Author: tea

21  აპრილს – სამშაბათს

დასავლეთ საქართველოში – დროგამოშვებით ღრუბლიანობის მომატება. ზოგან წვიმა, ღამით მაღალმთაში ზოგან თოვლი. ცვალებადი მიმართულების ქარი 8-13მ/წმ. ჰაერის ტემპერატურა: დაბლობში ღამით +4, +9°, დღისით +15, +20°; მთაში ღამით +1, +6°, დღისით +10, +15°; მაღალმთაში ღამით -3, +2°, დღისით +5, +10°.

აღმოსავლეთ საქართველოში – დროგამოშვებით ღრუბლიანობის მომატება. ღამით ზოგიერთ, დღისით უმეტეს რაიონში ხანმოკლე წვიმა, მაღალმთაში ზოგან თოვლი. ცვალებადი მიმართულების ქარი  8-13მ/წმ. ჰაერის ტემპერატურა: ბარში ღამით +3, +8°, დღისით +7, +12°; მთაში ღამით +1, +6°, დღისით +7, +12°; მაღალმთაში ღამით -4, +1°, დღისით +2, +7°.

22  აპრილს – ოთხშაბათს

დასავლეთ საქართველოში – დროგამოშვებით ღრუბლიანობის მომატება. ზოგან წვიმა, ღამით მაღალმთაში ზოგან თოვლი. ცვალებადი მიმართულების ქარი 8-13მ/წმ. ჰაერის ტემპერატურა: დაბლობში ღამით +4, +9°, დღისით +18 +23°; მთაში ღამით 0, +5°, დღისით +17, +22°; მაღალმთაში ღამით -3, +2°, დღისით  +11, +16°.

აღმოსავლეთ საქართველოში – დროგამოშვებით ღრუბლიანობის მომატება. ზოგან წვიმა, ღამით მაღალმთაში ზოგან თოვლი, შესაძლებელია სეტყვა. ცვალებადი მიმართულების ქარი 8-13მ/წმ. ჰაერის ტემპერატურა: ბარში ღამით 0, +5°, დღისით +16, +21°; მთაში ღამით -1, +4°, დღისით +15, +20°; მაღალმთაში ღამით -5, 0°, დღისით  +6, +11°,ზოგან  +16°-მდე;

 

23  აპრილს – ხუთშაბათს

დასავლეთ საქართველოში – დროგამოშვებით ღრუბლიანობის მომატება. უმეტეს რაიონში ხანმოკლე წვიმა და ელჭექი,  მაღალმთაში ზოგან თოვლჭყაპი, ზოგან ძლიერი. დასავლეთის ქარი 10-15 მ/წმ, ზოგან შესაძლებელია ძლიერი 17-22 მ/წმ. ჰაერის ტემპერატურა: დაბლობში ღამით +6, +11°, დღისით +9 +14°; მთაში ღამით +5, +10°, დღისით +8, +13°; მაღალმთაში ღამით 0, +5°, დღისით  +4, +9°.

აღმოსავლეთ საქართველოში – დროგამოშვებით ღრუბლიანობის მომატება. ღამით ზოგიერთ, დღისით უმეტეს რაიონში ხანმოკლე წვიმა და ელჭექი, შესაძლებელია ძლიერი და სეტყვა,  მაღალმთაში ზოგან თოვლი. დასავლეთის ქარი  10-15 მ/წმ, დღისით ზოგან ძლიერი 17-22 მ/წმ. ჰაერის ტემპერატურა: ბარში ღამით +4, +9°, დღისით +11, +16°, ზოგან  +22°-მდე; მთაში ღამით +1, +6°, დღისით +11, +16°; მაღალმთაში ღამით -3, +2°, დღისით  +3, +8°, ზოგან  +14°-მდე.

ვერძი

დიდ დროს წაგართმევთ პირადი პრობლემების მოგვარება, რომელიც თქვენი დაუდევრობის შედეგია. თქვენი მძაფრი რეაქციები ახლობლების უკმაყოფილებას გამოიწვევს. გააკონტროლეთ ემოციები, ეს ახლა ყველაზე მეტად გჭირდებათ.

