Blog

მარ­ტის ბოლო კვი­რა ას­ტრო­ლო­გი­უ­რი მოვ­ლე­ნე­ბით დატ­ვირ­თუ­ლი იქ­ნე­ბა, რაც მნიშ­ვნე­ლო­ვან გავ­ლე­ნას მო­ახ­დენს ჩვენს ყო­ველ­დღი­უ­რო­ბა­ზე.

კვი­რის მთა­ვა­რი ას­პექ­ტე­ბი

კვი­რის პირ­ველ ნა­ხე­ვარ­ში მზის, სა­ტურ­ნი­სა და პლუ­ტო­ნის გავ­ლე­ნით მოგ­ვი­წევს არ­ჩე­ვა­ნის გა­კე­თე­ბა პა­სუ­ხის­მგებ­ლო­ბა­სა და გარ­თო­ბას შო­რის. ეს პე­რი­ო­დი კარ­გია ძვე­ლი გა­მოც­დი­ლე­ბის გა­მო­სა­ყე­ნებ­ლად.

ვერ­ძე­ბი და ლო­მე­ბი: მი­აღ­წე­ვენ წარ­მა­ტე­ბას კა­რი­ე­რა­ში, თუ თავ­შე­კა­ვე­ბას გა­მო­ი­ჩე­ნენ.

მო­რი­ე­ლე­ბი: ფი­ნან­სურ მდგო­მა­რე­ო­ბას ახა­ლი ცოდ­ნი­თა და მე­თო­დე­ბით გა­ი­უმ­ჯო­ბე­სე­ბენ.

თხის რქე­ბი და მერ­წყუ­ლე­ბი: წარ­მა­ტე­ბუ­ლე­ბი იქ­ნე­ბი­ან სო­ცი­ა­ლურ პრო­ექ­ტებ­ში.

მშვილ­დოს­ნე­ბი, კუ­რო­ე­ბი და ქალ­წუ­ლე­ბი: მიზ­ნე­ბის მი­საღ­წე­ვად არაჩ­ვე­უ­ლებ­რივ გამ­ჭრი­ა­ხო­ბას გა­მო­ავ­ლე­ნენ.

კირჩხი­ბე­ბი და თევ­ზე­ბი: იპო­ვი­ან მო­ტი­ვა­ცი­ას სუ­ლი­ე­რი და ფი­ზი­კუ­რი გან­ვი­თა­რე­ბის­თვის.

სას­წო­რე­ბი და ტყუ­პე­ბი: გა­თა­ვი­სუფ­ლდე­ბი­ან ეჭ­ვე­ბის­გან, რაც მათ ახ­ლობ­ლებ­ზეც პო­ზი­ტი­უ­რად აი­სა­ხე­ბა.

ხუთ­შა­ბათს ვე­ნე­რა­სა და ქი­რო­ნის შე­ერ­თე­ბა ემო­ცი­ურ ფონს და­ამ­ძი­მებს. თევ­ზებ­მა, სას­წო­რებ­მა და კუ­რო­ებ­მა შე­საძ­ლოა თავი მარ­ტო­სუ­ლად იგ­რძნონ, ხოლო მშვილ­დოს­ნე­ბი და ლო­მე­ბი გარ­შე­მომ­ყო­ფე­ბის მი­მართ კრი­ტი­კუ­ლე­ბი გახ­დე­ბი­ან.

პროგ­ნო­ზი ზო­დი­ა­ქოს ნიშ­ნე­ბის მი­ხედ­ვით

♈ ვერ­ძი (21 მარ­ტი – 20 აპ­რი­ლი)

მთელ ენერ­გი­ას კა­რი­ე­რას და­უთ­მობთ, ხში­რად პი­რა­დი ცხოვ­რე­ბის ხარ­ჯზე. დას­ვე­ნე­ბი­სა და ჯან­მრთე­ლო­ბა­ზე ზრუნ­ვის შან­სი მხო­ლოდ უქ­მე­ებ­ზე მო­გე­ცე­მათ. მშო­ბელ­მა ვერ­ძებ­მა ყუ­რა­დღე­ბა უნდა მი­აქ­ცი­ონ შვი­ლე­ბის აქ­ტი­ურ დას­ვე­ნე­ბას.

