­ნი­მე ხანი იძებ­ნე­ბო­და წი­თე­ლი ცირ­კუ­ლა­რით, ხუთი წლის მერე გა­და­ვი­და ყვი­თელ ცირ­კუ­ლარ­ში. მი­თხა­რით, სად უნდა გაქ­რეს ადა­მი­ა­ნი ასე უგზო-უკვლოდ? რად­გან არ ინა­ხა სა­ქარ­თვე­ლო­ში ჩემი შვი­ლი, მაქვს ეჭვი რო­მე­ლი­მე ქვე­ყა­ნა­ში ხომ არ გა­და­იყ­ვა­ნეს. ხომ შე­იძ­ლე­ბო­და სა­ზღვრებს გა­რეთ გა­ეყ­ვა­ნათ, ყველ­გან შე­საძ­ლე­ბე­ლია იყოს და ამი­ტომ არ ვკარ­გავ იმედს. თურ­ქეთ­შიც ვე­ძე­ბე ჩემი შვი­ლი, იქა­ურ პო­ლი­ცი­ა­საც მი­ვა­წო­დე ინ­ფორ­მა­ცია მის გა­უ­ჩი­ნა­რე­ბა­ზე”, – ამ­ბობს ლამ­ზი­რა მა­ხა­რა­ძე.

 

რამ­დე­ნი­მე წე­ლია გა­უ­ჩი­ნა­რე­ბულ ერ­თა­დერთ შვილს ეძებს ასე­ვე ინგა ვე­კუა. ჩხო­რო­წყუ­ში, ტო­ბა­ვარჩხი­ლის ხე­ო­ბა­ში და­კარ­გა 33 წლის გი­ორ­გი მუ­ჩი­აშ­ვი­ლი 2015 წლის აგ­ვის­ტო­ში.

“ვერც ცო­ცხა­ლი და ვერც მკვდა­რი ვერ ვი­პო­ვეთ ჩემი შვი­ლი. ასე ხომ არ შე­იძ­ლე­ბა, სა­დღაც ხომ უნდა იყოს? მე­გობ­რებ­თან ერ­თად სა­ლაშ­ქროდ წა­ვი­და. ფეხ­საც­მე­ლი უჭერ­და და მათ­თვის უთ­ქვამს, რომ მე­ო­რე ტბამ­დე ვერ წა­ვი­დო­და და პირ­ველ ტბას­თან და­ე­ლო­დე­ბო­და. პირ­ვე­ლი­დან მე­ო­რე ტბამ­დე რვა სა­ა­თის შუ­ა­ლე­დია. მობ­რუ­ნე­ბულ მე­გობ­რებს იგი ად­გილ­ზე არ დახ­ვდათ. მა­შინ ტო­ბა­ვარჩხი­ლის ტბის მიმ­დე­ბა­რედ სა­მაშ­ვე­ლო სამ­სა­ხუ­რის თა­ნამ­შრომ­ლე­ბი ეძებ­დნენ. მე რო­გორც ვიცი, სამ­ძებ­რო ღო­ნის­ძი­ე­ბა­ში ასამ­დე ადა­მი­ა­ნი იყო ჩარ­თუ­ლი. მად­ლო­ბე­ლი ვარ მათი… იმე­დი მაქვს ახ­ლაც, სა­დღაც არის და უბ­რა­ლოდ ამ­ნე­ზია აქვს. მე ვე­სა­უბ­რე ფსი­ქო­ლო­გებ­საც და მი­თხრეს, რომ რო­დე­საც ადა­მი­ანს ეში­ნია, ამ­ნე­ზია ემარ­თე­ბა. ცოტა მში­შა­რაც იყო. სხვა­ნა­ი­რად არ შე­იძ­ლე­ბა. ჩემი შვი­ლი სხვა­ნა­ი­რად არ მო­მექ­ცე­ო­და… არ ვიცი რა გი­თხრათ, მაშ­ვე­ლე­ბის რამ­დე­ნი­მე ჯგუ­ფი ეძებ­და ჩემს შვილს, ად­გი­ლობ­რი­ვი მო­ნა­დი­რე­ე­ბი, ვერ­ტმფრე­ნიც იყო ჩარ­თუ­ლი. სო­ცი­ა­ლურ ქსელ­შიც იდე­ბა ინ­ფორ­მა­ცი­ე­ბი ადა­მი­ა­ნე­ბის გა­უ­ჩი­ნა­რე­ბა­ზე და ზუს­ტად ეს მა­ო­ცებს, სად იკარ­გე­ბა ეს ხალ­ხი? თუ არის რო­მე­ლი­მე უწყე­ბა, რო­მე­ლიც ზუს­ტად ამ კუ­თხით მუ­შა­ობს? რვა წელი გა­ვი­და ჩემი შვი­ლის და­კარ­გვი­დან.

