Blog

“გარდენია შევარდნაძის” მენეჯერი სოფიო ჯოლოხავა განცხადებას ავრცელებს, რითიც ეხმაურება, ზურა შევარდნაძის გარშემო ატეხილ აჟიოტაჟს. ზურა შევარდნაძეს ყოფილი თანამშორმელი შეურაცხყოფის მიყენებაში ადანაშულებს.

“უკვე რამდენიმე დღეა, თვალს ვადევნებ სოციალურ ქსელში ზურაბ შევარდაძის წინააღმდეგ მიმართულ, გამაოგნებელ კამპანიას და ამიტომ, საჭიროდ ჩავთვალე, როგორც პროცესში უშუალოდ ჩართულმა და ჩვენს ბაღში დასაქმების მსურველთა მიერ, მათზე დაკისრებული მოვალეობის შესრულებაზე პასუხისმგებელმა პირმა, გაგიზიაროთ დეტალური ინფორმაცია, ქალბატონ მადონას მიერ გვრცელებულ ინფორმაციასთან დაკავშირებით. მას შემდეგ, რაც გამოვაცხადეთ სეზონური დამხმარის ვაკანსია, ეს ქალბატონი მოვიდა გასაუბრებაზე და რა თქმა უნდა, მას განვუმარტეთ, რა ფუნქცია-მოვალეობებს გულისხმობდა ეს კონკრეტული პოზიცია და როგორც სხვა დანარჩენს, მასაც შევთავაზეთ ანაზღაურება, 8-საათიან სამუშაო დღეში 100 ლარის ოდენობით, მიუხედავად იმისა, გავუფორმებდით თუ არა ხელშეკრულებას. კუთვნილი ჰონორარი ქალბატონს იმთავითვე გადავუხადეთ. მე, როგორც პასუხისმგებელი პირი, ვაკვირდებოდი მის საქმიანობას და რამდენიმე დღის შემდეგ, ბატონ ზურაბ შევარდნაძეს გავუზიარე ჩემი მოსაზრება, დასაქმების მსურველთან დაკავშირებით. სრული პასუხისმგებლობით შემიძლია ვთქვა, რომ ის ვერ აკმაყოფილებდა იმ მოთხოვნებს, რაც ამ კონკრეტული პოზიციისთვის იყო საჭირო და მეტიც, აუცილებელი. შესაბამისად, ჩვენი მოსაზრება და გადაწყვეტილება ქალბატონ მადონას არაერთხელ განვუმარტე და დავემშვიდობეთ.

ამის შემდეგ პერმანენტულად მწერდა როგორც ე.წ პირად მესენჯერში, ასევე გვწერდა “გარდენია შევარდნაძის” გვერდზე და რბილად რომ ვთქვა, საკმაოდ უხეში ფორმით, ერთგვარი ზეწოლის მოხდენის მცდელობაც კი ჰქონდა, დამსაქმებლის მიერ მიღებული გადაწყვეტილების გამო – არ ჰქონდა მნიშვნელობა ეს იყო დღის საათები თუ მაგალითად შუა ღამის 02.00 საათი, გაუთავებლად განაგრძობდა ჩვენს დამუნათებას. რა თქმა უნდა, პასუხს მოთმინებით და კეთილი სურვილებით ვუბრუნებდით და ცოტა უხერხულიც კია, რომ ამაზე ახლა ხაზგასმა გვიწევს. ვინაიდან ეს კომუნიკაცია არ აღმოჩნდა საკმარისი, ბატონმა ზურამ გვთხოვა, რომ მოსულიყო ქალბატონი მადონა, რათა თავად პირადად აეხსნა მიზეზი და კიდევ ერთხელ განგვემარტა მისთვის ჩვენი გადაწყვეტილება.

ცხადია, დავხვდით აბსოლუტურად კეთილგანწყობილნი და სრული მზაობით, დაუზარლად, კიდევ ერთხელ აგვეხსნა ჩვენი პოზიცია. ვუსხნიდით საკმაოდ დიდ ხანს, რა გვჭირდებოდა ჩვენ და რას ვერ ასრულებდა ქალბატონი. ალბათ დამეთანხმებით, რომ გვაქვს უფლება, თავად მივიღოთ გადაწყვეტილება, კონკრეტულ ვაკანსიაზე მსურველის დასაქმების შესახებ, თუმცა მიუხედავად ამისა, არგუმენტებს დაუზარლად წარვუდგენდით. ამის მიუხედავად, ქალბატონი მადონა გვაქვს ეჭვი, რომ დაგეგმილი პროვოკაციული სცენარის ფარგლებში, განაგრძობდა მუქარას და ამ დროს, ზოგჯერ სამწუხაროდ, ძალიან რთულია მოახერხო ბოლომდე თავის შეკავება.

