Author: tea

საქართველოს პრემიერ-მინისტრი ირაკლი კობახიძე საფრანგეთის რესპუბლიკის პრეზიდენტმა ემანუელ მაკრონმა კოსმოსის საკითხებზე დაგეგმილ პირველ საერთაშორისო სამიტზე მიიწვია, რომელიც 9-10 სექტემბერს პარიზში გაიმართება. ამის შესახებ ინფორმაციას საქართველოს მთავრობის ადმინისტრაცია ავრცელებს.

მათივე ცნობით, როგორც საფრანგეთის პრეზიდენტი აღნიშნავს, ღონისძიების თანათავმჯდომარეები იქნებიან საფრანგეთი და გერმანია. სამიტის მთავარი თემებია მეცნიერება, კვლევა, უსაფრთხოებისა და თავდაცვის საკითხები.

„ბატონო პრემიერ-მინისტრო, ძვირფასო ირაკლი, მაქვს პატივი, მოგიწვიოთ კოსმოსის საკითხებისადმი მიძღვნილ პირველ საერთაშორისო სამიტზე, რომელიც პარიზში, 9-10 სექტემბერს გაიმართება. დღეს, ისე როგორც არასდროს, კოსმოსი ძალაუფლებისა და კეთილდღეობის უმნიშვნელოვანეს ვექტორს წარმოადგენს. ინდუსტრიული აქტორების დინამიზმი, ამ სფეროს გაზრდილი სამოქალაქო და სამხედრო ორმაგი დანიშნულება და გამწვავებული კონკურენცია მოითხოვს კოორდინირებულ მოქმედებას, რათა სრულად მოხდეს მისი ტექნოლოგიური პოტენციალის რეალიზება და კოსმოსური ეკონომიკის მდგრადი და პასუხისმგებლიანი განვითარების დაჩქარება.

სამიტი შექმნის შესაძლებლობას, ხაზი გაესვას დიალოგისა და თანამშრომლობის მნიშვნელობას არა მხოლოდ სახელმწიფოებს, არამედ კომპანიებსა და მრავალმხრივ აქტორებს შორის. ჩვენი ვალია, უკვე დღეიდან უზრუნველვყოთ კოსმოსური საქმიანობის მდგრადობა ჩვენი საერთო კეთილდღეობისა და მომავალი თაობების სასარგებლოდ: ეს სამიტი სწორედ ამ ამბიციის განმტკიცების საშუალებას იძლევა.

ამასთან, მოგვეცემა შესაძლებლობა, წარმოვაჩინოთ ჩვენი კოსმოსური ინდუსტრიებისა და სააგენტოების ექსპერტიზა, ისევე როგორც ჩვენი თანამშრომლობის მაღალი სტანდარტი სამეცნიერო, ინდუსტრიულ, ტექნიკურ და ეკონომიკურ დონეებზე. ჩვენთვის განსაკუთრებით მნიშვნელოვანია, თქვენთან და სხვა მოწვეულ ქვეყნებთან ერთად განვსაზღვროთ სამიტის ფორმატი, რათა ღონისძიება მტკიცე განცხადებებითა და კონკრეტული ნაბიჯებით დასრულდეს.

ჩვენი მიზანია, აღნიშნული შეხვედრა ვაქციოთ გამორჩეულ შესაძლებლობად კოსმოსური გამოწვევების მნიშვნელობის დასადასტურებლად და კოსმოსში იმ მრავალმხრივი თანამშრომლობის მხარდასაჭერად, რომელიც დღეს ისე საჭიროა, როგორც არასდროს. მაქვს თქვენი მხარდაჭერის იმედი და სიამოვნებით გიმასპინძლებთ პარიზში, 2026 წლის სექტემბერში. ბატონო პრემიერ-მინისტრო, მიიღეთ ჩემი უღრმესი პატივისცემა“, – აღნიშნულია ოფიციალურ მიწვევაში, რომელიც საქართველოს პრემიერ-მინისტრმა საფრანგეთის რესპუბლიკის პრეზიდენტ ემანუელ მაკრონისგან მიიღო.

ფსიქოლოგიური სურათის ტესტი ძალიან სწრაფი და სახალისო გზაა საკუთარი თავის შესახებ რაღაც ახალი შეიტყოთ. სიყვარულში ადამიანებს შეუძლიათ ტრანსფორმაცია და ზოგჯერ მოულოდნელად იქცევიან.

