Author: tea

ცოტა ხნის წინ ქართველმა მოცეკვავემ, სალომე ჭაჭუამ გულშემატკივრებს სასიხარულო სიახლე გაუზიარა და დაწერა, რომ პირველი შვილის დედა გახდა. მას ვაჟი შეეძინა, რომელსაც სანდრო დაარქვეს: “ჩემი სანდრო. მადლობა, უფალო, ამ უსაზღვრო სიყვარულისთვის”, – დაწერა მან.

სალომე ჭაჭუას პირველი შვილი 2026 წლის 28 მარტს შეეძინა. გასულ შემოდგომას, ნოემბერში სალომემ ვრცელი წერილი გამოაქვეყნა, სადაც წერდა, რომ ოთხი სეზონის შემდეგ, ირლანდიურ “ცეკვავენ ვარსკვლავებს” პირადი მიზეზების გამო ტოვებდა, ეს მიზეზები კი არ დაუკონკრეტებია.

“ძალიან ვამაყობ, რომ სამჯერ გავედი ფინალში და ვინ იცის – იქნებ ერთ დღეს დავბრუნდე, რომ საბოლოოდ ავწიო ეს ბრჭყვიალა თასი… სასურველია ისეთ ცნობილ ადამიანთან ერთად, რომლებსაც არ ადარდებთ ზედმეტი რეპეტიციები!”, – წერდა მაშინ სალომე ჭაჭუა.

სალომე ჭაჭუა ბოლო რამდენიმე წლის მანძილზე იშვიათად ჩნდებოდა კამერების წინ, პირად ცხოვრებაზე კი არასდროს საუბრობდა. სალომეს არც ახლა, სასიხარულო სიახლის შემდეგ უსაუბრია პირადი ცხოვრების დეტალებზე – მან მეუღლესთან ერთად გადაღებული კადრები ისეთი რაკურსით გააზიარა, სადაც სახე დაფარულია.

საქართველოში საწვავის ფასები კვლავ განაგრძობს ზრდას, რაც დიდწილად გლობალურ ენერგეტიკულ ბაზრებზე მიმდინარე პროცესებს უკავშირდება.

ბოლო სავაჭრო დღის მონაცემებით, Brent crude oil-ის ფასი ბარელზე 0.25%-ით გაიზარდა და 105.3 დოლარს მიაღწია. პარალელურად, WTI crude oil-ის ღირებულება 1.51%-ით შემცირდა და 94.40 დოლარი შეადგინა.

WTI ნავთობის ფასის კლებას წინ უსწრებდა თეთრი სახლის განცხადება, რომლის მიხედვითაც, აშშ გეგმავს ელჩების გაგზავნას პაკისტანში, სადაც ირანის ოფიციალური პირებიც იმყოფებიან. ამ ფაქტმა ბაზარზე მოლოდინი გააჩინა, რომ ამერიკასა და ირანს შორის შეჩერებული მოლაპარაკებები შესაძლოა, განახლდეს და ჰორმუზის სრუტეში გადაადგილება ეტაპობრივად აღდგეს.თუმცა, გავრცელებული ინფორმაციით, ირანის საგარეო საქმეთა მინისტრი აბას არაღჩი ვიზიტის ფარგლებში ოფიციალური მოლაპარაკებების გამართვას ამ ეტაპზე არ გეგმავს, რაც ბაზარზე გარკვეულ გაურკვევლობას ტოვებს.

როგორც Trading Economics-ი წერს, მოლაპარაკებების პოტენციურმა პერსპექტივამ კვირის დასაწყისში ფასებში ჩადებული გეოპოლიტიკური რისკის პრემია ნაწილობრივ შეამცირა. თუმცა, საერთო სურათი მაინც განსხვავებულია, კერძოდ, WTI-ის ფასი კვირის განმავლობაში დაახლოებით 13%-ით გაიზარდა, რაც მარტის დასაწყისის შემდეგ ყველაზე მაღალი ნიშნულია. ეს ზრდა განპირობებულია იმით, რომ ნავთობის ერთ-ერთი მთავარი საზღვაო მარშრუტი კვლავ მნიშვნელოვნად შეზღუდულია.

