Category: Uncategorized

ყველასათვის კარგად არის ცნობილი, რომ მაკარონი იტალიის ეროვნულ ღირსებად ითვლება. მას უამრავი სახის სოუსთან მიირთმევენ. ბევრისთვის მაკარონი ყველაზე მარტივად მოსამზადებელი კერძია, თუმცა სინამდვილეში არსებობს რამდენიმე წესი და ხერხი, რომელთა გათვალისწინებაც აუცილებელია იდეალური მაკარონის კერძის მისაღებად.

იტალიელმა მზარეულებმა დაასახელეს 10 ყველაზე გავრცელებული შეცდომა, რომლებსაც მაკარონის მომზადებისას ვუშვებთ ხოლმე.

1. სხვადასხვა მწარმოებლის მაკარონის ხარისხი ერთმანეთისგან შეიძლება ძალიან განსხვავდებოდეს.

შესაბამისად, განსხვავდება ფასიც. ზოგიერთი ბრენდი საკმაოდ ძვირადღირებულია და ამის რამდენიმე მიზეზი არსებობს. ერთ-ერთი მიზეზი უკავშირდება წარმოების დანადგარებს. ზოგიერთი ექსტრუდერი სპილენძის არის და, შესაბამისად უფრო ძვირია, ვიდრე ტეფლონის. პირველის შემთხვევაში შობის პროცესი უფრო ნელია და პროდუქტიც მეტად ჰაეროვანი გამოდის. აქედან გამომდინარე, მაკარონიც უფრო კარგად იჟღინთება სოუსით.

2. ზომას დიდი მნიშვნელობა აქვს.

იმის მიხედვით, როგორი სოუსის გაკეთებას აპირებთ, მნიშვნელოვანია სწორად აარჩიოთ მაკარონის ზომა. თუ უფრო თხელ სიუსს არჩევთ, უმჯობესია პასტა გრძელი იყოს, მოკლე მაკარონი კი ხორცის ან დაჭრილი ბოსტნეულისგან დამზადებულ სოუსებს უხდება.

3. წყლის პროპორცია.

როგორც წესი, 100 გრამი პასტას მოსახარშად 1 ლიტრი წყალია საჭირო. თუ წყალი მცირე რაოდენობით არის, მაკარონი გარედან უფრო სწრაფად მოიხარშება, ვიდრე შიგნით. ამასთან, მცირე რაოდენობით წყლის შემთხვევაში, წყალში სახამებლის კონცენტრაცია მეტი ხდება, რამაც შეიძლება კერძის სიმწარე გამოიწვიოს.

4. არ გადაავლოთ წყალი მაკარონს მოხარშვის შემდეგ.

თუ გსურთ შეაჩეროთ მაკარონის ხარშვის პროცესი ორი ვარიანტი გაქვთ: ქვაბში დაამატეთ ერთი ჭიქა ცივი წყალი ან საერთოდ გადააქციეთ წყალი, დაუმატეთ ცოტაოდენი კარაქი და მოურიეთ, რათა პასტა ერთმანეთს არ მიეკროს. გაცივებით კი თავად უნდა გაცივდეს. თუ ცივ წყალს გადავავლებთ, ჩამოირეცხება სახამებელიც, რომელიც ხელს უწყობს მაკარონის სიუსთან შერევას, და შედეგი არც თუ სახარბიელო იქნება.

5. ყურადღება მიაქციეთ ხარშვის დროს.
ზოგადად მაკარონი უნდა მოიხარშოს შეფუთვაზე მითითებული დროის შესაბამისად. მაგრამ მაინც ყოველთვის თავად შეამოწმეთ პასტის მზაობა, რადგან ზოგიერთ შეფუთვაზე დრო არასწორად არის მითითებული. სანამ მაკარონს სოუსში აურევთ, საჭიროა პასტა ოდნავ შეშრეს.

6. როდის დავამატოთ მარილი?

