Author: tea

42 წლის ნიკა კაპანაძემ ვერაზე არასრულწლოვნებს იარაღის მჭიდი დააცალა. თვითმხილველები ამბობენ, რომ თავდასხმის მიზეზი მოზარდების სიცილი გახდა.

იხილეთ სიუჟეტი სრულად:

აგვისტოში საქართველოში, წინასწარი მეტეოროლოგიური პროგნოზების მიხედვით, უმეტესად ცხელი და მზიანი ამინდებია მოსალოდნელი, თუმცა თვის განმავლობაში პერიოდულად ხანმოკლე წვიმა და ელჭექიც აღინიშნება, განსაკუთრებით მთიან და მაღალმთიან რეგიონებში.

სინოპტიკოსების შეფასებით, ჰაერის ტემპერატურა აგვისტოს განმავლობაში საშუალო მრავალწლიურ მაჩვენებელზე მცირედით მაღალი იქნება.

დაბლობ და ბარის რაიონებში დღის საათებში ტემპერატურა ძირითადად +33…+38 გრადუსის ფარგლებში იმერყევებს, ხოლო ყველაზე ცხელ დღეებში, განსაკუთრებით აღმოსავლეთ საქართველოში, +39…+41 გრადუსამდეც მოიმატებს.

თბილისში აგვისტოს უმეტეს დღეებში მოსალოდნელია მზიანი და მშრალი ამინდი. დღის ტემპერატურა ძირითადად +35…+38 გრადუსი იქნება, ხოლო ცალკეულ დღეებში შესაძლოა +40 გრადუსსაც მიაღწიოს.

დასავლეთ საქართველოში ჰაერი შედარებით ნოტიო იქნება. შავი ზღვის სანაპიროზე ტემპერატურა +30…+33 გრადუსის ფარგლებში შენარჩუნდება, თუმცა მაღალი ტენიანობის გამო სიცხე უფრო მძაფრად იგრძნობა.

მთიან და მაღალმთიან რეგიონებში დღის მეორე ნახევარში მოსალოდნელია ღრუბლიანობის მატება, ადგილობრივი ხასიათის წვიმა, ელჭექი და ზოგან სეტყვაც.

„სუხიშვილების“ ცნობილი მოცეკვავე გარდაიცვალა.

სამწუხარო ინფორმაცია სოციალურ ქსელში ვრცელდება.

„ღრმა მწუხარებით მივიღეთ ცნობა საქართველოს სახალხო არტისტის, „სუხიშვილების“ ოქროს თაობის გამორჩეული მოცეკვავის, თამაზ კიკალიშვილის (კუჭუს) გარდაცვალების შესახებ. მთელი თავისი შემოქმედებითი ცხოვრების განმავლობაში მან ფასდაუდებელი ღვაწლი გასწია ქართული ეროვნული ქორეოგრაფიული ხელოვნების განვითარებისა და პოპულარიზაციის საქმეში.

„სუხიშვილების“ სახელოვან ანსამბლთან ერთად მან ღირსეულად წარმოაჩინა საქართველო მსოფლიოს მრავალ სცენაზე და მნიშვნელოვანი კვალი დატოვა ქართული კულტურის ისტორიაში. ნათელი მის ხსოვნას.

გულწრფელ სამძიმარს ვუცხადებთ მის ოჯახს, ახლობლებს, კოლეგებსა და ქართული კულტურის თითოეულ გულშემატკივარს…“, – წერია გავრცელებულ ინფორმაციაში.

ხე­ლოვ­ნე­ბათმცოდ­ნე ცირა ელი­საშ­ვი­ლი რუს­თა­ვე­ლის გამ­ზირ­ზე, მშე­ნებ­ლო­ბა­ზე მომ­ხდარ ტრა­გი­კულ შემ­თხვე­ვას ეხ­მა­უ­რე­ბა.

“ეს გი­ორ­გია, გუ­შინ რუს­თა­ვე­ლის 30 ნომ­რის მშე­ნებ­ლო­ბი­დან ჩა­მო­ვარ­დნი­ლი 37 წლის გი­ორ­გი კე­ლენ­ჯე­რი­ძე. მას გუ­დი­აშ­ვი­ლის მო­ედ­ნის რე­ა­ბი­ლი­ტა­ცი­ი­დან ვიც­ნობ­დი. ზუ­რაბ ოზ­მა­ნო­ვის ჯგუ­ფის წევ­რი იყო. ამ ჯგუფს უპი­რო­ბოდ ვენ­დო­ბი. სა­ო­ცა­რი ბიჭი იყო, მშვი­დი, სი­ტყვა­ძუნ­წი, მუ­დამ მო­ღი­მა­რი და სა­კუ­თა­რი საქ­მის ძა­ლი­ან დიდი პრო­ფე­სი­ო­ნა­ლი.

