ახალციხეში, 6 წლის ბავშვს მანქანა დაეჯახა. ინფორმაციას ადგილობრივი მედია “სამხრეთის კარიბჭე” ავრცელებს.
“მოზარდი 6 წლისაა, არაფერი სერიოზული, ზედაპირული დაზიანებები აქვს და ცოტახანს დავაკვირდებით კიდევ“- ამბობენ კლინიკაში.
ავტოსაგზაო შემთხვევა კოსტავას ქუჩაზე მოხდა.
9 ივლისს ვენერა ქალწულის ნიშანში გადავიდა. ამ პლანეტას ასტროლოგიაში სიყვარულის, ჰარმონიის, ფინანსებისა და შემოქმედების სიმბოლოდ მიიჩნევენ. ეს პოზიცია თითქმის ერთ თვეს გაგრძელდება. აღნიშნულმა ტრანზიტმა შესაძლოა, გავლენა მოახდინოს როგორც პირად ცხოვრებაზე, ისე სამსახურზე, ფულსა და ახალ შესაძლებლობებზე.
ვის მოუტანს ვენერა ყველაზე დიდ წარმატებას
ამ ტრანზიტის ყველაზე პოზიტიურ გავლენას შემდეგი ნიშნები იგრძნობენ:
კურო,
თხის რქა,
კირჩხიბი,
მორიელი.
ასტროლოგების აზრით, სწორედ ამ ნიშნების წარმომადგენლებს მოუტანს უახლოესი კვირები წარმატებულ შანსებს ფინანსებში, სამსახურში, შემოქმედებასა და პარტნიორულ ურთიერთობებში…ვრცლად
ახალციხეში 6 წლის ბავშვს მანქანა დაეჯახა – ის მსუბუქი დაზიანებებით კლინიკაში გადაიყვანეს | ინფორმაციას ადგილობრივი გამოცემა სამხრეთის კარიბჭე ავრცელებს და წერს, რომ შემთხვევა დღეს, კოსტავას ქუჩაზე მოხდა. როგორც გამოცემა საავადმყოფოზე დაყრდნობით წერს, ბავშვს ზედაპირული დაზიანებები აქვს და მის სიცოცხლეს საფრთხე არ ემუქრება. ამ დროისთვის დეტალები უცნობია
გორში, ავარიის დროს დაღუპული დედა-შვილი დღეს დაკრძალეს. როგორც გარდაცვლილი დედა-შვილის ნათესავი ირმა ამბარდნიშვილი სოციალურ ქსელში წერს, დღეს ტაძარში სასულიერო პირმა ახლობლებს მათი დატირება აუკრძალა.
“დღეს ჩემი ანა და მართა მიწას მივაბარეთ… მადლობა მთელ საქართველოს თანადგომისთვის, მაგრამ რომ არ დამეწერა ბოღმისგან ვიხრჩობი…
საკათედრო ტაძარში დავასვენეთ ორი მიცვალებული… რა თქმა უნდა, დედა შვილს, შვილიშვილს დასტირის და აჩუმებს… რომელ საუკუნეში არ იყო დატირება ტაძრებში მაინტერესებს? ერეკლე მეფეს დასტიროდნენ მარტო სვეტიცხოველში? საიდან ხართ ეს ამდენი შტერი და თავხედი ანაფორიანი? ვაჟა- ფშაველა არ დაიტირეს თუ დატირებაც აგვიკრძალეთ?
– წყევლა მაწყევარისა აივლიდა და ჩაივლიდა! იმას თავის უბედურებაც ეყოფა ვლოცულობო მისი სულისთვისო? – შოკი მივიღე, მკვლელისთვის ლოცულობს? ხატზე გადაცემა რომ იყო არა თუ დამნაშავის, არამედ მთელი გვარის ლენჩო მღვდელო, უწიგნურო, პირველად გაიგე? ქართული კინო მაინც არ გინახავს თუ წიგნები არ წაგიკითხავს? ლომისის ხატს რომ გადასცეს გვარი და თანამონაწილეები გოგოს მოტაცების გამო, დღემდე არ გამომდის მეხსიერებიდან და მთას არ ამოუღია ხმა! გვარს არ უშვებდნენ ლომისაში ხალხო, გვარს! საკლავს არ აკვლეინებდნენ და სანთელს არ ანთებინებდნენ! აი, ის იყო ეკლესიაც, დეკანოზიც და ადათ – წესიც!