არსებობს ორი ვარიანტი. თუ წყალში მარილს ჩავყრით ადუღებამდე, დუღილის ტემპერატურა მოიმატებს. ხოლო თუ უკვე ადუღებულ წყალში ჩაამატებთ – ეს ენერგიას დაზოგავს. რომელ მათგანს აირჩევთ, თქვენი გადასაწყვეტია. მთავარია, არასოდეს დავამატოთ მარილი მას შემდეგ, რაც ქვაბში მაკარონს ჩავყრით – ეს კიდევ უფრო დაბლა დაწევს წყლის ტემპერატურას.

7. არასოდეს დაახუროთ ქვაბს სახურავი მას შემდეგ, რაც მაკარონს ჩაყრით.

ეს ყველამ კარგად იცის, მაგრამ როგორც იტყვიან, გამეორება ცოდნის დედააო.

8. არ ღირს ქვაბში ზეთის ჩასხმა იმ მიზნით, რომ მაკარონი ერთმანეთს არ მიეკროს.

ამ მიზნით წყალში ზეთის დამატება აბსოლუტურად უსარგებლოა. უმჯობესია პერიოდულად მოვურიოთ ხოლმე მაკარონს და ვაკონტროლოთ ხარშვის დრო.

9. მნიშვნელოვანია ქვაბის ტიპი

სპაგეტის მოსამზადებლად გამოიყენეთ ვიწრო ქვაბი.

10. მაკარონის ნახარში წყალი არ ჩააქციოთ ნიჟარაში

ნახარში შეიძლება დაგჭირდეთ ისევ მაკარონზე დასამატებლად – რათა პასტა ზედმეტად არ გამოშრეს. გარდა ამისა, მაკარონის ნახარში შეიცავს მინერალებსა და სახამებელს და შეიძლება გამოიყენოთ მცენარეების მოსარწყავად.

საქართველოს მთავრობასა და საბერძნეთის რესპუბლიკის მთავრობას შორის, ეროვნული მართვის მოწმობების ურთიერთაღიარებისა და გადაცვლის შესახებ შეთანხმება, ძალაში მიმდინარე წლის 21 ივნისიდან შევიდა. ინფორმაციას შინაგან საქმეთა სამინისტრო ავრცელებს.

შეთანხმების ამოქმედებისთანავე, მხარეთა კომპეტენტური ორგანოების მიერ გაცემული მოქმედი მართვის მოწმობის მფლობელები, თეორიული ან პრაქტიკული გამოცდის ჩაბარების გარეშე შეძლებენ მიიღონ, თანაბარი ძალის მქონე მართვის მოწმობა იმ სახელმწიფოში, რომელიც მათ კანონიერ საცხოვრებელს წარმოადგენს.

შეთანხმებით განსაზღვრულია, რომ დოკუმენტის ძალაში შესვლის შემდგომ, თეორიული და პრაქტიკული გამოცდების ჩაბარების გარეშე, გადაცვლას დაექვემდებარება მართვის მოწმობის AM, A, A1, A2, B, B1, C, D, C1, D1, BE, CE, DE, C1E, D1E კატეგორიები/ქვეკატეგორიები.

საქართველოს მთავრობასა და საბერძნეთის რესპუბლიკის მთავრობას შორის ეროვნული მართვის მოწმობების ურთიერთაღიარებისა და გადაცვლის შესახებ შეთანხმებას 2024 წლის 26 ივნისს, საბერძნეთის რესპუბლიკაში, ათენში მოეწერა ხელი.

მსგავსი ტიპის შეთანხმება საქართველოს, ასევე, გაფორმებული აქვს ესპანეთის სამეფოსთან და ირლანდიასთან, სადაც ქართული მართვის მოწმობების გადაცვლა უკვე შესაძლებელია.

საერთაშორისო კვლევითი ორგანიზაცია Numbeo-ს განახლებული სტატისტიკის მიხედვით, საქართველოს სასურსათო მაღაზიებში 1 კგ. საქონლის ხორცის საშუალო ფასი 9.78 აშშ დოლარია. აღნიშნული მაჩვენებლით, რეიტინგში, რომელიც საქონლის ხორცის სიძვირეს 103 ქვეყანაში ზომავს, საქართველო 75-ე ადგილს იკავებს.

