ბახმაროში დოღი გაიმართა და გამარჯვებულებიც გამოვლიდნენ.
I ადგილი – გოგიტა კოწოწაშვილი; II ადგილი – ნიკა ფერაძე; III ადგილი – გიორგი ცინცაძე.
ბახმაროდან გავრცელებული კადრები ვირუსუილად ვრცელდება.
https://video.ambebi.ge/files-6/2026/08-21/mkhedari-608236
სინოპტიკოსის ინფორმაციით, 21-23 აგვისტოს შავი ზღვის სანაპირო რაიონებში, მათ შორის აჭარაში, უმეტესად უნალექო ამინდია მოსალოდნელი.
„21, 22 და 23 აგვისტოს სანაპირო რაიონებში, მათ შორის აჭარის ტერიტორიაზე, უნალექო ამინდია მოსალოდნელი. ჰაერის ტემპერატურა მოიმატებს და 32-33 გრადუსს მიაღწევს.
24 აგვისტოდან ამინდი შეიცვლება. 24-25 აგვისტოს დროგამოშვებით წვიმაა მოსალოდნელი, ხოლო უფრო მნიშვნელოვანი ნალექი, შესაძლოა, 27-დან 29 აგვისტოს ჩათვლით აღინიშნოს. დღის განმავლობაში მოღრუბლული ამინდი იქნება და ჰაერის ტემპერატურაც დაიკლებს.
არ არის გამორიცხული, 27, 28 და 29 აგვისტოს, ზღვაზე ტალღების სიმაღლეც გაიზარდოს. 30 აგვისტოდან პროცესების ინტენსივობა შესუსტდება, თუმცა 30-31 აგვისტოს ამინდი ჯერ კიდევ არამდგრადი იქნება და სრულ გამოდარებას არ ველოდებით“, – ამბობს „პრაიმტაიმთან“ დოდო გვაზავა.
მომხმარებელთა უფლებების დაცვისა და მომხმარებლისთვის შესაძლო ფინანსური თაღლითობის თავიდან აცილების მიზნით, საქართველოს ეროვნული ბანკი საგადახდო მომსახურებასთან დაკავშირებით არსებულ მოთხოვნებს ამკაცრებს. ამის შესახებ ინფორმაციას სებ-ი ავრცელებს.
ცნობილი ირლანდიელი მუსიკოსი გლენ ჰანსარდი, დუბლინში, ავარიის შედეგად გარდაიცვალა. ის 56 წლის იყო.
„ოსკარის“ მფლობელი მომღერალი და სიმღერების ავტორი ოთხშაბათს, დილით ადრე, სტრობერი ბედსის მახლობლად მომხდარ ავარიაში დაიღუპა. ის მოტოციკლით გადაადგილდებოდა. ინციდენტში სხვა სატრანსპორტო საშუალება არ ყოფილა ჩართული.
პოლიცია ადასტურებს, რომ კაცს პირველადი დახმარება შემთხვევის ადგილზევე გაუწიეს, თუმცა მალევე გარდაცვლილად გამოაცხადეს. მას დარჩა მეუღლე და 4 წლის შვილი.
ჰანსარდი დუბლინის ქუჩის მუსიკოსების წრეში მოღვაწეობდა, 1989 წელს კი ჯგუფი The Frames ჩამოაყალიბა, რომელმაც ირლანდიის ერთ-ერთი ყველაზე შთამბეჭდავი ლაივ-ბენდის რეპუტაცია მოიპოვა. მსოფლიო პოპულარობა კი მას ფილმმა „ერთხელ“ მოუტანა, რომელშიც მან მარკეტა ირგლოვასთან ერთად მთავარი როლი შეასრულა და საუნდტრეკი დაწერა. მათმა დუეტმა Falling Slowly ოსკარი მოიპოვა.
საზოგადოება და ბანკები საზოგადოებას აფრთილებს:
“ფინანსური თაღლითობის ახალი სქემა. თუ სხვადასხვა ონლაინ პლატფორმაზე ნივთებს ყიდით, განსაკუთრებული ყურადღება გმართებთ. გააქტიურდა თაღლითობის ახალი სქემა, რომელიც უშუალოდ გამყიდველებზეა გათვლილი. როგორ მუშაობს თაღლითური სქემა?
・თაღლითები გიკავშირდებიან, როგორც დაინტერესებული მყიდველები.
