🔻 საბერძნეთში საქართველოს მოქალაქემ ავტომობილში ბერძენი ქალი მოკლა – დაკავებულია 40 წლის კაცი

 საბერძნეთში საქართველოს მოქალაქემ ავტომობილში ბერძენი ქალი მოკლა – დაკავებულია 40 წლის კაცი | ინფორმაციას ბერძნული მედია ავრცელებს და წერს, რომ 40 წლის ქართველმა ავტომობილი ავტოსტოპით გააჩერა, მგზავრობისას კი ქალს სასიკვდილო დაზიანებები ცივი იარაღით მიაყენა, სისხლიანი ტანსაცმელი კი ნაგავში გადაყარა. პოლიციამ ის მალევე დააკავა, ქართველმა კაცმა დანაშაული აღიარა და მკვლელობის რამდენიმე მოტივი დაასახელა. ჩხრეკისას მას 1505 ევრო აღმოაჩნდა. თავდაპირველად დაკავებული კაცი საქმესთან კავშირს უარყოფდა. გავრცელებული ცნობებით, გამომძიებელმა მკვლელობისთვის გამოყენებული დანა ავტომობილის უკანა სავარძელზე იპოვეს. ბერძნული მედიის ინფორმაციით, დაკავებულს სამედიცინო შემოწმებისას ხელებზე ნაკაწრები და სისხლის ლაქები აღენიშნებოდა. 40 წლის კაცს ბრალი 4 მუხლით აქვს წაყენებული, მას განზრახ მკვლელობას, ყაჩაღობას, იარაღის ტარებასა და სხვისი ქონების უკანონოდ დაუფლებას ედავებიან