აქვე, აუცილებლად უნდა აღინიშნოს ისიც, რომ ეს ქალბატონი მხოლოდ რამდენიმედღიანი, გამოსაცდელი ვადით იყო ჩვენთან, არ გახლდათ გარდენიას თანამშრომელი. მინდა გითხრათ ისიც, რომ ამ დრომდე მაქსიმალურად თავს ვიკავებდით დეტალებზე საუბრისგან, თუმცა აღარც გაჩუმება შეიძლებოდა.

და ბოლოს, რა თქმა უნდა ვისურვებ, რომ ასე ხელაღებით, დაუნდობლად არ შეგვეძლოს ტალახი ვესროლოთ ადამიანებს. ყველას გისურვებთ წარმატებას! ჩვენთვის ძალიან ძვირფასია თითოეული მშრომელი ადამიანი!” – ნათქვამია განცხადებაში.

2026 წლის 28 მარტიდან ზოდიაქოს სამი ნიშნის ცხოვრებაში ძლიერი და გარდამტეხი ეტაპი იწყება. როგორც გამოცემა YourTango წერს, იცვლება თავად ძალაუფლებისა და გავლენის გაგება — ახლა საუბარია პიროვნულ ძალასა და მისი მართვის უნარზე.

აშკარა ხდება, რომ აღარავის სურს დაწესებულ წესებთან შეგუება. სატურნი და პლუტონის შეერთების მომენტში იღვიძებს შინაგანი პროტესტი — შეზღუდვებისგან დაღლილობა და საკუთარი შეხედულებისამებრ მოქმედების სურვილი.

იწყება ახალი ეპოქა, რომელშიც ლიდერები განსაკუთრებით მნიშვნელოვანია. სწორედ ეს ნიშნები არიან მზად, აიღონ საკუთარ თავზე ეს როლი, განსაზღვრონ მიმართულება და სხვებიც გაიყოლიონ.

სასწორი
საკუთარი ძალის მოსაკრებად, თქვენთვის მნიშვნელოვანია წესრიგის დამყარება ცხოვრების ყველა სფეროში: სამსახურში, ურთიერთობებში, ფინანსებსა და საკუთარ მდგომარეობაშიც კი. როდესაც ირგვლივ ქაოსია, წინსვლა თითქმის შეუძლებელია.

28 მარტს თქვენ ნათლად იგრძნობთ, რომ მნიშვნელოვან პერიოდში შედიხართ. ეს დრო მოითხოვს გაცნობიერებულობას და დეტალებისადმი ყურადღებას. დღის ენერგია გიბიძგებთ მკაფიო საზღვრების დადგენისკენ. თქვენ იწყებთ საკუთარი შესაძლებლობებისა და ლიმიტების უკეთ გაგებას, რაც გაძლევთ კონტროლსა და თავდაჯერებულობას — ზუსტად იმას, რაც ახლა ასე გჭირდებათ.

თხის რქა
თქვენ ძალისმიერ წერტილში იმყოფებით, განსაკუთრებით პროფესიულ სფეროში. თქვენ იცით, როგორ გაუმკლავდეთ პასუხისმგებლობასა და გავლენას, რასაც გარშემომყოფებიც გრძნობენ — სწორედ თქვენთან მოდიან ხშირად რჩევისთვის.

სატურნისა და პლუტონის შეერთება მხოლოდ აძლიერებს თქვენს პოზიციებს. თქვენ უკვე შეასრულეთ ძირითადი სამუშაო და ახლა მზად ხართ უფრო მასშტაბური ამოცანებისთვის. საუბარია არა სხვებზე ზეწოლაზე, არამედ საჭირო დროს სიტუაციის კონტროლის ქვეშ აყვანის უნარზე. თქვენ გაქვთ ყველაფერი: გამოცდილება, ლოგიკა და ლიდერული თვისებები. დარჩენილია მხოლოდ მოქმედება.

თევზები
თქვენი ძალა საკუთარი თავისა და სხვების ღრმა გაგებაშია. ეს განსაკუთრებით მნიშვნელოვანია, როდესაც საქმე გავლენასა და პასუხისმგებლობას ეხება. თქვენ გრძნობთ, რომ შეგიძლიათ გახდეთ ის ადამიანი, რომელიც სხვებს მხარს დაუჭერს და სწორ მიმართულებას მისცემს. და თქვენ მზად ხართ ამისთვის.

