Category: Uncategorized

“რუსთავი 2”-ზე ახალი გადაცემა “ამბავი იწყება, რომლის წამყვანი სალომე გოგიაშვილი იქნება. პირველი გადაცემის ნაწყვეტი გავრცელდა. გივი სიხარულიძის მიმართვა მამაკაცებისადმი კრიტიკის ქარცეცხლში მოექცა.

“ტვ პირველის” ინფორმაციით, პოლიციის თანამშრომლებს პაპუნა ლოცულაშვილი სხვა პირში აერიათ. ისინი ადგილზე ნარკოტიკის დამდებ პირს ეძებდნენ.

ადვოკატის, რევაზ რევაზიშვილის თქმით, პაპუნა ლოცულაშვილს პოლიციამ მანქანა ფეხებთან გაუჩერა და კინაღამ დააჯახა, რაზეც დაზარალებულმა უკმაყოფილება გამოთქვა, ამის შემდეგ კი შსს-ს წარმომადგენლები პირდაპირ ძალადობაზე გადავიდნენ.

რევაზ რევაზიშვილი გვიყვება, რომ პაპუნა ლოცულაშვილს თავიდან 3 პირი სცემდა, შემდეგ კი დამხმარე ეკიპაჟის წევრებიც ჩაერთნენ ძალადობაში.

ადვოკატის თქმით, თავდაპირველად მას მისი დაცვის ქვეშ მყოფის ნახვის შესაძლებლობა არ ჰქონდა. მათი ინფორმაციით, პაპუნა ლოცულაშვილი პოლიციელებს მანქანაში ეჯდათ და მთელ ქალაქში დაატარებდნენ.

“არასდროს ისეთ სამართალდარღვევასთან შეხება არ ჰქონია, რაც საფუძველს მისცემდა სამართალდამცავი ორგანოების წარმომადგენლებს, რომ შეეჩერებინათ, ან რაიმე ტიპის საგამოძიებო მოქმედება ჩაეტარებინათ მათ მიმართ. იგი არის ბანკის თანამშრომელი და არასდროს კანონდარღვევაში შემჩნეული არ ყოფილა. იგი თავის მეგობართან, ჩემს მეორე დაცვის ქვეშ მყოფ პირთან იმყოფებოდა გორში იმ ლოკაციაზე მიმდებარედ და როდესაც იგი ბრუნდებოდა ბანკში, სამსახურში, მან დაინახა, რომ პოლიციის თანამშრომლები დიდი სისწრაფით შემოვიდნენ ეზოში და ლამის შეაჯახეს ავტომანქანა მას. როდესაც გადმოვიდნენ პოლიციის თანამშრომლები უთხრა, რომ რატომ მოხდა ისე, რომ თითქმის დაეჯახნენ მას და ამის შემდეგ დაიწყო ეგრევე ძალადობა, თავიდან ძალადობდა 3 პოლიციის თანამშრომელი, გაუგებარი მიზეზით, ანუ იმის გამო, რომ როგორ შეუბრუნა სიტყვა, როგორ გამოხატა უკმაყოფილება მათი ავტომანქანის მანევრის გამო და ამის შემდეგ, გადავიდნენ პირდაპირ ძალადობაზე.

ჩვენ ისიც ვნახეთ ვიდეოკადრებში, როდესაც დამხმარე ეკიპაჟი მოდის, პოლიციის თანამშრომლების, ისინიც, აბსოლუტურად უმიზეზოდ, იწყებენ ძალადობას ჩემი დაცვის ქვეშ მყოფ პირებზე.

ერთ-ერთი პოლიციელი ამბობს, რომ თითქოს მას ცივი იარაღი ჰქონდა, მაგრამ ეს არის აბსურდი. ეს იყო ალბათ იმისთვის მოფიქრებული, რომ თავი გაემართლებინათ პოლიციის თანამშრომლებს სამომავლოდ.

არ მეძლეოდა შესაძლებლობა, რომ ჩემი დაცვის ქვეშ მყოფ პირთან, პაპუნა ლოცულაშვილთან მქონოდა კომუნიკაცია. მაქსიმალურად მალავდა სახელმწიფო იმას, სად იმყოფებოდა პაპუნა ლოცულაშვილი, რა საგამოძიებო მოქმედებები ხორციელდებოდა. ჩვენი ინფორმაციით, პაპუნა ლოცულაშვილი ავტომანქანაში ეჯდათ პოლიციის თანამშრომლებს და მთელ ქალაქში დაატარებდნენ. საწყის ეტაპზე ამ პროცესისა, ჩვენ მინიმალური ინფორმაციაც არ გვქონდა იმასთან დაკავშირებით, სად იმყოფებოდა პაპუნა ლოცულაშვილი, ჩვენ მოვიარეთ პრაქტიკულად ყველა პოლიციის განყოფილება,” – ამბობს ადვოკატი რევაზ რევაზიშვილი.