ამ ტესტში თქვენ უნდა აირჩიოთ სამი განსხვავებული ვარდიდან ერთ-ერთი. ისინი გეტყვიან, როგორი სასიყვარულო ურთიერთობა გექნებათ. ეს შეიძლება იყოს ვნება, რომანტიკა ან სიმშვიდე და სტაბილურობა.

ვარდი 1

თქვენთვის მნიშვნელოვანია მშვიდი და სტაბილური ურთიერთობის აშენება, რომელშიც თავს მშვიდად და დაცულად იგრძნობთ. შენდამი სიყვარული ურთიერთპატივისცემა, ნდობა და მოთმინებაა. თქვენ ცდილობთ ღრმა ემოციური კავშირის პოვნას და ხანგრძლივი, ძლიერი ურთიერთობების შექმნას.

შეიძლება ზოგიერთისთვის ისინი საკმარისად ვნებიანი ან ქარიშხლიანი არ ჩანდნენ, მაგრამ ისინი სავსენი არიან სტაბილურობით, მშვენიერი მომენტებითა და ურთიერთკუთვნილების გრძნობით. ასეთ კავშირს შეუძლია გაუძლოს ნებისმიერ უბედურებას და განსაცდელებს.

მნიშვნელოვანია, რომ ურთიერთობები ბუნებრივად განვითარდეს და არა ძალდატანებით. თქვენს პარტნიორს შეუძლია დაეყრდნოს სიმშვიდისა და უსაფრთხოების ატმოსფეროს, ტკბილ ჟესტებს, გულწრფელ საუბრებსა და გაგებას.

ვარდი 2

თქვენ ძალიან ვნებიანი ადამიანი ხართ თბილი გულით. ყველაფერს აძლევ საყვარელ ადამიანს. არ გეშინია შენი გრძნობების გამოხატვის. განსაკუთრებით გსიამოვნებთ ის ვნება და ემოციები, რომლებსაც პარტნიორთან იზიარებთ. თუმცა, მნიშვნელოვანია გახსოვდეთ, რომ ამან შეიძლება თქვენს ცხოვრებაში არეულობა გამოიწვიოს, თუ ემოციებს არ დააბალანსებთ.

შენთან ურთიერთობა სავსეა თავგადასავლებითა და რომანტიკით, მაგრამ იმისათვის, რომ ის აყვავდეს, ძლიერი კავშირის დასამყარებლად საჭიროა ვნებასა და სიმშვიდეს შორის ბალანსი.

თუ ამას შეძლებ, განუმეორებელ კავშირსა და გრძნობებს დაუვიწყარ სიყვარულს განიცდი.

ვარდი 3

ბუნებით ოპტიმისტი და ძალიან ღია ადამიანი ხართ. ეს დადებითი ენერგია ასევე გავლენას ახდენს თქვენს მიერ დამყარებულ ურთიერთობებზე.

თქვენთვის სიყვარული სიხარულისა და შინაგანი ზრდის ამოუწურავი წყაროა. სირთულეების წინაშე დგომისას, თქვენ პოულობთ მათ დაძლევის გზებს თქვენი ბუნებრივი ოპტიმიზმისა და მოქნილობის წყალობით. თქვენი ცხოვრებისადმი ენთუზიაზმი თქვენს ურთიერთობებს სიმსუბუქეს, სიხარულს და ნათელ მომენტებს აძლევს. თქვენ შთააგონებთ თქვენს პარტნიორს, რომ თქვენთან ერთად გაიზარდოს, ურთიერთობას აღიქვამთ, როგორც საერთო მოგზაურობას, რომელიც სულს ავსებს. თავგადასავლებისა და ახალი გამოცდილებისადმი წყურვილი დაგეხმარებათ ურთიერთპატივისცემასა და მეგობრობაზე დაფუძნებული ძლიერი კავშირების დამყარებაში. გახსნილობა და პოზიტიური განწყობა იზიდავს ადამიანებს თქვენკენ და თქვენ მათთან ქმნით ენერგიითა და სიცოცხლის სიყვარულით სავსე ურთიერთობებს.

ეზოთერიკოსი გოგა მანია სოციალურ ქსელში მის ახალ წინასწარმეტყველებას ავრცელებს, რომელიც დიდი ბრიტანეთის მეფის გარდაცვალებას ეხება.

“ახალი წინასწარმეტყველება!!! 12.01.2024 წლის ჩანაწერი✍️ !! დიდი ბრიტანეთი, მეფის გარდაცვალება!”– წერია აღწერაში.