დღეს საერთოდ წირვა ჩემი ჭკუის დარიგებას უძღვნა! ინტერნეტსივრცეში პოსტების წერას! სატელევიზიო ინტერვიუებს! ეტყობა, რეზო ელიბარაშვილის ფულებს იჩხრიალებდა ცოდვების მოსანანიებელს!
მღვდელი რომ ხარ, დიახ, ყველას უნდა მოუწოდო, რომ არ შერჩება სხვისი ოჯახების გამწარება და შავებში ჩაცმულ დედას, გამწარებულს არ უნდა გაუბედო არ დაიტირო შვილიო და არც არავინ იწყევლებოდა იქ!
ჩემი საბერძნეთიდან ჩამოსულ დეიდაშვილს დიმიტრის მივუბრუნდი და ვუთხარი – დიმიტრი, მე რომ მოვკვდები, მთელმა საქართველომ რომ სვეტიცხოველში მოითხოვოს ჩემი დასვენება, არ დამასვენო მეთქი!- გარეთ გამოვედი…
მე ვერ გავაცოცხლებ ანას და მართას, მაგრამ გამოდი ეკლესია და შენ დაწყევლე! ხატზე გადაეცი მთვრალი და ნარკომანი მძღოლი და ნუ შეუნდობ შესაწირის გამო ცოდვებს! შენ აღკვეთე ეს უსამართლობა 500 ადამიანი რომ მოკვდა, გასულ წელს და მათ შორის 28 ბავშვი!
მე ვიბრძოლებ, რომ ჩემი მართა ბოლო ბავშვი იყოს მკვდარი ლოთი, ნარკომანი, თავში ავარდნილი გოიმების გამო! ყველამ თავ-პირში უნდა გირტყათ. ვინც დრიფტაობთ და სოფლებში ხალხი თავისი სახლის კართან ვერ დამჯდარა თქვენი შიშით!
ხამებო და არასწორო ხალხო!” – წერს ირმა ამბარდნიშვილი.
ცნობისთვის, 13 ივლისს, გორის ცენტრში, ჭავჭავაძის ქუჩაზე “ჯიპის” ტიპის ავტომანქანა ქვეითად მოსიარულე დედა-შვილს დაეჯახა.ახალგაზრდა ქალი კლინიკაში გარდაიცვალა. რაც შეეხება მცირეწლოვან ბავშვს, მისი ჯანმრთელობის მდგომარეობა მძიმე იყო და ის თბილისში გადმოიყვანეს, თუმცა მისი გადარჩენა ვერ მოხერხდა. მომხდარზე გამოძიება სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. დაკავებულია ავარიაში მონაწილე მძღოლი.
ტურიზმის სექტორის წარმომადგენლებს ეკონომიკურ რეესტრში რეგისტრაციის ვალდებულება უუქმდებათ და ამის ნაცვლად ტურიზმის ეროვნული ადმინისტრაციის სპეციალურ ბაზაში რეგისტრაცია მოუწევთ – შესაბამისი ცვლილებები „ტურიზმის შესახებ“ კანონში პარლამენტში ინიცირებულია.
კანონპროექტის მიხედვით, ტურისტული საქმიანობის სუბიექტები – ტურისტული გიდები, ტუროპერატორები და ტურისტული სააგენტოები/ტურაგენტები ვალდებულები იქნებიან დარეგისტრირდნენ საქართველოს ტურიზმის ეროვნული ადმინისტრაციის ბაზაში. ადმინისტრაცია ასევე უზრუნველყოფს აღნიშნული მონაცემების აღრიცხვასა და დამუშავებას.
ამასთან, პროექტიდან ამოღებულია ნორმები, რომლებიც ტურისტული საქმიანობის ეკონომიკურ რეესტრში რეგისტრაციას ეხებოდა. სექტორის წარმომადგენლებს აღნიშნული პროცედურა ფასიან მომსახურებად უწევდათ.
