გარემოს ეროვნული სააგენტო მოსახლეობას აფრთხილებს.
19-21 აპრილს საქართველოში მოსალოდნელია დროგამოშვებით ნალექი, ზოგან ძლიერი. შესაძლებელია ელჭექი, სეტყვა, ქარის გაძლიერება, მაღალმთიან რაიონებში ზვავსაშიშროება.
მოსალოდნელმა ნალექებმა შესაძლებელია მდინარეებზე წყლის დონეების მნიშვნელოვანი მატება, აღმოსავლეთ საქართველოს პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო).
სოციალურ ქსელში სამწუხარო ინფორმაცია ვრცელდება. სამტრედიაში ახალგაზრდა ბიჭი გარდაიცვალა.
„გლოვობს ჩემი სამტრედია, გარდაიცვალა ახალგაზრდა, ალეკო ხაბეიშვილი. ენით აღუწერელი ტკივილი დაგვიტოვე, გაანადგურე და თავდაყირა დააყენე ყველას ცხოვრება, ვინც გიცნობდა. ნათელში იყავი, ჩვენო ყველასგან და ყველაფრით გამორჩეულო და განსაკუთრებულო“, – წერს შოთო სიხარულიძე სოციალურ ქსელში.
წყარო: primetime.ge
სამწუხარო ინფორმაცია სოციალურ ქსელში ვრცელდება.
„აღდგომის კვირეულში გარდაიცვალა კიდევ ერთი ემიგრანტი – ქალბატონი მარინა ნიკოლეიშვილი. გთხოვთ, ილოცოთ მისი სულის მოსახსენიებლად…“ – წერია გავრცელებულ ინფორმაციაში.
მეტეოროლოგი კობა ფარტენაძე უახლოესი დღეების ამინდის პროგნოზზე წერს.
„ჯერჯერობით თბილი ტანისამოსის შენახვა – ისევ ნაადრევია…საქართველოში მიმდინარე კვირის ბოლო დღეები საკმაოდ დატვირთული იქნება, რაც ატმოსფერული ფრონტების უწყვეტი ცვლილებით იქნება გამოწვეული.არსებულ ანტიციკლონს, რომელიც ხვალაც მზიან ამინდს განაპირობებს 18 აპრილის დღის ბოლოდან – კვლავ ციკლონთან არსებული შედარებით ცივი და ნოტიო ჰაერის მასები შეცვლის, ამიტომაც 19-20 აპრილს საქართველოში ამინდი შეიცვლება, მოსალოდნელია წვიმა, ელჭექით, რომელიც ზოგან შესაძლოა ლოკალურად ინტენსიური იყოს, სეტყვის რისკით.ასე რომ გაითვალისწინეთ – ძლიერი ცვალებადობის კვირა გველოდება, რაც იდეალურად შეესაბამება აპრილის ტიპურ კაპრიზულ ამინდს. ციკლონსა და მაღალი წნევის ხანმოკლე მატებას შორის რყევა გვაიძულებს, ხელთ გვქონდეს როგორც ქოლგები, ასევე მზის სათვალე…“ წერს მეტეოროლოგი სოციალურ ქსელში.
მიხეილ სააკაშვილი სამწუხარო ინფორმაციას ავრცელებს:
“საქართველომ დაკარგა ძალიან დიდი მეცნიერი – მსოფლიოში სახელგანთქმული ბიოლოგი, ივანე ჯავახიშვილის შვილიშვილი ცოტნე ჯავახიშვილი.
ის დაიღუპა ავიაკატასტროფაში (ცუდად გახდა თვითმფრინავის მართვის დროს) ამერიკაში, სადაც ის მუშაობდა. ყველა კოლეგა მას ერთხმად ახასიათებს როგორც “გენიალურ და ძალიან მოკრძალებულ ადამიანს” ზუსტად ისევე, როგორც მის ბაბუას, ივანე ჯავახიშვილს ახასიათებდნენ თანამედროვეები.