 

არა­ნა­ი­რი ხელ­ჩა­სა­ჭი­დი არ მაქვს. არა­ფერს არ ვაგ­რძე­ლებ ახლა, რა აზრი აქ. ეს საქ­მე ასე იქ­ნე­ბა, არ და­ი­ხუ­რე­ბაო, გა­სა­გე­ბია არ და­ი­ხუ­რე­ბა, მაგ­რამ რა კეთ­დე­ბა ეს მა­ინ­ტე­რე­სებს. მე რო­გორც შე­მეძ­ლო, ჩემს სა­მე­გობ­როს, სა­ნა­თე­სა­ვოს, რა ვიცი, რაც შევ­ძე­ლით, მაქ­სი­მუ­მი გა­ვა­კე­თეთ, მაგ­რამ არა­ფე­რი არ ის­მის, მე იმედს არ ვკარ­გავ და ვფიქ­რობ, რომ ცო­ცხა­ლია, თო­რემ გარ­დაც­ვლილს მა­ინც ხომ იპო­ვიდ­ნენ. არა­ფე­რი ვერ­სია არა მაქვს აბ­სო­ლუ­ტუ­რად. უწყე­ბის წარ­მო­მად­გენ­ლებ­თან რამ­დე­ნი­მე­ჯერ იმის მე­რეც დავ­რე­კე, ვე­ლა­პა­რა­კე გა­მომ­ძი­ე­ბელს, მაგ­რამ მე­უბ­ნე­ბი­ან ვე­ძებ­თო და რა? უმა­დუ­რი ვერ ვიქ­ნე­ბი კი, გვერ­დზე და­მიდ­გა ხე­ლი­სუფ­ლე­ბაც, ხალ­ხიც, ერთი ჯგუ­ფი, მე­ო­რე ჯგუ­ფი, უშიშ­რო­ე­ბა, სხვა­დას­ხვა ჯგუ­ფე­ბი იყ­ვნენ ჩა­სუ­ლე­ბი და ჩვე­ნი მხრი­დან კი­დევ მთამ­სვლე­ლე­ბის ჯგუ­ფე­ბიც იყ­ვნენ, ყველ­გან მო­ვი­კი­თხეთ, ტაძ­რებ­შიც, ეკ­ლე­სი­ე­ბიც მო­ვი­ა­რეთ ახ­ლო­მახ­ლო რაც იყო, ჯერ­ჯე­რო­ბით არ­სა­ი­დან არა­ფე­რი ის­მის. და­სავ­ლეთ სა­ქარ­თვე­ლო­შიც ყველ­გან გა­ვა­კა­რით გი­ორ­გის ფო­ტო­ე­ბი, მაგ­რამ არა­ფე­რი.

სტა­ტის­ტი­კაც ნა­ხეთ, გა­სულ წელს 28 კაცი და­ი­კარ­გაო ამ­ბობთ, ეს ხომ არ არის ად­ვი­ლი, ჩემი შვი­ლის და­კარ­გვის დრო­ი­დან რამ­დე­ნია დღემ­დე და­კარ­გუ­ლი, წე­ლი­წად­ში რომ ამ­დე­ნი იკარ­გე­ბა, სად ქრე­ბა ეს ადა­მი­ა­ნე­ბი” – ამ­ბობს ინგა ვე­კუა.

სამ­წუ­ხა­როდ ლა­გო­დე­ხე­ლი პე­და­გო­გი ციცო ლა­ზაშ­ვი­ლი ისე გარ­და­იც­ვა­ლა, რომ და­კარ­გუ­ლი შვი­ლის, ოთარ ლა­ზაშ­ვი­ლის შე­სა­ხებ ვე­რა­ნა­ი­რი ხელ­ჩა­სა­ჭი­დი ინ­ფორ­მა­ცია ვერ მო­ი­ძია.

რამ­დე­ნი­მე წლის მან­ძილ­ზე ყო­ველ გა­ზა­ფხულს იმ ტე­რი­ტო­რი­ებ­ზე ფე­ხით და­დი­ო­და, სა­დაც მისი შვი­ლი და­ი­კარ­გა და ცდი­ლობ­და რო­გორ­მე მისი კვა­ლის­თვის მი­ეგ­ნო. ეკონ­ტაქ­ტე­ბო­და ჟურ­ნა­ლის­ტებ­საც და ინ­ფორ­მა­ცი­ის გავ­რცე­ლე­ბა­ში დახ­მა­რე­ბას გვთხოვ­და. ოთარ ლა­ზაშ­ვი­ლი 2013 წლის ზა­ფხულ­ში, მთა­ში გა­უ­ჩი­ნარ­და.

