Author: tea

სინოპტიკოსების წინასწარი მონაცემებით, უახლოესი დღეების განმავლობაში საქართველოში უმეტესად მზიანი და ცხელი ამინდი შენარჩუნდება.

ვაკის პარკში მომხდარი ტრაგედიის საქმეზე მსჯავრდებული, „გრინსერვისი+“-ის ყოფილი დირექტორი ლაშა ფურცხვანიძე საპატიმროდან ვადაზე ადრე გაათავისუფლეს.

როგორც მან „ტვ პირველს“ განუცხადა, სასჯელაღსრულების დაწესებულება მან გუშინ დატოვა.

„გუშინ დავტოვე საპატიმრო. დიახ, სამაჯურით გამომიშვეს. უდოს კომისიას მივმართე და მათი გადაწყვეტილება იყო. იმ კომპანიაში არ დავბრუნდები, თუმცა ვერ გეტყვით, რას ვაპირებ, მომავალი გვაჩვენებს. ჯერჯერობით ოჯახთან ვარ,“ – განაცხადა ფურცხვანიძემ.

შეგახსენებთ, 2022 წლის 13 ოქტომბერს, ვაკის პარკში მომხდარი ტრაგედიის შედეგად, 13 წლის მარიტა მეფარიშვილი გარდაიცვალა, ორი მოზარდი – ანდრია ლორთქიფანიძე და ლაზარე ლობჟანიძე კი დაშავდა. მომხდარზე სასამართლოში საქმის წარმოება ორ ეპიზოდად მიმდინარეობდა. ერთი ეპიზოდის შემთხვევაში სასამართლომ 9 პირიდან დამნაშავედ ცნო. კერძოდ კი: „გრინსერვისი+“-ის დირექტორს, ლაშა ფურცხვანიძეს 6 წლით, მერიის გარემოს დაცვის საქალაქო სამსახურის უფროსის მოადგილეს, გიორგი ვახტანგიშვილის 3 წლით, დევი კახოიძეს 3 წლით, ნუგზარ ქიტიაშვილს 3.6 წლით, დავით თუშიშვილი 3.6 წლით, გიორგი გობეჯიშვილს 4 წლით, ლაშა ჭიღიტაშვილს 3 წლით და ბექა მურღვლიანს 3 წლით, ვალერი გობეჯიშვილი კი გამართლდა.

ცეკვის აკადემია „დიდგორი“ მოცეკვავეებს ემშვიდობება და სოციალურ ქსელში სამწუხარო ინფორმაციას ავრცელებს.

„შაკო, გუგა, თამო…

ცეკვის აკადემია “დიდგორი” ღრმა მწუხარებას გამოთქვამს წინა თაობის მოცეკვავეების გარდაცვალების გამო ვუსამძიმრებთ გარდაცვლილთა ოჯახებს და სრულიად კასპს, საუკუნო სასუფეველი მათ სულებს…“, – წერია გავრცელებულ ინფორმაციაში.

ცნობისთვის, კასპი-კავთისხევის გზაზე მომხდარ ავარიას 19 წლის თამო მოდრეკილაძის სიცოცხლე ემსხვერპლა.

აგრეთვე, ტრაგიკულად დაიღუპა ავტოსაგზაო შემთხვევის შედეგად 16 წლის კალათბურთელი, შაკო კავთიაშვილი.

მდინარე ქსანში, უბედურ შემთხვევას კი გუგა გურგენიშვილი ემსხვერპლა.

