Author: tea

2026 წლის ზაფხულს ბევრი ასტროლოგი იშვიათი დამთხვევებისა და ბედისწერის მოულოდნელი შემობრუნებების პერიოდს უწოდებს. პლანეტარული ასპექტები ცვლილებებისკენ მათაც კი უბიძგებს, ვინც მკაცრად გაწერილი გეგმის გამოყენებასაა მიჩვეული. ასტროლოგების პროგნოზით, მომდევნო თვეების განმავლობაში ზოდიაქოს ექვსი ნიშანი განსაკუთრებით ძლიერ პოზიციაში აღმოჩნდება, რის გამოც მათ ფულის გამომუშავება, სასარგებლო ნაცნობობის გაბმა და მნიშვნელოვანი გადაწყვეტილებების მიღება გაუმარტივდებათ.

ამ ზაფხულის მთავარი თავისებურება ნელი, მაგრამ სტაბილური ცვლილებებია. წარმატებას არა შემთხვევითი სასწაულები, არამედ ადამიანები, ძველი იდეები და ის პროექტები მოიტანს, რომლებიც დიდი ხნის განმავლობაში უპერსპექტივოდ გვეჩვენებოდა. ასტროლოგები გვირჩევენ, სამსახურთან, სწავლასთან და ახალ კავშირებთან დაკავშირებულ ნებისმიერ შემოთავაზებას მეტი ყურადღებით მოვეკიდოთ.

ტყუპებს ცხოვრების მკვეთრად შეცვლის შანსი მიეცემათ
ტყუპებისთვის ზაფხული ახალი ნაცნობობისა და წინსვლის პერიოდად იქცევა. ბევრი უკვე ივნისში იგრძნობს, რომ მათ გარშემო სასარგებლო კონტაქტებისა და საინტერესო საუბრების რაოდენობა იმატებს. ეს პერიოდი განსაკუთრებით წარმატებული მათთვის აღმოჩნდება, ვინც ინფორმაციის დამუშავების, სოციალური ქსელების, განათლებისა თუ რეკლამის სფეროშია დასაქმებული. ივლისის მეორე ნახევარში მომხდარმა ერთმა შემთხვევითმა შეხვედრამ, შესაძლოა, კარიერასა თუ შემოსავალზე არსებითი გავლენა მოახდინოს. ასტროლოგები ტყუპებს საკუთარი იდეების უფრო ხშირად ჩვენებასა და მნიშვნელოვანი საუბრების სამომავლოდ გადადებისგან თავის შეკავებას ურჩევენ.

ლომებს ფინანსების მატება მოულოდნელი წყაროებიდან ელით
ლომებისთვის ზაფხული იმაზე მშვიდი აღმოჩნდება, ვიდრე თავად ელოდნენ. მკვეთრი ცვლილებების ნაცვლად სტაბილურობა დაისადგურებს და ნახავთ, რომ წარსულში გაწეული ძალისხმევა შედეგს მოგიტანთ. მოსალოდნელია ძველი ვალების დაბრუნება, ჰობიდან მიღებული მოგება ან შემოსავლიანი დამატებითი სამუშაო.

ასტროლოგები ლომებს ფულის ემოციურად ხარჯვისგან თავის შეკავებას ურჩევენ. სწორედ ზაფხულში გაჩნდება სერიოზული თანხის დაზოგვის ან მომავლისთვის სასარგებლო საქმეში ინვესტირების შანსი.

კირჩხიბები ძველი პრობლემების მოგვარებას შეძლებენ
კირჩხიბებისთვის ზაფხულის მთავარ უპირატესობად ძლიერი ინტუიცია იქცევა. ამ ნიშნის მრავალი წარმომადგენელი წინასწარ იგრძნობს, თუ რომელი გადაწყვეტილება მოუტანთ სარგებელს და რომლის გადადება იქნება უკეთესი. ეს განსაკუთრებით ოჯახს, საცხოვრებელ სახლსა და ურთიერთობებს შეეხება.

აგვისტოს ბოლო მნიშვნელოვანი საუბრებისა და საოჯახო ცვლილებებისთვის ყველაზე ხელსაყრელ დროდ მიიჩნევა. ზოგიერთი კირჩხიბი იმ პრობლემის მოგვარებასაც კი შეძლებს, რომელიც წლების განმავლობაში აწუხებდა.

კუროებს ჩვეული რეჟიმიდან გამოსვლა მოუწევთ
კუროებისთვის ზაფხული ისეთი პერიოდი იქნება, როდესაც ცვლილებები სტაბილურობაზე მეტ სარგებელს მოიტანს. მიუხედავად ცხოვრების ჩვეული რიტმისადმი სიყვარულისა, შემოსავლის გაზრდასა თუ სამუშაო მიმართულების შეცვლაში მათ სწორედ ახალი შემოთავაზებები დაეხმარებათ.

