უკრაინაში კიდევ ერთი ქართველი მებრძოლი დაიღუპა. ინფორმაცია ამის შესახებ სოციალურ ქსელში ვრცელდება.
არსებული ინფორმაციით, ბაჩო ბებია ნიკოლაევში, ერთ-ერთი ბაზის დაბომბვისას დაიღუპა.
ქართველი მებრძოლი აფხაზეთიდან დევნილი იყო რომელიც ოჯახთან ერთად ოდესაში ცხოვრობდა.
მებრძოლს საქართველოში ჩამოასვენებენ და ზუგდიდში დაკრძალავენ.
მეტეოროლოგი კობა ფარტენაძე სოციალურ ქსელში მომდევნო დღეების ამინდის პროგნოზზე წერს:
„ამინდი: ამჟამინდელი მდგომარეობა და პროგნოზი, რომელიც ისევ წვიმიანი და ცივია.
22 აპრილისთვის, ანტიციკლონური მდგომარეობის ხანმოკლე ჩამოყალიბებით, მთელი ქვეყნის ტერიტორიაზე შედარებით დათბება და უნალექო დღე იქნება.
23 აპრილს კი – ღამის საათებიდანვე სანაპირო ზოლსა და დასავლეთ საქართველოში, ხოლო დღის ბოლოდან აღმოსავლეთში – მოსალოდნელია წვიმა, ელჭექით, ზოგან შესაძლოა ლოკალურად აღინიშნოს ძლიერი ნალექი, პერიოდულად გაძლიერდება დასავლეთის ქარი.
მაღალ მთაში ისევ მოთოვს. საქართველოში 24 აპრილიც წვიმიანი და ცივი იქნება.
ხშირად დასმული კითხვა როდის დათბება? აბსოლუტურად ლეგიტიმურია.
თუმცა თვის ბოლომდე სტაბილურად თბილი და უნალექო ამინდები მოსალოდნელი არ არის, იქნება მხოლოდ ხანმოკლე მშრალი პერიოდები, ტემპერატურა რჩება ცვალებად რეჟიმში, წვიმა და ქარი პერიოდულად კვლავ დაბრუნდება“, – წერს მეტეოროლოგი.
15 წლის ბიჭი ინდოეთიდან, სახელად აბიგია ანანდი, ცნობილი გახდა თავისი საოცარი ნიჭით – ის ზუსტად წინასწარმეტყველებს მომავალს. კონკრეტულად რა ეხმარება მას, უცნობია. თვითონ ამბობს, რომ ვარსკვლავებს ელაპარაკება.ანანდმა იუთუბის არხზე გამოაქვეყნა ვიდეო 2023 წლის პროგნოზით, საიდანაც ირკვევა, რომ ეკოლოგიური კატაკლიზმები მალე შეუერთდება პოლიტიკურ და სოციალურ კატაკლიზმებს.წინასწარმეტყველის აზრით, სწორედ მარსი აშრობს დედამიწას. დასავლეთის ქვეყნები ისტორიაში ყველაზე უარესი პერიოდის წინაშე დგანან: „ვარსკვლავები საუბრობენ უპრეცედენტო სასურსათო კრიზისზე, რომელიც რეგიონის მაცხოვრებლებს უახლოეს 20 წელიწადში შეექმნებათ“.
ანანდი გვირჩევს: თუ ეს მოხდება, ჯობია დატოვოთ დიდი ქალაქები და დაიწყოთ საკუთარი პროდუქციის მოყვანა.
2023 წელს გვალვა უფრო და უფრო მეტ ტერიტორიას დაატყდება თავს. ბევრ რეგიონში წყალი იქნება ყველაზე ძვირფასი
რესურსი.
ეკოლოგიური კატასტროფის კულმინაცია 2040 წელი იქნება. სწორედ მაშინ მოხდება მარსის და სატურნის შემდეგი ურთიერთქმედება, რის შედეგადაც ეს წელი პლანეტაზე ყველაზე გვალვიანი და უმოსავლო იქნება.
თუმცა, აბიგია განმარტავს, რომ რუსეთი გვალვის კრიზისულ პერიოდს ნაკლებად მტკივნეულად გადაურჩება და ქვეყანაში მარცვლეულის დეფიციტი საერთოდ არ იქნება.
ეკოლოგიური პრობლემების გარდა, მომავალ წელს დაიწყება ანალიზის გლობალური პროცესი – სად არის სიმართლე, სად არის ტყუილი.