ახლა განსაკუთრებით ფასდება ემპათია და სიკეთე — ზუსტად ის, რაც თქვენ ბუნებრივად გამოგდით. თქვენ შეგიძლიათ გახდეთ საყრდენი სხვებისთვის და ეს შინაგან კმაყოფილებას მოგიტანთ. თქვენ არ გჭირდებათ მკაცრად გაწერილი გეგმები — საკმარისია გრძნობდეთ, რომ სწორი მიმართულებით მიდიხართ. ამ პერიოდის დაწყებასთან ერთად თქვენ შედიხართ ძალისა და გავლენის ახალ რეალობაში და მზად ხართ, ეს გარშემომყოფებსაც გაუზიაროთ.

იაშვილის სახელობის ბავშვთა ცენტრალური საავადმყოფოს სამედიცინო დირექტორის, ივანე ჩხაიძე განცხადებით, თებერვლიდან საქართველოში ყველაზე ხშირად ცირკულირებს ვირუსი, რომელიც განსაკუთრებულ საფრთხეს 2 წლამდე ასაკის ბავშვებისთვის წარმოადგენს.

როგორც მან „მედიაცენტრ მთავარში“ გამართულ პრესკონფერენციაზე განმარტა, აღნიშნულ ვირუსს შეუძლია გამოიწვიოს წვრილი ბრონქების ანთება — ბრონქიოლიტი. დაავადებას ახასიათებს შეტევითი და ხშირი ხველა, სუნთქვის გახშირება და გაძნელება, ასევე მსტვინავი სუნთქვა.

ივანე ჩხაიძის თქმით, ამ ვირუსმა ფაქტობრივად ჩაანაცვლა სეზონური გრიპი, მათ შორის ე.წ. ჰონგ-კონგის გრიპი, რომელიც დეკემბრიდან იყო ყველაზე გავრცელებული. მისი განმარტებით, ბრონქიოლიტის დიაგნოსტირება ძირითადად კლინიკური ნიშნების საფუძველზე ხდება და დამატებით კვლევებს, როგორც წესი, არ საჭიროებს.

ექიმის თქმით, ინფიცირების ყველა შემთხვევა მძიმე არ არის, თუმცა პაციენტების ნაწილს შესაძლოა დასჭირდეს ჟანგბადის მიწოდება, სითხის შევსება და გარკვეულ შემთხვევებში — ჰოსპიტალიზაცია.

ივანე ჩხაიძე ასევე აღნიშნავს, რომ გართულებების თავიდან ასაცილებლად მნიშვნელოვანია ვაქცინაცია, თუმცა ის ინდივიდუალურად განისაზღვრება — ორსულებში დამოკიდებულია ორსულობის ვადასა და მშობიარობის სავარაუდო პერიოდზე. მისი თქმით, ვაქცინაცია შესაძლებელია 1-6 თვის ასაკის ბავშვებშიც, რადგან ამ ჯგუფში გართულებების რისკი განსაკუთრებით მაღალია.

ექიმი ხაზს უსვამს, რომ აღნიშნული ვირუსი საფრთხეს წარმოადგენს არა მხოლოდ ბავშვებისთვის, არამედ 65 წელს გადაცილებული ადამიანებისთვისაც, რომელთაც ინფიცირების შემთხვევაში შესაძლოა განუვითარდეთ ფილტვების ანთება და გაიზარდოს ჰოსპიტალიზაციის რისკი.

მისივე განმარტებით, 2 წლამდე ბავშვები და 65 წელს ზემოთ ასაკობრივი ჯგუფი წარმოადგენს ძირითად რისკ-ჯგუფებს, რომლებიც განსაკუთრებულ მეთვალყურეობასა და აქტიურ მართვას საჭიროებენ.

პრევენციის მიზნით, ივანე ჩხაიძე მოსახლეობას ურჩევს, ინფიცირებული პირები ოჯახის წევრებისგან მაქსიმალურად იზოლირდნენ, ატარონ პირბადე, დაიცვან ხელების ჰიგიენა, რეგულარულად გაანიავონ საცხოვრებელი სივრცე და ჩაატარონ სველი წესით დასუფთავება.

რას გვირჩევენ ვარსკვლავები 1-ელი აპრილისთვის ჯანმრთელობის, ბიზნესის და სიყვარულის მიმართულებით?

ვერძი

ყურადღებით მოუსმინეთ ერთმანეთს და ეცადეთ, პარტნიორის პოზიცია გაიგოთ. ოჯახში სრული თანხმობა და იდილია სუფევს. აზრთა სხვადასხვაობა თითქმის არ არსებობს. შეგიძლიათ დაგეგმოთ მოგზაურობა, რომელზეც დიდი ხანია ფიქრობდით. სავარაუდოდ, ხელმძღვანელი რიგგარეშე შვებულების მოცემაზე უარს არ გეტყვით. პრობლემებს ნუ უგულებელყოფთ და ერთად გადაჭერით.