ამას ემატება ისიც, რომ აშშ-ის მხრიდან დაწესებული საზღვაო ბლოკადა კვლავ აფერხებს ირანული ნედლი ნავთობის ექსპორტს. ანალიტიკოსების შეფასებით, მაშინაც კი, თუ ჰორმუზის სრუტე სრულად გაიხსნება, ნავთობის მიწოდების ჯაჭვების ნორმალიზებას შესაძლოა, თვეები დასჭირდეს, რაც გლობალურ ენერგეტიკულ ბაზრებზე ფასების ზრდაზე ზეწოლას შეინარჩუნებს.

როგორ აისახა ნედლი ნავთობის ფასების ზრდა საქართველოზე

საერთაშორისო ტენდენციები პირდაპირ აისახება საქართველოზეც, სადაც საწვავის ფასები მოკლევადიან პერსპექტივაში კვლავ არასტაბილურობისა და ზრდის რისკის ქვეშ რჩება. ქვეყანაში საწვავის ფასების ზრდა მარტის დასაწყისიდან დაიწყო და ამ დრომდე გრძელდება.

მხოლოდ ბოლო ერთი კვირის მონაცემებს თუ შევხედავთ, სხვადასხვა ტიპის საწვავის ფასი 5-დან 12-თეთრამდე გაძვირდა.

უფრო კონკრეტულად, „ბიზნესპრესნიუსი” გთავაზობთ, როგორია საწვავის ფასები დღეს სხვადასხვა ბრენდულ ბენზინგასამართ სადგურზე. (შენიშვნა: ფასები შედარებულია 2026 წლის 18 აპრილის მონაცემებთან)

Gulf (კვირის ჭრილში უცვლელი დარჩა)

G-Force სუპერი – 3.99 ლარი (3.99 ლარი);
G-Force პრემიუმი – 3.59 ლარი (3.59 ლარი);
G-Force ევრო რეგულარი – 3.45 ლარი (3.45 ლარი);
ევრო რეგულარი – 3.43 ლარი (3.43 ლარი);
G-Force ევრო დიზელი – 4.07 ლარი (4.07 ლარი);
ევრო დიზელი – 3.97 ლარი (3.97 ლარი).

 

Wissol (რიგ შემთხვევაში გაიზარდა 5 თეთრით)

ეკო სუპერი – 3.98 ლარი (3.98 ლარი იყო);
ეკო პრემიუმი – 3.58 ლარი (3.58 ლარი იყო);
ეკო დიზელი – 4.12 ლარი (4.07 ლარი იყო);
ევრო დიზელი – 4.09 ლარი (4.04 ლარი იყო);
ევრო რეგულარი – 3.43 ლარი (3.43 ლარი იყო).

 

Socar (რიგ შემთხვევაში გაძვირდა 12 თეთრით)

ნანო სუპერი – 3.87 ლარი (3.87 ლარი იყო);
ნანო პრემიუმი – 3.55 ლარი (3.55 ლარი იყო);
ნანო ევრო რეგულარი – 3.39 ლარი (3.39 ლარი იყო);
ევრო 5 დიზელი – 3.92 ლარი (3.80 ლარი იყო);
ნანო ევრო 5 დიზელი – 4.02 ლარი (3.90 ლარი იყო).

 

Rompetrol (რიგ შემთხვევაში გაიზარდა 7 თეთრით)

Efix სუპერი – 3.99 ლარი (3.99 ლარი იყო);
Efix ევრო პრემიუმი – 3.59 ლარი (3.59 ლარი იყო);
ევრო რეგულარი – 3.43 ლარი (3.43 ლარი იყო);
Efix ევრო დიზელი – 4.12 ლარი (4.05 ლარი იყო);
ევრო დიზელი – 4.07 ლარი (4 ლარი იყო).