・გიგზავნიან ცნობილი და სანდო გადახდის პლატფორმის ყალბ ბმულს, სადაც კომპანიის დასახელებაში, შესაძლოა, მხოლოდ ერთი ასო იყოს შეცვლილი.
・გთხოვენ ბმულზე გადასვლას და მონაცემების შეყვანას, თითქოსდა ნივთის ღირებულების ჩასარიცხად.
・მონაცემების შეყვანის შემდეგ, თანხის მიღების ნაცვლად, თქვენი ანგარიშიდან ფული იკარგება. არავითარ შემთხვევაში არ შეიყვანოთ გაურკვეველ ბმულებზე:◦ მობაილბანკის მომხმარებლის სახელი◦ პაროლი◦ SMS ერთჯერადი კოდი◦ საბანკო ბარათის მონაცემები მთავარი წესი, რომელიც უნდა გახსოვდეთ: როდესაც თანხის მიღება გსურთ, გადამხდელს მხოლოდ თქვენი ანგარიშის ნომერი (IBAN) სჭირდება. ყოველთვის ყურადღებით გადაამოწმეთ ვებგვერდის მისამართი და კომპანიის დასახელების თითოეული სიმბოლო.” – ნათქვამია განცხადებაში.
რუსეთის ალთაის მხარეში მომხდარი ტრაგედიის შესახებ ახალი დეტალები ხდება ცნობილი. 29 წლის ნოვოსიბირსკელი სნეჟანა კოროლიოვა, რომელიც საგანგებო სიტუაციების სამსახურში მუშაობდა, დასასვენებლად ალთაიზე იმყოფებოდა, სადაც მას დათვი დაესხა თავს. ახალგაზრდა ქალი, რომელსაც სულ რამდენიმე საათით ადრე საქმრომ ხელი სთხოვა, ცოცხალი ვეღარ დაბრუნდა.
ტრაგედია სოფელ არტიბაშთან ახლოს მდებარე ტურისტულ ბაზაზე მოხდა. თავდასხმის დროს სნეჟანას საქმრო ადგილზე იმყოფებოდა.
“მას ერთი ნაკაწრიც კი არ აქვს“ – რას ჰყვება სნეჟანას დედარუსულ მედიასთან საუბრისას გარდაცვლილის დედამ განაცხადა, რომ ქალიშვილის საქმრო დათვთან შეხვედრისას შეშინდა და გაიქცა.
“მას ერთი ნაკაწრიც კი არ აქვს. არ ვიცი… როგორც ამბობს, გაიქცა და ამით თითქოს მტაცებლის ყურადღების გადატანა სცადა, შემდეგ კი დახმარებას ითხოვდა. სნეჟანა ყვიროდა, ის კი დახმარებას ეძახდა, მაგრამ ვერავინ გაიგონა“, – განაცხადა ქალის დედამ.
მისი თქმით, ადგილზე მოგვიანებით მონადირეებიც მივიდნენ, თუმცა სნეჟანას გადარჩენა უკვე შეუძლებელი იყო.
გარდაცვლილის ოჯახი ასევე კითხულობს, რატომ არ იყო ტურისტულ ბაზაზე სათანადო დაცვა, მაშინ როცა, მათი თქმით, რეგიონში დათვების გადაადგილების შესახებ ინფორმაცია არსებობდა.
“თუ ასეთი საშიში სიტუაცია იყო, რატომ არ იყვნენ იქ მცველები? იარაღით მაინც შეძლებდნენ ცხოველის დაფრთხობას“, – ამბობს სნეჟანას დედა.
“საქმრო შეშინებული გაიქცა და ჩემს შვილს არ დაეხმარა. “სნეჟანას მამა კიდევ უფრო მძიმე ბრალდებას უყენებს ქალიშვილის საქმროს. მისი თქმით, ახალგაზრდა მამაკაცმა ღამის გასათევად უსაფრთხო სახლი არ იქირავა და თავდასხმის დროს ქალიშვილის დასახმარებლად არაფერი გააკეთა.