ცოტნე ასევე მუშაობდა მეცნიერების დასახმარებლად საქართველოში, იყო რა საქართველოს უნივერსიტეტის მეცნიერ-თანამშრომელი. წელს ყველა ელოდა, რომ ის ნობელის პრემიას მიიღებდა.
რამხელა დანაკარგია! ჩემი სამძიმარი ოჯახის წევრებს და ახლობლებს.” – წერს მიხეილ სააკაშვილი.
საქართველომ დაკარგა ძალიან დიდი მეცნიერი – მსოფლიოში სახელგანთქმული ბიოლოგი, ივანე ჯავახიშვილის შვილიშვილი ცოტნე ჯავახიშვილი.
ის დაიღუპა ავიაკატასტროფაში (ცუდად გახდა თვითმფრინავის მართვის დროს) ამერიკაში, სადაც ის მუშაობდა. ყველა კოლეგა მას ერთხმად ახასიათებს როგორც “გენიალურ და ძალიან მოკრძალებულ ადამიანს” ზუსტად ისევე, როგორც მის ბაბუას, ივანე ჯავახიშვილს ახასიათებდნენ თანამედროვეები.
ცოტნე ასევე მუშაობდა მეცნიერების დასახმარებლად საქართველოში, იყო რა საქართველოს უნივერსიტეტის მეცნიერ-თანამშრომელი. წელს ყველა ელოდა, რომ ის ნობელის პრემიას მიიღებდა.
რამხელა დანაკარგია! ჩემი სამძიმარი ოჯახის წევრებს და ახლობლებს.
გარემოს ეროვნული სააგენტო 18-20 აპრილს საქართველოში მოსალოდნელი ამინდის შესახებ ინფორმაციას ავრცელებს.
სააგენტოს ცნობით, 18 აპრილს საქართველოში შედარებით თბილი და უმეტესად უნალექო ამინდი იქნება, ხოლო 19-20 აპრილს კვლავ ნალექიანი და ქარიანი ამინდია მოსალოდნელი. ჰაერის ტემპერატურა დაიკლებს.
„თბილისში 18 აპრილს უნალექო ამინდი იქნება, ხოლო 19-20 აპრილს კვლავ ნალექიანი და ქარიანი ამინდია მოსალოდნელი. ჰაერის ტემპერატურა დღისით +15, +17 გრადუსი დაფიქსირდება.
სანაპირო რაიონებში (ბათუმი, ქობულეთი, ანაკლია, ფოთი): 18 აპრილს უმეტესად უნალექო ამინდი იქნება, ხოლო 19-20 აპრილს კვლავ ნალექიანი და ქარიანი ამინდია მოსალოდნელი. ჰაერის ტემპერატურა 18 აპრილს დღისით +20, +22 გრადუსი დაფიქსირდება, ხოლო 19-20 აპრილს +12, +14 გრადუსამდე დაიკლებს.
დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): 18 აპრილს უმეტესად უნალექო ამინდი იქნება, ხოლო 19-20 აპრილს კვლავ ნალექიანი ამინდია მოსალოდნელი. ჰაერის ტემპერატურა 18 აპრილს დღისით +23, +25 გრადუსი დაფიქსირდება, ხოლო 19-20 აპრილს +12, +14 გრადუსამდე დაიკლებს.
დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): 18 აპრილს უმეტესად უნალექო ამინდი იქნება, ხოლო 19-20 აპრილს კვლავ ნალექიანი ამინდია მოსალოდნელი. ჰაერის ტემპერატურა 18 აპრილს დღისით +19, +21 გრადუსი დაფიქსირდება, ხოლო 19-20 აპრილს +11, +13 გრადუსამდე დაიკლებს.