კურო

შესაძლოა, დაუფიქრებელი მოქმედებით სერიოზული საფრთხე შეუქმნათ პირად ურთიერთობებს. რაც ნაკლებად აჰყვებით ემოციებს, მით მეტი შანსი გექნებათ თავიდან აიცილოთ გამოუსწორებელი შეცდომები და სწორი გადაწყვეტილებები მიიღოთ.

ტყუპები

სასურველია, მეტი დრო დაუთმოთ პირად ურთიერთობებს. უარი არ თქვათ წვეულებებზე. დაისვენეთ, წინ საინტერესო ამბები გელოდებათ.

კირჩხიბი

გაწუხებთ, რომ ბევრი რამ თქვენი ჩანაფიქრის მიხედვით არ ვითარდება, მაგრამ მალე აღმოაჩენთ, რომ მოულოდნელად ყველაფერი სასიკეთოდ შემობრუნდება.

ლომი

შეეცადეთ, იყოთ უფრო დიდსულოვანი ახლობლებთან, მით უმეტეს, რომ თანდათან უპირობო ლიდერი ხდებით ირგვლივ მყოფებში, გააკონტროლეთ ემოციები და თავს ნუ მოახვევთ ყველას თქვენს სურვილებსა თუ მისწრაფებებს.

ქალწული

ერიდეთ გადაღლას, გააკონტროლეთ ჯანმრთელობა. ნუ მიიღებთ სარისკო გადაწყვეტილებას და ეცადეთ, დაისვენოთ.

სასწორი

სასიკეთო დღეა, იქ სადაც სხვა დროს დიდი ძალისხმევა გჭირდებოდათ, ახლა წარმატებას მარტივად მიაღწევთ, მთავარია, ზედმეტად არ გადაიღალოთ.

მორიელი

საჭიროა, შეცვალოთ ტაქტიკა და ნაკლები ემოციები დახარჯოთ ოჯახში თუ ახლობელ ადამიანებთან ურთიერთობისას. ეცადეთ, ყველაფერი საკუთარი ძალებით გააკეთოთ, მაგრამ, ამასთანავე, ერიდეთ ზედმეტად ფიზიკურ გადაღლილობას.

მშვილდოსანი

რაც ნაკლებად იაქტიურებთ, მით უკეთესია, თუმცა ისიც აღსანიშნავია, რომ ნებისმიერი რთული სიტუაციიდან მოახერხებთ გამოძრომას, ეცადეთ, არავის საქმეში ჩაერიოთ.

თხის რქა

თავი შეიკავეთ ზედმეტი ხარჯებისგან. გაწერეთ ბიუჯეტი. ამ ეტაპზე, ფინანსური საკითხები შესაძლოა, უფრო გართულდეს, ამიტომ, საჭიროა, იყოთ უფრო ეკონომიური და წინდახედული.

მერწყული

სასიამოვნო მოულოდნელობების და დიდი ხნის საოცნებო სურვილების ახდენის ალბათობა დიდია. თქვენი სიმშვიდითა და ტაქტით კი ნებისმიერ ადამიანთან იპოვით მისასვლელ გზას.

თევზები

ფინანსურ საკითხებში თქვენს შინაგან ხმას მოუსმინეთ და დაუგეგმავ საყიდლებს მოერიდეთ. რაც უფრო თავდაჯერებული იქნებით, მით ეფექტურად შეძლებთ მიზნების მიღწევას.

მრავალწლიანი მდუმარებისა და განდეგილობის შემდეგ, ნარიმან მაქარაშვილი ნაქირავებ ბინაში გარდაცვლილი იპოვეს. ადგილზე მობილიზებული იყო პოლიცია და ექსპერტ-კრიმინალისტები, სადარბაზოსთან კი მისი მრევლი შეიკრიბა. შსს-ს ინფორმაციით, გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

აღსანიშნავია, რომ 2025 წლის ვიდეომიმართვაში ცნობილი ქართველი ეზოტერიკოსი და მეტაფიზიკის მცოდნე  გოგა მანია საუბრობდა, რომ ხედავდა სასულიერო პირის გარდაცვალებას, რომელსაც საკუთარი, ე.წ. მრევლი ჰყავდა. 

