როდესაც საქმე ინტიმურ ცხოვრებას ეხება, ზომაზე საუბარს ყოველთვის თან ახლავს მღელვარება და უამრავი მითი. თუმცა, ბოლო კვლევებმა გარკვეული სიცხადე შეიტანა — მეცნიერებმა დაადგინეს, პენისის რა ზომას თვლიან ქალების უმრავლესობა იდეალურად.
კალიფორნიისა და ნიუ-მექსიკოს უნივერსიტეტების მკვლევრებმა გადაწყვიტეს, რომ საკითხი არა სპეკულაციებით, არამედ მტკიცებულებებით დაემყარებინათ. მათ 18-65 წლამდე მყოფ ქალებს შესთავაზეს 33 სხვადასხვა 3D მოდელი მამაკაცის პენისის ფორმებითა და ზომებით და სთხოვეს აერჩიათ ის, რომელი იქნებოდა იდეალური როგორც ხანმოკლე შეხვედრისთვის, ასევე ხანგრძლივი ურთიერთობისთვის.
შედეგებმა საინტერესო ტენდენცია გამოავლინა — ქალებს, ერთი ღამის პარტნიორის შემთხვევაში, შედარებით დიდი ზომა მოსწონთ: დაახლოებით 16.3 სმ სიგრძე და 12.7 სმ სისქე. უფრო ხშირი ურთიერთობის შემთხვევაში კი მოლოდინები ოდნავ შემცირდა — იდეალურ ზომად 16 სმ სიგრძე და 12.2 სმ სისქე დასახელდა.
რაც შეეხება ხანგრძლივ ურთიერთობას, კვლევის მიხედვით 13,7 სმ სიგრძის პენისი სრულიად საკმარისია იმისთვის, რომ მშვენიერი სქესის წარმომადგენელთა სექსუალური მოთხოვნა დაკმაყოფილდეს.
აღსანიშნავია, რომ რეალურ ცხოვრებაში მამაკაცის პენისის საშუალო ზომა ერექციისას დაახლოებით 13.1 სმ სიგრძეა, სისქე კი 11.7 სმ. ამიტომ ქალების მიერ იდეალად მიჩნეული ზომა ცოტა უფრო დიდია, ვიდრე რეალობა — თუმცა არა რადიკალურად.
მათი თქმით, ზედმეტად დიდი პენისი ყოველთვის არაა კომფორტული, ისევე როგორც ძალიან პატარა — და რომ არსებობს გარკვეული „ოქროს შუალედი“, რომლის მეშვეობითაც სიამოვნება მაქსიმალურად იზრდება.
მეცნიერების თქმით, ასეთი შედეგები გვეხმარება, უკეთ გავიგოთ, რა განაპირობებს სექსუალურ მიზიდულობას და რამდენად მოქმედებს ზომა ქალების მოლოდინსა და სიამოვნებაზე. თუმცა ასევე დასძენენ, რომ ყველა ადამიანი უნიკალურია და რიცხვებით სრული სიმართლის აღწერა შეუძლებელია. სიყვარული და სიახლოვე ხომ არა მარტო ზომაზეა დამოკიდებული, არამედ ემოციურ კავშირზე, გრძნობაზე და პარტნიორებს შორის არსებულ ქიმიაზე.
წყარო: https://www.glamour.com/story/penis-size-study-3d-printer