ვიდეოშიმანია ამბობს:”ამ ყველაფერს დიდი აღშფოთება მოჰყვება,მას მოიშორებენ, ეს იქნება ერთგვარი დადგმული სპექტაკლი. ეს ყველაფერიკეთდება იმიტომ, რომ მისი ადგილი დაიკავოს ახალგაზრდა ბიჭმა.

გი­ორ­გი მი­ქა­უ­ტა­ძის “ბარ­სე­ლო­ნა­ში” შე­საძ­ლო ტრანსფერ­ზე დიდი ეს­პა­ნუ­რი გა­მო­ცე­მე­ბიც ალა­პა­რაკ­დნენ – გი­ორ­გის გზა­ზე და იმა­ზეც, რამ­დე­ნად რე­ა­ლუ­რი და ტაქ­ტი­კუ­რად გა­მარ­თლე­ბუ­ლი იქ­ნე­ბა ეს ნა­ბი­ჯი? – “სპორ­ტა­ლი” ვრცელ სტა­ტი­ას აქ­ვეყ­ნებს, რომ­ლი­და­ნაც ფრაგ­მენტს გთა­ვა­ზობთ:

გი­ორ­გი მი­ქა­უ­ტა­ძის გზა სე­რე­ნის პა­ტა­რა მინ­დვ­რე­ბი­დან ევ­რო­პის დიდ სტა­დი­ო­ნე­ბამ­დე ასე და­ი­წყო: 2019 წლის 7 დე­კემ­ბე­რი, “ნი­ცას­თან“ მატ­ჩი. მა­შინ­დე­ლი 1-4 მარ­ცხი ვე­რაფ­რით შე­ლა­ხავ­და იმ პო­ტენ­ცი­ალს, რო­მე­ლიც “მეც­მა“ ქარ­თველ ახალ­გაზ­რდა­ში და­ი­ნა­ხა, რა­საც მოწ­მობს ისიც, რომ კლუბ­მა მას ზუს­ტად სამ დღე­ში, 10 დე­კემ­ბერს, პირ­ვე­ლი პრო­ფე­სი­ო­ნა­ლუ­რი, ოთხწ­ლი­ა­ნი კონ­ტრაქ­ტი გა­უ­ფორ­მა, თუმ­ცა, იმის­თვის, რომ ეს პო­ტენ­ცი­ა­ლი უფრო რე­ა­ლო­ბას მორ­გე­ბუ­ლი ყო­ფი­ლი­ყო, მის კა­რი­ე­რა­ში სა­ჭი­რო იყო ბელ­გი­უ­რი ზღა­პა­რი. 2020 წელს იჯა­რით ბელ­გი­ის მე­ო­რე ლი­გის “სე­რენ­ში“ გა­დას­ვლა მი­ქა­უ­ტა­ძის­თვის მნიშ­ვნე­ლო­ვა­ნი აღ­მოჩ­ნდა. 8 მატჩში გა­ტა­ნი­ლი 14 გოლი: აქე­დან 4 “ლო­მე­ლის­თვის“, 3-3 “ლი­ერსსა“ და “ბრი­უ­გე II-სთვის“ მი­უ­თი­თებ­და იმა­ზე, რომ იზ­რდე­ბო­და ფორ­ვარ­დი, რო­მე­ლიც დიდ სცე­ნა­ზე გა­სას­ვლე­ლად მზად არის.