დასავლეთ საქართველოს მაღალმთიან რაიონებში (მესტია, ბახმარო): 18 აპრილს უმეტესად უნალექო ამინდი იქნება, ხოლო 19-20 აპრილს კვლავ ნალექიანი ამინდია მოსალოდნელი. ჰაერის ტემპერატურა 18 აპრილს დღისით +15, +17 გრადუსი დაფიქსირდება, ხოლო 19-20 აპრილს +8, +10 გრადუსამდე დაიკლებს.
ქართლში (რუსთავი, ბოლნისი, მარნეული, გარდაბანი, გორი, ცხინვალი): 18 აპრილს უმეტესად უნალექო ამინდი იქნება, ხოლო 19-20 აპრილს კვლავ ნალექიანი და ქარიანი ამინდია მოსალოდნელი. ჰაერის ტემპერატურა დღისით +16, +18 გრადუსი დაფიქსირდება.
კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): 18 აპრილს უმეტესად უნალექო ამინდი იქნება, ხოლო 19-20 აპრილს კვლავ ნალექიანი და ქარიანი ამინდია მოსალოდნელი. ჰაერის ტემპერატურა დღისით +16, +18 გრადუსი დაფიქსირდება.
აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): 18 აპრილს უმეტესად უნალექო ამინდი იქნება, ხოლო 19-20 აპრილს კვლავ ნალექიანი და ქარიანი ამინდია მოსალოდნელი. ჰაერის ტემპერატურა დღისით +14, +16 გრადუსი დაფიქსირდება.
აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): 18 აპრილს უმეტესად უნალექო ამინდი იქნება, ხოლო 19-20 აპრილს კვლავ ნალექიანი და ქარიანი ამინდია მოსალოდნელი. ჰაერის ტემპერატურა დღისით +7, +9 გრადუსი დაფიქსირდება“, – აღნიშნულია ინფორმაციაში.
რას გვირჩევენ ვარსკვლავები 18 აპრილისთვის ჯანმრთელობის, ბიზნესის და სიყვარულის მიმართულებით?
ვერძი
დღეს თქვენს გზაზე შეიძლება გამოჩნდნენ ადამიანები, რომლებსაც ოდესღაც გული ატკინეთ. დროა, გულმოწყალება გამოიჩინოთ და წარსულის წყენა დაივიწყოთ. გირჩევთ, მთელი ენერგია სამუშაოსკენ მიმართოთ და უსარგებლო კამათსა და ურთიერთობების გარკვევაზე დრო არ დაკარგოთ. მუდმივად აკონტროლეთ სიტყვები და ემოციები, რათა შემთხვევით საყვარელ ადამიანს გული არ ატკინოთ.
კურო
კუროებისთვის ეს დღე იდეალურია ჩანაფიქრისა და გეგმების განსახორციელებლად. თუ პროფესიის შეცვლაზე ან კომერციული საქმიანობის წამოწყებაზე ფიქრობთ, ახლა ამისთვის საუკეთესო დროა. ამ დღეს როგორც კოლეგებთან, ისე ახლობლებთან ურთიერთობაში დადებითი ძვრები მოხდება. ხელსაყრელი დროა ახალი ცოდნის შეძენისა და კვალიფიკაციის ამაღლებისთვის.
ტყუპი
შრომისმოვარეობისა და შინაგანი დისციპლინის დამსახურებით ნებისმიერ პრობლემას მოაგვარებთ და კოლეგებიც საჭირო მხარდაჭერას გაგიწევენ. შეგიძლიათ, მათ პროფესიონალიზმს თამამად დაეყრდნოთ. ეცადეთ, ყველაზე თამამი პროექტები დაიწყოთ და გარშემომყოფები სრულიად სხვა თვალით შემოგხედავენ. გირჩევთ, დღის დარჩენილი ნაწილი სიწყნარეში, საყვარელ ადამიანებთან ერთად გაატაროთ – ეს შინაგან ჰარმონიას მოგანიჭებთ და დღევანდელი მოვლენების გაანალიზებაში დაგეხმარებათ.
