🔻 იყო თუ არა გორში, ავოტმობილის მძღოლი მანქანაში მარტო, რომელიც დედა-შვილს დაეჯახა? – რა ჩანს ქუჩის კამერით გადაღებულ ვიდეოში იხილეთ კომენტარებში ⤵️

“თვითმხილველების თქმით, მანქანაში ეჯდა ორი მცირეწლოვანი შვილი და კიდევ მასზე უგონოდ მთვრალი დეიდაშვილი – განარიდა ადგილიდან, რომ დაემალა მათი თანამონაწილეობა” – ამის შესახებ “პალიტრანიუსის” ეთერში, გორში ტრაგიკულად დაღუპული დედა-შვილის ნათესავმა განაცხადა.

მანამდე, ტელეკომპანია “თრიალეთმა” გამოაქვეყნა კადრები, სადაც ავარიის შემდგომი რამდენიმე წამია აღბეჭდილი. ტელეკომპანია წერს, რომ მძღოლი, რომელმაც გორში დედა-შვილს სიცოცხლე მოუსპო, ავტოსაგზაო შემთხვევის დროს ავტომობილში მარტო არ იმყოფებოდა – მასთან ერთად, წინასწარი ინფორმაციით, სულ მცირე ორი არასრულწლოვანიც იმყოფებოდა.

“მაღალი საზოგადოებრივი ინტერესიდან გამომდინარე, ვაქვეყნებთ ავტოსაგზაო შემთხვევის შემდეგ განვითარებული მოვლენების ამსახველ ვიდეოჩანაწერს.კადრებში ჩანს, რომ შეჯახების შემდეგ, ავარიის გამომწვევი ავტომობილის მარჯვენა მხრიდან არასრულწლოვანი გადმოდის და ავტომობილის მარცხენა მხარისკენ მიემართება. თითქმის იმავე დროს კადრში ჩნდება შოკურ მდგომარეობაში მყოფი მამაკაცი, ხოლო რამდენიმე წამში ავტომობილის მარცხენა მხრიდან მეორე არასრულწლოვანიც გადმოდის. ორივე არასრულწლოვანი აღნიშნულ მამაკაცს მიჰყვება.მოგვიანებით, კადრებში ჩანს, რომ მამაკაცი შემთხვევის ადგილიდან სხვა პირებს, სავარაუდოდ სამართალდამცველებს, გაჰყავთ.ვიდეოჩანაწერი არ ასახავს თავად შეჯახების მომენტს და მისი გამოქვეყნების მიზანი მხოლოდ საზოგადოებრივი ინტერესის მქონე გარემოებების ჩვენებაა. ვიდეოში გარკვეული მონაკვეთები განზრახ არის დაბლარული,” – წერს ტელეკომპანია.

ცნობისთვის გორ­ში, ჭავ­ჭა­ვა­ძის ქუ­ჩა­ზე, 13 ივ­ლისს ტრაგედია დატრიალდა. „ჯი­პის“ ტი­პის ავ­ტო­მან­ქა­ნა ქვე­ი­თად მო­სი­ა­რუ­ლე ახალ­გაზ­რდა ქალს და მის 3 წლის გო­გო­ნას და­ე­ჯა­ხა. ავ­ტო­საგ­ზაო შემ­თხვე­ვის შე­დე­გად და­შა­ვე­ბუ­ლი დე­დაც და შვი­ლი კლი­ნი­კა­ში გარ­და­იც­ვალ­ნენ.