 

“ლა­მის შე­ვი­შა­ლე, შვილს ვერ ვპო­უ­ლობ. მისი ოც­ნე­ბა იყო, ბევ­რი სა­ქო­ნე­ლი ჰყო­ლო­და. საჭ­მელს არ შე­ჭამ­და, ტან­საც­მელს არ იყიდ­და, ფულს აგ­რო­ვებ­და და იმ ფუ­ლით ხან კვიცს ყი­დუ­ლობ­და, ხან ხბოს, ხან ცხვარს. ასე მო­ამ­რავ­ლა სა­ქო­ნე­ლი. ზა­ფხულ­ში ცხვრე­ბი მთა­ში დაჰ­ყავ­და, მაგ­რამ ის მთა, სა­დაც შვი­ლი და­მე­კარ­გა, უცხო იყო მის­თვის, იქ პირ­ვე­ლად წა­ვი­და. 10 დღე გზა­ში იარა. ბო­ლოს დუ­შე­თის მთებ­ში, ბა­რი­სა­ხოს­თან და­ბა­ნაკ­და. მას­თან ერ­თად ორი თა­ნა­სოფ­ლე­ლი ბიჭი იყო, უბ­რა­ლოდ ერ­თმა­ნეთს იც­ნობ­დნენ, მე­გობ­რე­ბი არ ყო­ფი­ლან. იმათ და­კი­თხვას დღემ­დე ვი­თხოვ, მაგ­რამ საშ­ვე­ლი არ არის. დარ­წმუ­ნე­ბუ­ლი ვარ, იმ დღეს იქ რა­ღაც მოხ­და. ვერ გა­ვი­გე, ცამ ჩაყ­ლა­პა ჩემი შვი­ლი? ნემ­სი იყო და გაქ­რა? გამ­წა­რე­ბუ­ლი დედა მთებ­ში დავ­დი­ვარ და ვცდი­ლობ, მის კვალს მი­ვაგ­ნო” – ამ­ბობ­და მა­შინ ოთა­რის დედა, ციცო ლა­ზაშ­ვი­ლი ჩვენ­თან ინ­ტერ­ვი­უ­ში, რო­მე­ლიც გა­უ­ჩი­ნა­რე­ბულ შვილს სიკ­ვდი­ლის ბო­ლომ­დე ეძებ­და.

საქართველოში 29 ივლისიდან 5 აგვისტომდე უმეტეს რეგიონში კვლავ ცხელი და უმეტესად უნალექო ამინდია მოსალოდნელი. გარემოს ეროვნული სააგენტოს პროგნოზით, ქვეყნის დაბლობ რაიონებში ჰაერის ტემპერატურა დღის საათებში ძირითადად +35…+38 გრადუსის ფარგლებში იქნება, ხოლო ცალკეულ ადგილებში შესაძლოა +39 გრადუსამდეც მოიმატოს.

სინოპტიკოსების ინფორმაციით, დედაქალაქ თბილისში ამ პერიოდის განმავლობაში მზიანი და ცხელი ამინდი შენარჩუნდება. დღის მაქსიმალური ტემპერატურა ძირითადად +35…+37 გრადუსიიქნება, ღამით კი +20…+23 გრადუსამდე დაიკლებს. ქარი უმეტესად ჩრდილო-დასავლეთის მიმართულებიდან დაუბერავს.

მთიან და მაღალმთიან რეგიონებში დღის მეორე ნახევარში ადგილ-ადგილ შესაძლებელია ხანმოკლე წვიმა და ელჭექი, თუმცა ხანგრძლივი ნალექი მოსალოდნელი არ არის. სანაპირო ზოლში კი მაღალი ტემპერატურის ფონზე პერიოდულად ქარის გაძლიერებაა შესაძლებელი.

ასტროლოგი ნინა ხომერიკი სოციალურ ქსელში 29 ივლისის სავსემთვარეობის შესახებ ვრცელ პოსტს აქვეყნებს და წერს, თუ რა გავლენა ექნება ამ მოვლენას ზოდიაქოს თითოეულ ნიშანზე.

„29 ივლისს, თბილისის დროით 18:36 წუთზე (GMT 14:36) მოხდება სავსემთვარეობა მერწყულის ზოდიაქოს ნიშანში, რომელსაც „ირმის მთვარესაც“ უწოდებენ, რაც ენერგეტიკულად ძლიერი და ემოციური პერიოდია. სავსემთვარეობა ჩვეულებრივ ასოცირდება დასრულებასთან, ემოციების გაძლიერებასთან და შედეგების გამოვლენასთან, თუმცა, ეს სავსემთვარეობა გაძლიერებულია არა მხოლოდ მერწყულის ენერგიებით, არამედ პლუტონისა და იუპიტერის ეპოქალური ოპოზიციით.