აი რას ამბობდა გოგა მანია 2025 წლის 11 ნოემბერს:

„მმართველ პოლიტიკოსს, რომელსაც ჯანმრთელობის პრობლემა აქვს, შესაძლოა კლინიკაში გადაიყვანონ.

გარდაიცვლება ყოფილი პოლიტიკოსი; ამ ამბავს საზოგადოება აუცილებლად გაიგებს.

გარდაიცვლება ე.წ. კანონიერი ქურდი; გარდაიცვლება მთავარი სასულიერო ფიგურა. ასევე იქნება სასულიერო პირის გარდაიცვლება (რომელსაც ჰყავს თავისი მრევლი)“, – აღნიშნავდა გოგა მანია თავის წინასწარმეტყველებაში.

საქართველოს ჯანდაცვის სამინისტროს ინფორმაციით, პენსიის გაცემის პროცესი გამარტივდა.

მათივე ცნობით, შესაბამისი ცვლილება საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ბრძანებაში შევიდა.

„კერძოდ, პენსიონერს, გარკვეული საიდენტიფიკაციო მონაცემების უზუსტობის გამო, პენსია აღარ შეუჩერდება. მანამდე არსებული პრაქტიკით, თუ პირადობის მოწმობასა და სახელმწიფო სერვისების განვითარების სააგენტოს ბაზას შორის რაიმე შეუსაბამობა ფიქსირდებოდა, პენსიის გაცემა ჩერდებოდა იქამდე, ვიდრე მოქალაქე ახალ დოკუმენტს არ წარადგენდა. ცვლილებით კი, პენსიის შეჩერება მოხდება მხოლოდ იმ შემთხვევაში, თუ არ დაემთხვევა პირადი ნომერი, დაბადების წელი და თვე.

სხვა შემთხვევაში, სოციალური მომსახურების სააგენტო დაეყრდნობა სახელმწიფო სერვისების განვითარების სააგენტოს მონაცემებს და პენსიონერები კუთვნილ პენსიას შეფერხებისა და ზედმეტი ბიუროკრატიის გარეშე მიიღებენ.

ამ გადაწყვეტილების შედეგად, ყოველთვიურად, 1000-მდე პენსიონერი შეძლებს პენსიის მიღებას დამატებითი პროცედურების გარეშე. მათ აღარ დასჭირდებათ სააგენტოს სერვისცენტრში ან „ლიბერთი ბანკში“ ვიზიტი პენსიის განახლების მოთხოვნით“, – ნათქვამია ჯანდაცვის სამინისტროს ინფორმაციაში.

წყარო: ​primetime.ge

საქართველოს საპატრიარქოს საზოგადოებასთან ურთიერთობის სამსახურის ინფორმაციით, ცოტა ხნის წინ სოციალურ ქსელში შეიქმნა ახალი გვერდი, რომელიც მათ ოფიციალურ ლოგოს არამართებულად იყენებს.

მათივე ინფორმაციით, აღნიშნული გვერდი საპატრიარქოს არ ეკუთვნის.

„ცოტა ხნის წინ სოციალურ ქსელში შეიქმნა ახალი გვერდი, სახელწოდებით: „საქართველოს საპატრიარქოს საკომუნიკაციო გვერდი“, რომელიც არამართებულად იყენებს საპატრიარქოს საზოგადოებასთან ურთიერთობის სამსახურის ოფიციალურ ლოგოს.

განვმარტავთ, რომ აღნიშნული გვერდი საპატრიარქოს არ ეკუთვნის და ჩვენთვის უცნობია, ვინ მართავს მას“, – ნათქვამია ინფორმაციაში.

ბერ ნიკოლოზს ჯანმრთელობის სერიოზული პრობლემები ჰქონდა, თუმცა, გავრცელებული ინფორმაციით, სასწრაფო დახმარების მედიკოსებს მის ბინაში შესვლის შესაძლებლობა არ მიეცათ. ამის შესახებ ცნობები სოციალურ ქსელში ვრცელდება.