კირჩხიბი
სწორი ფინანსური მენეჯმენტი ფინანსური კეთილდღეობისკენ გზას გაგიხსნით, ხოლო გავლენიანი ადამიანის მხარდაჭერა წარმატებას მოგიტანთ. იღბალი ცხოვრების ყველა სფეროში თქვენ გვერდითაა. შორიდან მიღებული შეტყობინება ერთდროულად დაგაბნევთ და გაგახარებთ. ზოგ კირჩხიბს საქმიან ქაღალდებზე ხელის მოწერა მოუწევს – შესაძლოა, უძრავი ქონება შეიძინოთ ან მემკვიდრეობა მიიღოთ.
ლომი
თუ ადამიანებს საკუთარი ინტერესებისთვის, სარგებლის მისაღებად იყენებთ, ეს გზა თქვენთვის კარგად არ დასრულდება – შედეგები შეიძლება მოულოდნელი და უსიამოვნო იყოს. თქვენ გარშემო შექმნილი გარემოებები გაიძულებთ, ადამიანების მიმართ დამოკიდებულება შეცვალოთ. ცვლილებებს ნუ შეეწინააღმდეგებით – ამ ეტაპზე მოვლენებზე გავლენის მოხდენას ვერ შეძლებთ.
ქალწული
ეს დღე საკუთარ თავს და მიმდინარე საქმეების მოგვარებას დაუთმეთ. შესანიშნავი დროა საბუთების მოწესრიგებისა და სახლისთვის ნივთების შეძენისთვის. ეს დღეს საუკეთესო გადაწყვეტილება იქნება. იზრუნეთ ჯანმრთელობაზე. გაითვალისწინეთ, რომ ერთდღიანი შიმშილი და სუფთა ჰაერი მშვენიერი პროფილაქტიკური ღონისძიებაა.
სასწორი
სასწორებო ეცადეთ, ახალი კოლეგა კონკურენტად არ აღიქვათ. ყურადღება მიაქციეთ საკუთარ ემოციებს – ნებისმიერი დაუფიქრებელი ქმედება თქვენს წინააღმდეგ იმუშავებს. ეცადეთ სასიყვარულო ურთიერთობა ახალ, უფრო სერიოზულ ეტაპზე გადაიყვანოთ. თუ ვინმეს თქვენთან საუბარი და ურთიერთობა არ გსურთ, ძალას ნუ დაატანთ და შეხვედრა სხვა დროისთვის გადადეთ.
მორიელი
რთული და მოვლენებით დატვირთული დღეა. პროფესიულ სფეროში აქტიურობას მოერიდეთ. ნაბიჯების გადადგმა ჯერჯერობით გადადეთ. გაითვალისწინეთ, რომ მომატებული ემოციური ფონის გამო მცირე კამათიც კი შეიძლება დიდ სკანდალში გადაიზარდოს. გამონახეთ დრო სახლის მოწესრიგებისთვის. თუ საკუთარი ბიზნესი გაქვთ, ფრთხილად იყავით სახელმწიფო სტრუქტურებთან ურთიერთობისას.
მშვილდოსანი
ამ დღეს შეიძლება ლიდერობისთვის ბრძოლის სურვილი გაგიჩნდეთ, მაგრამ ეს ცუდი იდეაა და ეცადეთ, მოთოკოთ. აკონტროლეთ, რას ამბობთ, რათა ვიღაც დაუმსახურებლად არ გაანაწყენოთ. ადამიანი, რომელსაც ოდესღაც გული ატკინეთ, მშველელად მოგევლინებათ. ეს პატიება საკუთარი შეცდომების აღიარებასა და წყენის დავიწყებაში უნდა დაგეხმაროთ. სასურველია, საღამო ოჯახთან ერთად გაატაროთ.