მერწყულის უნიკალური თვისება მდგომარეობს იმაში, რომ ამ ნიშანს შეუძლია გააერთიანოს წარსული და მომავალი, მისი მმართველი პლანეტებია: სატურნი – დროის, კარმის, ბედის, პასუხისმგებლობის მბრძანებელი, ის ასოცირდება სიბრძნესთან, გამოცდილებასთან და იმ ყველაფერთან, რაც უკვე შექმნილია, ხოლო მისი მე-2 მმართველია რევოლუციური ურანი, რომელიც მომავლის, პროგრესის, ევოლუციისა და იმ ყველაფრის მმართველია, რაც ჯერ კიდევ არ შექმნილა. თუ ამ ორ პლანეტას შევაფასებთ ასაკობრივად სატურნი გულისხმობს გამოცდილ, ხნიერ თაობას, ხოლო ურანი – მოზარდებს. ამიტომ, ეს სავსემთვარეობა ეხება თაობათა შორის ურთიერთობებსა და ეს მოვლენა გვახსენებს, რომ ჩვენი წარსული, ტრადიციები, წინაპრები და მათი გამოცდილება გვეხმარებიან არ დავუშვათ შეცდომები მომავალში. ამ პერიოდში, დრო თითქოს კრავს წრეს და უფროსი თაობის სიბრძნე იკვეთება მომავალი თაობის ოცნებებთან, სასიცოცხლო ძალებთან და ასეთ დღეებში, საუბრები ჩვენს ასაკოვან ოჯახის წევრებთან, უეცრად გვაძლევს პასუხებს ისეთ კითხვებზე, რაც დიდი ხანია გვაწუხებს, გვივსებს შინაგან სიცარიელეს და გვეხმარება გავიგოთ, თუ რა დაუმთავრებელ ოჯახურ ისტორიას და კარმას ვატარებთ წარსულიდან. ამ სავსემთვარეობას მოაქვს ძლიერი ენერგეტიკული მუხტი, ზოგადად, ასეთ დროს, მთვარე და მზე დგება ერთმანეთთან ოპოზიციაში და ქმნის ერთიან ენერგიის ხაზს, თუმცა ეს დღე გამორჩეულია იმით, რომ მთვარე გააკეთებს შეერთებას პლუტონთან, ხოლო მზე იუპიტერთან.

მერწყული არის ჩვენი მომავლის და ოცნებების სიმბოლო, თუმცა, ყველა მათგანს არ უწერია ასრულება და ამ სავსემთვარეობის დროს, ბევრი ადამიანი იტყვის უარს თავის აუხდენელ ოცნებებზე და შეცვლის მიმართულებას. ასეთ დროს, ის პროცესები, რომელიც გრძელდებოდა ინერციით და არ ჰქონდა განვითარების პოტენციალი საბოლოოდ დასრულდება, ხოლო ის ადამიანები, ვინც ჯერ კიდევ ფსიქოლოგიურად მზად არ არიან რაღაცების გასაშვებად, შეუძლიათ გაწელონ დრო 28 აგვისტომდე, სანამ არ მოხდება მთვარის დაბნელება. სავსემთვარეობა ასრულებს და დებს იმ მოვლენების შედეგებს, რომელსაც ჩაეყარა საფუძველი მერწყულში ახალმთვარეობის დროს, რაც მოხდა ა.წ. 17 თებერვალს. მნიშვნელოვანია ის ფაქტორიც, რომ სავსემთვარეობა მოხდება მზისა და იუპიტერის ზუსტი შეერთების დროს, რადგან ზუსტად ამ დღეს, ჩვენ შეგვიძლია დავსახოთ გეგმა, რა მიმართულებით და საქმით შევძლებთ გავზარდოთ საკუთარი თავი და გავლენები წლის განმავლობაში, ამიტომ, ამ დღეს მნიშვნელოვანია გავაძლიეროთ ჩვენი იუპიტერი. მერწყული გულისხმობს სისწრაფეს, პროგრესს, ამიტომ ასეთ დროს ის გარემოებები, რომელიც აუჩქარებლად და მდორედ მიმდინარეობდა თვეების განმავლობაში ახლა ერთიანად განვითარდება. ახლა შეიძლება მოგეჩვენოთ, რომ მომავალი შევიგრძნოთ ფიზიკურად, სავსემთვარეობა არ ქმნის ახალს, ის უბრალოდ გვინათებს მოვლენებს. ახლა ყველა შეგრძნება ხდება მკვეთრი და შესაძლოა მოგვეჩვენოს, რომ ადამიანების განწყობა და ხასიათი ხელს შეუწყობს შექმნას ფიზიკურად საგრძნობი დაძაბულობა სამყაროში, იუპიტერისა და პლუტონის მონაწილეობა ამ პროცესში შესძენს დიდ მასშტაბს, გრანდიოზულობას და საკრალურ მნიშვნელობას იმ პროცესებისა და შედეგების, რომელსაც მივიღებთ. ამ პერიოდში, ყველაფერი ის, რაც ეკუთვნის ჩვენს მომავალს მოგვიახლოვდება და გახდება უფრო ნათელი, ხოლო ის რაც ყალბი, ზედაპირული და პრერენზიულია დაკარგავს თავის მომხიბვლელობას, ხოლო ყველაფერი ნამდვილი, რეალური და ჭეშმარიტი შეიძენს ძალას. ასევე ჩვენი ცხოვრებიდან წავა ის ყველაფერი, რაც ეფუძნებოდა ილუზიებს, შიშებსა და ჩვევებს. ამ სავსემთვარეობის პერიოდში, აგრეთვე აქტუალური იქნება პირადი ურთიერთობების თემებიც, მივხვდებით რეალურია თუ არა ჩვენი გრძნობები, თუ უბრალოდ მოგვწონს ჩვენი როლი, ამ ურთიერთობაში ან თუ ხომ არ ვსჯით ამ ურთიერთობებით საკუთარ თავს.