“როგორც თვითმხილველებმა თქვეს, მანქანაში იჯდა ორი მცირეწლოვანი და კიდევ ორი, მასზე უგონოდ მთვრალი, ნარკოტიკების ზემოქმედების ქვეშ მყოფი დეიდაშვილები. ისინი სასწრაფოდ გაარიდა ადგილიდან, რომ დაემალა მათი თანამონაწილეობა. ვითხოვთ, სანამ უცხოეთში გადავლენ, მათ დაკავებას. განსაცდელში მიტოვების მუხლით უნდა აღიძრას მათი საქმე. მიატოვეს, რატომ არ გადმოვიდნენ და დახმარება აღმოუჩინეს, იქნებ ეცოცხლათ? ეტყობა ურჩიეს და ერთმა აიღო თავზე პასუხისმგებლობა და დეიდაშვილები დაფარა. მათზეც უნდა გავრცელდეს ციხე, ვინც მთვრალს ჩაუჯდება. გინდა ავტომატი გადაგიკიდებიათ ზურგზე და გინდა მთვრალებს გივლიათ. ვის ხოცავთ, ვის გაზრდილ შვილებს ხოცავთ?” – ამის შესახებ გორში ავარიის შედეგად დაღუპული დედა-შვილის ნათესავმა, ირმა ამბარდნიშვილმა “პალიტრანიუსის” გადაცემაში “360 გრადუსი” განაცხადა.

ტრაგედია იერუსალიმში: საბავშვო ბაღში ორი ჩვილი გარდაიცვალა, ათეულობით ბავშვი კი საავადმყოფოში გადაიყვანეს

დღეს იერუსალიმში მომხდარმა ტრაგედიამ მთელი ქვეყანა შეძრა. ქალაქის ერთ-ერთ უბანში მდებარე კერძო საბავშვო ბაღში ორი ჩვილი გარდაიცვალა, ხოლო ათეულობით ბავშვი, სასწრაფო სამედიცინო დახმარების საჭიროების გამო საავადმყოფოებში გადაიყვანეს.

ტრაგიკული შემთხვევა მოხდა იერუსალიმის რომემას უბანში მოქმედ კერძო საბავშვო ბაღში. არსებული ინფორმაციით, ბაღში მყოფ ბავშვებს მოულოდნელად ჯანმრთელობის პრობლემები შეექმნათ, რის შემდეგაც ადგილზე სასწრაფო დახმარებისა და სამაშველო სამსახურების დიდი რაოდენობა მივიდა.

ბავშვები დაუყოვნებლივ იქნენ ევაკუირებული და გადაყვანილი სხვადასხვა სამედიცინო დაწესებულებაში. ექიმების მცდელობის მიუხედავად, ორი ჩვილი – რამდენიმე თვის ასაკის – გარდაიცვალა.

სასწრაფო სამსახურების ცნობით, რამდენიმე ბავშვის მდგომარეობა მძიმეა, დანარჩენები კი ექიმების დაკვირვების ქვეშ იმყოფებიან.

თავდაპირველი ვერსიით, ინციდენტი შესაძლოა დაკავშირებული იყოს მავნე აირის ან სხვა სახიფათო გარემო ფაქტორის ზემოქმედებასთან, თუმცა ოფიციალური უწყებები ხაზს უსვამენ, რომ გამოძიება ჯერ მიმდინარეობს და საბოლოო დასკვნები გაკეთებული არ არის.

პოლიციის ინფორმაციით, არსებობს ეჭვი, რომ საბავშვო ბაღი ლიცენზიის გარეშე ფუნქციონირებდა, რაც დამატებით კითხვებს აჩენს უსაფრთხოების ნორმების დაცვასთან დაკავშირებით.

მომხდარმა ტრაგედიამ ისრაელის საზოგადოებაში მწვავე რეაქცია გამოიწვია. პოლიტიკოსები, ექსპერტები და მშობლების ორგანიზაციები საუბრობენ საბავშვო დაწესებულებებზე კონტროლის გამკაცრების აუცილებლობაზე, განსაკუთრებით კერძო ბაღების შემთხვევაში. ხელისუფლებას მოუწოდებენ, არ შემოიფარგლოს მხოლოდ გამოძიებით და მიიღოს პრევენციული ზომები, რათა მომავალში მსგავსი ტრაგედიები თავიდან იქნას აცილებული.

გამოძიება გრძელდება. საზოგადოება ელოდება ოფიციალურ დასკვნებს და პასუხებს კითხვაზე – როგორ მოხდა, რომ საბავშვო ბაღში ბავშვების სიცოცხლე საფრთხის წინაშე აღმოჩნდა.

ავტოსაგზაო შემთხვევა მოხდა ბათუმში.

ავტომობილი ქვეითს დაეჯახა.