♉ კურო (21 აპ­რი­ლი – 20 მა­ი­სი)

სი­ზარ­მა­ცეს დაძ­ლევთ და პრო­ფე­სი­ულ წინსვლა­ზე გა­და­ერ­თვე­ბით. მო­სა­ლოდ­ნე­ლია გავ­ლე­ნი­ა­ნი მფარ­ვე­ლე­ბის გა­მო­ჩე­ნა. კვი­რის შუა პე­რი­ოდ­ში სუ­ლი­ერ სიმ­შვი­დეს ძი­ე­ბა დაგ­ჭირ­დე­ბათ, შა­ბათ-კვი­რა კი ოჯა­ხურ გა­რე­მო­ში გა­ა­ტა­რეთ.

♊ ტყუ­პე­ბი (21 მა­ი­სი – 20 ივ­ნი­სი)

კვი­რის და­სა­წყის­ში პრაქ­ტი­კუ­ლი საქ­მე­ე­ბით და­კავ­დე­ბით, რაც შფოთ­ვას და­გა­ვი­წყებთ. კვი­რის ბო­ლოს შე­მო­სავ­ლე­ბის ზრდის შან­სი გაჩ­ნდე­ბა, თუმ­ცა ფუ­ლის წი­ნას­წარ ხარ­ჯვას არ გირ­ჩევთ.

♋ კირჩხი­ბი (21 ივ­ნი­სი – 22 ივ­ლი­სი)

ახა­ლი იდე­ე­ბი დიდ­ხანს გაგ­ყვე­ბათ. პი­რად ცხოვ­რე­ბა­ში შთა­გო­ნე­ბის პე­რი­ო­დი გაქვთ — იქ­ნე­ბით მახ­ვილ­გო­ნი­ე­რი და მომ­ხიბ­ვლე­ლი. სამ­სა­ხურ­ში შე­საძ­ლოა კო­ლე­გებ­თან მცი­რე უთან­ხმო­ე­ბა მო­გი­ვი­დეთ.

♌ ლომი (23 ივ­ლი­სი – 22 აგ­ვის­ტო)

წარ­მა­ტე­ბის­თვის თავ­შე­კა­ვე­ბა და კე­თილ­გო­ნი­ე­რე­ბა დაგ­ჭირ­დე­ბათ. ნუ აჰ­ყვე­ბით პრო­ვო­კა­ცი­ებს სამ­სა­ხურ­ში. კვი­რის ბო­ლოს ემო­ცი­უ­რი ფონი და­წყნარ­დე­ბა და ჰარ­მო­ნი­ას და­იბ­რუ­ნებთ.

♍ ქალ­წუ­ლი (23 აგ­ვის­ტო – 22 სექ­ტემ­ბე­რი)

კა­რი­ე­რუ­ლი ამ­ბი­ცი­ე­ბის და­საკ­მა­ყო­ფი­ლებ­ლად და­ჟი­ნე­ბუ­ლი მო­თხოვ­ნა და გამ­ბე­და­ო­ბა დაგ­ჭირ­დე­ბათ. პი­რად ცხოვ­რე­ბა­ში სტა­ბი­ლუ­რო­ბაა. გან­სა­კუთ­რე­ბუ­ლი ყუ­რა­დღე­ბა მი­აქ­ცი­ეთ გულ-სის­ხლძარ­ღვთა სის­ტე­მას.

♎ სას­წო­რი (23 სექ­ტემ­ბე­რი – 22 ოქ­ტომ­ბე­რი)

ცხოვ­რე­ბა გა­უმ­ჯო­ბეს­დე­ბა, თუ კომ­პლექ­სე­ბი­სა და ეჭ­ვე­ბის­გან გა­თა­ვი­სუფ­ლდე­ბით. იმუ­შა­ვეთ თვით­შე­ფა­სე­ბა­ზე. უქ­მე­ებ­ზე მო­ე­რი­დეთ ხალ­ხმრა­ვალ ად­გი­ლებს და ზედ­მეტ ხარ­ჯებს.

