Category: Uncategorized

2025 წლის 1-ელ ნოემბრამდე ზედმეტად გაცემული პენსია, ასევე ზედმეტად გაცემული სახელმწიფო კომპენსაცია და შემწეობა ლეგალიზებულად ჩაითვლება და უკან დაბრუნებას აღარ დაექვემდებარება. ამასთან ერთად, შეწყდება უკან დაბრუნების საქმეებზე დაწყებული ადმინისტრაციული და სააღსრულებო წარმოებები.

მთავრობის მიერ მომზადებული შესაბამისი საკანონმდებლო ინიციატივა პარლამენტის საფინანსო-საბიუჯეტო კომიტეტმა განიხილა. საკითხი ჯანდაცვის მინისტრის მოადგილემ ირინე წაქაძემ წარადგინა.

კანონის თანახმად, პენსიის, ისევე როგორც კომპენსაციისა და შემწეობის შეწყვეტის საფუძველია პირის მიერ საჯარო სამსახურში საქმიანობის დაწყება, მის მიმართ გამამტყუნებელი განაჩენის კანონიერ ძალაში შესვლა, გარდაცვალება და სხვა.

როგორც მთავრობა განმარტავს, ხშირია შემთხვევები, როდესაც დადგენილი რეგულაციებიდან გამომდინარე, ინფორმაციის გვიან მოწოდება ხდება და ამის გამო თანხები ზედმეტად გაიცემა.

პარლამენტის მიერ კანონის მიღების შედეგად, ზედმეტად დარიცხული პენსიების შემთხვევაში, შეღავათი 1 685 პენსიონერს/გარდაცვლილის მემკვიდრეს შეეხება, სახელმწიფო ბიუჯეტის სასარგებლოდ დასაბრუნებელი თანხის ოდენობა კი, 1 213 804 ლარს შეადგენს.

ზედმეტად გაცემული სახელმწიფო კომპენსაციის ლეგალიზაცია 252 პირს შეეხება, მათ შორის არის 32 პირს, რომელთა მიმართ სასამართლო წარმოება მიმდინარეობს.

რაც შეეხება შემწეობას, სოციალური მომსახურების სააგენტოს ინფორმაციის მიხედვით, შეღავათი სოციალური პაკეტის მიმღებ 304 პირს შეეხება, ხოლო სახელმწიფო ბიუჯეტის სასარგებლოდ დასაბრუნებელი თანხის ოდენობა 130 500 ლარია. ასევე შეღავათი შეეხება საარსებო შემწეობის მიმღებ 1 444 პირს/ოჯახს, ხოლო სახელმწიფო ბიუჯეტის სასარგებლოდ დასაბრუნებელი თანხის ოდენობა 2 653 678 ლარს შეადგენს.

წყარო: IPN.GE

3-დღიანი ძებნის შემდეგ ბათუმის ზღვაში 23 წლის ბიჭის ცხედარი იპოვეს – ნოდარ დარჩიძე ზღვაში 5 ივლისს, მეგობართან ერთად შევიდა და მალევე გაუჩინარდა. მეგობარმა წყლიდან გამოსვლა უვნებლად შეძლო, მას კი მაშველები ეძებდნენ.

2023 წლის სექტემბერში სეისმოლოგებმა უნიკალური სიგნალი დააფიქსირეს, რომელიც ცხრა დღის განმავლობაში მთელ პლანეტაზე ვრცელდებოდა. განსხვავებით მიწისძვრებისგან, ეს სიგნალი მხოლოდ ერთი სიხშირისგან შედგებოდა და ის ისმოდა არქტიკიდან ანტარქტიდამდე. თავდაპირველად მას “USO” ეწოდა — უცნობი სეისმური ობიექტი – წერს Science და Nature Communications-ი.