თბი­ლის­მა დიდი იმე­დი და­კარ­გა. ძა­ლი­ან უდ­როო იყო მისი წას­ვლა. წარ­მო­უდ­გე­ნე­ლი და­ნაკ­ლი­სია. ერთი, რაც ვიცი გი­ორ­გი შეც­დო­მას არ და­უშ­ვებ­და, იმ­ხე­ლა გა­მოც­დი­ლე­ბა ჰქონ­და. მშე­ნებ­ლო­ბის დროს უსაფრ­თხო­ე­ბის ყვე­ლა ზომა უნდა იყოს და­ცუ­ლი, ასე­თი ადა­მი­ა­ნუ­რი და პრო­ფე­სი­უ­ლი ტრა­გე­დია რომ არ გან­მე­ორ­დეს. მად­ლო­ბა, გიო, თბი­ლი­სის­თვის და ბო­დი­ში,“- წერს ცირა ელი­საშ­ვი­ლი სო­ცი­ა­ლურ ქსელ­ში.

გუ­შინ, თბი­ლი­სის ცენ­ტრში, ალექ­სან­დრე ჭავ­ჭა­ვა­ძის ქუ­ჩა­ზე, ოპე­რის მო­პირ­და­პი­რე მხა­რეს ქუ­ჩა­ზე მშე­ნე­ბა­რე სას­ტუმ­რო­დან მუშა გად­მო­ვარ­და. მა­მა­კა­ცი ად­გილ­ზე და­ი­ღუ­პა.

საქართველოში მიწისძვრა მოხდა.

მიწისძვრის ეპიცენტრი დმანისი იყო.

ბიძგების სიმძლავრემ 3.5 მაგნიტუდა შეადგინა.

26 ივლისის დღის მეორე ნახევრიდან 27 ივლისის დღის პირველ ნახევრამდე დასავლეთ  საქართველოში მოსალოდნელია დროგამოშვებით წვიმა ელჭექით, აჭარის, გურიის, სამეგრელო ზემო-სვანეთის და რაჭა-ლეჩხუმის და ქვემო სვანეთის რეგიონებში ზოგან ძლიერი. ქვეყნის ტერიტორიის უმეტეს ნაწილზე დროგამოშვებით იქროლებს დასავლეთის ძლიერი ქარი, ზღვაზე შესაძლებელია 3-4 ბალიანი შტორმული ღელვა.

მოსალოდნელმა ძლიერმა ნალექებმა შესაძლებელია დასავლეთ საქართველოს მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გაქტიურება გამოიწვიოს (საფრთხის დონე საშუალო).

ახმეტის მუნიციპალიტეტის სოფელ ქვემო ალვანში მცხოვრები 28 წლის ავთო მარხვაიძე გომეწრის ხეობაში, სოფელ ბეღელას მიმდებარედ, გარდაცვლილი იპოვეს.

ოჯახის ამბობს,  ახალგაზრდა კაცი თუშეთის სოფელ ჯვარბოსელში, დღეობაზე მიდიოდა, თუმცა დანიშნულების ადგილამდე ვერ მიაღწია.

ადგილობრივების  განმარტებით, რომ მარხვაიძე ჯვარბოსელის მიმდებარე ტერიტორიაზე საღამოს ჩავიდა. მათი ვარაუდით, სწორედ ამ მონაკვეთზე, ხიდზე გადასვლისას, ის წყალში გადავარდა.

ავთო მარხვაიძეს რამდენიმე დღის განმავლობაში ეძებდნენ. მისი ცხედარი სამძებრო ოპერაციაში ჩართულმა ადგილობრივებმა აღმოაჩინეს.

საქართველოს ფინანსთა სამინისტროს საგამოძიებო სამსახური, საქართველოს პროკურატურასთან ერთად, აქტიურ და უკომპრომისო ბრძოლას განაგრძობს საფინანსო-ეკონომიკურ სფეროში ჩადენილი დანაშაულების აღსაკვეთად. ამის შესახებ ფინანსთა სამინისტროს საგამოძიებო სამსახურის გამომძიებელმა ლევან წაქაძემ განაცხადა.