♏ მო­რი­ე­ლი (23 ოქ­ტომ­ბე­რი – 21 ნო­ემ­ბე­რი)

ძვე­ლი შე­ხე­დუ­ლე­ბე­ბის გა­და­ფა­სე­ბა პო­ზი­ტი­ურ ცვლი­ლე­ბებს მო­გი­ტანთ რო­გორც კა­რი­ე­რა­ში, ისე სიყ­ვა­რულ­ში. ფი­ნან­სუ­რი მა­ტე­ბა კვი­რის პირ­ველ ნა­ხე­ვარ­შია მო­სა­ლოდ­ნე­ლი. გა­უფრ­თხილ­დით ფსი­ქო­სო­მა­ტურ ჯან­მრთე­ლო­ბას.

♐ მშვილ­დო­სა­ნი (22 ნო­ემ­ბე­რი – 21 დე­კემ­ბე­რი)

ახა­ლი იდე­ე­ბის გე­ნე­რა­ტო­რი ხართ. კვი­რის შუ­ა­ში შე­საძ­ლოა ემო­ცი­უ­რი დაღ­ლა იგ­რძნოთ, რა­საც ქველ­მოქ­მე­დე­ბა ან სხვე­ბის დახ­მა­რე­ბა უშ­ვე­ლის. უქ­მე­ე­ბი სა­ინ­ტე­რე­სო ღო­ნის­ძი­ე­ბებს გპირ­დე­ბათ.

♑ თხის რქა (22 დე­კემ­ბე­რი – 19 იან­ვა­რი)

სა­მო­მავ­ლო გეგ­მე­ბის და­სახ­ვის­თვის სა­უ­კე­თე­სო დროა. მო­აგ­ვა­რებთ გა­უ­გებ­რო­ბებს ნა­თე­სა­ვებ­თან. კვი­რის ბო­ლოს ჯან­მრთე­ლო­ბას­თან და­კავ­ში­რე­ბით ყუ­რა­დღე­ბა გმარ­თებთ – ნუ გა­და­დებთ სპე­ცი­ა­ლის­ტთან ვი­ზიტს.

♒ მერ­წყუ­ლი (20 იან­ვა­რი – 18 თე­ბერ­ვა­ლი)

ოპ­ტი­მიზ­მით სავ­სე კვი­რაა. წარ­მა­ტე­ბა გე­ლით რო­გორც სამ­სა­ხურ­ში, ისე ოჯა­ხურ საქ­მე­ებ­ში. სა­სიყ­ვა­რუ­ლო ფრონტზე სა­სი­ა­მოვ­ნო სი­ურპრი­ზე­ბი და აქ­ტი­უ­რი კო­მუ­ნი­კა­ცია გე­ლით.

♓ თევ­ზე­ბი (19 თე­ბერ­ვა­ლი – 20 მარ­ტი)

კვი­რის და­სა­წყის­ში ემო­ცი­უ­რი დაქ­ვე­ი­თე­ბა გექ­ნე­ბათ, რა­საც სუ­ლი­ე­რი პრაქ­ტი­კე­ბით დაძ­ლევთ. ნუ მო­ე­რი­დე­ბით გა­მოც­დი­ლი ადა­მი­ა­ნე­ბის­გან რჩე­ვის კი­თხვას. კვი­რის ბო­ლოს საყ­ვა­რე­ლი ადა­მი­ა­ნე­ბის გა­რე­მოც­ვა­ში და­ის­ვე­ნებთ.

ჟურნალისტი ნანუკა ჟორჟოლიანი სოციალურ ქსელში, „დროას“ ერთ-ერთი ლიდერის, ელენე ხოშტარიას მიმართ სასამართლო განაჩენს ეხმაურება და თბილისის მერს კახა კალაძეს მიმართავს:

“ნეტავ კახი კალაძე როგორ გრძნობს თავს, როცა იცის რომ მის ბანერე გაკეთებული წარწერის გამო ქალი, 4 შვილის დედა ციხეში უნდა იჯდეს თითქმის 2 წელი. თვითონ რას იტყოდა ოპოზიციაში ყოფნის დროს გიგი უგულავას ბანერზე გაკეთებული წარწერის გამო, ქალი პოლიტიკოსი რომ ციხეში გამოეკეტათ.ხვალ, ზეგ, მაზეგ როგორ აპირებთ ამ ყველაფრით ცხოვრებას. მთელი ცხოვრება ხომ ეს ამბავი გაგყვება დამღად. ჯერ რომ ქალს აპატიმრებენ შენს გამო და მერე მიზეზსაც ხომ გააჩნია.მაგრად ტეხავს კახი,” – წერს ნანუკა ჟორჟოლიანი.