საერთაშორისო მკვლევართა ჯგუფმა დაადგინა, რომ ამ სიგნალის მიზეზი გახდა მასშტაბური კატასტროფა აღმოსავლეთ გრენლანდიაში. 2023 წლის 16 სექტემბერს დიქსონის ფიორდში გიგანტური მეწყერი ჩამოიშალა, რომლის მოცულობა დაახლოებით 10 000 ოლიმპიური აუზის ტოლფასი იყო ქანების სახით. ამან გამოიწვია 200-მეტრიანი მეგაცუნამი — ტალღა, რომელიც სიდიდით აღემატებოდა ცნობილი სატელიტურ კოშკს, Space Needle-ს.

ფიორდში წყალმა წინ და უკან მოძრაობა დაიწყო, რასაც სეიში ეწოდება — ფენომენი, რომელიც დაახლოებით 10 000-ჯერ აირეკლა ცხრა დღის განმავლობაში. სწორედ ეს მოძრაობა დააფიქსირეს სეისმურმა სენსორებმა მთელ მსოფლიოში. მეცნიერები კატასტროფის მიზეზად კლიმატის ცვლილებას და მყინვარების დნობას ასახელებენ, რამაც მთის ფერდობები არასტაბილური გახადა.

„ეს არის პირველი შემთხვევა, როცა წყლის შხეფისგან წარმოქმნილი რხევა დედამიწის ქერქის გავლით მთელ პლანეტაზე გავრცელდა,“ — აღნიშნა სეისმოლოგმა სტივენ ჰიკსმა (UCL-დან).

დღეს, თბილისის დროით 07:35 საათზე, ონის მუნიციპალიტეტში, ქალაქ ონიდან სამხრეთ-აღმოსავლეთით 9 კილომეტრში, სოფელ ირიში 3.2 (ML) მაგნიტუდის მიწისძვრა დაფიქსირდა.

ინფორმაციას დედამიწის შემსწავლელ მეცნიერებათა ინსტიტუტი და სეისმური მონიტორინგის ეროვნული ცენტრი ავრცელებს.

ვერძი
დღე ხელს შეგიწყობთ მნიშვნელოვანი საკითხების მოგვარებაში. სამსახურში შესაძლოა საინტერესო შეთავაზება მიიღოთ, ხოლო პირად ურთიერთობებში გულწრფელი საუბარი ბევრ გაუგებრობას მოაგვარებს. ფინანსურ საკითხებში სიფრთხილე გამოიჩინეთ.

კურო
მოთმინება დღეს თქვენი მთავარი უპირატესობა იქნება. ნუ იჩქარებთ გადაწყვეტილებების მიღებას. სასიამოვნო სიახლე შესაძლოა ოჯახის წევრისგან ან ახლობლისგან მიიღოთ.

ტყუპები
აქტიური და დატვირთული დღე გელით. კომუნიკაცია წარმატებას მოგიტანთ, ამიტომ შეხვედრები და მოლაპარაკებები გადადოთ არ ღირს. საღამოს დასვენებისთვის დრო აუცილებლად გამონახეთ.

კირჩხიბი
ინტუიცია დღეს განსაკუთრებით ძლიერად იმუშავებს. ენდეთ საკუთარ შეგრძნებებს, განსაკუთრებით ფინანსურ და საქმიან საკითხებში. საყვარელი ადამიანის მხარდაჭერა დამატებით მოტივაციას მოგცემთ.

ლომი
თქვენი ენერგია და თავდაჯერებულობა სხვების ყურადღებას მიიპყრობს. კარგი დღეა ახალი პროექტების დასაწყებად და საკუთარი იდეების წარმოსაჩენად. ეცადეთ, ზედმეტად არ იჩქაროთ.

ქალწული
დღე დეტალებზე ყურადღების გამახვილებას მოითხოვს. შესაძლოა მცირე შეცდომამ გეგმები შეგიცვალოთ, თუმცა სიმშვიდის შენარჩუნებით ყველაფერს მარტივად მოაგვარებთ. ჯანმრთელობასაც მეტი ყურადღება მიაქციეთ.

