საქართველოს მთიან რაიონებში 3 ივლისის დღის ბოლოდან 5 ივლისამდე მოსალოდნელია დროგამოშვებით ხანმოკლე წვიმა, ზოგან ძლიერი, შესაძლებელია ელჭექი, სეტყვა და ქარის გაძლიერება.
ამის შესახებ ინფორმაციას გარემოს ეროვნული სააგენტო ავრცელებს.
სინოპტიკოსების პროგნოზით, მოსალოდნელმა ძლიერმა ნალექებმა შესაძლებელია პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო).
ნიკა გვარამიამ ნინი ბადურაშვილის ახალ სიმღერას “ლამაზების პრეზიდენტო” პოსტი მიუძღვნა.
ნიკა გვარამის პოსტის საპასუხოდ, ნინი ბადურაშვილი „პრაიმტაიმთან“კომენტარს აკეთებს და ამბობს:
„მისი ეს პოსტი წაკითხული არ მქონდა, ახლა გავეცანი თქვენი მეშვეობით, არ მაინტერესებს გვარამიას აზრები არანაირად.
ფიქრობს, რომ ყაველაშვილს მივუძღვენი ეს სიმღერა? ძალიან სასაცილოა, იეთიმ გურჯის ულამაზესი პოეზიიდან ერთ-ერთი ტექსტია, რაზეც შექმნა ეკამ სიმღერა. რა შუაშია მიხეილ ყაველაშვილი, ან მიხეილ სააკაშვილი. სპილოს მოგონება ბუზისგან, – აი ,ეს არის.
ეს არის ძველი იეთიმ გურჯის ლექსზე შექმნილი სიმღერა. არავის არ ეძღვნება და, უბრალოდ, სასაცილოა, თუ ვინმემ ჩათვალა, რომ მე მივუძღვენი რომელიმე კონკრეტულ პიროვნებას. მიკვირს, რატომ წავიდა ასეთ პროვოკაციაზე?!“
შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, ყაჩაღობის ბრალდებით ერთი პირი დააკავეს.
“გამოძიებით დადგინდა, რომ ბრალდებული მიმდინარე წლის 3 ივლისს, აბაშის მუნიციპალიტეტში მდებარე “საქართველოს ბანკის” ფილიალში შეიჭრა და სანადირო თოფიდან ერთი გასროლა განახორციელა. პოლიციამ, ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, დანაშაულის ჩამდენი პირი შემთხვევის ადგილზევე, ბრალდებულის სახით დააკავა. გასროლის შედეგად არავინ დაშავებულა.
სამართალდამცველებმა დანაშაულის ჩადენის იარაღი ნივთმტკიცებად ამოიღეს.
გამოძიება საქართველოს სისხლის სამართლის კოდექსის 179-ე მუხლით მიმდინარეობს, რაც 7 წლამდე ვადით თავისუფლების აღკვეთა ითვალისწინებს” – ნათქვამია შსს-ს მიერ გავრცელებულ ინფორმაციაში.
ფოტოს “მთავარი არხი” ავრცელებს.
“ვიცი არ მაპატიებს, მაგრამ ისეთი საყვარელია, მაინც დავდებ. ასე ისტორიას შევინახავ და შვილიშვილებს დავუტოვებ. მარტო “ტაშ-ფანდურა” კი არაა “დრამაქვინობაც” გამოსდის.
“სამშობლოს უღალატა”. საგამოცდო სივრცე ბედნიერი სახით დატოვა, მაგრამ დაგვინახა თუ არა, დაგროვილი ემოცია ვეღარ გააკონტროლა, “ისედაც მეტირებოდაო”. ბედნიერების ცრემლებად ქცეულიყოს ჩვენო სიყვარულო” – წერს დადუ მერი შუბითიძე სოციალურ ქსელში და ვიდეოს აქვეყნებს”.
კლიმატური მონაცემებით ივლისის საშუალო ტემპერატურა ივნისთან შედარებით 2-3°C -ით მაღალია. ამ თვეში ჰაერის საშუალო ტემპერატურა ქვეყნის დაბლობში, ბარში და დასავლეთ საქართველოს მთაში +23, +25°C, აღმოსავლეთ საქართველოს მთიან რაიონებში +20, +22°C , მაღალმთიან ზონაში +17, +19°C -ის ფარგლებშია.
ივლისი საქართველოს დიდ ნაწილში წლის ყველაზე ცხელი თვეა. ჰაერის ტემპერატურის აბსოლუტური მაქსიმუმები შავი ზღვის სანაპიროსა და კოლხეთის დაბლობზე +42, +41, ქართლსა და კახეთში +37, +41°C, მთაში +36, +42°C, მაღალმთიან ზონაში +31, +38°C-ს აღწევს.