აღსანიშნავია, რომ ამავე კვლევის მიხედვით, საქართველოში მეზობელ ქვეყნებთან შედარებით, საქონლის ხორცი ყველაზე იაფია, ყველაზე ძვირი კი თურქეთში ღირს.

კერძოდ, Numbeo-ს განახლებულ რეიტინგში, თურქეთი მე-17 ადგილს იკავებს, სადაც საქონლის ხორცის ღირებულება კილოგრაზე საშუალოდ, 20 აშშ დოლარს შეადგენს.

უფრო კონკრეტულად, კვლევის მიხედვით, საქართველოსა და სამეზობლოში 1 კგ. საქონლის ხორცის საშუალო ფასები ასე გამოყურება:

• თურქეთი (მე-17 ადგილი) – 20.01 აშშ დოლარი;
• სომხეთი (52-ე ადგილი) – 12.28 აშშ დოლარი;
• რუსეთი (65-ე ადგილი) – 10.90 აშშ დოლარი;
• აზერბაიჯანი (70-ე ადგილი) – 10.53 აშშ დოლარი;
• საქართველო (75-ე ადგილი) – 9.78 აშშ დოლარი.

სად ღირს საქონლის ხორცი ყველაზე ძვირი და იაფი?

 

აღსანიშნავია, რომ საქონლის ხორცი მსოფლიოში ყველაზე ძვირი შვეიცარიაშია და ფასი 45 აშშ დოლარს აჭარბებს, ყველაზე იაფი კი პაკისტანში ღირს, სადაც კილოგრამის ფასი საშუალოდ, 4.68 აშშ დოლარის ფარგლებში მერყეობს.

Numbeo-ს მიხედვით, მსოფლიოს 5 ქვეყანა, სადაც 1 კგ ხორცი ყველაზე ძვირია, ასე გამოიყურება:

• შვეიცარია – 45.75 აშშ დოლარი;
• ნორვეგია – 32.82 აშშ დოლარი;
• ლუქსემბურგი – 27.74 აშშ დოლარი;
• სამხრეთ კორეა – 25.28 აშშ დოლარი;
• სინგაპური – 24.85 აშშ დოლარი.

იმ 5 ქვეყნის ჩამონათვალი კი, სადაც საქონლის ხორცი შედარებით იაფია, ასეთია:

• პაკისტანი – 4.68 აშშ დოლარი;
• ნიგერია – 4.73 აშშ დოლარი;
• კენია – 5.23 აშშ დოლარი;
• ინდოეთი – 5.25 აშშ დოლარი;
• ნეპალი – 5.36 აშშ დოლარი.

სოციალურ ქსელში ვრცელდება ახალგაზრდა კაცის ფოტო, რომელიც დღეს ბათუმში, 43-ე სართულიდან გადმოვარდა.

ადგილზე ექსპერტ-კრიმინალისტები იმყოფებოდნენ.

მომხდარის სხვა დეტალები ჯერჯერობით უცნობია.

გარემოს ეროვნული სააგენტოს ცნობით, 6 მაისამდე საქართველოში მოსალოდნელია დროგამოშვებით ნალექი, ზოგან ძლიერი. შესაძლებელია ელჭექი, სეტყვა, ქარის გაძლიერება, მაღალმთიან რაიონებში ზვავსაშიშროება.

მოსალოდნელმა ნალექებმა შესაძლებელია მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო).

