“ისეთი შოკისმომგვრელი ხმა ჰქონდა, იქვე მყოფი კაცი ისეთ პანიკაში ჩავარდა, ტანსაცმელი გაიხადა და ისე დარბოდა” – რას ამბობს გორში, ავარიის დროს დაღუპული დედა-შვილის ნათესავი?

“როგორც თვითმხილველებმა თქვეს, მანქანაში იჯდა ორი მცირეწლოვანი და კიდევ ორი, მასზე უგონოდ მთვრალი, ნარკოტიკების ზემოქმედების ქვეშ მყოფი დეიდაშვილები. ისინი სასწრაფოდ გაარიდა ადგილიდან, რომ დაემალა მათი თანამონაწილეობა. ვითხოვთ, სანამ უცხოეთში გადავლენ, მათ დაკავებას. განსაცდელში მიტოვების მუხლით უნდა აღიძრას მათი საქმე. მიატოვეს, რატომ არ გადმოვიდნენ და დახმარება აღმოუჩინეს, იქნებ ეცოცხლათ? ეტყობა ურჩიეს და ერთმა აიღო თავზე პასუხისმგებლობა და დეიდაშვილები დაფარა. მათზეც უნდა გავრცელდეს ციხე, ვინც მთვრალს ჩაუჯდება. გინდა ავტომატი გადაგიკიდებიათ ზურგზე და გინდა მთვრალებს გივლიათ. ვის ხოცავთ, ვის გაზრდილ შვილებს ხოცავთ?” – ამის შესახებ გორში ავარიის შედეგად დაღუპული დედა-შვილის ნათესავმა, ირმა ამბარდნიშვილმა “პალიტრანიუსის” გადაცემაში “360 გრადუსი” განაცხადა.