მისი თქმით, ამჯერად სასამართლოს განჩინების საფუძველზე, დაკავებულნი არიან შპს „სკაიფორტის“ ყოფილი და მოქმედი დირექტორები – კ.კ. და კ.ა.

უწყებაში აცხადებენ, რომ კომპლექსურად ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად დადგინდა, რომ ბრალდებულებმა, სამსახურებრივი მდგომარეობის ბოროტად გამოყენებით, განსაკუთრებით დიდი ოდენობით მართლსაწინააღმდეგოდ მიითვისეს ბინათმშენებლობის მონაწილეთა კუთვნილი თანხები, მოტყუებით დაეუფლნენ სხვის ქონებას და უკანონოდ ისარგებლეს დაყადაღებული ქონებით.

სოციალურ ქსელების მომხმარებელი გაოგნებულია მას შემდეგ, რაც მეცნიერმა ბლოგერმა ჯოლი მოლიმ თქვა, რომ ჩვენ შეიძლება არასოდეს მოვკვდეთ და რომ სამყაროს აღსასრული ადრე მოვიდა, ჩვენ ეს უბრალოდ არ ვიცოდით.

ჯოლი ინტერნეტში ბევრს საუბრობს ჩვენი სამყაროს სტრუქტურაზე და ადამიანებზე სამეცნიერო თვალსაზრისით. ახლა ბლოგერი ამტკიცებს, რომ ჩვენ შეიძლება არასოდეს მოვკვდეთ. უბრალოდ, ჩვენი ცნობიერება გადადის ალტერნატიულ რეალობაში.

ამ სამყაროში ჩვენი სული არსებობს პარალელურ სამყაროში განვლილი ცხოვრების მოგონებების გარეშე, გარდა ზოგიერთი დეტალისა, რომელიც ზოგჯერ ჩვენთვის „არასწორად“ გვეჩვენება.

მოლიმ აღნიშნა, რომ თუ კვანტური უკვდავების თეორია, რომელიც ვარაუდობს, რომ ადამიანები რეალურად არასოდეს კვდებიან, ზუსტია, მაშინ კაცობრიობამ მრავალჯერ შეწყვიტა არსებობა აპოკალიფსური მოვლენების გამო. მაგალითად, „ასტეროიდები, რომლებმაც გაანადგურეს დინოზავრები“ 65 მილიონი წლის წინ.

„თუ უკვდავების კვანტური თეორია სწორია, თქვენ უბრალოდ გაიღვიძებთ პარალელურ სამყაროში და არ გეხსსომებათ, რომ ახლახან განიცადეთ აპოკალიფსური მოვლენა.“- თქვა მოლიმ ვიდეოში.

მან ასევე დააზუსტა, რომ ერთადერთი მინიშნება იმისა, რომ პარალელური სამყარო შეიძლება არსებობდეს, არის „მანდელას ეფექტი“. ეს არის ფენომენი, რომელშიც რამდენიმე ადამიანს აქვს იგივე მოგონებები, რომლებიც ეწინააღმდეგება რეალურ ფაქტებს.

ქსელში მაშინვე დაიწყო ამ ვარაუდის განხილვა და ბევრი დაეთანხმა, რომ ეს ინფორმაცია საკმაოდ საშიშია. ყოველივე ამის შემდეგ, ეს ყველაფერი ამბობს, რომ გამოსავალი არ არის. ცხოვრება მეორდება, მხოლოდ სხვა ფორმით.

მეტეოროლოგი, კობა ფარტენაძე  ბათუმში დატრიალებული ტრაგედიის შესახებ წერს, რომელსაც 2 ადამიანი ემსხვერპლა 7 კი დაშავდა.

„დღეს კიდევ ერთხელ შეგვახსენა ცხოვრებამ, რამდენად მყიფეა ყველაფერი…

ისეთი უბედურება დატრიალდა ჩემს სახლთან, რომ სიტყვებიც კი უძლურია.

საქართველო, ვწუხვარ…

ყველა ვერ იღვიძებს, ვინც ღამით მშვიდად დაიძინა. ყველა ვერ აღწევს დანიშნულების ადგილამდე, ვინც გზას გაუდგა.

ერთი წამიც საკმარისია, რომ მთელი ცხოვრება შეიცვალოს.

მშვიდობა და ძალა ყველა ოჯახს, ვინც ამ ტრაგედიამ შეიწირა ან დაამწუხრა.

გავუფრთხილდეთ ერთმანეთს, რადგან ხვალინდელი დღე არავის აქვს დაპირებული“