Blog

გარემოს ეროვნული სააგენტოს ინფორმაციით, 30 მარტიდან 31 მარტის დილამდე საქართველოში მოსალოდნელია დროგამოშვებით ნალექი, ზოგან ძლიერი. შესაძლებელია ქარის გაძლიერება, მაღალმთიან რაიონებში – ნისლი, ქარბუქი და ზვავსაშიშროება.

ქარბუქის, ხილვადობის გაუარესების და ზვავსაშიშრიების გამო, საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა.

“მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო)”, – აღნიშნულია სააგენტოს განცხადებაში.

საქართველოს ჯანდაცვის სამინისტროს ინფორმაციით, პენსიის გაცემის პროცესი გამარტივდა.

მათივე ცნობით, შესაბამისი ცვლილება საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ბრძანებაში შევიდა.

„კერძოდ, პენსიონერს, გარკვეული საიდენტიფიკაციო მონაცემების უზუსტობის გამო, პენსია აღარ შეუჩერდება. მანამდე არსებული პრაქტიკით, თუ პირადობის მოწმობასა და სახელმწიფო სერვისების განვითარების სააგენტოს ბაზას შორის რაიმე შეუსაბამობა ფიქსირდებოდა, პენსიის გაცემა ჩერდებოდა იქამდე, ვიდრე მოქალაქე ახალ დოკუმენტს არ წარადგენდა. ცვლილებით კი, პენსიის შეჩერება მოხდება მხოლოდ იმ შემთხვევაში, თუ არ დაემთხვევა პირადი ნომერი, დაბადების წელი და თვე. სხვა შემთხვევაში, სოციალური მომსახურების სააგენტო დაეყრდნობა სახელმწიფო სერვისების განვითარების სააგენტოს მონაცემებს და პენსიონერები კუთვნილ პენსიას შეფერხებისა და ზედმეტი ბიუროკრატიის გარეშე მიიღებენ. ამ გადაწყვეტილების შედეგად, ყოველთვიურად, 1000-მდე პენსიონერი შეძლებს პენსიის მიღებას დამატებითი პროცედურების გარეშე. მათ აღარ დასჭირდებათ სააგენტოს სერვისცენტრში ან „ლიბერთი ბანკში“ ვიზიტი პენსიის განახლების მოთხოვნით“, – ნათქვამია ჯანდაცვის სამინისტროს ინფორმაციაში.

ქეთო თოფურიძე პირველ კომენტარს აკეთებს ქალაქში მოარულ ჭორზე, რომელიც თბილისის მერთან და მასთან დაკავშირებით არსებობს.

,,მაგაზე რა კომენტარი უნდა გავაკეთო? ყველამ იცის, რომ ეგ აბსურდული ჭორია. ძალიან არასასიამოვნო იყო ჩემთვის და ჩემი ოჯახისთვის და დარწმუნებული ვარ, მისთვისაც და მისი ოჯახისთვისაც. კახის საერთოდ არ ვიცნობ. არანაირი გადაკვეთა არ მქონია, არასდროს”, – თქვა მან zmna.ge-სთან ექსკლუზიურ ინტერვიუში.

ეზოთერიკოსი, გოგა მანია საქართველოსა და მსოფლიოზე საუბრობს.

მისი თქმით, საქართველო ღვთისმშობლის წილხვედრი ქვეყანაა და ის დაცულია.

„ერთი რამ შემიძლია, ზუსტად ვთქვა, საქართველო ღვთისმშობლის წილხვედრი ქვეყანაა და რომ შემეძლოს კიდევ ერთხელ დაბადება, ისევ აქ დავიბადებოდი, რადგან ჩვენი ქვეყანა, მსოფლიო მასშტაბით, ყველაზე დაცულია. საქართველო ძალიან მაღალ ვიბრაციებზე დგას ენერგეტიკულად. თუ მოიძიებთ, წინა თვის ინტერვიუებში პირდაპირ ვსაუბრობდი მესამე მსოფლიო ომზე, რუსეთი რომ ძალის დაკარგვას დაიწყებს, პირდაპირ ევროპის ქვეყნებზე გადავა შეტევაზე-მეთქი.

– თქვით, საბრძოლო კუთხით, ჩვენი ქვეყანა დაცულიაო. თუმცა, გეოგრაფიულად სეისმოლოგიურ ზონაშია. ეკოლოგიურად რაიმე საფრთხე ხომ არ არის მოსალოდნელი?

– შიდა ნგრევები – მეწყერები, წყლის მოვარდნები, მიწისძვრები საქართველოში იქნება. ჩვენთან არა, მაგრამ უახლოეს მომავალში, დაახლოებით, 5-6 თვეში, თურქეთში ძლიერ მიწისძვრას ვხედავ“,- ამბობს გოგა.

ბრძანება, რომელიც პატრიარქმა დაწერა და გამოაქვეყნა, დაახლოებით ცხრა წლის წინ, არის მისი ანდერძის სურვილი და ეს არის ანდერძიც“, – ამის შესახებ საპატრიარქოს საზოგადოებასთან ურთიერთობის სამსახურის ხელმძღვანელმა განაცხადა.

ჟურნალისტებთან საუბრისას, ანდრია ჯაღმაიძემ გაიხსენა, წლების წინ, პატრიარქთან საუბარი.