თხის რქა
ეს დღე მშვიდად და აუღელვებლად ჩაივლის. ამ დღეს მეტი უსმინეთ და ნაკლები ილაპარაკეთ, რათა მნიშვნელოვანი ინფორმაცია არ გამოგეპაროთ. ახალ ნაცნობობაზე უარს ნუ იტყვით. მალე თქვენი ცხოვრება რომანტიკულ ელფერს შეიძენს – შესაძლოა, დიდი სიყვარული გეწვიოთ.
მერწყული
სირთულეებით სავსე დღეა. აკონტროლეთ ემოციები და გაითვალისწინეთ, რომ დაუფიქრებელი სიტყვები თქვენს ავტორიტეტს დააზიანებს. ნუ ინერვიულებთ იმის გამო, რომ თქვენს ცხოვრებაში ყველაფერი ისე არ ხდება, როგორც დაგეგმეთ. გირჩევთ, სამყაროს ენდოთ და გარემოებებს მოერგოთ.
თევზები
თევზებისთვის ნაკლებად ხელსაყრელი პერიოდი იწყება. ამ დღეს დანაკარგების სერიოზული რისკი არსებობს. ათი საქმის ერთდროულად კეთება მარცხით დასრულდება, ამიტომ სჯობს, კონცენტრირება ერთ, დაუსრულებელ პროექტზე მოახდინოთ. ყურადღება მიაქციეთ თქვენს გარემოცვას – შესაძლოა, თქვენ გვერდით არის ადამიანი, რომელიც თქვენზე უარყოფით გავლენას ახდენს. გირჩევთ, მასთან ურთიერთობა შეწყვიტოთ, მაგრამ ეს ფრთხილად და გონივრულად გააკეთოთ.
ასტროლოგების პროგნოზით, თვის მიწურულს ზოდიაქოს ოთხ ნიშანს ფინანსურად განსაკუთრებით გაუმართლებს:
კურო
ვარსკვლავები მოულოდნელ პრემიებსა და ძველი ვალების დაბრუნებას გიწინასწარმეტყველებენ. გარდა ამისა, თქვენ ხანგრძლივი პროექტის წარმატებით დასრულებასა და მისგან კუთვნილი მოგების მიღებას შეძლებთ, რომელიც დაპირებულთან შედარებით, ბევრად უფრო სოლიდური იქნება. (ასევე დაგაინტერესებთ: გაზაფხულის ტრიუმფატორები: ზოდიაქოს 4 ნიშანი, რომლებსაც 17 მაისამდე განსაკუთრებით ხელსაყრელი პერიოდი ელოდება)
ლომი
ფულადი ნაკადები თქვენკენ მოულოდნელად, უცხოური წყაროებიდან წამოვა. სავსებით შესაძლებელია, რომ თანდაყოლილი ქარიზმის წყალობით მსხვილი კლიენტების ყურადღება მიიპყროთ ან საკუთარი ჰობი შემოსავლის წყაროდ აქციოთ და გატაცება ბიზნესად და ბრენდად გარდაქმნათ.
მორიელი
იურიდიული დავების თქვენს სასარგებლოდ გადაწყვეტას შეძლებთ. ეს შეიძლება იყოს სამკვიდრო საკითხები ან პარტნიორებისგან მიღებული ძვირფასი საჩუქარი. მთავარი კი ამ სახსრების გონივრული ინვესტირებაა. ასტროლოგების თქმით, თვის ბოლოს მოულოდნელი ფინანსური სიურპრიზიც გელოდებათ.
მერწყული
აპრილის მიწურულს უძრავი ქონების ბაზარზე განხორციელებული რისკიანი, თუმცა გათვლილი გარიგებებიდან მოგებას მიიღებთ. ამასთანავე, კარიერულ ცვლილებებსაც ნუ შეუშინდებით – ახალი თანამდებობა, გაზრდილ პასუხისმგებლობასთან ერთად, სოციალური პაკეტისა და ბონუსების საგრძნობ გაფართოებასაც ითვალისწინებს.