კანონპროექტი ასევე ცვლის სანქციების ნაწილს. კერძოდ:
ტურისტული საქმიანობის განხორციელება ტურიზმის ადმინისტრაციის ბაზაში რეგისტრაციის გარეშე 500 ლარით დაჯარიმდება, განმეორების შემთხვევაში კი ჯარიმა 1 000 ლარი იქნება;
რისკის შემცველი ტურისტული მომსახურების გაწევა შესაბამისი სერტიფიკატის გარეშე 3 000-ლარიან ჯარიმას გამოიწვევს, განმეორების შემთხვევაში – 6 000 ლარს;
ტექნიკური რეგლამენტის დარღვევა 1 500 ლარით დაჯარიმდება, განმეორებით კი – 3 000 ლარით.
ცვლილებებით, საქართველოს მთავრობა განსაზღვრავს რისკის შემცველი ტურისტული საქმიანობების ჩამონათვალსა და განხორციელების წესს. ასევე დადგინდება, რომელი ტურისტული მომსახურების მიმწოდებლებისთვის იქნება სავალდებულო პროფესიული პასუხისმგებლობის ან/და სამოქალაქო პასუხისმგებლობის დაზღვევა.
კანონპროექტის მიხედვით, ცვლილებების ძირითადი ნაწილი 2026 წლის 1 ივნისიდან ამოქმედდება, ხოლო სანქციების ნაწილი – 2027 წლიდან.
პროექტის ავტორები არიან საქართველოს პარლამენტის წევრები: შოთა ბერეკაშვილი, ანტონ ობოლაშვილი, გიორგი ბარვენაშვილი.
გულის შეტევა კრიტიკული სამედიცინო გადაუდებელი შემთხვევაა, რომელიც ყურადღებას საჭიროებს. დროული მკურნალობის არარსებობის შემთხვევაში, მან შეიძლება გამოიწვიოს გულის სერიოზული პრობლემები ან სიკვდილიც კი. თუმცა, ხშირად ძირითადი ნიშნები და სიმპტომები ადრეულ ეტაპზევე იჩენს თავს. ამ სიმპტომების გაგება დაგეხმარებათ თქვენ და თქვენს ახლობელს უსაფრთხოდ იყოთ, ამიტომ აუცილებელია მათი ცოდნა.
გულის შეტევის გამაფრთხილებელი ნიშნები
ტკივილი გულმკერდის, მკლავების, ზურგის, კისრის, ყბის არეში
ცნობილია, რომ ეს არის გულის შეტევის ერთ-ერთი მთავარი გამაფრთხილებელი ნიშანი და თანაბარი სიხშირით გვხვდება მამაკაცებსა და ქალებში. ეს შეგრძნება პაციენტებმა აღწერეს, როგორც შებოჭილობა ან შეკუმშვა გულმკერდის ცენტრში. NHS-ის თანახმად, გულს ასევე შეუძლია კრიტიკული სიტუაციის სიგნალი სხეულის სხვა ნაწილების ნერვული დაბოლოებების მეშვეობით გვანიშნოს. ტკივილი იგრძნობა ზურგში, მუცელში, მხრებში, მკლავებში, კისერში, თავის უკან და ყბაშიც კი. კისრის და ყბის ტკივილი ხშირად ხდება გულმკერდის ტკივილის არარსებობის შემთხვევაში, რადგან ნერვები, რომლებიც ყბასთან ახლოს მდებარეობს.
ექიმები ასევე აღნიშნავენ, რომ ზურგის ზედა ტკივილს შეიძლება ჰქონდეს ჩხვლეტის ან წნევის შეგრძნება და რომ მარცხენა ხელი უფრო ხშირად გვაწუხებს, ვიდრე მარჯვენა ხელი, თუმცა ეს ნიმუში ყოველთვის არ მუშაობს. ასეა თუ ისე, ტკივილი ტანის ზედა ნაწილში არის სერიოზული მიზეზი სასწრაფო სამედიცინო დახმარების მისაღებად.