ივლისის მეორე ნახევარში ხელსაყრელი ნაცნობობის ალბათობა გაიზრდება. ასტროლოგების აზრით, განსაკუთრებით წარმატებული აღმოჩნდება სწავლასთან, ფინანსებთან და ერთობლივ მუშაობასთან დაკავშირებული პროექტები…ვრცლად

 

28 მაისს ქუთაისში მზიანი დღე იქნება, დღისით +28 და ღამით +17 გრადუსი დაფიქსირდება. მცირე ნალექი იქნება ოზურგეთში. დღისით +29 გრადუსი დაფიქსირდება, ღამით კი +16 გრადუსი იქნება.

ბათუმშიც მცირე ნალექია მოსალოდნელი, დღისით ჰაერი +28 გრადუსამდე გათბება, ხოლო ღამით +17 გრადუსი დაფიქსირდება.

უნალექო ამინდია ფოთში. დღისით +29 გრადუსი დაფიქსირდება, ღამით კი +18 გრადუსია მოსალოდნელი. მზე იქნება ზუგდიდშიც, დღისით ტემპერატურა +29, ღამით კი +16 გრადუსია ნავარაუდევი.

სოხუმშიც მზეა, +29 გრადუსია მოსალოდნელი დღისით, ღამით +16 გრადუსი დაფიქსირდება.

მესტიაში ნალექიანი დღეა ნავარაუდევი, დღისით +20 გრადუსი იქნება, ღამით კი +8 გრადუსი დაფიქსირდება. ამბროლაურშიც იქნება მცირე ნალექი, ჰაერი +26 გრადუსამდე გათბება, ღამით კი +13 გრადუსი დაფიქსირდება.

ჭიათურაში მზიანი დღეა, დღისით +27 გრადუსი, ღამით კი +14 გრადუსი დაფიქსირდება.

ახალციხეში მცირე ნალექს ელოდებიან, დღისით +25 გრადუსი, ღამით კი +11 გრადუსი იქნება. მცირე ნალექია მოსალოდნელი ახალქალაქშიც, დღისით ტემპერატურა +20 გრადუსი, ღამით კი +7 გრადუსი იქნება. ბორჯომშიც იწვიმებს, +24 იქნება დღისით, ღამით კი +12 გრადუსი დაფიქსირდება.

ნალექიანი დღეა მოსალოდნელი ბაკურიანშიც, დღისით +18 გრადუსია მოსალოდნელი, ღამით +7 გრადუსი დაფიქსირდება.

გორშიც იწვიმებს, დღისით +26 გრადუსი, ღამის განმავლობაში კი +13 გრადუსი დაფიქსირდება. ცხინვალშიც ნალექიანი დღეა, ჰაერის ტემპერატურა +25 გრადუსი იქნება, ღამით კი +12 გრადუსი დაფიქსირდება.

გუდაურში ნალექიანი ამინდია მოსალოდნელი, დღის განმავლობაში +13 გრადუსი დაფიქსირდება, ღამით კი ჰაერის ტემპერატურა +5 გრადუსი იქნება.

ომალოშიც იწვიმებს. დღისით +15 ღამით კი +6 გრადუსი დაფიქსირდება.

ლაგოდეხში მზიან დღეს ელოდებიან. ჰაერის ტემპერატურა დღის განმავლობაში +27 გრადუსი იქნება, ღამით კი +16 გრადუსი დაფიქსირდება. წვიმიანი ამინდი იქნება დღეს თელავში, +26 გრადუსი დაფიქსირდება, ღამით კი +15 გრადუსია ნავარაუდევი.

ნალექიანი დღე იქნება გურჯაანში, დღისით +27 გრადუსი, ღამით კი +15 გრადუსი დაფიქსირდება. სიღნაღში მცირე ნალექი იქნება, დღისით +26 გრადუსია მოსალოდნელი, ღამით +14 გრადუსი დაფიქსირდება.

რუსთავში წვიმიანი დღეა. დღისით +27 გრადუსია მოსალოდნელი, ღამით კი +15 გრადუსი დაფიქსირდება.

თბილისში მზიანი დღეა. ჰაერის ტემპერატურა დღისით +26 გრადუსს მიაღწევს, ღამით კი +15 გრადუსი იქნება.