ცნობისთვის, კახა კალაძის საარჩევნო ბანერის დაზიანებაში ბრალდებული პოლიტიკოსი, „დროას“ ლიდერი, ელენე ხოშტარია სასამართლომ დამნაშავედ ცნო. გადაწყვეტილება თბილისის საქალაქო სასამართლოს მოსამართლემ გიორგი არევაძემ მიიღო. არევაძის განაჩენით, ელენე ხოშტარიას 1 წლითა და 6 თვის ვადით თავისუფლების აღკვეთა მიუსაჯა. შესაბამისად, ხოშტარია პენიტენციურ დაწესებულებას 1 წელში დატოვებს.

აღსარება ჩვენი სულის ცხონებისთვისაა. მას მოჰყვება ზიარება, რომელიც სულსა და სხეულს წამლობს. ამაში კი სწორად თქმული აღსარება გვეხმარება.

გთავაზობთ რამდენიმე სასულიერო პირის ქადაგებას აღსარებასთან დაკავშირებით.

მამა თეოდორე გიგნაძე: – მოდიან და ჩამოწერილი მოაქვთ აღსარება. ვხედავ ზოგადად უწერიათ – მახასიათებს ამპარტავნება, ამაყი ვარ, უსიყვარულო ვარ…

აღსარება სულიერი პორტრეტი უნდა იყოს. აქ სად ჩანს შენი სულიერი პორტრეტი? ადამიანი საკუთარ თავს არ იცნობს. ეს დაღუპვაა ადამიანისთვის. ადამიანები ისე ბერდებიან ეკლესიაში, რომ აღსარების თქმა არ იციან. ეს არ არის აღსარება. ეს სულიერი პორტრეტი არ არის. ადამიანი საკუთარ თავს არ იცნობს. გესმით, როგორი საშიშროების წინ დგას ასეთი ადამიანი? არ გიცნობ, გეტყვის უფალი იმიტომ, რომ პიროვნულად არ გახსნილხარ არც საკუთარი თავის, არც უფლის წინაშე. ადამიანი საკუთარ თავს არ იცნობს და ღმერთის წინაშე არ იხსნება. რომელ ცხონებაზეა ლაპარაკი?! ქრისტიანობა პრაგმატულად მოაზროვნე ხალხის რელიგიაა, რომლებმაც კონკრეტულად იციან, რა არის მათი საკეთებელი. ეს დისციპლინაში ვლინდება და ყოველი ნაბიჯის სისწორეში, სულიერი ცხოვრების რაციონალურ გადაწყვეტილებაში. ჩვენ კი გადღაბნილად ვცხოვრობთ. გაცნობიერებული უნდა მქონდეს, რას ნიშნავს ქრისტიანი.

მამა დავით ნოზაძე:  – როდესაც აღსარებაზე მივდივართ, წინა დღეს უნდა ავიღოთ ფურცელი და ჩვენი ცოდვები უნდა ჩამოვწეროთ. არ უნდა დაგჭირდეს კითხვა, კიდევ რა ჩაიდინეო, თვითონ უნდა უყვებოდე მოძღვარს ყვ

აღსარების თქმისას პირველ რიგში ორი ცოდვა უნდა შევინანოთ – ღვთისა და მოყვასის უსიყვარულობა. რაც გეხებათ, გულწრფელად უნდა შეინანოთ.

მარხვა სინანულის ღვაწლია. საჭმლის მოკლება, ლოცვის მომატება; ეს იმას ემსახურება, რომ დავფიქრდეთ, სად ვართ, რა მიზნისთვის შეგვქმნა ღმერთმა და ჩვენ როგორ ვასრულებთ ჩვენს მოვალეობას. ღმერთს შეუძლია ცოდვები მოგვიტეოს, მაგრამ მათი პატიება უნდა ვთხოვოთ. წმინდა მამები გვეუბნებიან, რომ ჩვენი ლოცვა და აღსარება უფალს ესმის, ღმერთი აღიარებულ ცოდვებს გვპატიობს.