„სიყალბე და დეზინფორმაცია – ყველაფერი ზვავივით წამოვა. თუმცა, ხალხი აღმოაჩენს სიმართლეს. ბევრი საზოგადოება, ორგანიზაცია და გაერთიანება შეწყვეტს არსებობას, რადგან ისინი დაარსდა სიცრუეზე. ყველაფერი, რაც უარყოფით და დაბალ ვიბრაციას ასხივებს, თანდათან განადგურდება.“ – განმარტა ანანდიმ.
„ბრძანება, რომელიც პატრიარქმა დაწერა და გამოაქვეყნა, დაახლოებით ცხრა წლის წინ, არის მისი ანდერძის სურვილი და ეს არის ანდერძიც“, – ამის შესახებ საპატრიარქოს საზოგადოებასთან ურთიერთობის სამსახურის ხელმძღვანელმა განაცხადა.
ჟურნალისტებთან საუბრისას, ანდრია ჯაღმაიძემ გაიხსენა, წლების წინ, პატრიარქთან საუბარი.
„მას შემდეგ, რაც 2017 წლის 23 ნოემბერს პატრიარქმა გამოაცხადა თავისი მოსაყდრე, პირველი კომენტარის გასაკეთებლად ტელევიზიაში როდესაც მივდიოდი, პატრიარქმა დამსვა და ამიხსნა, რა უნდა მელაპარაკა. რომ მესაუბრებოდა, თან ვერ ვუყურებდი, მედო ფურცელი და ვიწერდი მის ნალაპარაკევს. ეს ფურცელი დღესაც შენახული მაქვს. მან თქვა, მითქმა-მოთქმა რომ არის, სად არის ანდერძი, რა წერია ანდერძშიო – გახსოვთ, მაშინ წამოვიდა ძალიან უხერხული თემები, თითქოს ქამარზე კიდია სეიფის გასაღები და ასე შემდეგ – ასე რომ ამბობენ, ქამარზე კიდია ეს გასაღებიო, აქ არის, თუ იქ არისო, მაგით მეტად აღარ დაინტერესდნენო, რაც უნდა ეწეროს ანდერძში, ის დავწერე და გამოვაცხადე ხმამაღლაო, რომ აღარ ჰქონდეთ ბჭობა, ეს წერია, თუ ის წერია ანდერძში. ამიტომ უნდა მივიჩნიოთ, რომ ბრძანება, რომელიც პატრიარქმა დაწერა და გამოაქვეყნა, დაახლოებით ცხრა წლის წინ, არის მისი ანდერძის სურვილი და ეს არის ანდერძიც“, – აღნიშნა ანდრია ჯაღმაიძემ.
პაატა გულიაშვილი ჟურნალ „სარკესთან“ რამდენიმე თვის წინ საკუთარი ჯანმრთელობის პრობლემების შესახებ ჰყვებოდა, რის გამოც ცხოვრების წესი რადიკალურად შეიცვალა:
„აღმომაჩნდა შაქარი და კიდევ უფრო სერიოზული დაავადებაც. თურქეთში მომიწია წასვლა იმისთვის, რომ სწორი დიაგნოზი დაესვათ. აღმომაჩნდა დივერტიკულიტი. ამ დაავადებას წამალი ვერ კურნავს. თუ გინდა, რომ იყო კარგად, ცხოვრების წესი უნდა შეიცვალო. ამის გამო ბევრ რამეზე მომიწია უარის თქმამ. ალბათ, ამიტომაც გავხდი სევდიანი. ხანდახან რომ ვფიქრობ, ის ჩემი ბოჰემური ცხოვრება გარკვეულწილად ნიღაბი იყო. ყოველდღე ქეიფსა და დროსტარებაში არ ვყოფილვარ.
ისეთი ტკივილები გამოვიარე, მართლაც შეიძლება ითქვას, სიკვდილს ჩავხედე თვალებში. ათი ექიმიდან ათივეს თვალებში იკითხებოდა, ან გადარჩება, ან – ვერაო. სხვა გზა აღარ მქონდა, უნდა დავმორჩილებოდი ექიმებს. როგორც კი მივხვდი, სწორი კვებით უკეთესად ვგრძნობ თავს, ბუნებრივია, გავყევი ამ ყველაფერს. სრულიად უარი ვთქვი ღორის ხორცზე. ვგიჟდები, ისე მენატრება მწვადი, მაგრამ კატეგორიულად ამოვიღე, ასევე ყველანაირი გაზიანი სასმელი, მათ შორის მინერალურიც, ცხარე, მჟავე… ძალიან შემიყვარდა წყალი და დღეს უკვე ორ ლიტრს ვსვამ დღეში…“
ვერძი
საშუალება არ მისცეთ მოზღვავებულ ემოციებს, არასწორი ნაბიჯი გადაგადგმევინოთ. წინააღმდეგ შემთხვევაში, არა თუ რაიმე სასიკეთოს გააკეთებთ, არამედ, შესაძლოა ისიც დაკარგოთ, რასაც უფრთხილდებით.