საფ­რან­გეთ­ში დაბ­რუ­ნე­ბა და გან­სა­კუთ­რე­ბით 2024 წლის ზა­ფხუ­ლი გი­ორ­გის კა­რი­ე­რა­ში გარ­დამ­ტე­ხი აღ­მოჩ­ნდა. ევრო 2024-ის ბრწყინ­ვა­ლე და­სას­რუ­ლი­სა და ჯგუ­ფურ ეტაპ­ზე სამი გო­ლით თა­ნა­ბომ­ბარ­დი­რის ტი­ტუ­ლის მო­პო­ვე­ბის შემ­დეგ, მი­სით ევ­რო­პის წამ­ყვა­ნი კლუ­ბე­ბი და­ინ­ტე­რეს­დნენ. მი­უ­ხე­და­ვად იმი­სა, რომ “მეც­მა“ “მო­ნა­კოს­თა­ნაც“ მი­აღ­წია შე­თან­ხმე­ბას, გი­ორ­გიმ გულს და­უ­ჯე­რა და ბავ­შვო­ბის კლუ­ბი, “ლი­ო­ნი“ აირ­ჩია. ფრან­გუ­ლი გა­მო­ცე­მა Get French Football News აღ­ნიშ­ნავ­და, რომ 18.5 მი­ლი­ო­ნი ევრო ამო­მა­ვა­ლი ვარ­სკვლა­ვის­თვის სიმ­ბო­ლუ­რი ფა­სია. “ლი­ონ­ში“ დაბ­რუ­ნე­ბა ემო­ცი­უ­რი გა­მოდ­გა: სა­დე­ბი­უ­ტო მატჩში “რე­ნის“ წი­ნა­აღ­მდეგ გა­ცუ­დე­ბუ­ლი პე­ნალ­ტი მან­დან­დას­თან მწა­რე გაკ­ვე­თი­ლი აღ­მოჩ­ნდა, თუმ­ცა მალე და­ამ­ტკი­ცა, რომ გაკ­ვე­თი­ლი ის­წავ­ლა “ოსე­რის“ კარ­ში გა­ტა­ნი­ლი სა­დე­ბი­უ­ტო დუბ­ლით. ევ­რო­პა ლი­გა­ზე კი მი­ქა­უ­ტა­ძემ ბა­ქო­ში “ყა­რა­ბაღ­თან“ შეს­რუ­ლე­ბუ­ლი ბრწყინ­ვა­ლე დუბ­ლით (9.2 შე­ფა­სე­ბით მატ­ჩის სა­უ­კე­თე­სო მო­თა­მა­შე) და გან­სა­კუთ­რე­ბით ბუ­ქა­რეს­ტის “სტი­ა­უ­ას­თან“ ის­ტო­რი­უ­ლი სა­ღა­მო­თი, სა­დაც მან ოთხი­ვე გოლ­ში მი­ი­ღო მო­ნა­წი­ლე­ო­ბა (ორი გოლი და ორი სა­გო­ლე გა­და­ცე­მა), აჩ­ვე­ნა, რომ ქარ­თვე­ლი თავ­დამ­სხმე­ლი უმაღ­ლე­სი კლა­სის ევ­რო­პულ ფორ­ვარ­დად ყა­ლიბ­დე­ბო­და.

ეს­პა­ნუ­რი თავ­გა­და­სა­ვა­ლი 2025 წლის სექ­ტემ­ბერ­ში და­ი­წყო. მი­ქა­უ­ტა­ძე “ვი­ლი­ა­რე­ალს“ 30 მი­ლი­ო­ნი ევ­როს სა­ნაც­ვლოდ შე­უ­ერ­თდა, უნდა აღი­ნიშ­ნოს, რომ ეს კლუ­ბის­თვის სარ­ე­კორ­დო ტრანსფე­რი იყო. მად­რი­დის “ატ­ლე­ტი­კოს­თან“ სა­დე­ბი­უ­ტო მატ­ჩი­სა და ჩემ­პი­ონ­თა ლი­გა­ზე “ტო­ტე­ნ­ჰემ­თან“ პირ­ვე­ლი გაბრ­წყი­ნე­ბის შემ­დეგ, მა­ლე­ვე მო­ვი­და პირ­ვე­ლი ეს­პა­ნუ­რი გო­ლე­ბის დროც: ჯერ “ოსა­სუ­ნას­თან“ ლა ლი­გა­ში და შემ­დეგ უე­ფას ჩემ­პი­ონ­თა ლი­გა­ზე ტუ­რი­ნის “იუ­ვენ­ტუ­სის“ (ტუ­რი­ნელ ბე­ბერ ქალ­ბა­ტონ­თან) კარ­ში გა­ტა­ნი­ლი ბურ­თი, რო­მელ­მაც “ვი­ლი­ა­რე­ალს“ მნიშ­ვნე­ლო­ვა­ნი ქულა მო­უ­ტა­ნა. ამით გი­ორ­გი დე­მეტ­რა­ძის, შოთა არ­ვე­ლა­ძის, გი­ორ­გი ქო­ჩო­რაშ­ვი­ლი­სა და გი­ორ­გი მა­მარ­დაშ­ვი­ლის გვერ­დით დად­გა და ჩვე­ნი ბომ­ბარ­დი­რი, რო­მელ­საც გო­ლე­ბი ძა­ლი­ან უყ­ვარს ლა ლი­გის ის­ტო­რი­ა­ში მე­ხუ­თე ქარ­თვე­ლი ფეხ­ბურ­თე­ლი გახ­და. გა­აგ­რძე­ლეთ კი­თხვა

საქართველოს განათლების, მეცნიერებისა და ახალგაზრდობის სამინისტრომ მიიღო გადაწყვეტილება მასწავლებელთა სახელფასო ანაზღაურების წესის გარკვეული მოთხოვნების ამოქმედების 2027–2028 სასწავლო წლამდე გადავადების შესახებ.