რა თქმა უნდა, საჭიროა უკეთესი ორგანიზება, მეტი ბრძოლაც, თუმცა დიქტატურის მცდელობა, დაენერგა ნიჰილიზმი, დაემკვიდრებინა საყოველთაო შიში, გუშინ ჩაფლავდა – ასევე გუშინდელი დღე ჭკუის სასწავლებელი იყო იმ პოლიტიკოსებისთვის, ვინც პროტესტს ბოიკოტი გამოუცხადა,- ამის შესახებ საქართველოს მესამე პრეზიდენტი, მიხეილ სააკაშვილი „ოპოზიციის ალიანსის“ მიერ გუშინ გამართულ აქციას ეხმაურება.

როგორც სააკაშვილი წერს, არსებული მუხტი „არ უნდა გავაციოთ, პირიქით უნდა გავაძლიეროთ და წინააღმდეგობის მოძრაობა უნდა მოედოს მთელ ქვეყანას“.

„გუშინდელმა ძალიან მრავალრიცხოვანმა აქციამ, რომელშიც ხალხმა მიიღო მონაწილეობა, საქართველოს დამოუკიდებლობის და ქართველების თავისუფლების დასაცავად ახალი სუნთქვა გაუხსნა ჩვენს საერთო წინააღმდეგობის მოძრაობას.

რა თქმა უნდა, საჭიროა უკეთესი ორგანიზება, მეტი ბრძოლაც, თუმცა დიქტატურის მცდელობა, დაენერგა ნიჰილიზმი, დაემკვიდრებინა საყოველთაო შიში, გუშინ ჩაფლავდა.

ასევე გუშინდელი დღე ჭკუის სასწავლებელი იყო იმ პოლიტიკოსებისთვის, ვინც პროტესტს ბოიკოტი გამოუცხადა.

დიდი მადლობ ყველას ვინც მოვიდა და ასევე ორგანიზატორებს და ინიციატორებს. ასევე დიდი მადლობა მათ, ვინც ჩემი და სხვა პოლიტპატიმრების სურათებით გამოვიდა და იმ გამომსვლელებს, ვინც პოლიტპატიმრების გათავისუფლებას ითხოვდნენ.

ჩვენ ვაჩვენეთ, რომ როცა ერთად ვართ, ბევრი ვართ. როცა ბევრი ვართ, ვერ გვერევიან. საქართველო ჯერ არ მომკვდარა, ის პირიქით ძალებს იკრებს და ისევ დადგება ფეხზე.

ოღონდ არსებული მუხტი არ უნდა გავაციოთ, პირიქით გავაძლიეროთ და წინააღმდეგობის მოძრაობა უნდა მოედოს მთელ ქვეყანას.

თუ გაბედულად ვიმოქმედებთ, აუცილებლად გავიმარჯვებთ!“ -წერს სააკაშვილი.

ჩვენს დროში კომუნალური გადასახადების დაფარვა ბევრი ოჯახის ბიუჯეტს საკმაოდ დიდ პრობლემას უქმნის. ამასთან, ხარჯების უმეტესი წილი ელექტროენერგიაზე მოდის. შეიძლება თუ არა ელექტროენერგიის დანახარჯის შემცირება ისე, რომ მნიშვნელოვნად არ შევიზღუდოთ თავი და ოჯახის თითოეულ წევრს უკან არ ვსდიოთ ნათურების გამორთვის მოთხოვნით? როგორც აღმოჩნდა, შეიძლება და ქვემოთ სწორედ ამაზე ვისაუბრებთ.

როგორ შევამციროთ ელექტროენერგიის დანახარჯები?

ტელევიზორი

ყველაზე მცირე რაოდენობით ელექტროენერგიას თანამედროვე პლაზმური და LCD ტელევიზრები მოიხმარს. იგივე ეხება კომპიუტერის მონიტორებსაც. თუ 17 დიუიმიან კინესკოპურ ტელევიზორს ჩართულს დავტოვებთ, იგი 190კვტ/სთ. ენერგიას დაწვავს. ახალი მოდელის ტელევიზორები კი აღჭურვილია ეკონომიის რეჟიმით, რომელიც წელიწადში130-135 კვტ/სთ ენერგიის დაზოგვის საშუალებას იძლევა.

მობილური ტელეფონი

ყველამ არ იცის, რომ დენის წყაროში დატოვებული დამტენი ენერგიას მოიხმარს ტელეფონის გამორთვის შემდეგაც კი. იმ შემთხვევაში თუ დამტენი გამუდმებით რჩება როზეტში შეერთებული, მოხმარებული ენერგიის 95% იკარგება.