საღამო ხელსაყრელია ფინანსური საკითხების მოგვარებისთვის – შესაძლოა მომგებიანი გარიგება დადოთ ან სასურველი ნივთი შეიძინოთ. საღამოს ფიზიკური აქტივობა მინიმუმამდე დაიყვანეთ და ზურგის ზედმეტად დატვირთვას ერიდეთ.

კურო

პირად ცხოვრებაში სასიკეთო ცვლილებებია მოსალოდნელი. შესაძლოა, საყვარელმა ადამიანმა ხელიც კი გთხოვოთ. ასტროლოგიური პროგნოზი მერკურის მხარდაჭერას გპირდებათ, რაც ოჯახში სტაბილურ გარემოზე მიანიშნებს. წლის ერთ-ერთი საუკეთესო დღეა იმისთვის, რომ თავი კარგ ხელმძღვანელად წარმოაჩინოთ და კარიერულ კიბეზე წინ წაიწიოთ. თქვენი ძველი წამოწყება, რომელიც უიმედოდ გეჩვენებოდათ, ბოლოს და ბოლოს შემოსავალს მოგიტანთ.

კვების მენიუს შედგენისას არჩევანი ნატურალურ პროდუქტებზე შეაჩერეთ. მაღაზიაში განსაკუთრებული ყურადღება ეტიკეტებს და პროდუქტში ქიმიკატებისა და საღებავების შემცველობას მიაქციეთ.

ტყუპები

რომანტიკული პაემნისთვის იდეალური დღეა, რადგან ვარსკვლავები დღეს თქვენს სასარგებლოდ განლაგდნენ! სავარაუდოდ, თქვენს მეუღლეს საოჯახო საქმეებთან, ფინანსურ უზრუნველყოფასა და ნათესავებთან დაკავშირებული საკითხების მოგვარება დამოუკიდებლად მოუწევს. მზად იყავით იმისთვის, რომ გაუთვალისწინებელი მოვლენები გეგმების შეცვლას გაიძულებთ. გინდათ თუ არა, ამ დღეს ბევრი მუშაობა და უსიამოვნო ადამიანებთან ურთიერთობა მოგიწევთ.

თუ შინაგან შფოთვასა და ყოყმანს გრძნობთ, დაგეგმილი საქმეებისგან თავი შეიკავეთ. ეს რჩევა განსაკუთრებით სასარგებლოა, თუ კრედიტის აღებას ან ხელშეკრულების დადებას აპირებდით. მოერიდეთ დამატებითი მოვალეობების აღებას — ეს თქვენს ნერვულ სისტემაზე უარყოფითად აისახება.

კირჩხიბი

ამ დღეს ოჯახურ წყვილებში შესაძლოა ფინანსურ ნიადაგზე კონფლიქტი წარმოიშვას. ეცადეთ საყვარელი ადამიანის მოსაზრებას მშვიდად მოუსმინოთ, თუნდაც არ ეთანხმებოდეთ. საბუთების გაფორმებისას, ასევე სწავლასა და საგანმანათლებლო საქმიანობაში მოსალოდნელია მცირე შეცდომები. განსაკუთრებული სიფრთხილე მომსახურების სფეროში დასაქმებულებს მართებთ: იღბალმა შეიძლება ნებისმიერ წამს ზურგი გაქციოთ.

მომავალი ხარჯების დასაფარად სოლიდური თანხა დაგჭირდებათ, ამიტომ შესაძლოა, სესხის აღებაც კი მოგიწიოთ. ფიქრობთ, რომ თქვენი სპორტული მიღწევები წარსულს ჩაბარდა? ცდებით – აქტიური ცხოვრების დაწყება ან გაგრძელება არასდროსაა გვიან!

ლომი

დროა, საკუთარ გარეგნობაზე ზრუნვისთვის მოიცალოთ. მათთვის, ვინც მეწყვილეს ეძებს, კარგად შერჩეული იმიჯი დიდი უპირატესობა იქნება! თუ სახლში რემონტის დაწყებას აპირებთ, გახსოვდეთ, რომ ზედმეტი პერფექციონიზმი კარგს არაფერს მოგიტანთ და გარშემომყოფებსაც გააღიზიანებს. გირჩევთ, ურთიერთობაში სიფრთხილე გამოიჩინეთ – დიდია ალბათობა, რომ არაკეთილსინდისიერ ადამიანებს გადაეყაროთ. კოლეგებს დახმარებაზე უარს ნუ ეტყვით.