პაპუნა ლოცულაშვილთან ერთად ნაცემი კიდევ ერთი ახალგაზრდა კაცი, ლაშა აბისონაშვილი გვეუბნება, რომ ის უკვე გამოიკითხა პროკურატურაში და ყველაფერი თქვა.

“რაღა უნდა მივცე, ყველაფერი ნათელია და მეც ვთქვი რაც მოხდა, პროკურატურაშიც ვთქვი. არ ვიცი რაღა უნდა ვილაპარაკო. ერთეული არის ერთი და ორი ადამიანი. ისეთი სიტუაცია იყო ბევრი რამე კიდევ არ მახსოვს,” – ამბობს ლაშა აბისონაშვილი.

დღეს, 28 მაისს, პროკურატურამ გორში, „კომბინატის დასახლებაში“ მოქალაქეზე ძალადობის საქმეზე ექვსი პოლიციელი დააკავა. ძალადობაში მხილებულ პოლიციელებს 5-დან 8 წლამდე პატიმრობა ემუქრებათ.

პოლიციელების ნაწილი ხაშურის, ნაწილი კი დიღმის დროებითი მოთავსების იზოლატორებში გადაიყვანეს.

მათ წინააღმდეგ საქმე აღძრულია სისხლის სამართლის კოდექსის 333-ე მუხლის მესამე ნაწილის „ბ“ ქვეპუნქტით (სამსახურებრივი უფლებამოსილების გადამეტება, ჩადენილი ძალადობით). მუხლს დაკავებულის ადვოკატი და სხვა იურისტები არ ეთანხმებიან და მის გადაკვალიფიცირებას მოითხოვენ.

30 წლამდე კაცს პოლიცია ჯგუფურად გუშინ გაუსწორდა, ნაცემია პაპუნა ლოცულაშვილს მეგობარიც

რუსთავში რამდენიმე ბინის ქურდობის ბრალდებით სამართალდამცავებმა წარსულში რამდენჯერმე ნასამართლევი პირი დააკავა.

ინფორმაციას შინაგან საქმეთა სამინისტრო ავრცელებს.

“შინაგან საქმეთა სამინისტროს ქვემო ქართლის პოლიციის დეპარტამენტის რუსთავის საქალაქო სამმართველოს თანამშრომლებმა,  ბინაში უკანონო შეღწევით დიდი ოდენობით ჩადენილი ქურდობის ბრალდებით, წარსულში რამდენჯერმე ნასამართლევი პირი დააკავეს.

გამოძიებით დადგინდა, რომ ბრალდებული, სხვადასხვა დროს, რუსთავში მდებარე საცხოვრებელი სახლებიდან, ფარულად, უკანონოდ დაეუფლა დიდი ოდენობით თანხას და ძვირფასეულობას.

პოლიციამ ჩატარებული ღონისძიებების შედეგად, დანაშაულის ჩამდენი პირი ბრალდებულის სახით დააკავა, ხოლო ნაქურდალი თანხისა და ძვირფასეულობის ნაწილი, ასევე, საკეტის გასახსნელი ხელსაწყოები ნივთმტკიცებად ამოიღო.

გამოძიება  სისხლის სამართლის კოდექსის 177-ე მუხლით მე-3 და მე-4 ნაწილებით მიმდინარეობს, რაც 10 წლამდე ვადით თავისუფლების აღკვეთას ითვალისწინებს”,- ნათქვამია განცხადებაში.

დუმამ პლენარულ სხდომაზე რუსეთსა და ცხინვალის რეგიონს შორის სამოკავშირეო თანამშრომლობის გაღრმავების შესახებ შეთანხმება დაამტკიცა.

დოკუმენტი დუმას ვლადიმირ პუტინმა წარუდგინა, ხელშეკრულებას კი მოსკოვში 9 მაისს პუტინმა და დე ფაქტო ლიდერმა ალან გაგლოევმა მოაწერეს ხელი.