სად ბინადრობენ თბილისში შხამიანი გველები, – ამ თემაზე ჰერპეტოლოგი, შოთა ზანდუკელი, გადაცემაში “დღის პოსტი” საუბრობს:

„თბილისი, თავისი მდებარეობის გამო, ამ კუთხით ყოველთვის აქტიური იყო. მაგალითად, რუსთავის შემოგარენში თითქმის ყველგან შხამიანი გველი – გიურზა გვხვდება, რის გამოც რუსთავი უფრო „ცხელ წერტილად” მიიჩნევა, თუმცა თბილისიც საკმაოდ დატვირთულია. თბილისი ქვაბულში მდებარეობს, სადაც ქვეწარმავლებისთვის ძალიან კარგი კლიმატური პირობებია. თბილისის შემოგარენში თითქმის ყველა სახეობის არაშხამიანი გველი ბინადრობს. გარეუბნები, რომლებიც ბუნებასთან ახლოსაა, გველების გამოჩენის თვალსაზრისით უფრო დატვირთულია, ვიდრე ცენტრი, თუმცა სკვერებისა და ბუნებრივი გარემოს არსებობის გამო, მათ კორპუსებს შორის არსებულ სივრცეებშიც კი ვხვდებით.

თბილისის ტერიტორიაზე შხამიანი გველები მხოლოდ რამდენიმე ლოკაციაზე გვხვდება. სულ ორი ასეთი სახეობაა: გიურზა და ცხვირრქოსანი გველგესლა. ქალაქში ცხვირ რქოსან გველგესლასთან შეხვედრის ალბათობა ძალიან მცირეა, რადგან ის კონკრეტულ არეალებში – კოჯრისა და ქოროღლის ციხის ქვემოთ, კლდოვან ნაშალებში ბინადრობს. ასევე გვხვდება წყნეთში, მსხალდიდსა და ლისის ტბის ზემოთ მდებარე სოფლებში. გიურზა კი დასახლებულ პუნქტებშიც გვხვდება – აეროპორტის დასახლებიდან და ლილოდან დაწყებული, აფრიკის, ფონიჭალის, ორთაჭალის, კრწანისისა და შინდისის ჩათვლით. ეს ადგილები გიურზას ბუნებრივი გავრცელების არეალია. ვინაიდან ეს უბნები ბუნებრივ გარემოს ესაზღვრება, ურბანულ სივრცეში მათი გამოჩენა ხშირია. თუმცა, ეს იმას არ ნიშნავს, რომ გიურზა ან სხვა გველი ყოველ ფეხის ნაბიჯზე შეგხვდებათ”,- ამბობს შოთა ზანდუკელი.

 

რას გვირჩევენ ვარსკვლავები 5 მაისისთვის ჯანმრთელობის, ბიზნესის და სიყვარულის მიმართულებით?

ვერძი

ხელიდან არ გაუშვათ შანსი, რომ ახლობელ ადამიანს თქვენი გრძნობები დაანახვოთ. ემოციებს ნუ დამალავთ, მაშინაც კი, თუ შექმნილი ვითარება რთული ან წინააღმდეგობრივი გეჩვენებათ. გახსოვდეთ, რომ სიცილი საუკეთესო წამალია და ხელიდან არ გაუშვათ ერთმანეთის გამხიარულების შესაძლებლობა. ჩართეთ საყვარელი კომედია და ერთად ყოფნით ისიამოვნეთ.

სამსახურში წინა პლანზე პროფესიული განვითარების საკითხები წამოიწევს. მიმართეთ ხელმძღვანელობას, ისინი რამეს აუცილებლად შემოგთავაზებენ. დაუფიქრებელ გადაწყვეტილებებს ნუ მიიღებთ, განსაკუთრებით – თუ საქმე ფინანსებს ეხება. ჯანმრთელობის მხრივ პრობლემები მოსალოდნელი არ არის, თუმცა შესაძლოა ქრონიკული დაავადებების გამწვავება, სეზონური ვირუსული ინფექციები და გაციება.