2026 წლის 29 ივლისის სავსემთვარეობის მთავარი თემები უკავშირდება:

* ბოლო ექვსი თვის განმავლობაში განვითარებული მოვლენების საბოლოო ეტაპზე გადასვლას, დასრულებასა და გათავისუფლებას;
* შესაძლოა გამოიკვეთოს ინფორმაცია, რომელიც აქამდე დაფარული იყო და გამჟღავნდეს სიმართლე;
* უფრო თვალსაჩინო ხდება ემოციური საკითხები; ზოგი ურთიერთობა შეიძლება გაძლიერდეს, ზოგიც საბოლოოდ დასრულდეს;
* სამსახურისა და კარიერის კუთხით შესაძლებელია დასრულდეს მნიშვნელოვანი პროექტი ან მიიღოთ თქვენი შრომის შედეგი;
* ბევრი ადამიანი, ამ პერიოდში გახდება უფრო მგრძნობიარე, იმატებს ემოციური ფონი და გაძლიერდება ინტუიცია.

  ვერძი:
სავსემთვარეობა ხვდება თქვენს მე -11-ე სახლში, ხოლო მზის და იუპიტერის შეერთება მე -5-ე სახლში – აქცენტები გაკეთდება სიყვარულზე, შემოქმედებასა და შვილებთან დაკავშირებულ საკითხებზე. შეიძლება დასრულდეს მნიშვნელოვანი რომანი ან შემოქმედებითი პროექტი.

კურო:
სავსემთვარეობა ხვდება თქვენს მე -10-ე სახლში, ხოლო მზის და იუპიტერის შეერთება მე -4-ე სახლში – ამ პერიოდის მთავარი თემებია ოჯახი, საცხოვრებელი და პირადი უსაფრთხოება. შესაძლებელია მიიღოთ მნიშვნელოვანი გადაწყვეტილებები სახლის, ოჯახის, კარიერის, მიზნებისა და პირადი სტატუსის საკითხებში.

ტყუპები:
სავსემთვარეობა ხვდება თქვენს მე- 9-ე სახლში, ხოლო მზის და იუპიტერის შეერთება მე -3-ე სახლში აქტიურდება კომუნიკაციები, სწავლა, საბუთები და მოკლე მოგზაურობები. შესაძლოა მიიღოთ მნიშვნელოვანი ინფორმაცია, რაც შეცვლის თქვენს გეგმებს.

კირჩხიბი:

სავსემთვარეობა ხვდება თქვენს მე -8-ე სახლში, ხოლო მზის და იუპიტერის შეერთება მე-2-ე სახლში – წინა ხაზზე გამოდის ფინანსები, შემოსავალი და თვითშეფასება. შეიძლება დაასრულოთ ძველი ფინანსური საქმიანობა, გამოჩნდეს ახალი შესაძლებლობები და აიღოთ ახალი ფინანსური პასუხისმგებლობები საკუთარ თავზე.

ლომი:

სავსემთვარეობა ხვდება თქვენს მე-7-ე სახლში, ხოლო მზის და იუპიტერის შეერთება 1-ელ სახლში – დგება პირადი ცხოვრების მნიშვნელოვანი ეტაპი. შესაძლოა შეიცვალოთ იმიჯი, მიიღოთ მნიშვნელოვანი გადაწყვეტილებები, გაქვთ უნიკალური შანსი შექმნათ თქვენი თავის ახალი ვერსია და დაასრულოთ ძველი ცხოვრების ციკლი.