 

Portal (მეტწილად გ­აძვირდა 5 თეთრით)

სუპერი – 3.49 ლარი (3.44 ლარი იყო);
პრემიუმი – 3.39 ლარი (3.34 ლარი იყო);
ევრო რეგულარი – 3.19 ლარი (3.14 ლარი იყო);
ევრო დიზელი – 3.94 ლარი (3.89 ლარი იყო);
ეფექტური დიზელი – 3.69 ლარი (3.69 ლარი იყო).

 

წყარო

სამტრედიაში მომხდარი მძიმე ავტოსაგზაო შემთხვევის შედეგად, 23 წლის მამაკაცი დაიღუპა. გარდაცვლილი მამაკაცი ადგილობრივი ბესო შარაშენიძეა. შემთხვევა გუშინ, 25 აპრილს, გვიან ღამით, აღმაშენებლის ქუჩაზე მოხდა.

არსებული ინფორმაციით, ერთმანეთს რამდენიმე ავტომობილი შეეჯახა. ამავე ავარიისას სხეულის სხვადასხვა დაზიანება მიიღო კიდევ ექვსმა პირმა. ისინი სასწრაფო სამედიცინო დახმარების ბრიგადებმა სხვადასხვა კლინიკაში გადაიყვანეს, სადაც მათ შესაბამისი მკურნალობა უტარდებათ. შინაგან საქმეთა სამინისტრომ მომხდარ ფაქტზე გამოძიება საქართველოს სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

მაისის თვის მოკლე კლიმატური დახასიათება

საქართველოს ტერიტორიაზე მაისში ჰაერის თვის საშუალო ტემპერატურა აპრილთან შედარებით საშუალოდ 4-5°C -ით მაღალია. მისი მნიშვნელობა შავი ზღვის სანაპირო ზოლსა და კოლხეთის დაბლობზე +17, +19°C, აღმოსავლეთ საქართველოს ბარში +16, +19°C, ქვეყნის მთიან რაიონებში ზღვის დონიდან 1400 მეტრ სიმაღლემდე +13, +17°C, დასავლეთ საქართველოს მაღალ მთაში +12, +14°C, ხოლო აღმოსავლეთ საქართველოს მაღალმთიან ზონაში +7, +11°C -ს შეადგენს.

ჰაერის საშუალო მაქსიმალური ტემპერატურა კოლხეთის დაბლობსა და სანაპირო ზოლში, აღმოსავლეთ საქართველოს ბარში და საქართველოს მთიან ზოლში +21, +24°C–ის ფარგლებშია. დასავლეთ საქართველოს მაღალ მთაში +16, +20°C, ხოლო აღმოსავლეთ საქართველოს მაღალმთიან ზონაში +12, +17°C-ს შეადგენს.

მაისში ტემპერატურის აბსოლუტური მაქსიმუმი დასავლეთ საქართველოს დაბლობში +37, +42◦C, მთიან რაიონებში +36, +400C, ქართლსა და კახეთში +34, +38◦C-ს, ხოლო აღმოსავლეთ საქართველოს მთიან რეგიონებში +29, +33°C-ს აღწევს; დასავლეთ საქართველოს მაღალ მთაში +27, +32°C-ის, ხოლო აღმოსავლეთ საქართველოს მაღალ მთიან ზონაში +21, +28°C-ის ფარგლებში იცვლება.

ჰაერის საშუალო მინიმალური ტემპერატურა შავი ზღვის სანაპირო ზოლსა და კოლხეთის დაბლობზე, ასევე, აღმოსავლეთის ბარში +11, +15°C, დასავლეთ საქართველოს მთიან რაიონებში +9, +12°C, აღმოსავლეთ საქართველოს მთაში კი +7 +9°C-ს შეადგენს; დასავლეთ საქართველოს მაღალ მთაში +5, +9°C-ის, ხოლო ქვეყნის აღმოსავლეთის მაღალმთიან ზონაში +3, +5°C-ის ფარგლებში მერყეობს.