კურო
შესაძლოა, დღეს სიტუაცია ისე არ წარიმართოს, როგორც ვარაუდობდით, ნუ იჩქარებთ დასკვნების გაკეთებას, მომავალში ყველაფერი კარგად შეიძლება შემოტრიალდეს. აუცილებლად გამონახეთ დრო დასვენებისთვის.
ტყუპები
ნუ წახვალთ თქვენი სურვილების წინააღმდეგ და უარი თქვით იმ საქმეზე, რომელიც არ მოგწონთ. ასე თავს დაიცავთ ნერვული დაძაბულობისაგან და სამომავლოდაც კარგ სამსახურს გაუწევთ საკუთარ თავს.
კირჩხიბი
შესაძლოა, დღეს გარშემომყოფთა კეთილგანწყობა და პატივისცემა მოიპოვოთ. ეს გამოწვეული იქნება ოჯახის წევრების მიმართ გამოჩენილი ყურადღებით, გაატარეთ დრო ახლობელი ადამიანების გარემოცვაში.
ლომი
იმოქმედეთ ჩანაფიქრის მიხედვით და თქვენს მტკიცე ნაბიჯებს ყოველთვის მოჰყვება წარმატება და წინსვლა. გადაწყვეტილებების მიღებისას, არ დაუშვათ ეჭვი საკუთარ შესაძლებლობებში – თქვენ კარგად იცით, რა გინდათ და როგორ მიაღწიოთ!
ქალწული
მოულოდნელობების დღეა. შესაძლოა, ფრთები შეესხას თქვენს ოცნებას, ეს იმდენად უცნაური და საოცარი იქნება, რომ შეიძლება შეშინდეთ კიდეც. დამშვიდდით და ჩუმად მიიღეთ ბედის საჩუქარი.
სასწორი
იმისათვის, რომ თქვენი მიზნები განახორციელოთ და სიტყვა მხოლოდ სიტყვად არ დარჩეს, იმოქმედეთ, გადადგით პირველი ნაბიჯი და რეალობად აქციეთ თქვენი ოცნებები. კარგი დღეა პირადი შეხვედრებისთვის.
მორიელი
ნუ აჰყვებით ამბიციებს და დატკბით მიღწეულით. დაზოგეთ თქვენი სულიერი და ფიზიკური რესურსები და ერთბაშად ნუ შეეჭიდებით ბევრ საქმეს. ყველაზე ძვირფასი ჯანმრთელობა და ახლობლებთან, ოჯახის წევრებთან გატარებული დროა.
მშვილდოსანი
ერიდეთ სულსწრაფობას და დაუფიქრებელ ნაბიჯებს. ჯერ ყველაფერი კარგად მოიფიქრეთ, გააანალიზეთ დეტალები და შემდეგ დაიწყეთ მოქმედება, რათა შედეგები ღირდეს გაწეულ შრომად და დახარჯულ ენერგიად.
თხის რქა
თავი შეიკავეთ ზედმეტი კონტაქტებისა და ურთიერთობებისგან. შეეცადეთ, უფრო გონივრულად და პრაქტიკულად გამოიყენოთ თქვენი ფინანსური რესურსები.
მერწყული
ახალი იდეები, მოზღვავებული შემოქმედებითი მუხტი და ენერგია სასურველია, ხელოვნების სფეროს – მხატვრობას, დიზაინს, არქიტექტურას მიუძღვნათ, დარწმუნებული იყავით, საოცრებებს მოახდენთ ამ სფეროებში.
თევზები
ნუ მოწყდებით მიწას, ნუ გაექცევით რეალობას ფანტაზიების სამყაროში. ზომიერად აწმყოს შელამაზება არ მოგიტანთ ზიანს, თუმცა, ბავშვობის დროინდელ ზღაპრებთან დაბრუნება, შესაძლოა, ცუდად აისახოს თქვენზე.
თურქეთის დედაქალაქ ანკარაში CH-47 ტიპის სამხედრო თვითმფრინავი ჩამოვარდა. ინფორმაციას თურქული მედია ქვეყნის თავდაცვის სამინისტროზე დაყრდნობით ავრცელებს.
სამხედრო-სატრანსპორტო თვითმფრინავი თურქეთის თავდაცვის სამინისტროს სამხედრო ავიაციის სარდლობას ეკუთვნოდა. მან კატასტროფა სასწავლო ფრენის დროს განიცადა.
ავიაკატასტროფის მიზეზი უცნობია. კატასტროფის დროს ვერტმფრენის ბორტზე ხუთი სამხედრო მოსამსახურე იმყოფებოდა. მათ სხვადასხვა სახის დაზიანებები მიიღეს და საავადმყოფოში არიან გადაყვანილნი.