ქალწული:

სავსემთვარეობა ხვდება თქვენს მე- 6-ე სახლში, ხოლო მზის და იუპიტერის შეერთება მე-12-ე სახლში – დროა დაისვენოთ და გათავისუფლდეთ ისეთი ფარული პროცესებისგან და ძველი ტვირთისგან, რაც გართმევდათ ძალებს. შეძლებთ მოაგვაროთ საქმიანობასთან და პირადთან დაკავშირებული პრობლემები, კარგი პერიოდია შინაგანი გააზრებისთვის და სამომავლო გეგმების ჩამოსაყალიბებლად.

სასწორი:

სავსემთვარეობა ხვდება თქვენს მე- 5-ე სახლში, ხოლო მზის და იუპიტერის შეერთება მე- 11-ე სახლში – აქტიურდება ის პროცესები, რომელიც უკავშირდება მეგობრებს, კოლექტივსა და სამომავლო გეგმებს. ზოგიერთი თქვენი მიზანი და ოცნება რეალობად იქცევა, ხოლო ის რაც უკავშირდებოდა ილუზიებს, ტყუილებსა და ფანტაზიებს სწორად შეაფასებთ და დაასრულებთ.

მორიელი:

სავსემთვარეობა ხვდება თქვენს მე-4-ე სახლში, ხოლო მზის და იუპიტერის შეერთება მე- 10-ე სახლში –მნიშვნელოვანი შედეგები დაიდება კარიერისა და საზოგადოებრივი სტატუსის სფეროში. მოსალოდნელია დიდი წინსვლები, დაწინაურება, ახალი საქმის დაწყება ან მიმართულების რადიკალური ცვლილება, ასევე მათთვის, ვისთვისაც აქტუალურია, საბოლოოდ გაირკვევა უძრავი ქონების და ოჯახური ურთიერთობების თემები.

მშვილდოსანი:

სავსემთვარეობა ხვდება თქვენს მე- 3-ე სახლში, ხოლო მზის და იუპიტერის შეერთება მე- 9-ე სახლში – კულმინაციაში გადის ის საკითხები, რომელიც უკავშირდება განათლებას, მოგზაურობას, სამართლებრივ ან საერთაშორისო საკითხებს, ემიგრაციას, საბუთების მომზადებას, სხვა ქვეყანაში საცხოვრებლად გადასვლის გადაწყვეტილებას ან სასწავლებლად წასვლას.

თხის რქა:

სავსემთვარეობა ხვდება თქვენს მე- 2-ე სახლში, ხოლო მზის და იუპიტერის შეერთება მე- 8-ე სახლში – ამ პერიოდის მთავარი თემებია თქვენი და თქვენი პარტნიორის საერთო ფინანსები, კრედიტები, ინვესტიციები, ქონება და ღრმა ემოციური კავშირები. იპოვით მყარ საყრდენს და გადააფასებთ თქვენს დამოკიდებულებებს.

მერწყული:

სავსემთვარეობა ხვდება თქვენს 1-ელ, ხოლო მზის და იუპიტერის შეერთება მე- 7-ე სახლში – გადამწყვეტ ეტაპზე გადადის პირადი და საქმიანი პარტნიორული ურთიერთობები. შესაძლოა ახალი შეთანხმებების გაფორმება, ახალი იდეები და წამოწყებები, დასრულდება ძველი, სტაგნაციაში მყოფი ურთიერთობები და სიტუაციები.

თევზები:

სავსემთვარეობა ხვდება თქვენს მე- 12-ე სახლში, ხოლო მზის და იუპიტერის შეერთება მე-6-ე სახლში – თქვენთვის განსაკუთრებულად მისტიკური იქნება ეს სავსემთვარეობა, გაგიძლიერებთ ინტუიციას, ემოციებს, ქვეცნობიერს, იგრძნობთ შინაგან ძალებს, შეძლებთ გათავისუფლდეთ არა საინტერესო სამუშაოსგან დაასრულოთ მნიშვნელოვანი პროექტი, თქვენს ყურადღებას მოითხოვს ჯანმრთელობა და საჭიროა ყოველდღიური რეჟიმის და ჩვევების ცვლილება. გისურვებთ თქვენი ოცნებების ასრულებას“, – წერს ნინა ხომერიკი.

პროდიუსერ ნოე სულაბერიძეს და მის მეუღლეს, მოდელ ჯანეტ ქერდიყოშვილს მესამე შვილი შეეძინათ.

სასიხარულო ინფორმაციას და ფოტოს სოციალურ ქსელში ნოე სულაბერიძე ავრცელებს. წყვილმა ახალშობილს ემმი დაარქვა.

„კეთილი იყოს შენი მობრძანება სამყაროში, ემმი სულაბერიძე.

მიყვარხარ და მარად ვიქნები შენი მადლიერი Janet Kerdikoshvili“, – წერს ნოე სოციალურ ქსელში.