ჰაერის ტემპერატურის აბსოლუტური მინიმუმი დასავლეთ საქართველოს დაბლობში +1, +6°C- ის ფარგლებშია. ქართლ-კახეთში -1, +4◦C -ს შეადგენს.დასავლეთ საქართველოს მთიან რაიონებში აბსოლუტური მინიმუმი +1, -2°C-ს, ხოლო აღმოსავლეთ საქართველოს მთიან რაიონებში -3, 0°C-ს შეადგენს. დასავლეთ საქართველოს მაღალ მთაში +1, -4°C, ხოლო აღმოსავლეთ საქართველოს მაღალ მთაში ტემპერატურა შეიძლება -6, -11°C -მდე  დაეცეს.

მაისის თვეში საქართველოს თითქმის მთელს ტერიტორიაზე ნალექების თვის ჯამური რაოდენობა 80-150მმ-ს, ხოლო ქართლის ვაკეზე 60-80 მმ-ს შეადგენს.

დასავლეთ საქართველოში ნალექიან დღეთა რაოდენობა საშუალოდ 9-13 დღეს, ხოლო აღმოსავლეთ საქართველოში 10-15 დღეს შეადგენს.

მაისში მოსული ნალექების მაქსიმალური დღეღამური რაოდენობა სანაპირო ზოლსა და კოლხეთის დაბლობზე 70-150 მმ-ს შეადგენს, მთიან და მაღალმთიანი რაიონებში შედარებით დაბალია და 30-80 მმ-ის ფარგლებშია, ხოლო აღმოსავლეთ საქართველოში ზოგან 80-120 მმ-ს აღწევს.

ცალკეულ წლებში ნალექების რაოდენობა შეიძლება მკვეთრად განსხვავდებოდეს საშუალო მრავალწლიური რაოდენობისაგან. ასე მაგალითად, უხვნალექიან წლებში დასავლეთ საქართველოში 180-350მმ-ს, ხოლო აღმოსავლეთ საქართველოში 130-250 მმ-ს შეიძლება აღწევდეს, ხოლო მშრალ წლებში10-50მმ არ აღემატებოდეს.

დასავლეთ საქართველო

შავი ზღვის სანაპირო რაიონები: ჰაერის თვის საშუალო ტემპერატურა მოსალოდნელია +17, +19°C, რაც საშუალო მრავალწლიურ მნიშვნელობასთან ახლოს და მასზე 1°C-ით მაღალია. თვის ცალკეულ პერიოდში შესაძლებელია ტემპერატურის დაკლება ღამით +9, +6°C -მდე, თვის ცალკეულ დღეებში ტემპერატურის მომატება დღისით +29, +32°C-მდე.

ნალექების რაოდენობა მოსალოდნელია საშუალო მრავალწლიურ რაოდენობასთან ახლოს.

კოლხეთის დაბლობი: ჰაერის თვის საშუალო ტემპერატურა მოსალოდნელია +18, +20°C, რაც საშუალო მრავალწლიურ მნიშვნელობასთან ახლოს და მასზე 1°C-ით მაღალია. თვის ცალკეულ პერიოდში შესაძლებელია ტემპერატურის დაკლება ღამით +10, +7°C -მდე, თვის ცალკეულ დღეებში ტემპერატურის მომატება დღისით +29, +32°C-მდე.

ნალექების რაოდენობა მოსალოდნელია საშუალო მრავალწლიურ რაოდენობასთან ახლოს.

მთიანი და მაღალმთიანი რაიონები: ჰაერის თვის საშუალო ტემპერატურა მოსალოდნელია მთაში +15, +17°C, ხოლო მაღალმთიან რაიონებში +10, +12°C, რაც საშუალო მრავალწლიურ მნიშვნელობასთან ახლოს და მასზე 1°C-ით დაბალია. თვის ცალკეულ პერიოდში შესაძლებელია ტემპერატურის დაკლება ღამით +3, 0°C-მდე, (მაღალმთიან რაიონებში -1, -4°C-მდე), თვის ცალკეულ დღეებში ტემპერატურის მომატება დღისით  +26, +29°C-მდე (მაღალმთიან რაიონებში +24, +27°C -მდე).