კურო

პირად ცხოვრებაში მოსალოდნელია სირთულეები — შესაძლოა, ეჭვიანობით ან ბუტიაობით პარტნიორთან ურთიერთობა გაიფუჭოთ. ვარსკვლავები გირჩევენ, რომ დრო დაუთმოთ ფინანსური პრობლემების მოგვარებას და ყველაფერს, რაც პირად კეთილდღეობას უკავშირდება. თუ თქვენი საქმიანობა ფინანსებს ან ინვესტიციებს ეხება, დღეს შესაძლოა სარფიანი შემოთავაზება მიიღოთ. ზოგიერთ კუროს გაუჩნდება სურვილი, რომ თავი გამოიჩინოს და შთაბეჭდილება მოახდინოს, თუმცა ამის მიღწევა ადვილი არ იქნება.

ამ პერიოდში თქვენი ჯანმრთელობა არასტაბილურია და შესაძლოა, ყურადღების კონცენტრაცია გაგიჭირდეთ. მოერიდეთ წითელ ხორცს და მძიმე საკვებს და უპირატესობა ბოსტნეულსა და ხილს მიანიჭეთ.

ტყუპები

ახლობელი ადამიანის დადანაშაულებას ნუ იჩქარებთ, სანამ სიტუაციაში კარგად არ გაერკვევით. არაა გამორიცხული, რომ უბრალოდ არაკეთილმოსურნეთა ჭორების მსხვერპლი გახდით. დღე ხელსაყრელია შვილებზე სასაუბროდ — მათი წარმატებებისა და პრობლემების განხილვა კიდევ უფრო დაგაახლოებთ. ძველ პროექტებზე მუშაობამ შეიძლება მოულოდნელი შედეგი გამოიღოს. გადახედეთ თქვენს მიდგომებს და ეცადეთ, ძველ იდეებს მეორე შანსი მისცეთ. ამ დღეს ხარჯებთან სიფრთხილე გმართებთ. შესაძლოა მოულოდნელი ვალდებულებები გამოგიჩნდეთ, ამიტომ მზად იყავით და ფინანსები შესაბამისად დაგეგმეთ.

სავარაუდოდ, საღამოს აღმოჩნდებით იმ ადამიანთა გარემოცვაში, რომლებსაც უყვარხართ და გაფასებენ, რაც თქვენს ჯანმრთელობასა და განწყობაზე დადებითად აისახება.

კირჩხიბი

უარს ნუ იტყვით პაემანზე — ის დიდ სიხარულს მოგიტანთ. სავარაუდოდ, დღევანდელი ნაცნობობა მეგობრულ ან რომანტიკულ ურთიერთობაში გადაიზრდება. მზად იყავით მოულოდნელი სტუმრებისთვის. სამსახურში წარმატება თქვენს აქტიურობაზეა დამოკიდებული. დამატებითი ვალდებულებების აღება ნუ მოგერიდებათ, ეს კარიერული ზრდისკენ გადადგმული პირველი ნაბიჯია! ერიდეთ თაღლითებს, რომლებიც თქვენი სახსრების ხელში ჩაგდებას ცდილობენ.

ვარსკვლავები გაფრთხილებენ, რომ დღეს ფასდაკლებული ნივთების შეძენას უნდა მოერიდოთ. ჯანსაღი კვება და სრულფასოვანი ძილით ძალების აღდგენაში და იმუნიტეტის გაძლიერებაში დაგეხმარებათ.

ლომი

მოახლოვებული ცვლილებები, პირველ რიგში, პირად ცხოვრებას შეეხება. ბოლოს და ბოლოს, მიხვდებით, რომ სიტყვებს ნაკლები მნიშვნელობა უნდა მიანიჭოთ. პროფესიულ საქმიანობაში მოსალოდნელია წარმატება, თუმცა ვარსკვლავები გაფრთხილებენ, რომ კოლეგების მოსაზრებებს მეტი ანგარიში უნდა გაუწიოთ. ნუ უგულებელყოფთ ახლობლების რჩევებს ფულის ხარჯვასა და ინვესტირებასთან დაკავშირებით. ამ საკითხებში მხოლოდ ინტუიცია ვერ დაგეხმარებათ — სჯობს რაც შეიძლება მეტი ინფორმაცია მოაგროვოთ. თქვენი ენთუზიაზმი გარშემომყოფებისთვისაც გადამდები იქნება.