შესაძლოა, მცირე ფიზიკური დაღლილობა იგრძნოთ, ამიტომ დღე ისე დაგეგმეთ, რომ ძალების აღდგენისთვისაც დრო დაგრჩეთ. ახლობლების ემოციური მხარდაჭერა თავდაჯერებას შეგმატებთ.

ქალწული

რთული დღეა, მაგრამ ვარსკვლავები გირჩევენ, რომ საკუთარი წარუმატებლობის გამო, ჯავრი პარტნიორზე არ იყაროთ. თქვენს ურთიერთობაში მცირე წყენა და წვრილმანი უთანხმოებები გაჩნდა — დროა, მათგან გათავისუფლდეთ.

გამჭრიახობა მატყუარა ადამიანების ამოცნობაში დაგეხმარებათ — მათგან თავი შორს უნდა დაიჭიროთ. ვარსკვლავები კოსმოსურ ენერგიასა და შეუზღუდავ შესაძლებლობებს გთავაზობენ, დანარჩენი კი უკვე თქვენზეა დამოკიდებული!

მოერიდეთ გაციებას, რადგან ჩვეულებრივი სურდო შეიძლება ჰაიმორიტში ან ოტიტში გადაიზარდოს. საღამოს ხალხმრავალ ადგილებს და ხმაურიან წვეულებებს მოერიდეთ. უმჯობესია სახლთან ახლოს, ბუნებაში გაისეირნოთ და მზის ჩასვლით დატკბებით.

სასწორი

ეცადეთ, ნეგატიურ შთაბეჭდილებებს თავი აარიდოთ და განმარტოებით მეტი დრო გაატაროთ. უფროს ნათესავებთან კამათს მოერიდეთ და სიტყვები აკონტროლეთ, რათა გარშემომყოფებს არ აწყენინოთ. ასეთმა ქცევამ შესაძლოა სტუმრები დააფრთხოს და თქვენთვის არასასურველი გადაწყვეტილება მიაღებინოს.

შემოქმედებითი პროფესიის ადამიანებს შესაძლოა, კრიზისული პერიოდი დაუდგეს. საკუთარი თავის მიმართ ზედმეტად მომთხოვნი ნუ იქნებით – მუზა აუცილებლად დაგიბრუნდებათ, მაშინაც კი, თუ დროებით „შვებულება“ აიღო. დღეს სჯობს გადაუდებელი და საპასუხისმგებლო არაფერი დაგეგმოთ, განსაკუთრებით ის, რაც ფულსა და შესყიდვებს ეხება. სიფრთხილე გამოიჩინეთ ვარჯიშის და სიმძიმეების აწევისას. ჰოროსკოპი გაფრთხილებთ, რომ სხეულის არაბუნებრივმა მდგომარეობამ ან ზედმეტმა ტვირთმა შესაძლოა ხერხემალი დაგიზიანოთ.

მორიელი

რომანტიკულ თავგადასავლებს ნუ ეძებთ — ისინი თავად გიპოვიან, მთავარია, ოთხ კედელში არ ჩაიკეტოთ. გაუფრთხილებლად ნათქვამმა სიტყვამ შესაძლოა, ხანგრძლივ და დამღლელ დისკუსიებამდე მიგიყვანოთ. ხანდახან სჯობს გაჩუმდეთ, ვიდრე დრო ფუჭ კამათზე დახარჯოთ.

თუ სამსახურში რაიმე ღირებულის მიღწევა გსურთ, თქვენი უნარებისა და ნიჭის დემონსტრირება ნუ მოგერიდებათ. მალე შესაძლოა, მნიშვნელოვანი თანხა დაგჭირდეთ, ამიტომ ეცადეთ ფული მოაგროვოთ. ასტროლოგები გირჩევენ, ნეგატიურ ემოციებს მოერიდოთ და კონფლიქტებში არ ჩაერიოთ.

მშვილდოსანი

ამ დღეს შეიძლება საყვარელ ადამიანს მნიშვნელოვანი საკითხების გარკვევა მოუნდეს. სავარაუდოდ, ის დიდი ხანია ხელს გთხოვთ, თქვენ კი გადაწყვეტილების მიღებას აყოვნებთ. ნუ აიძულებთ ოჯახის წევრებს, რომ ყველაფერში დაგეთანხმონ — ოჯახის თითოეულ წევრს აქვს საკუთარი აზრის უფლება! ვარსკვლავები გირჩევენ, რომ, სამსახურში ნაკლები იაქტიუროთ და ენერგია თანამოაზრეებისა და მეგობრების მხარდაჭერის მოპოვებისკენ მიმართოთ.