ნალექების რაოდენობა მოსალოდნელია საშუალო მრავალწლიურ რაოდენობათან ახლოს.

აღმოსავლეთ საქართველო

ქართლის ვაკე: ჰაერის თვის საშუალო ტემპერატურა მოსალოდნელია +17, +18°C, რაც საშუალო მრავალწლიურ მნიშვნელობასთან ახლოს და მასზე 1°C-ით მაღალია. თვის ცალკეულ პერიოდში შესაძლებელია ტემპერატურის დაკლება შიდა ქართლში ღამით +6, +3°C-მდე, ქვემო ქართლში +7, +4°C-მდე, თვის ცალკეულ დღეებში ტემპერატურის მომატება დღისით +29,+32°C-მდე.

ნალექების რაოდენობა მოსალოდნელია საშუალო მრავალწლიურ რაოდენობასთან ახლოს.

კახეთი: ჰაერის თვის საშუალო ტემპერატურა მოსალოდნელია +16, +18°C, რაც საშუალო მრავალწლიურ მნიშვნელობასთან ახლოს და მასზე 1°C-ით მაღალია. თვის ცალკეულ პერიოდში შესაძლებელია ტემპერატურის დაკლება ღამით +7, +°მდე, თვის ცალკეულ დღეებში ტემპერატურის მომატება დღისით +29, +32°C-მდე.

ნალექების რაოდენობა მოსალოდნელია საშუალო მრავალწლიურ რაოდენობასთან ახლოს.

მთიანი და მაღალმთიანი რაიონები: ჰაერის თვის საშუალო ტემპერატურა მოსალოდნელია მთაში +13, +14°C, ხოლო მაღალმთიან რაიონებში +9, +11°C, რაც საშუალო მრავალწლიურ მნიშვნელობასთან ახლოს და მასზე 1°C-ით დაბალია. თვის ცალკეულ პერიოდში შესაძლებელია ტემპერატურის დაკლება ღამით +3, 0°C-მდე (მაღალმთიან რაიონებში -1, -4°C-მდე), თვის ცალკეულ დღეებში ტემპერატურის მომატება დღისით

+26,+29°C- მდე (მაღალმთიან რაიონებში +23, +26°C-მდე).

ნალექების რაოდენობა მოსალოდნელია საშუალო მრავალწლიურ რაოდენობასთან ახლოს.

საქართველოს ეროვნული ბანკი საგადახდო მომსახურებასთან დაკავშირებით არსებულ მოთხოვნებს ამკაცრებს. ამის შესახებ ინფორმაციას სებ-ი ავრცელებს.

როგორც გავრცელებულ ინფორმაციაშია ნათქვამი, ცვლილება შედის მომხმარებლის ძლიერი ავთენტიფიკაციისა და ფინანსური ორგანიზაციების მიერ მომსახურების გაწევისას მომხმარებელთა უფლებების დაცვის წესში, რაც ხელს შეუწყობს და უფრო ეფექტიანს გახდის მოწყვლადი სეგმენტის – 60 წელს გადაცილებული მომხმარებლის დაცვას თაღლითური სქემებისგან.

„განახლებული რეგულაციები ეფუძნება საუკეთესო საერთაშორისო პრაქტიკას და მოიცავს ისეთ დამატებით მოთხოვნებს, რომლის მიხედვით საგადახდო მომსახურების პროვაიდერი ვალდებულია 60 წელს გადაცილებულ მომხმარებელთა ანგარიშებიდან შესასრულებელ გარკვეულ ტრანზაქციებზე რისკების მართვა უფრო მაღალი სტანდარტით განახორციელოს.

ცვლილებების მიხედვით, შესაძლო თაღლითური ქმედების შედეგად ელექტრონული გადახდის ოპერაციის შესრულების პრევენციის მიზნით, საგადახდო მომსახურების პროვაიდერმა, კანონმდებლობით გათვალისწინებული მონიტორინგის მექანიზმებში, დამატებით უნდა დანერგოს დაცვის სპეციალური ზომები 60 წელს გადაცილებული მომხმარებლებისთვის.