ქალწული

გარემოებათა არახელსაყრელი განვითარება ან შურიანი ადამიანების ინტრიგები გაიძულებთ, რომ მთელი ენერგია საკუთარი პატიოსანი სახელის დაცვისკენ მიმართოთ. შესაძლებელია მცირე კამათი ახლო ნათესავებთან. გახსოვდეთ, რომ შვილების აღზრდა მეტ მოთმინებასა და გაგებას მოითხოვს. მარსის გააქტიურების გამო, შესაძლოა სხვადასხვა სახის სირთულეები წარმოიშვას, ამიტომ უმჯობესია, კონტრაქტების გაფორმებასა და გარიგებებთან დაკავშირებული საკითხები სხვა დღისთვის გადადოთ. ხელიდან არ გაუშვათ შანსი, რომ ახალი კავშირები დაამყაროთ — ეს დამატებითი შემოსავლის მიღებაში დაგეხმარებათ.

სასწორი

შეინარჩუნეთ ცივი გონება, მაშინაც კი, თუ პირად ცხოვრებაში პრობლემები გაქვთ. ნუ ინერვიულებთ, თანდაყოლილი სიფრთხილე და გამჭრიახობა წარმოქმნილი უთანხმოებების მოგვარებაში დაგეხმარებათ. ხელსაყრელი დროა ახალი ცოდნის მიღებისა და ანალიტიკური საქმიანობისთვის. თქვენი ინტელექტუალური პოტენციალი იზრდება, რაც მნიშვნელოვანი გადაწყვეტილების მიღებაში დაგეხმარებათ. ფინანსებთან დაკავშირებით გაუაზრებელ ნაბიჯებს ნუ გადადგამთ.

მოერიდეთ ცხიმიან საკვებს, რადგან მან შეიძლება გულძმარვა და კუჭში დისკომფორტი გამოიწვიოს.

მორიელი

სასიყვარულო ურთიერთობებში შეიძლება ბევრი გარეშე ფაქტორი ჩაერიოს: ბინის საკითხი, მშობლებთან ურთიერთობა, დაუსრულებელი საქმეები და ა.შ. შესაძლოა, უფროსთან ან კოლეგებთან ურთიერთობაში სირთულეები გაჩნდეს, თუმცა ვარსკვლავები გირჩევენ, სიმშვიდე შეინარჩუნოთ. მოერიდეთ ძვირად ღირებულ შენაძენს, რადგან გაუმართლებელი ხარჯები ოჯახურ ბიუჯეტს დააზარალებს. ამ ეტაპზე ვალები არაფერში გჭირდებათ. ძალისა და ჯანმრთელობის შესანარჩუნებლად ეცადეთ, ნაკლები ინერვიულოთ.

მშვილდოსანი

ვარსკვლავების განლაგება სასიყვარულო ურთიერთობის დასაწყებად ხელსაყრელ პირობებს ქმნის. ვარსკვლავები დაუჯერებელი რომანტიკული თავგადასავლის შესაძლებლობაზე მიგანიშნებენ! თუმცა ყურადღებით იყავით, რომ საკუთარი ბედნიერება არ გამოგეპაროთ. ხელმძღვანელობა დღეს განსაკუთრებით მომთხოვნი იქნება, რაც აქტიური იუპიტერის გავლენაა. ეცადეთ, შრომითი დისციპლინა არ დაარღვიოთ. ვარსკვლავები ამბობენ, რომ მალე შემოსავალი გასავალს გადააჭარბებს და ფულის დაგროვებას შეძლებთ. ახლობელ ადამიანებთან ურთიერთობა თქვენს ემოციურ და ფსიქიკურ მდგომარეობაზე დადებით გავლენას მოახდენს.