ადგილზე ამ დრომდე სახანძრო-სამაშველო ბრიგადები და გამომძიებლები რჩებიან.
გარემოს ეროვნული სააგენტოს მოკლევადიანი პროგნოზების განყოფილების ხელმძღვანელის, დოდო გვაზავას განცხადებით, მიმდინარე კვირაში საქართველოს ტერიტორიაზე ამინდი არამდგრადი იქნება და ტემპერატურის მკვეთრი ცვალებადობაა მოსალოდნელი.
მისი თქმით, პროცესები შავი ზღვის ჩრდილო-დასავლეთიდან და აღმოსავლეთ ევროპიდან შემოსული ცივი ჰაერის მასების გავლენით ვითარდება.
21 აპრილს ზოგან მცირე ნალექი შენარჩუნდება, ხოლო 22-ში გამოიდარებს და ჰაერის ტემპერატურა მნიშვნელოვნად მოიმატებს — დაბლობში +24 გრადუსამდე, სანაპიროზე კი +18-20 გრადუსამდე.
თუმცა, 23 აპრილიდან ამინდი კვლავ გაუარესდება. ცივი და ნოტიო ჰაერის მასების შემოჭრის შედეგად დასავლეთ საქართველოში მოსალოდნელია წვიმა, ადგილ-ადგილ ძლიერი, ელჭექი და ქარის გაძლიერება. ტემპერატურა მკვეთრად დაიკლებს და დაბლობში დაახლოებით +14-15 გრადუსს შეადგენს. მაღალმთიან ზონაში შესაძლოა წვიმა თოვლშიც გადავიდეს. არამდგრადი ამინდი 24 აპრილსაც შენარჩუნდება, თუმცა დღის განმავლობაში ინტენსივობა შედარებით შემცირდება.
აღმოსავლეთ საქართველოში ნალექიანი ამინდი უკვე დღეიდან, განსაკუთრებით კახეთში, იჩენს თავს. 21 აპრილს მოსალოდნელია ინტენსიური წვიმა, ხოლო 22-ში ამინდი გაუმჯობესდება და ტემპერატურა 20 გრადუსს გადააჭარბებს. 23 აპრილის მეორე ნახევრიდან კი კვლავ მოსალოდნელია ამინდის გაუარესება — წვიმა, ელჭექი, ქარის გაძლიერება და სეტყვის შესაძლებლობა.
კვირის ბოლოს, სინოპტიკოსის ინფორმაციით, შედარებით დათბება, თუმცა არამდგრადი ამინდი შენარჩუნდება და ზოგიერთ რაიონში ხანმოკლე წვიმა ელჭექით კვლავ არის მოსალოდნელი.
რაც შეეხება დედაქალაქს, თბილისში დღეს მცირე წვიმაა ნავარაუდევი. 21 აპრილს ამინდი მოღრუბლული იქნება და ტემპერატურა დაიკლებს, 22-ში კი გამოიდარებს და დათბება. 23 აპრილიდან კვლავ მოსალოდნელია ქარის გაძლიერება და ხანმოკლე წვიმა, ელჭექის შესაძლებლობით. კვირის ბოლოს კი ამინდი ცვალებადი დარჩება.
მომღერალი ლელა წურწუმია გადაცემაში „ნიკოლოზის კითხვები“ სტუმრად იმყოფებოდა. ლელამ მეუღლეზე, პროდიუსერ კახა მამულაშვილზე (მამულიჩა) ისაუბრა და გაიხსენა, როგორ დაიწყო მათი სიყვარულის ისტორია.
„რომ დავფიქრდი, მივხვდი, რომ გათხოვება ხელს არ შემიშლიდა საქმიანობაში. გადავდგი ნაბიჯი და გავთხოვდი.
ჩემი პროფესია ჩემთვის ყოველთვის პრიორიტეტული იყო. რა თქმა უნდა, ძალიან გამიმართლა. საოცარი გამართლება ჰქვია, რომ მამულიჩა შემხვდა ცხოვრებაში. მან ყველაფერი გააკეთა იმისთვის, რომ დღეს მე ამ მოცემულობით ვყოფილიყავი ჩემს ქვეყანაში..
რომ გავიცანი, მაშინ მამულიჩას ოჯახი ჰყავდა. მახსოვს ივნისის თვეში მითხრა, შენი კონცერტი უნდა გავაკეთოთ და მე ვიქნები პროდიუსერიო. ეს იყო 2 000 წელი. იმ დღიდან დაიწყო ჩვენი თანამშრომლობა“. – იხსენებს ლელა.