კერძოდ, საგადახდო მომსახურების პროვაიდერმა დროებით უნდა შეაჩეროს ან, სადაც ეს შეუძლებელია, უარი თქვას მომხმარებლის მიერ ინიციირებული რისკიანი ელექტრონული გადახდის ოპერაციის შესრულებაზე. რისკიან ოპერაციად ჩაითვლება შემდეგი ქმედებები – თუ გადახდის ოპერაციის თანხა აღემატება 500 ლარს და გადახდის ოპერაციის შინაარსი დაკავშირებულია თაღლითობის მაღალი რისკის პროფილის საქმიანობებთან, მათ შორის, ონლაინ სავაჭრო ე.წ. „ფორექსი“, საინვესტიციო, სათამაშო ბიზნესთან ან ვირტუალურ აქტივებთან დაკავშირებულ საქმიანობებთან; ან გამოვლენილია მომხმარებლისთვის უჩვეულო ხარჯვისა და ქცევის თავისებურება.

რისკიანი ოპერაციის დაფიქსირების შემთხვევაში, საგადახდო მომსახურების პროვაიდერი ვალდებული იქნება დაუკავშირდეს მომხმარებელს, მოახდინოს მისი ინფორმირება მომხმარებლის მიერ ინფორმაციის უკეთ გაანალიზების ხელშეწყობის მიზნით, რითაც შემცირებული იქნება თაღლითების მანიპულაციის ქვეშ მომხმარებლის მიერ ოპერაციების განხორციელების რისკი.

ამასთან, აღსანიშნავია, რომ მომხმარებელს მის მიერ რისკიანი ან/და საეჭვო ტრანზაქციის ინიციირების შემდეგ 48 საათი ექნება იმისთვის, რომ მომხმარებელმა მიიღოს საბოლოო გადაწყვეტილება ტრანზაქციის განხორციელების შესახებ და აღნიშნული დაუდასტუროს მომსახურების პროვაიდერს.

აღსანიშნავია, რომ პირველ ეტაპზე სებ-ის მიერ შემუშავებული ახალი წესი სექტემბრიდან ამოქმედდება და მხოლოდ საბარათე ოპერაციებზე გავრცელდება.

აქვე, კიდევ ერთხელ აღვნიშნავთ, რომ მომხმარებელთა, განსაკუთრებით კი საპენსიო ასაკის სეგმენტის უფლებების დაცვა, ეროვნული ბანკისთვის ერთ-ერთ მნიშვნელოვან ამოცანას წარმოადგენს. სწორედ აქედან გამომდინარე, ეროვნული ბანკი მუდმივად ცდილობს ფინანსურ სექტორში არსებული გარემოს გაუმჯობესებას, მათ შორის, ფინანსურ სექტორში ნდობის, სტაბილურობისა და გამჭვირვალობის უზრუნველყოფის გზით.

ეროვნული ბანკი სამომავლოდაც განაგრძობს თაღლითობის რისკების მონიტორინგს და საჭიროების შემთხვევაში, მოახდენს ეფექტიან რეაგირებას“, – ნათქვამია ინფორმაციაში.

თბილისის 85-ე საჯარო სკოლა სამწუხარო ინფორმაციას ავრცელებს.

„სსიპ-ქალაქ თბილისის 85-ე საჯარო სკოლა ღრმა მწუხარებას გამოთქვამს ჩვენი სკოლის კურსდამთავრებულის გიორგი შავშიშვილის გარდაცვალების გამო. ვუსამძიმრებთ მის ოჯახს, ახლობლებს, მეგობრებს! უზომოდ დაგვწყვიტე გული გიო!“ – წერია გავრცელებულ განცხადებაში.

ავარია სამტრედიაში, აღმაშენებლის ქუჩაზე ერთმანეთს ორი მანქანა შეეჯახა.

არიან მძიმედ დაშავებულები.