შეთანხმება ოფიციალურად თავდაცვის, უსაფრთხოების, ეკონომიკის, ინფრასტრუქტურისა და სოციალური პოლიტიკის სფეროებში თანამშრომლობის გაფართოებას ითვალისწინებს.

რუსული მხარე ამტკიცებს, რომ დოკუმენტი ასევე ენერგეტიკული, სატრანსპორტო და სატელეკომუნიკაციო სისტემების ეტაპობრივ გაერთიანებასა და კანონმდებლობის დაახლოებას მოიცავს.

საქართველოს საგარეო საქმეთა სამინისტროს დანცხადება ამ დრომდე არ გაუკეთებია.

ახალციხეში, კოსტავას ქუჩაზე მდებარე კორპუსის მეხუთე სართულიდან გადმოვარდნილი ქალი კლინიკაში გარდაიცვალა. ქალს სიცოცხლისთვის შეუთავსებელი დაზიანებები აღმოაჩნდა.

„შემოიყვანეს ცოცხალი, მაგრამ უგონო მდგომარეობაში იყო. ჩაუტარდა კვლევები,  სიცოცხლისთვის შეუთავსებელი დაზიანებები აღმოაჩნდა და რამდენიმე საათში გარდაიცვალა“, – აცხადებს „სამხრეთის კარიბჭესთან“ კლინიკა „იმედის“ კლინიკური მენეჯერი.

მომხდარზე, გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

იტალიაში, უდინეს პროვინციაში, ტრაგიკულად გარდაიცვალა ქართველი ემიგრანტი, 32 წლის ეკა ჯაჯვანი. მას ქვეითად გადაადგილებისას ავტომანქანა დაეჯახა. მიღებული დაზიანებების შედეგად, ახალგაზრდა ქალი ადგილზევე გარდაიცვალა.

როგორც ემიგრანტები სოციალურ ქსელში წერენ, ამ წუთებში მიმდინარეობს დეტალების დაზუსტება იმასთან დაკავშირებით, თუ სად არის გადასვენებული გარდაცვლილი.

„ძალიან მძიმე დღე გაგვითენდა!!!

ტრაგიკულად გარდაიცვალა ქართველი ემიგრანტი 32 წლის ეკა ჯაჯვანი,უდინეს პროვინციაში მანქანამ გაიტანა.

ძალიან მიმძიმს პოსტის წერა😭

ჯერ არაფერი არ ვიცით სად გადაასვენეს,ადგილზე გარდაიცვალა…როგორც კი გაირკვევა რამე დავწერთ.

ყველაზე მეტად საჭიროა სწორი და დროული რეაგირება მიცვალებულის გადასვენებისთვის.

ვუსამძიმრებთ ოჯახს,ახლობლებს,მეგობრებს,უდინეს ემიგრანტებს და სრულიად საემიგრაციოს…

ძალიან გთხოვთ ილოცეთ მისი სულის სიმშვიდისთვის.

ძალიან გთხოვთ ფრთხილად იყავით ,გაუფრთხილდით საკუთარ თავს“, – უდინეს ემიგრანტების ჯგუფის ადმინი.

“ეს ის შემთხვევაა, როცა ბავშვების მენტორს ვერ მოვწყვიტე კამერა, ბრავო, მათემატიკის პედაგოგს (მამუკა ჭიჭინაძე)” – ამის შესახებ სოციალურ ქსელში “წვეულების სახლი La Fiesta” წერს და ჩხოროწყუს მუნიციპალიტეტის სოფელ ლესიჭინეს N3 საჯარო სკოლის ბანკეტის ვიდეობს აქვეყნებს, როლებმაც ერთ დღეში მილიონი ნახვა და ათასობით კომენტარი დააგროვა.

2026 წლის ზაფხულს ბევრი ასტროლოგი იშვიათი დამთხვევებისა და ბედისწერის მოულოდნელი შემობრუნებების პერიოდს უწოდებს. პლანეტარული ასპექტები ცვლილებებისკენ მათაც კი უბიძგებს, ვინც მკაცრად გაწერილი გეგმის გამოყენებასაა მიჩვეული. ასტროლოგების პროგნოზით, მომდევნო თვეების განმავლობაში ზოდიაქოს ექვსი ნიშანი განსაკუთრებით ძლიერ პოზიციაში აღმოჩნდება, რის გამოც მათ ფულის გამომუშავება, სასარგებლო ნაცნობობის გაბმა და მნიშვნელოვანი გადაწყვეტილებების მიღება გაუმარტივდებათ.