ფინანსთა მინისტრ ლაშა ხუციშვილის განცხადებით, მომავალი წლის ბიუჯეტის პროექტით, ჯანდაცვისა და სოციალური დაცვის პროგრამების დასაფინანსებლად სამინისტროს დაფინანსება გაზრდილია 800 მლნ ლარზე მეტით, – ამის შესახებ მან პარლამენტში ბიუჯეტის პროექტის წარდგენისას განაცხადა.
მისი თქმით, პროგრამის ფარგლებში:

70 წლის და მეტი ასაკის პენსიონერთა პენსია იზრდება 45 ლარით და განისაზღვრება 495 ლარის ოდენობით. ამავე კატეგორიის პენსიონერთა პენსია მაღალმთიან დასახლებებში თითქმის 594 ლარს გაუტოლდება;

70 წლამდე პირთა პენსია იზრდება 20 ლარით და განისაზღვრება 370 ლარის ოდენობით, ხოლო მაღალმთიან დასახლებებში 444 ლარი იქნება;

გარდა პენსიისა, რომელიც, როგორც იცით ინდექსირებულია და კონკრეტული ფორმულით ხდება მისი ზრდა, ბიუჯეტში გათვალისწინებულია მკვეთრად გამოხატული და 18 წლამდე შშმ პირების სოციალური გასაცემლის ზრდა 45 ლარით, ხოლო დანარჩენი კატეგორიის შშმ პირთა გასაცემლის ზრდა 20 ლარით;

ჯამში სოციალური პროგრამების დაფინანსება შეადგენს 7,0 მილიარდ ლარს;

ჯანდაცვის პროგრამების დასაფინანსებლად გამოყოფილია 2,1 მილიარდ ლარზე მეტი, მათ შორის, გათვალისწინებულია პირველადი ჯანდაცვის პერსონალის ხელფასების 10%-იანი ზრდა;

დევნილთა სახლებით უზრუნველყოფის მიზნით გათვალისწინებულია 240,0 მლნ ლარი

27 ივლისს კიდევ ერთი მძიმე ავტოკატასტროფა მოხდა. ბათუმის შემოვლით გზაზე, ხელვაჩაურის მონაკვეთზე, საპირისპირო ზოლში მიმავალი ორი მსუბუქი ავტომანქანა ერთმანეთს შეეჯახა. ავარიის შედეგად ერთი მანქანის მძღოლი სასწრაფომ კლინიკაში გადაიყვანა, მაგრამ, სამწუხაროდ, გარდაიცვალა. მეორე მანქანის მძღოლი დაზიანებებით ასევე კლინიკაშია მოთავსებული და სიცოცხლისთვის იბრძვის.

გარდაცვლილი ახალგაზრდა ხელვაჩაურში მცხოვრები 39 წლის ლევან ლორთქიფანიძეა. ავარიის შემდეგ მანქანიდან გადმოყვანილს, ფაქტობრივად, სიცოცხლის ნიშანწყალი არ ეტყობოდა.

“რომ მივედი, ავარია ახალი მომხდარი იყო და ყველა დაშავებულების დასახმარებლად გარბოდა. ორი “ბმვ”-ს მარკის ავტომობილი შეეჯახა ერთმანეთს – საპირისპირო ზოლში მიდიოდნენ. ორივე მანქანაში მხოლოდ მძღოლები იყვნენ. ერთი გადმოყვანილი იყო უკვე, ძირს დააწვინეს. სასწრაფოს მოსვლამდე დავაპირე ჩემი მანქანით კლინიკაში გადამეყვანა და როგორმე დავხმარებოდი, მაგრამ მითხრეს, რომ მისი განძრევა არ შეიძლებოდა. მალე სასწრაფოც მოვიდა. თავიდან გონზე იყო ის ახალგაზრდა ბიჭი, მერე გონებაც დაკარგა…

მეორე მანქანა ისე იყო დალეწილი და დამტვრეული, იქ ადამიანის გადარჩენა წარმოუდგენელი იყო. ეტყობა, მანქანების შეჯახების შემდეგ, ის მეორე მანქანა ბორდიურსაც დაეჯახა. ბიჭი ძლივს გამოიყვანეს მანქანიდან. პულსს უსინჯავდნენ, ყვიროდნენ, არ ესინჯებაო, მაგრამ სასწრაფოში რომ ჩასვეს და წაიყვანეს, მქონდა იმედი, რომ ისიც გადარჩებოდა, მაგრამ სამწუხაროდ, მერე გავიგე მისი გარდაცვალების ამბავი”, – უთხრა “კვირის პალიტრას” ფაქტის თვითმხილველმა.