მათი ცნობით, დაშავებულები სასწრაფო დახმარების ჯგუფებმა საავადმყოფოში გადაიყვანეს.

„პრაიმტაიმი“ მომხდარის დეტალებს შსს-ში არკვევს.

საქართველოს შინაგან საქმეთა სამინისტრომ შეიმუშავა საკანონმდებლო ცვლილებათა პაკეტი, რომლის მთავარ მიზანს საგზაო წესების მაქსიმალურად უზრუნველყოფა და საგზაო-სატრანსპორტო შემთხვევების პრევენცია წარმოადგენს.

როგორც შსს-ს ინფორმაციაშია ნათქვამი, ბოლო წლების განმავლობაში, მნიშვნელოვნად გაზრდილი სატრანსპორტო საშუალებების რაოდენობისა და მზარდი მობილობის ფონზე, საგზაო უსაფრთხოება კვლავ გამოწვევად რჩება და მიუხედავად მიღწეული პროგრესისა, საქართველოში ყოველწლიურად საგზაო-სატრანსპორტო შემთხვევების შედეგად ასობით ადამიანი იღუპება ან იღებს ჯანმრთელობის მძიმე დაზიანებას.

„შესაბამისად, საგზაო-სატრანსპორტო შემთხვევები და მასთან დაკავშირებული სიკვდილიანობის მაჩვენებელი სახელმწიფოს ავალდებულებს გადადგას ეფექტიანი ნაბიჯები საგზაო უსაფრთხოების წესების გამკაცრების მიმართულებით.

საგზაო-სატრანსპორტო შემთხვევების გამომწვევი მიზეზების ანალიზის შედეგად დასტურდება, რომ საზოგადოებრივი უსაფრთხოების მაქსიმალურად უზრუნველყოფის მიზნით, აუცილებელია, მნიშვნელოვნად გადაიხედოს და გამკაცრდეს დღეისათვის არსებული სანქციები. შესაბამისად, საქართველოს შინაგან საქმეთა სამინისტროს მიერ მომზადდა საკანონმდებლო ცვლილებათა პაკეტი, რომლის თანახმადაც:

100 ლარამდე იზრდება ჯარიმა სატრანსპორტო საშუალების გზაზე მანევრირების წესების დარღვევისთვის. ამავდროულად, ამ სამართალდარღვევისთვის მართვის მოწმობისთვის მინიჭებული ქულათა რაოდენობა შემცირდება 20 ქულით;

50-დან 100 ლარამდე იზრდება სანქცია 15 კმ/სთ-ზე მეტი, მაგრამ არაუმეტეს 40 კმ/სთ-ის სიჩქარის გადაჭარბებისთვის;

50 ლარამდე იზრდება სანქცია ავტომობილით მოძრაობისას მძღოლის ან მგზავრის მიერ უსაფრთხოების ღვედის გამოუყენებლობისთვის, ამავდროულად, ამ სამართალდარღვევისთვის მართვის მოწმობისთვის მინიჭებული ქულათა რაოდენობა შემცირდება 10 ქულით;

50 ლარამდე იზრდება სანქცია ავტომობილის მართვის დროს მძღოლის მიერ მობილურით სარგებლობისთვის;

დგომა-გაჩერების წესების დარღვევისთვის თბილისის მსგავსად, 50 ლარამდე იზრდება ჯარიმის ოდენობა ქუთაისის, ბათუმის, მცხეთის, რუსთავის, გორის, თელავის, ფოთის, ზუგდიდის მუნიციპალიტეტებში და საქართველოს კურორტებზე.

დამატებით პასუხისმგებლობა დგინდება „BUS LANE“-ზე სამარშრუტო სატრანსპორტო საშუალების გარდა, სხვა სატრანსპორტო საშუალების მოძრაობის საპირისპირო მიმართულებით მოძრაობისთვის, რაც გამოიწვევს დაჯარიმებას 200 ლარის ოდენობით.