საქართველოს განათლების, მეცნიერებისა და ახალგაზრდობის სამინისტროს ცნობით, პედაგოგებს ორჯერ მიეცემათ კომპეტენციის დადასტურების შესაძლებლობა – საგნის გამოცდა მასწავლებლებისთვის, როგორც ზაფხულში, ასევე, ზამთარშიც ჩატარდება. ამავდროულად, პედაგოგებს საშუალება ექნებათ, უსასყიდლოდ გაიარონ მასწავლებელთა პროფესიული განვითარების ეროვნული ცენტრის ინტენსიური საგნობრივი მომზადების კურსები.

„მოგეხსენებათ, 2026–2027 სასწავლო წლიდან გაზრდილი საათობრივი ანაზღაურების მისაღებად მასწავლებელს უნდა ჰქონოდა იმ საგნის/საფეხურის სწავლების დადასტურებული კომპეტენცია, რომელსაც ასწავლის. აღნიშნული მოთხოვნის მიზანი იყო მასწავლებლის კვალიფიკაციისა და საგნობრივი დატვირთვის შესაბამისობის უზრუნველყოფა.

ახალი გადაწყვეტილების თანახმად, პედაგოგთა მხარდაჭერისა და სკოლებში სასწავლო პროცესის უწყვეტობის უზრუნველყოფის მიზნით, მოქმედ მასწავლებლებს დამატებით მიეცემათ გონივრული ვადა საკუთარი კომპეტენციის დასადასტურებლად – მათ საგნის ჩაბარება 2027–2028 სასწავლო წლის დაწყებამდე მოუწევთ.

გარდამავალ პერიოდში სამინისტრო მასწავლებლებს კვლავ შესთავაზებს დამატებით მხარდაჭერას. პედაგოგებს ორჯერ მიეცემათ კომპეტენციის დადასტურების შესაძლებლობა – საგნის გამოცდა მასწავლებლებისთვის, როგორც ზაფხულში, ასევე, ზამთარშიც ჩატარდება. ამავდროულად, პედაგოგებს საშუალება ექნებათ, უსასყიდლოდ გაიარონ მასწავლებელთა პროფესიული განვითარების ეროვნული ცენტრის ინტენსიური საგნობრივი მომზადების კურსები.

საქართველოს განათლების, მეცნიერებისა და ახალგაზრდობის სამინისტრო პრიორიტეტულად მიიჩნევს სასწავლო პროცესის ხარისხის თანმიმდევრულ ზრდასა და თითოეული მასწავლებლის პროფესიული სტაბილურობის, ღირსეული შრომითი პირობებისა და კვალიფიკაციის ამაღლების მხარდაჭერას. მიღებული გადაწყვეტილება სწორედ ამ მიზნებს ემსახურება: მასწავლებლებს მიეცათ დამატებითი დრო და მხარდაჭერა საკუთარი კომპეტენციის დასადასტურებლად, ხოლო სკოლებს – შესაძლებლობა, მომზადებულად შეხვდნენ ახალ მოთხოვნებს ისე, რომ გარდამავალ პერიოდში არ შეიქმნას სასწავლო პროცესის უწყვეტობის რისკი.

სამინისტრო მოუწოდებს მასწავლებლებს, მაქსიმალურად გამოიყენონ გარდამავალი პერიოდი, ისარგებლონ შეთავაზებული საგნობრივი მომზადების შესაძლებლობებით და მომავალი სასწავლო წლისთვის, პროფესიული განვითარების გზით, მოემზადონ გადავადებული მოთხოვნების ამოქმედებისთვის.

პედაგოგთა მხარდამჭერი მექანიზმების დახვეწის პარალელურად, საქართველოს განათლების, მეცნიერებისა და ახალგაზრდობის სამინისტრო აქტიურად მუშაობს მასწავლებელთა საკადრო დეფიციტის პრევენციისა და მართვის ერთიან, გრძელვადიან, სისტემურ სტრატეგიაზე, რომელიც უზრუნველყოფს არსებული საკადრო საჭიროებების დროულ იდენტიფიცირებასა და შესაძლო დეფიციტების პრევენციულ თუ ინტერვენციულ მართვას“,-აღნიშნულია ინფორმაციაში.