ფეხის ან ტერფის შეშუპება
ფეხებში, კოჭებში ან ტერფებში შეშუპება შეიძლება გულის პრობლემებისა და გულის შეტევის გამაფრთხილებელი ნიშანი იყოს. ყველაზე ხშირად, ეს გამოწვეულია სითხის შეკავებით, რადგან გულს არ შეუძლია სითხის ეფექტურად გადატუმბვა ორგანიზმში. ნებისმიერი პაციენტი, რომელსაც უეცარი, აუხსნელი შეშუპება აღენიშნება, უნდა შემოწმდეს ექიმის მიერ, განსაკუთრებით თუ ის სხვა სიმპტომებთან და ნიშნებთან ერთად ვითარდება.
შფოთვა
გულის შეტევას ხშირად თან ახლავს შფოთვის ან პანიკის სიმპტომები. ზოგიერთი პაციენტი აცხადებს, რომ გულის შეტევამდეც კი გრძნობდა გაღიზიანებას ან თუნდაც ჰქონდა გარდაუვალი განწირულობის განცდა. ასეთი ფსიქოლოგიური ნიშნები შეიძლება საკმაოდ პროგნოზირებადი იყოს და არცერთ შემთხვევაში არ უნდა იყოს იგნორირებული, თუ სხვა სიმპტომებთან ერთად არის შერწყმული.
კანის ფერის შეცვლა
გულის შეტევის ერთ-ერთი სიმპტომია ტუჩების ან თითის წვერებზე კანის ფერის შეცვლა. ეს ხდება სისხლში ჟანგბადის ნაკლებობის გამო, ამ მდგომარეობას ციანოზი ეწოდება.
არათანაბარი გულისცემა
გულის არათანაბარი ცემა ასევე შეიძლება იყოს გულის შეტევის ადრეული ნიშანი. გულის აჩქარების, ფრიალის ან არარეგულარული ცემის შეგრძნება ასევე გულის შეტევის სიმპტომებია. შეიძლება იგრძნოთ, რომ გული აჩქარებულია ან არ სცემს. გულის არათანაბარი ცემა ჯანმრთელ პაციენტებში მსუბუქია; თუმცა, თუ ისინი გულის შეტევის სხვა სიმპტომების თანდასწრებით ხდება, ისინი არ უნდა იყოს უგულებელყოფილი.
ოფლიანობა
მოულოდნელი ოფლიანობა ასევე გულის შეტევის ერთ-ერთი თვალსაჩინო სიმპტომია, რომლის იგნორირებაც არ უნდა მოხდეს. ასევე ცნობილია, როგორც ცივი ოფლი, ის შეიძლება გამოვლინდეს რაიმე აშკარა მიზეზის გარეშე და კანზე სისველის შეგრძნება შექმნას. ცივმა ოფლმა შეიძლება ორგანიზმში შფოთვა გამოიწვიოს და როდესაც ის გულის შეტევის სხვა სიმპტომებთან ერთად ჩნდება, სამედიცინო დახმარების საჭიროებაზე მიუთითებს. თუ გულმკერდის ტკივილს უჩვეულოდ ცივი ოფლი განიცდით, რაც შეიძლება მალე მიმართეთ ექიმს.