მტვერსასრუტი

ელექტროენერგიის ეკონომია ამ ხელსაწყოსაც შეუძლია. ამგვარი ეფექტის მისაღებად საკმარისია დროულად გავწმინდოთ მტვრის ტომარა და გამოვცვალოთ ჰაერის გამწმენდრი ფილტრები.

კომპიუტერი

თანამედროვე კომპიუტერების მოდელებს გააჩნიათ ეკონომიის რეჟიმი, რომელიც შეიძლება ხელით ჩავრთოთ, ან ავტომატურად გააქტიურდეს. ამ პროცედურის შემდეგ მოხმარებული ელექტროენერგიის რაოდენობა 50%-მდე უნდა შემცირდეს.

ელექტროღუმელი

იმ შემთხვევაში, თუ იყენებთ ჭურჭელს, რომელიც არ შეესაბამება ელექტროღუმლის კომფორების ზომას, დახარჯული ენერგიის 10% იკარგება. ენერგეტიკული რესურსების ხარისხიანი მოხმარებისთვის საჭიროა ქვაბების, ჩაიდნებისა თუ ტაფების სწორი შერჩევა – მათი ძირის დიამეტრი უნდა ემთხვეოდეს გაცხელებადი ზედაპირის დიამეტრს. ასევე უმჯობესია, საჭმლის მომზადების დროს ქვაბს თავსახური დავახუროთ – ეს ენერგიის 20%-ს დაზოგავს.

სარეცხი მანქანა

სარეცხი მანქანა ზედმეტ ელექტროენერგიას მოიხმარს ორ შემთხვევაში: ჩატვირთული სარეცხის ნორმის გადაჭარბების ან პირიქით, არასრული ჩატვირთვის დროს. პირველ შემთხვევაში, ენერგიის გადამეტება შეადგენს 10-15%-ს, მეორე შემთხვევაში კი – იზრდება 30%-მდე.

მაცივარი

მაცივარი მოთავსებული უნდა იყოს გრილ ადგილზე, იმ მოწყობილობებისგან მოშორებით, რომლებიც სითბოს გამოყოფს. თუ შენობის შიგნით ტემპერატურა 30 გრადუსს აღწევს, მაცივრის მიერ ელექტროენერგიის მოხმარება 100%-ით იზრდება.

წყარო

სა­ქარ­თვე­ლო­ში არამ­დგრა­დი ამინ­დე­ბი გრძელ­დე­ბა. სი­ნოპ­ტი­კო­სე­ბის პროგ­ნო­ზით, უახ­ლო­ეს დღე­ებ­ში ქვეყ­ნის მას­შტა­ბით რო­გორც ძლი­ერ ქარ­სა და წვი­მას, ისე ტემ­პე­რა­ტუ­რის მკვეთრ, თით­ქმის 15-გრა­დუ­სი­ან ვარ­დნას უნდა ვე­ლო­დოთ. დე­ტა­ლებ­ზე, თუ რო­დის გა­მო­ი­და­რებს და რო­გო­რი ამინ­დია მო­სა­ლოდ­ნე­ლი დე­და­ქა­ლაქ­სა და რე­გი­ო­ნებ­ში, სი­ნოპ­ტი­კო­სი თა­მარ პა­პაშ­ვი­ლი გვე­სა­უბ­რე­ბა:

– მიმ­დი­ნა­რე კვი­რა­ში მო­სა­ლოდ­ნე­ლია არამ­დგრა­დი ამინ­დი. და­სავ­ლეთ სა­ქარ­თვე­ლოს უმე­ტეს რა­ი­ონ­ში წვი­მა. ხვა­ლინ­დელ დღეს აღ­მო­სავ­ლეთ სა­ქარ­თვე­ლო­ში უფრო მე­ტად მო­სა­ლოდ­ნე­ლია ქა­რის გაძ­ლი­ე­რე­ბა. 29 მა­ისს, სა­ქარ­თვე­ლოს უმე­ტეს რა­ი­ონ­ში იწ­ვი­მებს და იქ­რო­ლებს და­სავ­ლე­თის მი­მარ­თუ­ლე­ბით ძლი­ე­რი ქარი.

პე­რი­ო­დუ­ლად გა­მო­ი­და­რებს, მა­გა­ლი­თად, 28 მა­ისს, რო­გორც და­სავ­ლეთ, ისე აღ­მო­სავ­ლეთ სა­ქარ­თვე­ლო­ში, ტემ­პე­რა­ტუ­რა მო­ი­მა­ტებს, ქა­რიც ჩად­გე­ბა, მზი­ა­ნი, კარ­გი, თბი­ლი დღე გვექ­ნე­ბა, შე­საძ­ლოა 30 გრა­დუსს გა­და­ა­ჭარ­ბოს ტემ­პე­რა­ტუ­რამ. თუმ­ცა 29-ში მო­სა­ლოდ­ნე­ლი ძლი­ე­რი წვი­მე­ბი, რო­გორც და­სავ­ლეთ, ისე აღ­მო­სავ­ლეთ სა­ქარ­თვე­ლო­ში, ეს ყვე­ლა­ფე­რი გა­მო­იწ­ვევს ტემ­პე­რა­ტუ­რის კლე­ბას.