თხის რქა

ვარსკვლავები გირჩევენ, რომ საყვარელ ადამიანს მეტი ყურადღება დაუთმოთ, წინააღმდეგ შემთხვევაში თქვენს ურთიერთობაში შესაძლოა ხანგრძლივი კრიზისი დაიწყოს. ყოველდღიურ საქმეებში წარმატების მისაღწევად „ღრუბლებიდან მიწაზე დაშვება“ და დასახულ ამოცანებზე სრული კონცენტრირება დაგჭირდებათ. ხელქვეითებთან უხეშად საუბარს და მბრძანებლობას მოერიდეთ, თორემ საპასუხოდ უკმაყოფილებას და აგრესიას მიიღებთ. თქვენი ენერგეტიკული პოტენციალი არც ისე მაღალია, ამიტომ ეცადეთ, ძალები ტყუილად არ ხარჯოთ და ნერვებს გაუფრთხილდეთ. თუ თქვენი დღის რუტინა არ მოგწონთ და უინტერესოა, ახალი სამსახურის პოვნაზე უნდა იფიქროთ.

მერწყული

გარშემო მყოფების ნდობით ბოროტად ნუ ისარგებლებთ, ამბიციები აკონტროლეთ და ავანტიურებს მოერიდეთ. მალე მოგეცემათ შანსი, რომ ძველი სურვილი აიხდინოთ. შესაძლოა, ეს ძვირად ღირებული შენაძენი იყოს, რომელიც განწყობას მკვეთრად აგიმაღლებთ! პროფესიული თვალსაზრისით ეს დღე საინტერესო გეგმებით სავსეა, თუმცა გარკვეული ფაქტორები გეგმების განხორციელებაში ხელს შეგიშლით. არც კი იფიქროთ ფულის მოტყუებით ან უკანონო გზით შოვნაზე, თორემ მკაცრად დაისჯებით! საღამოსთვის შინაგანად და ფიზიკურად გამოფიტული იქნებით, თუმცა მიღწეული შედეგები კმაყოფილებას მოგიტანთ. ენერგეტიკული ბალანსის აღდგენაში ვარჯიში და სწორად დაბალანსებული კვება დაგეხმარებათ.

თევზები

დღეს თქვენს მეორე ნახევარს თქვენი დახმარება და თანადგომა დასჭირდება, თანაც თქვენთვის უცნობ სფეროში. ეს დღე ხელსაყრელია ცხოვრების სხვადასხვა სფეროს გამოსაკვლევად. სამსახურში დიდი წარმატება გელით, ნუ მოგერიდებათ გამოცდილების გაზიარება ახალბედა კოლეგებისთვის. ფულთან დაკავშირებულ პრობლემებს გულთან ნუ მიიტანთ — თქვენი ფინანსური მდგომარეობა მალე მნიშვნელოვნად გაუმჯობესდება. ამ დღეს სასიცოცხლო ძალების აშკარა მატება არ შეიმჩნევა, თუმცა არც ავადმყოფობის სიმპტომები შეგაწუხებთ. დალიეთ ახლად გამოწურული წვენები, სუფთა ჰაერზე ისეირნეთ და მსუბუქ ფიზიკურ აქტივობას ნუ დაივიწყებთ.

მომხმარებელთა უფლებების დაცვისა და მომხმარებლისთვის შესაძლო ფინანსური თაღლითობის თავიდან აცილების მიზნით, საქართველოს ეროვნული ბანკი საგადახდო მომსახურებასთან დაკავშირებით არსებულ მოთხოვნებს ამკაცრებს. ამის შესახებ ინფორმაციას სებ-ი ავრცელებს.

როგორც გავრცელებულ ინფორმაციაშია ნათქვამი, ცვლილება შედის მომხმარებლის ძლიერი ავთენტიფიკაციისა და ფინანსური ორგანიზაციების მიერ მომსახურების გაწევისას მომხმარებელთა უფლებების დაცვის წესში, რაც ხელს შეუწყობს და უფრო ეფექტიანს გახდის მოწყვლადი სეგმენტის – 60 წელს გადაცილებული მომხმარებლის დაცვას თაღლითური სქემებისგან.