რეჟიოსორი ქეთი დოლიძე სტუმრად იყო ტელეკომპანია “იმედის” გადაცემაში “ნოესთან”. რადგან ბევრს ახსოვს მისი ცნობილი ფრაზა: “რას აკეთებს ელიავას ბაზრობაზე დაბუდებული ხალხი, რატომ არ ბრუნდებიან სოფლებში?!“, წამყვანმა “ჩამოსულებთან” დაკავშირებით ჰკითხა, რაზედაც რეჟისორმა ასე უპასუხა:
“გასაგებია, რატომაც არის აქ, მაგრამ კერძოდ, ვინც სოფლიდან არის ჩამოსული, მე მათ მიმართ მაქვს პრეტენზია. გურიაში ჩემი ყველა ნათესავიდან არავინ ჩამოსულა თბილისში, არავინ. ყველას ხომ ვერ გამოკვებავს თბილისი, შეუძლებელია, ყველა თბილისში იყოს. შეიძლება ზედმეტად ხისტი ვიყავი, მაგრამ კიდევ ერთხელ ვიმეორებ, რომ მირჩევნია ადამიანი, რომელსაც უჭირს თავის კარ-მიდამოში, სჯობს გაუჭირდეს, ვიდრე ხიდის ქვეშ იჯდეს და თვეობით ელოდოს, რომ ვიღაც წაიყვანს სანტექნიკის გასაკეთებლად…”
წამყვანი ასევე ძალადობის თემას შეეხო და ქეთი დოლიძეს ბესო ზანგურსა და ნინუცა მაყაშვილს შორის მომხდარ სკანდალზე, გამოთქმული აზრი გაახსენა, იმჟამად ქეთი დოლიძემ სოციალურ ქსელში დაწერა: “ძალადობაზე თუ რამე გინდა თქვა, 11 წელი არ უნდა ელოდო 5000 ლარიან კონვერტს! წერტილი! აბა, ახლა მეც ჩამქოლეთ!”
რაზეც ქეთი დოლიძემ განაცხადა:
“მასე არ მითქვამს, რომ “ელოდო”. მე ვთქვი, რომ ძალადობა არის წარმოუდგენელი. რას ლაპარაკობ, ჩემს ქმარს რომ ჩემთვის ოდესმე გადაბრუნებული სიტყვა ეთქვა, მაგას მოვითმენდი?! რომ თქვას ადამიანმა, – ასე იყო, ვითმენდი და მეტს ვეღარ მოვითმენო, გასაგებია, მაგრამ როდესაც ამას ახლავს ხუთი ათასლარიანი კონვერტი, მე ამაზე მაქვს რეაქცია, თორემ არც ის ოჯახი და არც გოგონები არიან ფულის ხამები. მითუმეტეს, როცა ყოფილ ქმართან გყავს შვიდი წლის შვილი, უნდა იფიქრო იმაზეც, მეორე დღეს ბავშვი სკოლაში რომ მივა, მამამისი როგორ გამოჩნდება მეგობრების თვალში. ძალადობას ითმენენ სულელი ქალები…”
მეტეოროლოგების აზრით, ცენტრალურ ამერიკაში შესაძლოა ისეთი წყალდიდობა მოხდეს, რომელიც 1000 წელიწადში ერთხელ ხდება. ეს კი იმ ძლიერი წვიმებით შეიძლება იყოს გამოწვეული, რომლებიც ერთი და იგივე რაიონს მრავალჯერ დაატყდება თავს.
AccuWeather-ი ისტორიულ წყალდიდობას არკანზასის ჩრდილოეთ-აღმოსავლეთ ნაწილში და კენტუკის დასავლეთ ნაწილში პროგნოზირებს. მოსალოდნელია, რომ ხუთი დღის განმავლობაში ამ ადგილებში ოთხი თვის ნალექი მოვა.
„ჩვენ შეშფოთებულები ვართ იმ რისკისა და მოულოდნელი წყალდიდობის გამო, რომელიც სიცოცხლისთვის საშიშია. იგი შეიძლება უდიდეს წყალდიდობაში გადაიზარდოს. საშიში სიტუაცია შეიძლება საგანგებო სიტუაციაში გადაიზარდოს“, – განაცხადა AccuWeather-ის მთავარმა მეტეოროლოგმა ჯონათან პორტერმა.
ძლიერ წვიმებს მეტეოროლოგები 6 აპრილის ჩათვლით პროგნოზირებენ. სპეციალისტების აზრით, წვიმებს წყალდიდობის გამოწვევა ოჰაიოში, არკანზასისა და კენტუკის ნაწილში შეუძლია. სინოპტიკოსები რისკის ქვეშ არსებულ რაიონების მაცხოვრებლებს სიფრთხილისკენ მოუწოდებენ.
„იყავით მზად იმისთვის, რომ მაღალ ადგილზე გადასვლის სწრაფი საშუალება გქონდეთ“, – აღნიშნა პორტერმა.