ამ დღეს ცდუნებას უნდა შეებრძოლოთ, რადგან მან შეიძლება მოულოდნელი პრობლემები შეგიქმნათ. შესაძლოა, საღამოს კუჭმა შეგაწუხოთ, ამიტომ მძიმე საკვებზე უარი თქვით.

თხის რქა

ეს დღე შეცდომის გამოსწორების გამოსწორების საშუალებას მოგცემთ. გირჩევთ, ყურადღება მთავარზე გაამახვილოთ და წვრილმანებზე დრო არ დაკარგოთ. ოჯახში ახალი ნივთის შეძენა სიმყუდროვესა და ჰარმონიას შემოიტანს.

იყავით მომთმენი და ახლობლებს ყველა წამოწყებაში მხარი დაუჭირეთ. შესაძლოა, შურიანმა ადამიანმა ზურგს უკან თქვენზე ცუდი ილაპარაკოს – მზად იყავით ცრუ ბრალდებებზე პასუხის გასაცემად. ვენერასა და პლუტონის ნეგატიური ასპექტის გამო შესაძლოა, საღამოს განწყობა გაგიფუჭდეთ. საქმის ხვალისთვის გადადების ჩვევამ შეიძლება სამსახურში პრობლემები შეგიქმნათ და ფინანსურად დაგაზარალოთ.

მერწყული

გახსოვდეთ, რომ დროის მართვა (ტაიმ-მენეჯმენტი) არის უნარი, რომელიც მუდმივ პრაქტიკასა და თვითდისციპლინას მოითხოვს. გააანალიზეთ თქვენი სამუშაო პროცესი, დროის მართვის სხვადასხვა მეთოდი მოსინჯეთ და იპოვეთ ის, რაც ყველაზე მეტად გამოგადგებათ.

ეკონომიკური თვალსაზრისით წარმატებული დღეა. გამორიცხული არ არის შემოსავლის მიღება პროექტებიდან, რომლებიც რამდენიმე თვის წინ დაიწყეთ. დღეს შეიძლება სახლის უსაფრთხოების საკითხები მოაგვაროთ, მაგალითად, დაცვის სისტემა დააყენოთ. იზრუნეთ ჯანმრთელობაზე. თუ ფიქრობთ, რომ სპორტის რომელიმე სახეობა თქვენთვის სახიფათოა, სჯობს მასზე უარი თქვათ. დღის მეორე ნახევარში მოსალოდნელია კონფლიქტი, რომელიც მშვიდობიანად მოგვარდება, თუ ტაქტიკას დროულად შეცვლით.

თევზები

სასიყვარულო შეხვედრები სჯობს, რამდენიმე დღით გადადოთ. ამჟამად მარსი სატურნთან ქმნის ტრინს, რაც რომანტიკას ხელს არ უწყობს.

სამსახურში მოსალოდნელია კონფლიქტები. კოლეგების მოსაზრებებს ნუ უგულებელყოფთ, მაგრამ საკუთარი პოზიციებიც დაიცავით! მოერიდეთ გაუაზრებელ ნაბიჯებს, განსაკუთრებით მათ, რაც ფულს ეხება. საღამო საკუთარ ჯანმრთელობას დაუთმეთ – გამაჯანსაღებელი პროცედურები ძალას და მხნეობას დაგიბრუნებთ.

მიცვალებულთა ხსენება მნიშვნელოვანი რიტუალია მართლმადიდებლობაში, რომელიც ექვემდებარება ეკლესიის გარკვეულ წესებსა და კანონებს. ამ კანონების მიხედვით, ხსენება არ შემოიფარგლება მხოლოდ გარდაცვალების დღით და განსაკუთრებულ ყურადღებას მოითხოვს გარკვეული პერიოდის განმავლობაში, როგორიცაა გარდაცვალების შემდეგ მე-3, მე-9 და მე-40 დღე.

სამი ყველაზე მნიშვნელოვანი თარიღი

გასაღებად ითვლება მესამე დღე, როდესაც სული პირველად მიმართავს უფალს. ამ დროს იგი ათავისუფლებს თავს მიწიერი ხეტიალებისა და მიჯაჭვულობისგან, ამაღლდება სულიერ სფეროებში. ამ პროცესში მნიშვნელოვან როლს თამაშობს მესამე დღეს გამართული ხსოვნის ვახშამი და რიტუალი, რომელიც ეხმარება სულს, დატოვოს ცოცხალთა სამყარო.

მეცხრე დღე მეორე წამია ღმერთის წინაშე. სული ზეციურ ადგილებშია, ამოწმებს მართალთათვის განკუთვნილ საცხოვრებლებს და ნანობს თავის ნაკლოვანებებსა და გაუგებრობას. მეცხრე დღეს სამგლოვიარო ვახშამი მიზნად ისახავს ღმერთის დამშვიდებას და მიცვალებულისთვის ლოცვას.