გარდაცვლილი ახალგაზრდა 39 წლის ლევან ლორთქიფანიძე ოჯახთან ერთად ხელვაჩაურში ცხოვრობდა. რა გახდა ავარიის მიზეზი, ამას სამართალდამცავები დაადგენენ.

“ძალიან მძიმე ტრაგედია დატრიალდა. ჩვენი მეზობელია ლევანი, ოთხი შვილის მამა, უფროსი შვილი 14 წლის იქნება, პატარა ერთი წლის არის. ჰყავს მეუღლე. ლევანის დედა ემიგრაციაში – იტალიაშია. ეს თავზარდამცემი ამბავი იქ გაიგო, რომ მონატრებული შვილი აღარ ჰყავს. საუკეთესო და თბილი ადამიანი იყო ლევანი, სიტყვები არ მყოფნის”, – ამბობს მეზობელი.

ემოციური მიმართვა გამოაქვეყნა ლევანის დამ სოციალურ ქსელში.

“დღეს ჩემი ცხოვრების ყველაზე მძიმე დღეა… არ მჯერა, ღმერთო, რატომ?!

მე ახლა ვინ უნდა დამიძახოს დაია, ძმაო. ისე ლამაზად მეძახდი დაიას.

ძმაო, არ მჯერა, რომ შენ გარეშე უნდა გავაგრძელო ცხოვრება. თითქოს გულიდან ყველაზე ძვირფასი ნაწილი წამართვეს. შენ მხოლოდ ჩემი ძმა არ იყავი – ჩემი ძალა, ჩემი იმედი, ჩემი მეგობარი და ჩემი სიამაყე იყავი.

ღმერთმა ნათელში ამყოფოს შენი ლამაზი სული. ვიცი, ზეციდან მიყურებ და ისევ დამიცავ, როგორც ყოველთვის. სამუდამოდ ჩემს გულში იცოცხლებ, ძმაო. სანამ მე ვსუნთქავ, შენი სახელი, შენი ღიმილი და შენი სიყვარული არასოდეს გაქრება”.

მეორე ახალგაზრდა დაზიანებებით კლინიკაშია. როგორც დაშავებული ბიჭის ახლობელი ამბობს, ის უმძიმეს მდგომარეობაშია, ამჟამად რეანიმაციაში უგონო მდგომარეობაში იმყოფება. დაშავებულს გამოჯანმრთელებას ვუსურვებთ.

კვირის პალიტრა

კანადაში ნაყინის ერთმა პორციამ ონტარიოს პროვინციაში მცხოვრები რვა წლის ბიჭის სიცოცხლე იმსხვერპლა. ამის შესახებ წერს Need To Know.

ოტავაში მცხოვრებ ლიამ გარტლანდს რძის პროდუქტებზე, კვერცხსა და არაქისზე მძიმე ალერგია ჰქონდა. გასეირნების დროს დედამ მას ნაყინი მას შემდეგ უყიდა, რაც წინასწარ დარწმუნდა, რომ ის არ შეიცავდა რძესა და სხვა ინგრედიენტებს, რომლებიც მისი შვილისთვის საშიში იყო. თუმცა, როგორც კი ბიჭმა ნაყინი გასინჯა, მაშინვე უთხრა დედას: „მგონი, აქ რძეა“.

ბავშვს მყისიერად დაეწყო მძიმე ალერგიული რეაქცია. ექიმები რამდენიმე დღის განმავლობაში იბრძოდნენ ლიამის სიცოცხლის გადასარჩენად, მაგრამ მისი გადარჩენა ვერ შეძლეს.

ამჟამად პოლიცია იძიებს, როგორ აღმოჩნდა რძის პროდუქტები დესერტში, რომელიც, წესით, ალერგიის მქონე ადამიანებისთვის უსაფრთხო უნდა ყოფილიყო.

რუსეთის პრეზიდენტმა, ვლადიმერ პუტინმა ხელი მოაწერა ბრძანებას, რომლის მიხედვითაც ქვეყნის შეიარაღებული ძალების რაოდენობა 27 000 ადამიანით გაიზრდება, მათ შორის, 25 000 სამხედრო მოსამსახურით.

შედეგად, რუსეთის შეიარაღებული ძალების რაოდენობა 2 426 130 ადამიანს შეადგენს, ხოლო სამხედრო მოსამსახურეთა რიცხვი 1 535 000-ს მიაღწევს.

ეს 2026 წელს რუსეთის პრეზიდენტის მიერ შეიარაღებული ძალების რაოდენობის გაზრდის შესახებ მიღებული უკვე მესამე გადაწყვეტილებაა.

მანამდე, უკრაინის პრეზიდენტმა, ვოლოდიმირ ზელენსკიმ განაცხადა, რომ ვლადიმერ პუტინი მობილიზაციის ახალი ტალღისთვის ემზადება.