ყოველ ღამე დაფიქრდით, რომელი მცნება შეასრულე, რომელი დაამარცხე, რომელი ჩაიდინე. ყოველ ღამე რომ ასე მოიქცეთ, ცოდვების იმხელა ნუსხა დაგიგროვდებათ, რომ აღარ დაგჭირდებათ მოძღვრის შეკითხვები.

როცა შენი ცოდვა არ გახსოვს, ნიშნავს რომ არ ნანობ.

როგორც წმინდა გარდამოცემა გვეუბნება, პეტრე მოციქულს ყოველი მამლის დაყივლებაზე ახსენდებოდა საკუთარი ნათქვამი, რომ იესო ქრისტეს არ იცნობდა, ამიტომ მას მუდამ ჰქონდა სინანულის განცდა. ჩვენც ყოველთვის თვალწინ უნდა გვედგეს ჩვენი ცოდვები. და აღარ უნდა გავბედოთ სხვისი განკითხვა. ნებისმიერზე უნდა ფიქრობდეთ, რომ ეს ადამიანი ჩემზე უკეთესიაო. აი, მაშინ გვიყვარს მოყვასი. უნდა ვეცადოთ მივბაძოთ წმინდანებს, მათთან სიახლოვე უნდა გვქონდეს. განსაკუთრებით მათთან, ვისი სახელიც გვქვია. მათი ცხოვრება კარგად ვიცოდეთ.

მამა აკაკი კაჭახიძე: ვნებასა და მრუშობაზე აღსარება დაწვრილებით არ უნდა მოჰყვე. ამას რომ ჰყვები, გახსენდება, ხელახალი ბრძოლები გეწყება. უნდა თქვა, დავეცი ცოდვით და მორჩა! ამის თქმა ისედაც მძიმეა ადამიანისთვის. მღვდელი შენდობის ლოცვას რომ წაიკითხავს, უკვე ნაპატიები აქვს. საეკლესიო სწავლება და ასევე წმინდა მამები გვასწავლიან, რომ მღვდელმა არ უნდა დააკონკრეტებინოს აღმსარებელს ეს ცოდვა. დაწვრილებით არ უნდა მოაყოლოს.

მამა ზურაბ ცხოვრებაძე: აღსარების გარეშე ადამიანი ვერ ცხონდება. საგულისხმოა წმინდა მამების მიერ აგებული აღსარებები, მათ შორის ეფრემ ასურის. იქ ვნახავთ, როგორ უნდა განვიკითხავდეთ საკუთარ თავს. როგორ არ უნდა ვზოგავდეთ და ვამხელდეთ ჩვენს თავს. ეს მამები არავითარ შემთხვევაში არ ზოგავდნენ თავს აღსარების დროს, მკაცრები იყვნენ საკუთარი თავის მიმართ. ამით მათ ცხონებისკენ გაიკვალეს გზა.

აი, რას წერს წმინდა ეფრემ ასური: ბოლო არ უჩანს ბოროტ დაუდევრობას. დავმონებულვარ ჩემს დამღუპველ ვნებებს, ბოროტებას, მომაკვდინებელს ჩემსას. ველი იმედად სინანულს და სიკვდილამდე თავს ვიტყუებ ამაო დაპირებებით. ყოველთვის ვამბობ, რომ მოვინანიებ და არასოდეს ვნანობ. სიტყვით თითქოს მხურვალე მონანული ვარ, მაგრამ საქმით, შორს ვარ სინანულისგან.

ალბათ, ეს განწყობა ბევრ თქვენგანს ეცნო. დაუდევრობაში სულიერი ცხოვრებაში დაუდევრობა იგულისხმება. გადავდებთ სინანულს, ხვალ, ზეგ დავიწყებო, ვამბობთ. გადავდებთ ხოლმე. ამასობაში ეშმაკი შეგვიტყუებს დაპირებებში, ასე გადის დრო და ჩვენი ასაკი უახლოვდება იმ პერიოდს, როდესაც ჩვენი სული და ხორცი ერთმანეთისგან გაიყრება.

„რა მომელის განკითხვის დღეს? როდესაც ღმერთი სამსჯავროზე ყველაფერს გამოაჩენს.”