მეორმოცე დღე ხდება მესამე მომენტი ღმერთის წინაშე, სადაც ქვესკნელის სული ხედავს ცოდვილთა ტანჯვას. მე-40 დღეს დგება უკანასკნელი განაჩენი, რაც ამ თარიღს საკვანძოდ აქცევს. ახლობლები ლოცულობენ სულისთვის, ცოდვების გამოსყიდვისთვის და გარდაცვლილის კარგი საქმეების გახსენებაზე.

მართლმადიდებლური წეს-ჩვეულებების დაცვა მოიცავს მისთვის ლოცვას, პანაშვიდს, გარდაცვლილის ცხედრის განწმენდას, დაკრძალვისთვის მომზადებას, საფლავის გათხრას და ბოლოს დაკრძალვას. ეს ნაბიჯები ეხმარება ნათესავებს დაემშვიდობონ ადამიანს, რომელიც სხვა სამყაროში გადავიდა და მისი სული სამოთხის სივრცეებში მიიყვანოს.

მიცვალებულთა ხსენება მეცხრე დღეს არის პერიოდი, რომლის დროსაც ხდება მეორე წარდგომა ღვთის წინაშე. სული, რომელიც გადარჩა მესამიდან მეცხრე დღემდე, სამოთხეშია, სადაც ეცნობა მართალთათვის განკუთვნილ ადგილებს. ამ დროის განმავლობაში ის იკვლევს თავის ქმედებებს და ნანობს თავგანწირვის ნაკლებობას ცხოვრებაში. გარდაცვლილის ბედის შესამსუბუქებლად და ახლობლებისთვის ნუგეშისცემის მიზნით მეცხრე დღეს იმართება სამახსოვრო ვახშამი.
მართლმადიდებლური წეს-ჩვეულებები ამ დღეს რამდენიმე მნიშვნელოვან პუნქტს გულისხმობს. უპირველეს ყოვლისა, მნიშვნელოვანია კეთილი სიტყვების თქმა და გარდაცვლილის სულისთვის ლოცვა. სამახსოვრო ვახშმის მოწყობა, როდესაც საყვარელი ადამიანები იკრიბებიან და დროს თბილ გარემოში ატარებენ, ამ პერიოდის განუყოფელი ნაწილია. საფლავის მონახულება, ტაძარში წირვის შეკვეთა და საჩუქრების დატოვება ასევე შედის იმ რიტუალებში, რომლებიც გარდაცვლილის სულის ნუგეშისცემას უწყობს ხელს.

მეორმოცე დღეს სახლში გარდაცვლილის ხსოვნის აღნიშვნა მნიშვნელოვან როლს ასრულებს. ახლობლები იკრიბებიან და იხსენებენ მიცვალებულებს. ამ დღეს კვება უნდა იყოს განსაკუთრებული, მაგრამ ამავე დროს მარტივი და მოკრძალებული.

მნიშვნელოვანი ასპექტია ამ დღეს ალკოჰოლის დალევის თავიდან აცილება. ეს განიხილება გარდაცვლილისა და მისი სულის პატივისცემაში და ასევე არის ღვთისმოსავი რიტუალის ნაწილი.

პოლიტოლოგი გია ხუხაშვილი მარკო რუბიოსთან დაკავშირებით, სოციალურ ქსელში წერს.

“რაც შეეხება რუბიოს ზარს: დიდი ანალიზი არ სჭირდება დასკვნას, რომ ის განპირობებული იყო ირანის ომის მეორე ფაზასთან დაკავშირებული ლოგისტიკური პრობლემებით.შესაბამისად, მაღალი ალბათობით, გამომდინარე იქიდან რომ რუსეთის მარწუხებში მყოფ ხელისუფლებას აშშ-სთან ამ კუთხით თანამშრომლობის “ფუფუნება” არ აქვს,

საუბრის რეალური შედეგი არა ურთიერთობების გაუმჯობესება, არამედ გაუარესება იქნება.ველოდები, ამგვარი შედეგის პირველივე სიმპტომების გამოჩენის შემდეგ, როგორ იტყვის კობახიძე, რომ რუბიო მისგან ირანთან მეორე ფრონტის გახსნას მოითხოვდა…” – წერს გია ხუხაშვილი.

ფინანსთა მინისტრ ლაშა ხუციშვილის განცხადებით, მომავალი წლის ბიუჯეტის პროექტით, ჯანდაცვისა და სოციალური დაცვის პროგრამების დასაფინანსებლად სამინისტროს დაფინანსება გაზრდილია 800 მლნ ლარზე მეტით, – ამის შესახებ მან პარლამენტში ბიუჯეტის პროექტის წარდგენისას განაცხადა.