„განახლებული რეგულაციები ეფუძნება საუკეთესო საერთაშორისო პრაქტიკას და მოიცავს ისეთ დამატებით მოთხოვნებს, რომლის მიხედვით საგადახდო მომსახურების პროვაიდერი ვალდებულია 60 წელს გადაცილებულ მომხმარებელთა ანგარიშებიდან შესასრულებელ გარკვეულ ტრანზაქციებზე რისკების მართვა უფრო მაღალი სტანდარტით განახორციელოს.

ცვლილებების მიხედვით, შესაძლო თაღლითური ქმედების შედეგად ელექტრონული გადახდის ოპერაციის შესრულების პრევენციის მიზნით, საგადახდო მომსახურების პროვაიდერმა, კანონმდებლობით გათვალისწინებული მონიტორინგის მექანიზმებში, დამატებით უნდა დანერგოს დაცვის სპეციალური ზომები 60 წელს გადაცილებული მომხმარებლებისთვის.

კერძოდ, საგადახდო მომსახურების პროვაიდერმა დროებით უნდა შეაჩეროს ან, სადაც ეს შეუძლებელია, უარი თქვას მომხმარებლის მიერ ინიციირებული რისკიანი ელექტრონული გადახდის ოპერაციის შესრულებაზე. რისკიან ოპერაციად ჩაითვლება შემდეგი ქმედებები – თუ გადახდის ოპერაციის თანხა აღემატება 500 ლარს და გადახდის ოპერაციის შინაარსი დაკავშირებულია თაღლითობის მაღალი რისკის პროფილის საქმიანობებთან, მათ შორის, ონლაინ სავაჭრო ე.წ. „ფორექსი“, საინვესტიციო, სათამაშო ბიზნესთან ან ვირტუალურ აქტივებთან დაკავშირებულ საქმიანობებთან; ან გამოვლენილია მომხმარებლისთვის უჩვეულო ხარჯვისა და ქცევის თავისებურება.

რისკიანი ოპერაციის დაფიქსირების შემთხვევაში, საგადახდო მომსახურების პროვაიდერი ვალდებული იქნება დაუკავშირდეს მომხმარებელს, მოახდინოს მისი ინფორმირება მომხმარებლის მიერ ინფორმაციის უკეთ გაანალიზების ხელშეწყობის მიზნით, რითაც შემცირებული იქნება თაღლითების მანიპულაციის ქვეშ მომხმარებლის მიერ ოპერაციების განხორციელების რისკი.

ამასთან, აღსანიშნავია, რომ მომხმარებელს მის მიერ რისკიანი ან/და საეჭვო ტრანზაქციის ინიციირების შემდეგ 48 საათი ექნება იმისთვის, რომ მომხმარებელმა მიიღოს საბოლოო გადაწყვეტილება ტრანზაქციის განხორციელების შესახებ და აღნიშნული დაუდასტუროს მომსახურების პროვაიდერს.

აღსანიშნავია, რომ პირველ ეტაპზე სებ-ის მიერ შემუშავებული ახალი წესი სექტემბრიდან ამოქმედდება და მხოლოდ საბარათე ოპერაციებზე გავრცელდება.

აქვე, კიდევ ერთხელ აღვნიშნავთ, რომ მომხმარებელთა, განსაკუთრებით კი საპენსიო ასაკის სეგმენტის უფლებების დაცვა, ეროვნული ბანკისთვის ერთ-ერთ მნიშვნელოვან ამოცანას წარმოადგენს. სწორედ აქედან გამომდინარე, ეროვნული ბანკი მუდმივად ცდილობს ფინანსურ სექტორში არსებული გარემოს გაუმჯობესებას, მათ შორის, ფინანსურ სექტორში ნდობის, სტაბილურობისა და გამჭვირვალობის უზრუნველყოფის გზით.

ეროვნული ბანკი სამომავლოდაც განაგრძობს თაღლითობის რისკების მონიტორინგს და საჭიროების შემთხვევაში, მოახდენს ეფექტიან რეაგირებას“, – ნათქვამია ინფორმაციაში.