29 მა­ისს ტემ­პე­რა­ტუ­რა და­იკ­ლებს, რო­გორც და­სავ­ლეთ, ისე აღ­მო­სავ­ლეთ სა­ქარ­თვე­ლო­ში, და­ახ­ლო­ე­ბით 15-16 გრა­დუ­სამ­დე. ეს საკ­მა­ოდ დიდი კლე­ბა იქ­ნე­ბა, 30 გრა­დუს­თან მი­მარ­თე­ბა­ში. შემ­დეგ დღე­ებ­ში 30-31 მა­ისს, ზო­გან შე­საძ­ლე­ბე­ლია ისევ იწ­ვი­მოს, პირ­ვე­ლამ­დე არამ­დგრა­დი ამინ­დია სა­ქარ­თვე­ლო­ში.

– რაც შე­ე­ხე­ბა დე­და­ქა­ლაქს?

– დე­და­ქა­ლაქ­ში უფრო მე­ტად ქა­რია მო­სა­ლოდ­ნე­ლი, თუმ­ცა 29 მა­ისს, თბი­ლის­შიც იწ­ვი­მებს.

26 მაისს თა­ვი­სუფ­ლე­ბის მო­ე­დან­ზე და­მო­უ­კი­დებ­ლო­ბის დღი­სად­მი მი­ძღვნი­ლი სა­ზე­ი­მო ღო­ნის­ძი­ე­ბა იმართება. ღონისძიებას პარლამენტების წევრები ოჯახებთან ერთად ესწრებიან, მათ შორის, კახა კალაძე მეუღლესთან, დიზაინერ ანუკი არეშიძესთან ერთად.

ანუკი არეშიძე 26 მაისისადმი მიძღვნილ ღონისძიებებზე ყოველთვის კლასიკურ სტილს ირჩევს. ამჯერად მან არჩევანი Saint Laurent-ის დიდი ზომის პიჯაკსა და შარვალზე გააკეთა, რომელიც მუქი ფერის სათვალესა და თეთრ პერანგს მოუხდინა.

Saint Laurent-ის ნაცრისფერი პიჯაკი, რომელიც ანუკი არეშიძემ დამოუკიდებლობის დღისთვის აირჩია, $ 5 450 ღირს, ხოლო იმავე ბრენდის შარვლის ღირებულება დაახლოებით 2 100 დოლარია.

ეზოტერიკოსი  და მეტაფიზიკის მცოდნე, გოგა მანია „პრაიმტაიმთან“ მძიმე ცოდვაზე საუბრობს, რაც ჯადოს შეეხება. 

„ძალიან მინდა ამ თემას გავუსვა ხაზი, ეს არის მაგია და ჯადო, ეს ორი განსხვავდება ერთმანეთისგან, მაგიას ფერი არ გააჩნია, ორივე ერთნაირად ზემოქმედებს, დაზიანება ხდება ადამიანის ასტრალური გარსის და მერე გადმოდის ფიზიკურ სხეულზე დაზიანება, რაც იწვევს ფსიქოსომატიკაზე უდიდეს დარტყმას.

დაფარულ საიდუმლოებაში გვიწერია მსგავსად, როგორც გავუფრთხილდებით ჩვენ, ჩვენს სულიერებას, ფიზიკურ სხეულს ასევე ვიქნებით ჩვენც. ნუ დააზიანებთ ერთმანეთს ადამიანებო, ნებისმიერი 1 წუთიანი რაღაცის გამო, რადგან ეს არის ბევრად და მძიმედ მომაკვდინებელი საშინელი საკითხი. ეს ნიშნავს აიღოთ იარაღი და ისროლოთ საკუთარ ფეხზე.

შეპყრობას რაც შეეხება, 70-დან 80 პროცენტს აქვს მაგიური ზეგავლენა(ჯადო) საქართველოში. ჯადო იწვევს თქვენივე ვიბრაციის დაცემას, ენერგეტიკულ დისბალანსს, ჩაკეტვას, სულიერ და ფიზიკურ დიდ ტკივილს. ეს გადადის შვიდ თაობაზე და შვილებზე“,- ამბობს გოგა მანია.