“საქმროს შეეშინდა და გაიქცა. ჩემი ქალიშვილის დახმარება არ სცადა. თვითონ კი ერთი ნაკაწრიც არ აქვს. საავადმყოფოშიც არ მოხვედრილა. ახლა ისევ ალთაიზეა – ჩვენი მანქანა და სნეჟანას ნივთები მასთანაა“, – ამბობს გარდაცვლილის მამა. განაგრძეთ კითხვა
დასავლეთ ალასკაში, შორ მანძილზე მოქმედი სამხედრო რადარის სადგურთან ახლოს, ორძრავიანი ჩარტერული თვითმფრინავი Cessna 441 ჩამოვარდა. ავიაკატასტროფას ბორტზე მყოფი რვავე ადამიანი ემსხვერპლა. შემთხვევა კეიპ ნიუენჰემის სამხედრო ბაზის მიმდებარედ მოხდა. კატასტროფის მიზეზი ჯერ არ არის ცნობილი. აშშ-ის ტრანსპორტის უსაფრთხოების ეროვნული საბჭოს ალასკის რეგიონულმა ხელმძღვანელმა, კლინტ ჯონსონმა საინფორმაციო სააგენტო Associated Press-ს განუცხადა, რომ ავიაკომპანია Security Aviation-ის მიერ მართულ ჩარტერულ რეისზე ორი პილოტი და ექვსი მგზავრი იმყოფებოდა. ალასკის სამხედრო სარდლობის განცხადებით, საჰაერო ხომალდი სამოქალაქო კონტრაქტით დაქირავებული რეისი იყო, რომელსაც 8 ადამიანი გადაჰყავდა.
ასეთი მასშტაბის პროექტის განხორციელება ისე, რომ ქალაქმა საერთოდ ვერ იგრძნოს დისკომფორტი, შეუძლებელია. ამიტომ ჩვენი თხოვნაა – ორი თვე ყველამ ერთად მოვითმინოთ იმისთვის, რომ მივიღოთ შედეგი, რითაც ბევრი წლის განმავლობაში ყველანი ვიამაყებთ, – ამის შესახებ თბილისის მერმა, კახა კალაძემ რუსთაველის გამზირზე მიმდინარე სარეაბილიტაციო სამუშაოებთან დაკავშირებით განაცხადა.
როგორც მერმა თავის ვიდეომიმართვაში განაცხადა, ვინაიდან სამუშაოები საკმაოდ მასშტაბურია, სექტემბრიდან, დაახლოებით, ორი თვის განმავლობაში გადაადგილების თვალსაზრისით თბილისს რთული პერიოდი ექნება, თუმცა ეს დროებითი დისკომფორტია იმისთვის, რომ მომავალში დედაქალაქს სრულად განახლებული რუსთაველის გამზირი ჰქონდეს.
საზღვაო სეზონზე ხშირად დაშვებული შეცდომების შესახებ ვიდეო მიმართვაში „ქართულ-გერმანული რეპროდუქციული ცენტრის“ კლინიკური დირექტორი, ემბრიოლოგი, ონკოფერტილობის ასოციაციის პრეზიდენტი, ნინო მუსერიძე საუბრობს.
მუსერიძე იმ შეცდომებზე ამახვილებს ყურადღებას, რომელსაც ქალების ნაწილი ზღვის სეზონზე უშვებს და რომელიც მისი თქმით, ხშირად ხდება ინფექციების გამომწვევი მიზეზი.
„ზაფხულში ერთ შეცდომას ბევრი ქალი უშვებს, საათობით სველი საცურაო კოსტიუმით რჩებიან სანაპიროზე ან აუზზე. ასეთ დროს იზრდება ინფექციების განვითარების რისკი, რაც დისკომფორტს და ანთებით პროცესებს შეიძლება უკავშირდებოდეს. მაგალითად, ხშირია ვაგინალური, სოკოვანი ინფექცია, ბაქტერიული ვაგიზოზი და ზოგჯერ საშარდე გზების ინფექციებიც. როგორ მივხვდეთ ამას? – ქავილი, წვა ან უჩვეულო გამონადენი, უსიამოვნო სუნი ან ხშირი შარდვის სურვილი – ეს ის ნიშნებია, რომლებსაც ყურადღება უნდა მივაქციოთ. თუ ასეთი ინფექციები ხშირად მეორდება ან არ ხდება მკურნალობა, დროთა განმავლობაში შეიძლება იმოქმედოს რეპროდუქციულ ჯანმრთელობასა და შვილოსნობის ფუნქციაზე…“, – ამბობს ექიმი.