„მას შემდეგ, რაც 2017 წლის 23 ნოემბერს პატრიარქმა გამოაცხადა თავისი მოსაყდრე, პირველი კომენტარის გასაკეთებლად ტელევიზიაში როდესაც მივდიოდი, პატრიარქმა დამსვა და ამიხსნა, რა უნდა მელაპარაკა. რომ მესაუბრებოდა, თან ვერ ვუყურებდი, მედო ფურცელი და ვიწერდი მის ნალაპარაკევს. ეს ფურცელი დღესაც შენახული მაქვს. მან თქვა, მითქმა-მოთქმა რომ არის, სად არის ანდერძი, რა წერია ანდერძშიო –  გახსოვთ, მაშინ წამოვიდა ძალიან უხერხული თემები, თითქოს ქამარზე კიდია სეიფის გასაღები და ასე შემდეგ – ასე რომ ამბობენ, ქამარზე კიდია ეს გასაღებიო, აქ არის, თუ იქ არისო, მაგით მეტად აღარ დაინტერესდნენო, რაც უნდა ეწეროს ანდერძში, ის დავწერე და გამოვაცხადე ხმამაღლაო, რომ აღარ ჰქონდეთ ბჭობა, ეს წერია, თუ ის წერია ანდერძში. ამიტომ უნდა მივიჩნიოთ, რომ ბრძანება, რომელიც პატრიარქმა დაწერა და გამოაქვეყნა, დაახლოებით ცხრა წლის წინ, არის მისი ანდერძის სურვილი და ეს არის ანდერძიც“, – აღნიშნა ანდრია ჯაღმაიძემ.

სოფო ნიჟარაძე  პოდკასტს მერე? • Mere? სტუმრობდა.

მომღერალმა შვილის, ელის-მარია სააკაშვილის მამისადმი დამოკიდებულების შესახებ ისაუბრა.

მისი თქმით, ალისას მამა ძალიან უყვარს და მის დაბრუნებას მოუთმენლად ელოდება.

„ალისა სულ მეუბნება, რომ როდესაც მიშა გამოვა მისი წესებით უნდა ვიცხოვროთ. მოსწონს მისი წესები, ჰგონია რომ სრული თავისუფლება ექნება ყველაფერში. ალისას ძალიან უყვარს მამა და სულ მეკითხება როდის დაბრუნდება. ძალიან თბილი და ძალიან კარგი ურთიერთობა აქვთ. რამდენადაც დღეს ეს შესაძლებელია“, – საუბრობს სოფო ნიჟარაძე

მილიონობით ადამიანი მთელს მსოფლიოში ყოველდღიურად სვამს ყავას და მას ყველაზე საყვარელ სასმელად მიიჩნევს. ბევრისთვის ფინჯანი ყავა დილის რუტინის ნაწილი გახდა. მაგრამ იმის გათვალისწინებით, რომ ყოველდღიური ჩვევები ყველაზე დიდ გავლენას ახდენს ჩვენს ჯანმრთელობაზე, მნიშვნელოვანია გვესმოდეს, თუ როგორ მოქმედებს ყავის დალევა გულზე. კარდიოლოგების აზრით, ეს ყველაფერი დამოკიდებულია იმაზე, თუ როგორ სვამთ მას, წერს Parade .

როდესაც საქმე ეხება შავი ყავის (დანამატების გარეშე) ეფექტს გულის ჯანმრთელობაზე, სამეცნიერო კვლევები იძლევა ურთიერთსაწინააღმდეგო შედეგებს

„ყავაზე ბევრი კვლევაა ჩატარებული და შედეგები განსხვავებულია. ჩვენ ვიცით, რომ ყავას შეუძლია არტერიული წნევის მატება და არტერიების გამაგრება, რაც ორივე საზიანოა გულისთვის. თუმცა, ერთმა კვლევამ აჩვენა, რომ ყავის ზომიერმა მოხმარებამ შეიძლება შეამციროს ჰიპერტენზიის რისკი. მაღალი ქოლესტერინი და გულის სხვა რისკ-ფაქტორები“, – ამბობს კარდიოლოგი.

ამ ურთიერთსაწინააღმდეგო მტკიცებულებების გათვალისწინებით, დოქტორი პაზი გვირჩევს ყავის ზომიერად დალევას, დღეში ერთი ფინჯანი.

კვლევამ აჩვენა, რომ დღეში ერთი-ორი ფინჯანი შავი ყავა აუმჯობესებს გულ-სისხლძარღვთა ჯანმრთელობას, ამცირებს გულის უკმარისობის რისკს და აუმჯობესებს სისხლძარღვთა ფუნქციას ყავის ანტიოქსიდანტური თვისებების გამო. თუმცა, კოფეინის ჭარბმა მოხმარებამ შეიძლება გაზარდოს გულისცემა და არტერიული წნევა, განსაკუთრებით. მგრძნობიარე ადამიანებში.

კარდიოლოგი ხაზს უსვამს იმას, თუ როგორ ამზადებთ თქვენს ყავას. ყავა შაქრით მავნეა გულისთვის. ეს ეხება კარამელის მაკიატოს, ფრაპუჩინოს და ა.შ.

ისინი ხშირად შეიცავს ასობით კალორიას. ასევე, შაქარი აცლის ყავას ჯანმრთელობისთვის პოტენციურ სარგებელს.

შაქრის გადაჭარბებულმა მოხმარებამ, კარდიოლოგების აზრით, შეიძლება დააზიანოს სისხლძარღვები, გამოიწვიოს არტერიებში ნადების წარმოქმნა და გაზარდოს გულ-სისხლძარღვთა დაავადებების რისკი. მას ასევე შეუძლია გამოიწვიოს სხვა რისკ-ფაქტორები, როგორიცაა დიაბეტი ან ჰიპერტენზია.

გელა დაიაური სოციალურ ქსელში სამწუხარო ინფორმაციას ავრცელებს.

„გარდაგვეცვალა მამა… გასვენება სამშაბათს, პირველ საათზე . გარდაბნის რაიონი, სოფ . გამარჯვება.“- წერს დაიაური სოციალურ ქსელში.