აქვე ისღა დაგვრჩენია აქვს, ჩვენს მიწიერ ცხოვრებაში გული მოვულბოთ უფალს და ვთხოვოთ შენდობა, რომ არ განვისაჯოთ და სამუდამო სატანჯველში არ მოვხვდეთ.

„არ მსურს ღირსეულის პატივისცემა, ხოლო თავად უღირსი, პატივს ვითხოვ. არ მსურს თავი შევიწუხო, ხოლო თუ სხვა არ მომემსახურება, ვმრისხანებ. სხვებთან ერთად არ მსურს მუშაობა, ხოლო თუ მე არ დამეხმარებიან, ბოროტვმეტყველებ მათზე.”

ჩვენ მოგვწონს, რომ ჩვენ პატივს გვცემენ, ღირსეულად გვექცევიან, მაგრამ სხვას ვაკლებთ ამ ყველაფერს. როდესაც ჩვენ არ დაგვეხმარებიან, ვმრისხანებთ ხოლმე. ჩვენი თავის და სხვების მიმართ ტენდენციურნი ვართ. ძალიან გვიყვარს ჩვენი თავი. მისგან ვხდით კერპს.

კაცთა მოდგმის მტერი მოსვენებას არ გვაძლევს და თუ რაიმეში ოდნავი წარმატება მოგვეცა, ის მალევე წაგვერთმევა და სხვა ვნებებს გვიძლიერებს. ჩვენც უძლურად ვმარცხდებით. ერთი მცირე წარმატება სრულიად თავბრუს გვახვევს და გვგონია, რომ ღვაწლის ასპარეზზე გავედით, ცხონების გზას ვადგავართ, ამიტომ სხვა მხრივ მოვდუნდებით და დაცემაც იქვეა ჩასაფრებული.

არეულ ფიქრებს გვიჩენს, ფუჭ საკითხებზე გვაფიქრებინებს ეშმაკი, რომ მთავარზე, სულის ცხონებაზე და გადარჩენაზე არ ვიფიქროთ.

ცოდვები, რომლებიც ჩვენ წვრილმანები გვგონია, შესაძლოა სამსჯავროზე წვრილმანებად არ გამოჩნდეს. ამიტომ უფლისგან შეწევნა და გონების გახსნა უნდა ვითხოვოთ.

„ენა ჩემი ლამაზად საუბრობს, საქციელი კი საძულველია. ვაი მე, როდესაც გაცხდადდება ყოველი საიდუმლო. ფრიად მშვენიერია ჩემი სიტყვები სხვებისათვის, საქმეები კი საზიზღარია. სხვებს ვასწავლი წესიერებას, თვითონ კი საცოდავი ვეძლევი ვნებებს. როცა სხვა ცოდავს, დავცინი და აბუჩად ვიგდებ, ვაი, რომ გაცხადდებიან ჩემი უსჯულოებანი და შევრცხვები” – ამბობს ეფრემ ასური.

ასეა, ლამაზად ვაფორმებთ ჩვენს თავს, შინაგან მდგომარეობას, ვსაუბრობთ სარწმუნოებაზე, მაგრამ საქმე სულ სხვაა.

არ უნდა შევეჩვიოთ ჩვენს ცოდვებს. მსუბუქი არ უნდა გვეგონოს. ისინი უნდა ვაღიაროთ და უფალს გული მოვულბოთ…

ეზოთერიკოსი გოგა მანია სოციალურ ქსელში წინასწარმეტყველებას ავრცელებს:

“21.01.2024 წლის  ჩანაწერი … რადიკალური ცვლილებები დიდ ბრიტანეთში! თავდასხმა რუსეთის მთავარსარდალზე! და ომი რომელიც გარდაუვალია, !! საქართველოს სათავეში ადამიანის მოსვლა, რომელიც ასე ძალიან უარყავით! დიდი გლოვა ეკლესიების კარიბჭესთან”

მომღერალმა და ტელეწამყვანმა ანრი ჯოხაძემ სოციალურ ქსელში ახალი ფოტო გამოაქვეყნა, რასაც მისი ფეისბუქ-

მეგობრების კრიტიკა მოჰყვა. როგორც ჩანს, ანრის გადაპარსულ თმას ვერ ახდენენ.