ირკვევა, რომ აღნიშნულ ფაქტთან დაკავშირებით შსს-ს ინგა ბოლოთაური დაუკავშირდა და უთხრა, რომ ადგილზე პროვოკატორები იყვნენ მობილიზებულები და დახმარება ითხოვა, თუმცა რეაგირება არ ყოფილა. სოციალურ ქსელში მოქალაქეები წერენ, რომ დახმარებას თავად ბერი ნიკოლოზიც წერილობით ითხოვდა. ადგილობრივის განცხადებით, ბერი ნიკოლოზი ბოლოს 9 აპრილს გამოჩნდა და შეუძლოდ გამოიყურებოდა.

“9 აპრილს გამოვიდა, ცუდად გამოიყურებოდა. ისეთი ქაოსი იყო, ყველას ჭკუას ურევდნენ, მამაოს რა უნდა ექნა? ხალხსაც ჭკუას ურევდნენ, იქ ვინც იდგა. ესენი მართლა ამათმა საქციელებმა აცვეს ჯვარს ეს მამაო, ასეთ დღეში ჩააგდეს”, – ამბობს ადგილობრივი.

მშობლების აქციებს ადევნებს თვალს, რომლებიც კონკრეტულ მედიკამენტებს ითხოვენ. ესენია: ELEVIDYS, Givinostat (Duvyzat) და Exon Skipping (Eteplirsen).

დიუშენის კუნთოვანი დისტროფია არის მემკვიდრული (გენეტიკური) დაავადება, რომელიც იწვევს კუნთების პროგრესირებად დასუსტებას. იგი გამოწვეულია დისტროფინის ცილის არარსებობით, რის შედეგადაც კუნთის უჯრედები ნელ-ნელა ზიანდება და იშლება. დაავადება ძირითადად ბიჭებში ვლინდება და იწყება ბავშვობაში, თანდათან ამძიმებს მოძრაობას, სუნთქვასა და გულის მუშაობას.

თითოეული ზემოთ ჩამოთვლილი წამლის პრაქტიკაში გამოყენების შესახებ აშშ-ის საკვებისა და მედიკამენტების ადმინისტრაციის (FDA) გვერდზე სხვადასხვა მონაცემებს ვკითხულობთ:

ELEVIDYS (გენური თერაპია) – ფატალური შემთხვევები დაფიქსირდა. 2025 წელს დაფიქსირდა მინიმუმ 2–3 სიკვდილი, მიზეზი: ღვიძლის მწვავე უკმარისობა. ერთ შემთხვევაში 8 წლის ბავშვი გარდაიცვალა. საქმეს FDA იძიებდა, რის შემდეგაც, სააგენტომ მედიკამენტთან დაკავშირებით დაამატა ყველაზე ძლიერი გაფრთხილება (black box warning). შედეგად, 2025 წლის ნოემბერში, FDA-მ განაცხადა, რომ „დიუშენის კუნთოვანი დისტროფიით დაავადებულ პაციენტებს, რომლებსაც აღარ შეუძლიათ დამოუკიდებლად სიარული, აღარ შეუძლიათ ერთჯერადი გენური თერაპიის მიღება. გარდა ამისა, პრეპარატის ჩვენება ამჟამად მხოლოდ ამბულატორიულ DMD პაციენტებს მოიცავს, რომელთა ასაკი მინიმუმ 4 წელია”. ასევე, გაჩნდა გენურ თერაპიაზე დაწესებული ახალი გაფრთხილებებისა და შეზღუდვების გამო გულთან დაკავშირებული პრობლემების შესახებ შეკითხვები.

გასული წლის 14 ნოემბერს “როიტერი” წერდა: “აშშ-ის სურსათისა და წამლის ადმინისტრაციამ პარასკევს განაცხადა, რომ დაამტკიცა Sarepta Therapeutics-ის (SRPT.O) ახალი ეტიკეტირება, ხსნის ახალ ჩანართს *Elevidys* გენური თერაპიისთვის, რომელიც მოიცავს მის ყველაზე სერიოზულ უსაფრთხოების გაფრთხილებას და ზღუდავს მკურნალობის გამოყენებას დიუშენის კუნთოვანი დისტროფიის, ანუ DMD-ის მქონე მოძრავი პაციენტებისთვის.