სასწორი
რომანტიკული და სასიამოვნო დღე გელით. ახალი ნაცნობობა ან მოულოდნელი შეხვედრა დადებით ემოციებს მოგიტანთ. სამსახურში გუნდური მუშაობა საუკეთესო შედეგს გამოიღებს.

მორიელი
დღეს შეიძლება მნიშვნელოვანი გადაწყვეტილების მიღება მოგიწიოთ. ნუ აჰყვებით ემოციებს და ყველა დეტალი კარგად შეაფასეთ. ფინანსურ სფეროში კარგი შესაძლებლობა გამოჩნდება.

მშვილდოსანი
ოპტიმიზმი და კარგი განწყობა მთელი დღის განმავლობაში გაგყვებათ. მოგზაურობასთან, სწავლასთან ან ახალი გამოცდილების მიღებასთან დაკავშირებული გეგმები წარმატებით განვითარდება.

თხის რქა
პრაქტიკული მიდგომა დღეს საუკეთესო შედეგს მოგიტანთ. ყურადღება მიაქციეთ სამუშაოს და დაუსრულებელ საქმეებს. საღამოს ოჯახურ გარემოში სასიამოვნო დრო გელით.

მერწყული
შემოქმედებითი იდეები წარმატების მიღწევაში დაგეხმარებათ. კარგი დროა ახალი პროექტების დასაწყებად ან ჰობის განვითარებისთვის. მოულოდნელი ზარი ან შეტყობინება სასიამოვნო სიახლეს მოგიტანთ.

თევზებიდღე ემოციურად მშვიდი და ჰარმონიული იქნება. ინტუიცია სწორ გზას გაჩვენებთ, ხოლო ახლობლებთან ურთიერთობა კიდევ უფრო გამყარდება. საღამოს დასვენება და ძალების აღდგენა არ გადადოთ.

ბევრი თქვენგანი არასდროს დაფიქრებულა იმაზე, რომ ჯანმრთელობა და გონივრული უნარები მჭიდროდაა დაკავშირებული პირად ჰიგიენასთან. ალბათ ისიც ძნელი წარმოსადგენია, რომ რაც არ უნდა მოვუაროთ თავს, თუნდაც ორჯერ მივიღოთ დღეში შხაპი, გვრჩება სხეულის ერთი ნაწილი მოსავლელი, სადაც 67-ზე მეტი სახეობის ბაქტერიაა და ჰიგიენურად სუფთად აღარ ვითვლებით. დღევანდელ სტატიაში სწორედ სხეულის ამ ნაწილზე მინდა გესაუბროდ და განგიმარტოდ თუ როგორი მოვლა და ზრუნვაა მასზე საჭირო, ბაქტერიები ხომ მრავალი დაავადების გამომწვევი ერთ-ერთი ძირითადი მიზეზია.

რეგულარულ შხაპს შეუძლია მოგვაცილოს სხეულიდან ასობით ბაქტერია, თუმცა შხაპიდან გამოსვლის შემდეგ გვრჩება სხეულის ერთი ნაწილი, რომელზე განსაკუთრებული მოვლაც გვავიწყდება და ამიტომ ის ისევ ბინძური რჩება.

ვერ წარმოიდგენთ და ეს არის ჭიპი. დიახ ჭიპი, რომელიც იდეალური ადგილია ბაქტერიებისთვის. იმის გამო, რომ ჭიპი ჩვენი სხეულის ზედაპირიდან ჩაზნექილია, მასში გროვდება კანის მკვდარი უჯრედები, ქსოვილის ნაწილები, მტვერი, მარილები, რასაც შხაპის დროს ემატება საპონი და ის კიდევ ხელს უწყობს ამ ბაქტერიებს ზრდასა და განვითარებაში. ამიტომ აუცილებელია მასზე განსაკუთრებული მოვლა სხვადასხვა დაავადებების თავიდან აცილების მიზნით.