თბი­ლი­სის ყო­ფილ მერს, პო­ლი­ტი­კოს გიგი უგუ­ლა­ვას დედა გარ­და­ეც­ვა­ლა. ამის თა­ო­ბა­ზე ის ინ­ფორ­მა­ცი­ას სო­ცი­ა­ლურ ქსელ­ში ავ­რცე­ლებს.

“გარ­და­იც­ვა­ლა დე­და­ჩე­მი, მა­ნა­ნა ქარ­თვე­ლიშ­ვი­ლი, რო­გორც მამა უძახ­და მან­ჩუ­ლი­კა, რო­გორც მას შვი­ლიშ­ვი­ლებ­მა შე­არ­ქვეს – ნა­ნა­კო. რა დავ­წე­რო არც კი ვიცი. ძნე­ლია მშობ­ლის და­კარ­გვა, მით უფრო როცა მას ვერ და­ი­ტი­რებ, ვერ გა­ა­ცი­ლებ უკა­ნას­კნელ გზა­ზე, ვერ გა­მო­ემ­შვი­დო­ბე­ბი. ამის ყვე­ლა­ზე მე­ტად მე­ში­ნო­და და სამ­წუ­ხა­როდ ასეც მოხ­და. მად­ლო­ბა მან­ჩუ­ლიკ ყვე­ლაფ­რის­თვის, შენი სი­ცი­ლი მო­მე­ნატ­რე­ბა პა­ნაშ­ვი­დი 20-21 აგ­ვის­ტოს. გას­ვე­ნე­ბა – შა­ბათს 22 აგ­ვის­ტოს, 2 სა­ათ­ზე. მი­სა­მარ­თი, მთაწ­მინ­და, რი­წის ქ. 9.”, – წერს პო­ლი­ტი­კო­სი.

ქუთაისში არასრულწლოვანებმა შუახნის კაცზე გონების დაკარგვამდე იძალადეს. ინფორმაციას და ვიდეოს ადგილობრივი მედია “ინფო იმერეთი” ავრცელებს.

ზაფხულის დასრულება ზოდიაქოს რამდენიმე ნიშნისთვის ახალი შესაძლებლობების დასაწყისად იქცევა. 2026 წლის სექტემბერი განსაკუთრებით აქტიური და მნიშვნელოვანი პერიოდია მათთვის, ვისაც პროფესიულ ცხოვრებაში ცვლილებები, ფინანსური გაუმჯობესება, ახალი ნაცნობობა ან პირად ურთიერთობებში სასიამოვნო სიახლეები სურს.

ასტროლოგიური პროგნოზების მიხედვით, სექტემბერი ზოდიაქოს ხუთი ნიშნისთვის განსაკუთრებით გამორჩეული იქნება. ზოგისთვის წარმატება კარიერულ სფეროში მოვა, ზოგისთვის – ფინანსური შესაძლებლობების სახით, ზოგიერთს კი ახალი იდეებისა და ადამიანების წყალობით მნიშვნელოვანი ცვლილებები ელოდება:

მორიელი – მნიშვნელოვანი გარდატეხის დრო
მორიელებისთვის სექტემბერი ერთ-ერთი ყველაზე საინტერესო თვე იქნება. ამ პერიოდში შესაძლოა, მოვლენები ისე განვითარდეს, რომ მათ მომავალზე იმაზე გაცილებით დიდი გავლენა ჰქონდეს, ვიდრე თავდაპირველად წარმოედგინათ.

თვის პირველი ნახევარი განსაკუთრებით ხელსაყრელია ახალი საქმის დასაწყებად. თუ მორიელს დიდი ხანია, აქვს იდეა, რომლის განხორციელებასაც სხვადასხვა მიზეზით ვერ ახერხებდა, სექტემბერი მოქმედების დაწყებისთვის კარგი დრო იქნება. ახალი პროექტი, სამუშაო შეთავაზება ან მნიშვნელოვანი თანამშრომლობა შესაძლოა, სწორედ ახლა გამოჩნდეს.