თვითმხილველების ინფორმაციით, დაშავებული ქალის მდგომარეობა მძიმეა.

„პრაიმტაიმს“ შინაგან საქმეთა სამინისტროში განუცხადეს, რომ გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

“მის ოჯახს ვიცნობთ, ვმეგობრობდით, მაგრამ დაგვღუპა… თავისი ოჯახიც დაღუპა… მამამისს უთქვამს, მკვდარიც რომ მომიყვანოთ, სახლში არ შევიყვანო” – ამის შესახებ გორში ავარიის შედეგად დაღუპული დედა-შვილის ნათესავმა, ირმა ამბარდნიშვილმა “პალიტრანიუსის” გადაცემაში “360 გრადუსი” განაცხადა.

ქუთაისში მშენებლობაზე დაღუპული ახალგაზრდა გივიკო გურეშიძეა. უბედური შემთხვევა გუშინ, 15 ივლისს მოხდა. იოსელიანის ქუჩაზე, საცხოვრებელი კორპუსის მშენებლობის დროს ხარაჩო ჩამოიშალა და მუშა მოიყოლა.

ადგილზე მობილიზებულია სასწრაფო სამედიცინო დახმარების ჯგუფები, საპატრულო და კრიმინალური პოლიცია.

ბევრ ადამიანს ერთხელ მაინც შეუნიშნავს, რომ საათზე ხშირად ერთნაირი ან განმეორებადი ციფრები ხვდება თვალში – მაგალითად, 11:11, 22:22, 12:12 ან 15:15. ზოგიერთისთვის ეს უბრალო დამთხვევაა, სხვებისთვის კი – განსაკუთრებული გზავნილი ან ბედის მინიშნება.

ეზოტერიკოსები და ნუმეროლოგები მიიჩნევენ, რომ მსგავსი ციფრების ხშირი დანახვა შესაძლოა თქვენს ცხოვრებაში მიმდინარე მოვლენებთან იყოს დაკავშირებული.

მათი განმარტებით:

11:11 – ახალი შესაძლებლობებისა და სურვილების ასრულების სიმბოლოდ ითვლება. ბევრი ამ დროს სურვილის ჩაფიქრებასაც ურჩევს.

22:22 – ჰარმონიას, ბალანსსა და მნიშვნელოვანი მიზნებისკენ სვლას უკავშირდება.
12:12 – პიროვნული ზრდისა და პოზიტიური ცვლილებების მაუწყებლად მიიჩნევა.
15:15 – ურთიერთობებსა და ემოციურ სფეროში სიახლეების სიმბოლოდ განიხილება.
21:21 – წარმატებასა და დიდი გეგმების განხორციელებას უკავშირდება.

თუმცა, ფსიქოლოგები ამ მოვლენას განსხვავებულად ხსნიან. მათი თქმით, ეს ადამიანის ტვინის ბუნებრივი თვისებაა – ის მარტივად ამჩნევს გამეორებად შაბლონებს. როდესაც რაიმეს ყურადღებას მიაქცევთ, შემდეგ გეჩვენებათ, რომ ის ყველგან და ხშირად გხვდებათ.

ამიტომ, ერთნაირი ციფრების საათზე დანახვა მეცნიერულად ზებუნებრივ მოვლენად არ მიიჩნევა. მიუხედავად ამისა, ბევრი ადამიანი ასეთ მომენტებს პირადი მოტივაციის, დაფიქრებისა და პოზიტიური განწყობის წყაროდ აღიქვამს.

საბოლოოდ, რას ნიშნავს თქვენთვის განმეორებადი ციფრები – უბრალო დამთხვევას თუ განსაკუთრებულ მინიშნებას – ეს უკვე პირადი რწმენისა და დამოკიდებულების საკითხია.

“მძღოლი, რომელმაც გორში დედა-შვილს სიცოცხლე მოუსპო, ავტოსაგზაო შემთხვევის დროს ავტომობილში მარტო არ იმყოფებოდა – მასთან ერთად, წინასწარი ინფორმაციით, სულ მცირე ორი არასრულწლოვანიც იმყოფებოდა.