ჯასტინ გეიჯისა და სოფია რომანოს ურთიერთობის თაობაზე რამდენიმე წლის წინ გახდა ცნობილი. გავრცელებული ინფორმაციით, წყვილმა ერთმანეთი თავდაპირველად გაცნობის აპლიკაციის საშუალებით იპოვა.
სოფიასთან გამოჩენამდე, მედია და გულშემატკივრები ჯასტინს ნამდვილ “მარტოხელა მგლად“ მიიჩნევდნენ. ინტერვიუებში, როდესაც მის პირად ცხოვრებაზე კითხვას უსვამდნენ, ის ყოველთვის თავს არიდებდა პასუხს ან ხუმრობდა, რომ მისი ერთადერთი “სიყვარული და მეწყვილე“ ოქტაგონი და სისხლიანი ბრძოლები იყო. ის იმდენად ფოკუსირებული იყო კარიერაზე, რომ პრესას ეჭვიც კი ეპარებოდა, ეცალა თუ არა მას საერთოდ პაემნებისთვის.
მიუხედავად იმისა, რომ გულშემატკივრები ძირითადად განიხილავენ ჯასტინ გეიჯის მომავალს UFC-ში (განსაკუთრებით მას შემდეგ, რაც მან ტურნირზე UFC Freedom 250 ილია თოფურიასთან ბრძოლაში ტრიუმფალური გამარჯვება მოიპოვა), საზოგადოებას სპორტსმენის პირადი ცხოვრებაც არანაკლებ აინტერესებს. სახელი, რომელიც ამ კონტექსტში ყველაზე ხშირად ფიგურირებს, სოფია რომანოა – გეიჯის საცოლე/შეყვარებული, რომელიც თავის მხრივ წარმატებული მოდელი და სოციალური მედიის ცნობილი სახეა.
-
ვინ არის სოფია რომანო?
სოფია რომანო 1995 წლის აპრილში დაიბადა. ის ამერიკელი მოდელი, ინფლუენსერი და კონტენტ კრეატორია. მიუხედავად იმისა, რომ MMA-ის (შერეული ორთაბრძოლების) ფანებმა იგი ძირითადად ჯასტინ გეიჯის პარტნიორობით გაიცნეს, სოფიას საკმაოდ წარმატებული კარიერა ჰქონდა მანამდეც, ვიდრე UFC-ის სამყაროს ყურადღების ცენტრში მოხვდებოდა.
-
სოფია რომანოს კარიერა
მედიაში გავრცელებული ინფორმაციით, ვიდრე მოდელობითა და ციფრული კონტენტის შექმნით სერიოზულად დაკავდებოდა, სოფია სატელევიზიო სფეროში მუშაობდა. მან ოთხ წელზე მეტი გაატარა ცნობილ ტელეკომპანია ABC Studios-ში. გარდა ამისა, მას საპროდიუსერო ურთიერთობა ჰქონდა ისეთ მედია გიგანტებთან, როგორებიცაა Warner Bros. Discovery და Fox.
ამჟამად მან მთელი ფოკუსი სამოდელო სფეროსა და ციფრულ მედიაზე გადაიტანა. მის “ინსტაგრამგვერდს”, უკვე ათასობით გამომწერი ჰყავს, რომელთა დიდი ნაწილი მან სწორედ UFC-ის ვარსკვლავთან ურთიერთობის შემდეგ შეიძინა. სოფია საკუთარ პროფილზე ხშირად აქვეყნებს მოდურ ფოტოსესიებს, ლაიფსტაილ და სამოგზაურო ბლოგებს, ასევე სხვადასხვა ბრენდებთან კოლაბორაციებს. თუმცა, მზარდი პოპულარობის მიუხედავად, იგი ინარჩუნებს უშუალო იმიჯს და გლამურულ კადრებთან ერთად ხშირად აზიარებს იუმორისტულ და ყოველდღიური ცხოვრების ამსახველ პოსტებს.
სოფია რომანოს ქონების შესახებ ოფიციალური და ზუსტი ციფრები არ არსებობს, რადგან არც თავად ინფლუენსერს და არც მის წარმომადგენლებს ეს მონაცემები საჯაროდ არასდროს გამოუქვეყნებიათ. თუმცა, მისი წარსული გამოცდილებისა (ტელეპროდუქციაში მუშაობა) და ამჟამინდელი საქმიანობის (სამოდელო სფერო, ინფლუენსერობა და მსხვილი ბრენდების რეკლამირება) გათვალისწინებით, ექსპერტები ვარაუდობენ, რომ მას საკმაოდ სტაბილური და მაღალი შემოსავლის წყარო აქვს.
-
სოფია რომანოსა და ჯასტინ გეიჯის ურთიერთობა
წყვილის რომანი საზოგადოებისთვის უკვე რამდენიმე წელია ცნობილია. როგორც ირკვევა, მათი პირველი კონტაქტი გაცნობის აპლიკაციაში დაიწყო. ვირტუალური საუბრები მალევე პირად შეხვედრებში გადაიზარდა და რაც თავიდან ჩვეულებრივ, მეგობრულ კომუნიკაცია იყო, დროთა განმავლობაში სერიოზულ სიყვარულში გადაიზარდა.
დღესდღეობით მოდელი გეიჯის თითქმის ყველა მნიშვნელოვან ბრძოლას ესწრება. მას ხშირად შეამჩნევთ ოქტაგონთან ახლოს, სადაც ის ემოციურად გულშემატკივრობს საყვარელ მამაკაცს, შემდეგ კი სოციალურ ქსელებში მხარდამჭერ პოსტებს უძღვნის. შეყვარებულები ხშირად ანებივრებენ გამომწერებს ერთობლივი მოგზაურობებისა თუ ყოველდღიური ცხოვრების ამსახველი კადრებით. მიუხედავად ასეთი საჯაროობისა, წყვილს ოფიციალური ნიშნობის ან ქორწინების შესახებ ჯერჯერობით არაფერი გამოუცხადებია.
ჯასტინ გეიჯი UFC-ის ფანების ინტერესის ეპიცენტრში რჩება, განსაკუთრებით მას შემდეგ, რაც ორშაბათს გამართულ UFC Freedom 250-ზე ხმაურიანი გამარჯვება მოიპოვა ილია თოფურიასთან და ჩემპიონის ტიტული დაისაკუთრა. ამ დიდ წარმატებასთან ერთად, სოფია რომანო კვლავ რჩება გეიჯის ყველაზე დიდ დასაყრდენად და მოტივატორად, თუმცა, ამავდროულად, იგი წარმატებით აგრძელებს საკუთარი სახელის დამკვიდრებას და მხოლოდ “UFC-ის ვარსკვლავის შეყვარებულის“ სტატუსით არ შემოიფარგლება.