მნიშვნელოვანი იქნება ადამიანებთან ურთიერთობებიც. მორიელებს შეუძლიათ, საკუთარი იდეების გარშემო გავლენიანი ადამიანების გაერთიანება და საჭირო მხარდაჭერის მოპოვება. მთავარია, შესაძლებლობა მხოლოდ იმის გამო არ გაუშვან ხელიდან, რომ შედეგი მაშინვე არ ჩანს.

ფინანსურ სფეროში კი სიფრთხილე საჭიროა. სექტემბერი შესაძლოა, ერთდროულად ახალ შანსებსაც ქმნიდეს და მოულოდნელ ხარჯებსაც. ამიტომ მორიელებისთვის საუკეთესო სტრატეგია იქნება – დიდი შესაძლებლობები გამოიყენონ, თუმცა გადაწყვეტილებები ემოციების ნაცვლად კარგად გააზრებული გათვლით მიიღონ.

ქალწული – დროა, საკუთარი შესაძლებლობები გამოავლინოთ
სექტემბერი ქალწულებისთვის განსაკუთრებით მნიშვნელოვანი იქნება, რადგან ეს პერიოდი მათ საშუალებას მისცემს, საკუთარი შესაძლებლობები უფრო ნათლად წარმოაჩინონ.

თვის პირველი ნახევარი განსაკუთრებით ხელსაყრელია პროფესიული მიმართულებით. შესაძლოა, ქალწულების შრომა საბოლოოდ დაფასდეს და მათ მიიღონ აღიარება, ახალი პასუხისმგებლობა ან ისეთი შეთავაზება, რომელიც კარიერულ მომავალს შეცვლის.

სექტემბერი კარგი პერიოდია მათთვისაც, ვინც სამსახურის შეცვლაზე, ახალი პროექტის დაწყებაზე ან პროფესიული მიმართულების გაფართოებაზე ფიქრობს. მთავარი იქნება საკუთარ შესაძლებლობებში ეჭვის შეტანის ნაცვლად ინიციატივის გამოჩენა.

პირად ცხოვრებაშიც ქალწულებს უფრო მსუბუქი და სასიამოვნო პერიოდი ელოდებათ. ისინი მეტად გახსნილები და კომუნიკაბელურები იქნებიან, რაც ახალი ნაცნობობის ან უკვე არსებული ურთიერთობის გაძლიერების შესაძლებლობას შექმნის.

განსაკუთრებით საინტერესოა თვის შუა პერიოდი – შესაძლოა, სწორედ მაშინ გაჩნდეს შესაძლებლობა, რომელიც ქალწულებს აჩვენებს, რომ ბოლო პერიოდში გაწეული ძალისხმევა უშედეგო ნამდვილად არ ყოფილა.

მერწყული – ახალი კავშირები ახალ შესაძლებლობებს მოიტანს
მერწყულებისთვის სექტემბრის მთავარი სიტყვა შესაძლებლობა იქნება. ეს შეიძლება, ეხებოდეს როგორც პროფესიულ საქმიანობას, ისე ადამიანებს, რომლებიც მათ ცხოვრებაში მოულოდნელად გამოჩნდებიან.

სექტემბერში მერწყულებს გაუჩნდებათ შანსი, საკუთარი იდეები უფრო ფართო აუდიტორიას გააცნონ ან ისეთი ადამიანების მხარდაჭერა მიიღონ, რომელთა დახმარებაც მათთვის მნიშვნელოვანი აღმოჩნდება.

განსაკუთრებით წარმატებული შეიძლება, იყოს პროფესიული ურთიერთობები. ახალი თანამშრომლობა, საინტერესო შეთავაზება ან გავლენიანი ადამიანის გაცნობაც კი მომავალში მნიშვნელოვანი ნაბიჯის საფუძველი გახდეს.

ფინანსური თვალსაზრისითაც მდგომარეობა თანდათან უფრო პერსპექტიული ხდება. თუ მერწყული დიდი ხანია, დამატებითი შემოსავლის წყაროს ეძებს, სექტემბერში შესაძლოა, საინტერესო ვარიანტი გამოჩნდეს. თუმცა, საუკეთესო შედეგს ისინი მაშინ მიიღებენ, თუ მხოლოდ სწრაფ მოგებაზე არ იფიქრებენ და გრძელვადიან სარგებელსაც გაითვალისწინებენ.