სააგენტომ თერაპიას დაამატა ჩარჩოში ჩასმული გაფრთხილება მას შემდეგ, რაც მკურნალობის შემდეგ ორი არაამბულატორიული პედიატრიული პაციენტი გარდაიცვალა ღვიძლის მწვავე უკმარისობით. ახალი ეტიკეტირება მთლიანად აუქმებს არაამბულატორიულ პაციენტებში გამოყენების დამტკიცებას, რაც პრეპარატს ზღუდავს ოთხი წლის და უფროსი ასაკის ამბულატორიულ პაციენტებზე“.

დასკვნა: FDA ოფიციალურად წერს, რომ გამოყენება გრძელდება, მაგრამ დაემატა მკაცრი გაფრთხილებები (მათ შორის, ღვიძლის ფატალური დაზიანება). გამოიყენება დღესაც, თუმცა, აქვს სერიოზული რისკები და დაფიქსირებული სიკვდილიანობა.

Givinostat (Duvyzat) – აღნიშნული მედიკამენტი ოფიციალურად FDA-მ დაამტკიცა 2024 წელს. რაც შეეხება ფატალურ შემთხვევებს, აქ არ ფიქსირდება დადასტურებული სიკვდილიანობა, როგორც Elevidys-ზე.

გვერდითი მოვლენებია: დიარეა, სისხლის ცვლილებები (თრომბოციტები), კუჭ-ნაწლავის პრობლემები.

დასკვნა: FDA წერს, რომ პრეპარატი ამტკიცებს დაავადების პროგრესის შენელებას და აღწერს გვერდით მოვლენებს. ანელებს დაავადებას, არ არის კურნება. გვერდითი მოვლენები ძირითადად არა ფატალური.

Exon Skipping (Eteplirsen) – აღნიშნული მედიკამენტი შედარებით უსაფრთხოდ ითვლება. ძირითადი პრობლემა არის არა რისკი, არამედ, სუსტი ეფექტი. რაც შეეხება ფატალურ შემთხვევებს, სიკვდილი პირდაპირ ამ წამალზე არ არის დადასტურებული. წლებია, რაც აშშ-ში აღნიშნული წამალ მთავარ მედიკამენტად გამოიყენება.

დასკვნა: მუშაობს კონკრეტულ მუტაციაზე, მიზანია დისტროფინის ნაწილობრივი აღდგენა. ითვლება უსაფრთხო მედიკამენტად, პროფილი – შედარებით კარგი.

ბათუმში, 26 მაისისა და რუსთაველის ქუჩების კვეთაზე, ერთი კვირის წინ დაგებული გზის მონაკვეთი ჩავარდა და ავტომობილი ჩაიყოლა. შემთხვევის შედეგად არავინ დაშავებულა.

მომხდართან დაკავშირებით გავრცელებული ინფორმაციით, სამუშაოები კომპანია „ბონდი 2009“-მა შეასრულა, რომელიც „ქართული ოცნების“ დეპუტატის, ლევან დოლიძის ოჯახის საკუთრებაშია. აღნიშნული პროექტი 4.5 მილიონ ლარიან ტენდერს მოიცავს, რომლის დამკვეთიც ბათუმის კეთილმოწყობის სამსახურია.

სამსახურის ხელმძღვანელის, ბაქარ ჩიტაიას განცხადებით, გზის დაზიანება წყლის მილის დაზიანებამ გამოიწვია.

„ტვ პირველის“ ინფორმაციით, კომპანიის მიერ შესრულებულ სამუშაოებზე პრობლემები სისტემატურად ფიქსირდება, თუმცა აღნიშნულ საკითხთან დაკავშირებით კონკრეტული განმარტება არ გაკეთებულა.

ამავე ტენდერის ფარგლებში „ბონდი 2009“-მა სამუშაოები სხვა ქუჩებზეც შეასრულა, მათ შორის მამია ვარშანიძის ქუჩაზე, სადაც, ადგილობრივების თქმით, ტროტუარი უსწორ-მასწოროდ არის დაგებული და მოსახლეობის უკმაყოფილებას იწვევს.