მარიო ბიონდის ჰგავხარ აქ“; „დაბნელება პირველ სახლში იმიჯზე აისახა, ხომ?“; „თურქული სერიალის პერსონაჟს რატომ ჰგავხარ?“; „ვაიმე, ანრი, რატომ შვილო? მაინც მიყვარხარ“; „არა ანრი, არ არის შენი“ – წერენ კომენტარებში.

წელს მართლმადიდებლური სამყარო აღდგომას 12 აპრილს აღნიშნავს. ოფიციალურად, სააღდგომო დღეებში დასვენებაა: წითელი პარასკევი, დიდი შაბათი, აღდგომა, მიცვალებულთა მოხსენიების დღე. ამიტომ, 10-13 აპრილი ოფიციალურად უქმე დღეებია.

აღსანიშნავია, რომ 9 აპრილი, საქართველოს სახელმწიფოებრივი დამოუკიდებლობის აღდგენის აქტის მიღების დღე, საქართველოს ეროვნული ერთიანობის, სამოქალაქო თანხმობისა და სამშობლოსათვის დაღუპულთა მოგონების დღე, ასევე ოფიციალურად უქმე დღეა, რომელიც წელს ხუთშაბათს ემთხვევა.

შესაბამისად, სკოლებსა და ბაღებში 9 აპრილიდან 13 აპრილის ჩათვლით დაისვენებენ. ამის შესახებ  განათლების, მეცნიერებისა და ახალგაზრდობის სამინისტროსა და თბილისის საბავშვო ბაგა-ბაღების მართვის სააგენტომაც დაადასტურა.

დაკონსერვებული პროდუქტით გურჯაანის მუნიციპალიტეტში 30  წლის ქალი გარდაიცვალა. შემთხვევა სოფელ კარდენახში მოხდა. ადგილობრივების ინფორმაციით, ახალგაზრდა ქალმა სახლში დამზადებული დაკონსერვებული ბადრიჯანი შეჭამა და თავი შეუძლოდ იგრძნო.

სასწრაფო-სამედიცინო დახმარების ბრიგადამ ქალი კლინიკაში გადაიყვანა. ძლიერი ინტოქსიკაციის გამო, ექიმებმა მისი გადარჩენა ვერ შეძლეს. გარდაცვალების ფაქტზე ექსპერტიზა დაინიშნა.

გარდაცვლილს მცირეწლოვანი შვილები დარჩა.

მსოფლიო ბედნიერების ინდექსის მიხედვით საქართველომ წლიური შეფასების 10-ბალიანი სისტემით 5.64 ქულა მიიღო, რითაც ახალი ისტორიული მაქსიმუმი დააფიქსირა, – ამის შესახებ ინფორმაციას „ქართული ოცნება“ ავრცელებს.

როგორც მათ მიერ გავრცელებულ ინფორმაციაშია ნათქვამი, საქართველო ევროპის საუკეთესო ოცეულში მოხვდა ორ კრიტერიუმში: ცხოვრებისეული არჩევანის თავისუფლება და კორუფციის აღქმა.

„ოქსფორდის უნივერსიტეტის კეთილდღეობის კვლევის ცენტრმა გაეროს მდგრადი განვითარების გადაწყვეტილებების ქსელთან და საერთაშორისო შემფასებელ კვლევით ორგანიზაცია Gullup-თან პარტნიორობით მსოფლიო ბედნიერების 2026 წლის ანგარიში გამოაქვეყნა. კვლევის ფარგლებში, განხორციელდა მსოფლიოს 147 სახელმწიფოსა და ტერიტორიაზე ცხოვრების დონის შეფასების გაუმჯობესების ისტორიული ანალიზი 20-წლიან პერიოდში. ისტორიული პროგრესის დასადგენად მკვლევრებმა საბაზისო 2006-2010 წლების მსოფლიო გამოკითხვის შედეგები მიმდინარე 2023-2025 წლების ანალოგიურ კვლევებს შეადარეს და ისტორიული პროგრესის მიხედვით მსოფლიოს საუკეთესო ქვეყნები გამოავლინეს. შედეგები საქართველოსთვის კეთილსაიმედო აღმოჩნდა. საქართველო მსოფლიოში მესამე ადგილზე გავიდა. ანგარიშში ვკითხულობთ, რომ „ხუთივე ლიდერი ცენტრალურ და აღმოსავლეთ ევროპაში მდებარეობს: სერბეთი, ბულგარეთი, საქართველო, ლატვია და ბოსნია და ჰერცეგოვინა“. მთლიანობაში, მსოფლიო ბედნიერების ინდექსის მიხედვით საქართველომ წლიური შეფასების 10- ბალიანი სისტემით 5.64 ქულა მიიღო, რითაც ახალი ისტორიული მაქსიმუმი დააფიქსირა.