ჭიპის გასუფთავების სწორი მეთოდი:

შხაპის მიღების წინ ბამბა დაასველეთ სპირტში (სამედიცინო ან ოჯახის) და გამოისუფთავეთ ჭიპი. გააკეთეთ ბამბის ახალი ტამპონი, რომელზეც დაატანთ საშხაპე გელს და უკვე აბაზანაში ყოფნის დროს გამოისუფთავეთ ჭიპი. შხაპის მიღების შემდეგ კარგად გამოირეცხეთ ჭიპი თბილი წყლით და შეიმშრალეთ რბილი ქსოვილის პირსახოცით (უმჯობესია პირსახოცი იყოს ბამბის ქსოვილის).

ნუ დაზარდებით ამ მეტად მარტივ მეთოდს სწორად მოუაროთ ჭიპს და აიცილოდ თავიდან მოსალოდნელი დაავადებები.

ბათუმში, სასტუმრო „ჰილტონის“ პირველ სართულზე, ბულვარის მხარეს, სადაც რესტორანი ფუნქციონირებს, ხანძარი გაჩნდა. ამის შესახებ ინფორმაციას „აჭარა თაიმსი“ ავრცელებს.

როგორც „პრაიმტაიმს“ საგანგებო სიტუაციების მართვის სამსახურში განუცხადეს, ცეცხლი ამ დროისთვის ლიკვიდირებულია.

მათივე ცნობით, შემთხვევის შედეგად არავინ დაშავებულა.

ხანძრის გამომწვევი მიზეზი უცნობია.

ძლიერმა წვიმამ დედაქალქში და მათ შორის ქალაქ რუსთავში პრობლემები შექმნა. სოციალურ ქსელში ვრცელდება რუსთავი-თბილისის დამაკავშირებელი გზის ვიდეოს, სადაც ჩანს, რომ წყალმა მანქანის სავალი ნაწილი დატბორა.

7-9 ივლისს აღმოსავლეთ საქართველოში მოსალოდნელი ძლიერი წვიმებისა და უამინდობის შემდეგ, ამინდი ეტაპობრივად გაუმჯობესდება.

გარემოს ეროვნული სააგენტოს ინფორმაციით, 9 ივლისის დღის მეორე ნახევრიდან ნალექი შესუსტდება და ქვეყნის უმეტეს ნაწილში გამოიდარებს.

სინოპტიკოსების პროგნოზით, 10 ივლისიდან საქართველოში კვლავ მზიანი და თბილი ამინდები დამყარდება.

დაბლობ რაიონებში ჰაერის ტემპერატურა +31-დან +36 გრადუსამდე მოიმატებს, ხოლო დასავლეთ საქართველოს ცალკეულ რაიონებში შესაძლოა +37 გრადუსსაც მიაღწიოს. მთიან და მაღალმთიან რეგიონებში შედარებით გრილი ამინდი შენარჩუნდება, თუმცა დღის მეორე ნახევარში ადგილ-ადგილ ხანმოკლე წვიმა და ელჭექი კვლავ შესაძლებელია.

შეგახსენებთ, რომ 9 ივლისის დღის პირველ ნახევრამდე აღმოსავლეთ საქართველოში კვლავ მოსალოდნელია დროგამოშვებითი წვიმა, ზოგან ძლიერი, რის გამოც შესაბამისი სამსახურები მოსახლეობას სიფრთხილისკენ მოუწოდებენ.

თბილისში, გია ჭანტურიას ქუჩაზე ავტომობილს ცეცხლი გაუჩნდა. ადგილზე იმყოფებოდნენ საპატრულო პოლიციისა და სახანძრო სამსახურის ჯგუფები.

„პრაიმტაიმს“ საგანგებო სიტუაციების მართვის სამსახურში უთხრეს, რომ ხანძარი უკვე ლიკვიდირებულია. მათივე ცნობით, შემთხვევის შედეგად არავინ დაშავებულა.

ხანძრის გამომწვევი მიზეზი უცნობია.