პირად ცხოვრებაში კი მოულოდნელობების თვეა. ახალი ადამიანი შეიძლება, სწორედ მაშინ გამოჩნდეს, როცა ამისთვის საერთოდ არ ემზადებიან, სხვებისთვის კი უკვე არსებული ურთიერთობა სრულიად ახალ ეტაპზე გადავა…ვრცლად

უწყვეტი ხაზის გადაკვეთა მძღოლებისთვის აკრძალული მანევრების ერთ-ერთი ყველაზე ცნობილი წესია, თუმცა ზოგიერთ ქვეყანაში ჩვეულებრივი თეთრი მონიშვნა მძღოლების გასაფრთხილებლად საკმარისი აღარ აღმოჩნდა.

სწორედ ამიტომ, ესპანეთში სახიფათო გზების გარკვეულ მონაკვეთებზე სქელი წითელი უწყვეტი ხაზის გამოყენება დაიწყეს. მისი მიზანია, მძღოლს განსაკუთრებით მკაფიოდ მიანიშნოს, რომ ამ მონაკვეთზე გზის საპირისპირო ზოლში გადასვლა და გასწრება დაუშვებელია.

ინიციატივა განსაკუთრებით ცნობილია ანდალუსიაში, მალაგის პროვინციაში, A-355 გზაზე, კოინისა და მარბელიას მიმართულებებს შორის. აღნიშნული მონაკვეთი ავარიების მაღალი მაჩვენებლით გამოირჩევა და მას ადგილობრივად „სიკვდილის გზასაც“ უწოდებენ.

წითელი ზოლი დაახლოებით 30 სანტიმეტრის სიგანისაა და ჩვეულებრივ უწყვეტ თეთრ ხაზს აძლიერებს. მისი მკვეთრი ფერი მძღოლის ყურადღების მისაქცევად გამოიყენება — წითელი ფერი კი ფსიქოლოგიურად საფრთხესა და გაფრთხილებასთან ასოცირდება.

რას ნიშნავს ეს მძღოლისთვის?

თუ გზის ცენტრში წითელ უწყვეტ ხაზს ხედავთ, ეს ნიშნავს, რომ გასწრება და საპირისპირო მიმართულების ზოლში გადასვლა აკრძალულია. ხაზის გადაკვეთა მხოლოდ იმიტომ, რომ გზა თავისუფალია ან წინ ნელა მოძრავი ავტომობილია, დასაშვები არ არის.

ესპანეთში წესის დარღვევისთვის ჯარიმა შესაძლოა 400 ევროს შეადგენდეს და მძღოლს მართვის მოწმობის 4 ქულაც დააკლდეს.

წითელი ხაზის გამოყენება ესპანეთში სხვა მაღალი რისკის მქონე გზებზეც გაფართოვდა. ხელისუფლების მიზანია, განსაკუთრებით სახიფათო მონაკვეთებზე მძღოლებმა აკრძალული გასწრების შესახებ უფრო მკაფიო ვიზუალური გაფრთხილება მიიღონ.

გარემოს ეროვნული სააგენტო 19-21 აგვისტოს საქართველოში მოსალოდნელი ამინდის შესახებ ინფორმაციას ავრცელებს.

სინოპტიკოსების პროგნოზით, უახლოეს დღეებში საქართველოს ცალკეულ რაიონში სითბოს ფონზე მოსალოდნელია ხანმოკლე წვიმა ელჭექთან ერთად.

თბილისში, შესაძლოა, მცირე ხანმოკლე წვიმა ელჭექით და ქარის გაძლიერებით აღინიშნოს. ჰაერის ტემპერატურა დღისით +31, +33 გრადუსი დაფიქსირდება.

სანაპირო რაიონებში (ბათუმი, ქობულეთი, ანაკლია, ფოთი), შესაძლოა, ხანმოკლე წვიმა ელჭექით აღინიშნოს. ჰაერის ტემპერატურა დღისით +27, +29 გრადუსი დაფიქსირდება.

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +30, +32 გრადუსი დაფიქსირდება.

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი) ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +30, +32 გრადუსი დაფიქსირდება.

დასავლეთ საქართველოს მაღალმთიან რაიონებში (მესტია, ბახმარო) ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +27, +29 გრადუსი დაფიქსირდება.

ქართლში (რუსთავი, ბოლნისი, მარნეული, გარდაბანი, გორი, ცხინვალი) ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +31, +33 გრადუსი დაფიქსირდება.

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო) ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +31, +33 გრადუსი დაფიქსირდება.

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური) ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +28, +30 გრადუსი დაფიქსირდება.

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო) ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +23, +25 გრადუსი დაფიქსირდება.