ასევე, ახალ სამართალდარღვევად განისაზღვრება სატრანსპორტო საშუალების ტროტუარზე ან ქვეითთა გადასასვლელზე დგომა – გაჩერება, რაც გამოიწვევს დაჯარიმებას 100 ლარის ოდენობით. ამავდროულად, ამ სამართალდარღვევის ჩადენის შემთხვევაში, კანონით განსაზღვრული პირობების არსებობისას, სატრანსპორტო საშუალება დაექვემდებარება სპეციალურ დაცულ სადგომზე გადაყვანას.

ლეგენდარული ბულგარელი წინასწარმეტყველი ვანგა ათწლეულების განმავლობაში აკეთებდა წინასწარმეტყველებებს, რომლებიც ხშირად მართლდებოდა. ასევე, მან გააკეთა რამდენიმე შემაშფოთებელი წინასწარმეტყველება 2026 წლისთვის. ვანგა ხედავდა მნიშვნელოვან გლობალურ მოვლენებს, რომლებიც ჯერ კიდევ არ მომხდარა. მან იწინასწარმეტყველა მსოფლიო ცვლილებები 2025–2026 წლებში, — წერს Wionews. მისი თქმით, მომავალში მოხდება:

დიდი ომი, რომელიც შეცვლის მსოფლიო დინამიკას;
კონტაქტი უცხოპლანეტელებთან;
ახალი სტიქიური უბედურებები.
მთავარი წინასწარმეტყველება 2026 წლისთვის ეხება მესამე მსოფლიო ომს.

გამოცემა აღნიშნავს, რომ გლობალური დაძაბულობა ახლა რეკორდულად მაღალ დონეზეა. რუსეთსა და უკრაინას შორის ომი კვლავ გრძელდება, ისრაელი ჩართულია რამდენიმე კონფლიქტში, ხოლო ჩინეთის შესაძლო თავდასხმა ტაივანზე ახლოვდება. ამგვარად, სიტუაცია მძიმდება.

ვანგას წინასწარმეტყველების მიხედვით, 2026 წელს ეს ყველაფერი შეიძლება გაერთიანდეს და პროვოცირება მოახდინოს მესამე მსოფლიო ომის.

უცხოპლანეტელებთან კონტაქტი

ვანგამ ასევე იწინასწარმეტყველა, რომ 2026 წელს მოხდება ადამიანების ოფიციალური კონტაქტი უცხოპლანეტელებთან. მისი თქმით, 2026 წლის ნოემბერში დედამიწაზე დიდი კოსმოსური ხომალდი ჩამოვა. ეს იქნება პირველი ოფიციალური შეხვედრა უცხოპლანეტელებთან. თუმცა ეს წინასწარმეტყველება ბევრს არარეალურად მიაჩნია.

სტიქიური უბედურებები და კლიმატი

ვანგას მიხედვით, 2026 წელს კლიმატის ცვლილება დიდ ზიანს მიაყენებს მსოფლიოს. გაიზრდება მიწისძვრებისა და ვულკანის ამოფრქვევების რაოდენობა. მისი მიმდევრების მტკიცებით, სტიქიური უბედურებები დედამიწის ზედაპირის 7–8%-ს შეცვლის, ეკოსისტემებს დაანგრევს და მსოფლიო შოკში ჩააგდებს.

ხელოვნური ინტელექტი (AI)

ვანგამ ასევე იწინასწარმეტყველა, რომ 2026 წელს ხელოვნური ინტელექტი იმდენად განვითარდება, რომ ადამიანების კონტროლს დაიწყებს. ის მოიცავს სამუშაო ადგილებს, იმოქმედებს პირად ურთიერთობებზე და გავლენას მოახდენს ყოველდღიურ რუტინულ საქმეებზეც კი.

საინტერესოა, რომ ფრანგმა ასტროლოგმა ნოსტრადასტრამმაც მსგავსი შემაშფოთებელი წინასწარმეტყველებები გააკეთა ტექნოლოგიებთან დაკავშირებით. მისი სიტყვებით, ხელოვნური ინტელექტი 2026 წელს დაიპყრობს მსოფლიოს.