ცალკე აღსანიშნავია ისიც, რომ საქართველო ევროპის საუკეთესო ოცეულში მოხვდა ისეთ საკვანძო მნიშვნელობის ორ კრიტერიუმში, როგორიცაა ცხოვრებისეული არჩევანის თავისუფლება და კორუფციის აღქმა.

არჩევანის თავისუფლებით საქართველო უსწრებს ევროკავშირის და ნატოს წევრ 19 სახელმწიფოს. ეს ქვეყნებია: ავსტრია, ლიეტუვა, ბულგარეთი, ბელგია, ესტონეთი, გერმანია, რუმინეთი, კვიპროსი, დიდი ბრიტანეთი, ესპანეთი, სლოვაკეთი, შეერთებული შტატები, ხორვატია, უნგრეთი, საფრანგეთი, ჩრდილოეთ მაკედონია, იტალია, საბერძნეთი, თურქეთი.

კორუფციისგან თავისუფლების აღქმით საქართველო უსწრებს ევროკავშირის და ნატოს წევრ 20 სახელმწიფოს. ეს ქვეყნებია: შეერთებული შტატები, ესპანეთი, მალტა, ხორვატია, ლიეტუვა, კვიპროსი, ლატვია, მონტენეგრო, სლოვენია, თურქეთი, ალბანეთი, იტალია, ჩეხეთი, უნგრეთი, საბერძნეთი, რუმინეთი, სლოვაკეთი, პორტუგალია, ჩრდილოეთ მაკედონია, ბულგარეთი“,- ნათქვამია ინფორმაციაში.

„ბრძანება, რომელიც პატრიარქმა დაწერა და გამოაქვეყნა, დაახლოებით ცხრა წლის წინ, არის მისი ანდერძის სურვილი და ეს არის ანდერძიც“, – ამის შესახებ საპატრიარქოს საზოგადოებასთან ურთიერთობის სამსახურის ხელმძღვანელმა განაცხადა.

ჟურნალისტებთან საუბრისას, ანდრია ჯაღმაიძემ გაიხსენა, წლების წინ, პატრიარქთან საუბარი.

„მას შემდეგ, რაც 2017 წლის 23 ნოემბერს პატრიარქმა გამოაცხადა თავისი მოსაყდრე, პირველი კომენტარის გასაკეთებლად ტელევიზიაში როდესაც მივდიოდი, პატრიარქმა დამსვა და ამიხსნა, რა უნდა მელაპარაკა. რომ მესაუბრებოდა, თან ვერ ვუყურებდი, მედო ფურცელი და ვიწერდი მის ნალაპარაკევს. ეს ფურცელი დღესაც შენახული მაქვს. მან თქვა, მითქმა-მოთქმა რომ არის, სად არის ანდერძი, რა წერია ანდერძშიო –  გახსოვთ, მაშინ წამოვიდა ძალიან უხერხული თემები, თითქოს ქამარზე კიდია სეიფის გასაღები და ასე შემდეგ – ასე რომ ამბობენ, ქამარზე კიდია ეს გასაღებიო, აქ არის, თუ იქ არისო, მაგით მეტად აღარ დაინტერესდნენო, რაც უნდა ეწეროს ანდერძში, ის დავწერე და გამოვაცხადე ხმამაღლაო, რომ აღარ ჰქონდეთ ბჭობა, ეს წერია, თუ ის წერია ანდერძში. ამიტომ უნდა მივიჩნიოთ, რომ ბრძანება, რომელიც პატრიარქმა დაწერა და გამოაქვეყნა, დაახლოებით ცხრა წლის წინ, არის მისი ანდერძის სურვილი და ეს არის ანდერძიც“, – აღნიშნა ანდრია ჯაღმაიძემ.