ამ ზაფხულის მთავარი თავისებურება ნელი, მაგრამ სტაბილური ცვლილებებია. წარმატებას არა შემთხვევითი სასწაულები, არამედ ადამიანები, ძველი იდეები და ის პროექტები მოიტანს, რომლებიც დიდი ხნის განმავლობაში უპერსპექტივოდ გვეჩვენებოდა. ასტროლოგები გვირჩევენ, სამსახურთან, სწავლასთან და ახალ კავშირებთან დაკავშირებულ ნებისმიერ შემოთავაზებას მეტი ყურადღებით მოვეკიდოთ.

ტყუპებს ცხოვრების მკვეთრად შეცვლის შანსი მიეცემათ
ტყუპებისთვის ზაფხული ახალი ნაცნობობისა და წინსვლის პერიოდად იქცევა. ბევრი უკვე ივნისში იგრძნობს, რომ მათ გარშემო სასარგებლო კონტაქტებისა და საინტერესო საუბრების რაოდენობა იმატებს. ეს პერიოდი განსაკუთრებით წარმატებული მათთვის აღმოჩნდება, ვინც ინფორმაციის დამუშავების, სოციალური ქსელების, განათლებისა თუ რეკლამის სფეროშია დასაქმებული. ივლისის მეორე ნახევარში მომხდარმა ერთმა შემთხვევითმა შეხვედრამ, შესაძლოა, კარიერასა თუ შემოსავალზე არსებითი გავლენა მოახდინოს. ასტროლოგები ტყუპებს საკუთარი იდეების უფრო ხშირად ჩვენებასა და მნიშვნელოვანი საუბრების სამომავლოდ გადადებისგან თავის შეკავებას ურჩევენ.

ლომებს ფინანსების მატება მოულოდნელი წყაროებიდან ელით
ლომებისთვის ზაფხული იმაზე მშვიდი აღმოჩნდება, ვიდრე თავად ელოდნენ. მკვეთრი ცვლილებების ნაცვლად სტაბილურობა დაისადგურებს და ნახავთ, რომ წარსულში გაწეული ძალისხმევა შედეგს მოგიტანთ. მოსალოდნელია ძველი ვალების დაბრუნება, ჰობიდან მიღებული მოგება ან შემოსავლიანი დამატებითი სამუშაო.

ასტროლოგები ლომებს ფულის ემოციურად ხარჯვისგან თავის შეკავებას ურჩევენ. სწორედ ზაფხულში გაჩნდება სერიოზული თანხის დაზოგვის ან მომავლისთვის სასარგებლო საქმეში ინვესტირების შანსი.

კირჩხიბები ძველი პრობლემების მოგვარებას შეძლებენ
კირჩხიბებისთვის ზაფხულის მთავარ უპირატესობად ძლიერი ინტუიცია იქცევა. ამ ნიშნის მრავალი წარმომადგენელი წინასწარ იგრძნობს, თუ რომელი გადაწყვეტილება მოუტანთ სარგებელს და რომლის გადადება იქნება უკეთესი. ეს განსაკუთრებით ოჯახს, საცხოვრებელ სახლსა და ურთიერთობებს შეეხება.

აგვისტოს ბოლო მნიშვნელოვანი საუბრებისა და საოჯახო ცვლილებებისთვის ყველაზე ხელსაყრელ დროდ მიიჩნევა. ზოგიერთი კირჩხიბი იმ პრობლემის მოგვარებასაც კი შეძლებს, რომელიც წლების განმავლობაში აწუხებდა.

კუროებს ჩვეული რეჟიმიდან გამოსვლა მოუწევთ
კუროებისთვის ზაფხული ისეთი პერიოდი იქნება, როდესაც ცვლილებები სტაბილურობაზე მეტ სარგებელს მოიტანს. მიუხედავად ცხოვრების ჩვეული რიტმისადმი სიყვარულისა, შემოსავლის გაზრდასა თუ სამუშაო მიმართულების შეცვლაში მათ სწორედ ახალი შემოთავაზებები დაეხმარებათ.

ივლისის მეორე ნახევარში ხელსაყრელი ნაცნობობის ალბათობა გაიზრდება. ასტროლოგების აზრით, განსაკუთრებით წარმატებული აღმოჩნდება სწავლასთან, ფინანსებთან და ერთობლივ მუშაობასთან დაკავშირებული პროექტები…ვრცლად