მისი თქმით, პროგრამის ფარგლებში:

⏺ 70 წლის და მეტი ასაკის პენსიონერთა პენსია იზრდება 45 ლარით და განისაზღვრება 495 ლარის ოდენობით. ამავე კატეგორიის პენსიონერთა პენსია მაღალმთიან დასახლებებში თითქმის 594 ლარს გაუტოლდება;

⏺  70 წლამდე პირთა პენსია იზრდება 20 ლარით და განისაზღვრება 370 ლარის ოდენობით, ხოლო მაღალმთიან დასახლებებში 444 ლარი იქნება;

⏺  გარდა პენსიისა, რომელიც, როგორც იცით ინდექსირებულია და კონკრეტული ფორმულით ხდება მისი ზრდა, ბიუჯეტში გათვალისწინებულია მკვეთრად გამოხატული და 18 წლამდე შშმ პირების სოციალური გასაცემლის ზრდა 45 ლარით, ხოლო დანარჩენი კატეგორიის შშმ პირთა გასაცემლის ზრდა 20 ლარით;

⏺  ჯამში სოციალური პროგრამების დაფინანსება შეადგენს 7,0 მილიარდ ლარს;

⏺  ჯანდაცვის პროგრამების დასაფინანსებლად გამოყოფილია 2,1 მილიარდ ლარზე მეტი, მათ შორის, გათვალისწინებულია პირველადი ჯანდაცვის პერსონალის ხელფასების 10%-იანი ზრდა;

⏺  დევნილთა სახლებით უზრუნველყოფის მიზნით გათვალისწინებულია 240,0 მლნ ლარი.

ყვა­რელ­ში მომ­ხდა­რ ავარიას, 52 წლის პო­ლი­ცი­ე­ლი, ინგა (ნინო) ყა­ვე­ლაშ­ვი­ლი ემსხვერპლა.  გარ­დაც­ვლი­ლი ლა­გო­დე­ხის მუ­ნი­ცი­პა­ლი­ტე­ტის, სო­ფელ აფე­ნი­დან იყო და ყვარ­ლის პო­ლი­ცი­ა­ში მუ­შა­ობ­და.

არ­სე­ბუ­ლი ინ­ფორ­მა­ცი­ით, სატ­ვირ­თო ავ­ტო­მო­ბი­ლი მო­ცურ­და და მსუ­ბუქ ავ­ტო­მო­ბილს შე­ე­ჯა­ხა, რო­მელ­შიც პო­ლი­ცი­ე­ლი იმ­ყო­ფე­ბო­და. ქალი შემ­თხვე­ვის ად­გილ­ზე და­ი­ღუ­პა.

სახ­ლში 33 ძაღ­ლი ჰყავდა. საკუთარი სახსრებით ააშენა მათთვის თავშესაფარი. პო­ლი­ცი­ის ეზო­შიც 7-8 ძაღ­ლი ჰყავდა,  ტრა­სებ­ზეც აპუ­რებ­და უამ­რავ ცხოველს.

სოციალურ ქსელში უამრავი პოსტი იწერება გარდაცვლილ ქალ პოლიციელზე, რომელსაც სა­ზო­გა­დო­ე­ბის ნა­წი­ლი  ძალიან კარ­გად იც­ნობ­და, ის პო­პუ­ლა­რუ­ლი იყო სო­ცი­ა­ლურ ქსელ­ში. განსაკუთრებით კარგად გაიცნეს მოშინაურებული ენოტის,  “ცაცუს” გამო, რომელიც ძალიან პატარა იყო, როცა მან შეიფარა. სრულიად უმ­წეო პა­ტა­რას სა­წო­ვა­რა­თი ჭამა ას­წავ­ლა და ასე იქცა მის შვი­ლო­ბი­ლად.

” კისერში ჩასმული დაჰყავდა ლუნა, სანამ ავად იყო.  ნინოსნაირი ადამიანები ერთეულები არიან, ჩვეულებრივ ადამიანურ შესაძლებლობებს რომ სცდება..ნინოს გარდაცვალებით კიდევ ერთხელ დავრწმუნდი ამ სამყაროს არაკანონზომიერებაში, სხვანაირად როგორ შეიძლება ნინოსნაირი საჭირო ადამიანები ასე უდროოდ მიდიოდნენ.. რამდენი შეუსრულებელი გეგმა, გადარჩენილი სიცოცხლე გაიყოლა ნინომ . ნინო დედამიწის დანაკლისია…” – წერენ სოციალურ ქსელში,