ჰაერის ტემპერატურის აბსოლუტური მინიმუმი სანაპირო ზოლსა და კოლხეთის დაბლობზე +12, +14°C-ს შეადგენს, ქართლსა და კახეთში +6, +13°C-ს, მთიან რაიონებში +5, +8°C-ს შეადგენს, ქვეყნის მაღალმთიან ზონაში კი +4°C-დან -3°C-მდე იკლებს.
დასავლეთ საქართველო
შავი ზღვის სანაპირო რაიონები: ჰაერის თვის საშუალო ტემპერატურა მოსალოდნელია +25, +26°C, რაც 1°-ით მაღალია საშუალო ტემპერატურასთან. თვის ცალკეულ პერიოდში შესაძლებელია ტემპერატურის დაკლება ღამით +19, +16° -მდე, თვის ცალკეულ დღეებში ტემპერატურის მომატება დღისით +33, +36°C-მდე.
მთიანი და მაღალმთიანი რაიონები: ჰაერის თვის საშუალო ტემპერატურა მოსალოდნელია +24, +25°C, ხოლო მაღალმთიან რაიონებში +18, +19°C, რაც 1°-ით მაღალია საშუალო მაჩვენებელზე. თვის ცალკეულ პერიოდში შესაძლებელია ტემპერატურის დაკლება მთაში ღამით +17, +14°C -მდე, ხოლო მაღალმთიან რაიონებში +12, +9°C-მდე, თვის ცალკეულ დღეებში ტემპერატურის მომატება მთაში დღისით +34, +37°C-მდე, მაღალმთიან რაიონებში +30, +33°C -მდე.
აღმოსავლეთ საქართველო
ჰაერის თვის საშუალო ტემპერატურა მოსალოდნელია +24 +27°C, რაც 1°-ით მაღალია საშუალო მაჩვენებელზე. თვის ცალკეულ პერიოდში შესაძლებელია ტემპერატურის დაკლება შიდა ქართლში ღამით +16, +13°C-მდე, თვის ცალკეულ დღეებში ტემპერატურის მომატება დღისით +36, +39°C-მდე
კახეთი: ჰაერის თვის საშუალო ტემპერატურა მოსალოდნელია +24, +26°C, რაც 1°-ით მაღალია საშუალო მაჩვენებელზე, თვის ცალკეულ პერიოდში შესაძლებელია ტემპერატურის დაკლება ღამით +17, +14°C -მდე, თვის ცალკეულ დღეებში ტემპერატურის მომატება დღისით +33, +38°C-მდე.
მთიანი და მაღალმთიანი რაიონები: ჰაერის თვის საშუალო ტემპერატურა მთაში მოსალოდნელია +21, +23°C, მაღალმთიან რაიონებში +17, +18°C, რაც 10-ით მაღალია საშუალო მაჩვენებელზე. თვის ცალკეულ პერიოდში შესაძლებელია ტემპერატურის დაკლება ღამით +13, +10°C-მდე, ხოლო მაღალმთიან რაიონებში +9, +6°C-მდე, თვის ცალკეულ დღეებში ტემპერატურის მომატება დღისით +34, +37°C-მდე, ხოლო მაღალმთიან რაიონებში +29, +32°C-მდე.
ბევრი ადამიანი შეძრა სოციალურ ქსელში გავრცელებულმა უმძიმესმა კადრებმა, სადაც ჩანს, როგორ დაეჯახა ტროტუარზე მიმავალ ქალს ავტომობილი. გავრცელებული ინფორმაციით, ფაქტი რამდენიმე დღის წინ, ცოტნე დადიანის ქუჩაზე მოხდა. ქალი ტროტუარზე მოძრაობდა, როდესაც ტროტუარიდანვე დაძრული მანქანა მას დაეჯახა და იქვე მდგარ მეორე ავტომობილს მიაჯახა. სამწუხაროდ, ქალმა უმძიმესი დაზიანებები მიიღო და გარდაიცვალა.კადრები, როგორც ჩანს, სათვალთვალო კამერით არის გადაღებული. მასში ჩანს, რომ ჯიპის მძღოლი ქალია. ამ საშინელ ფაქტს ბევრი თვითმხილველი ჰყავს.
შსს-ში ამბობენ, რომ შემთხვევა რამდენიმე დღის წინ მოხდა, ავტომობილის მძღოლი უკვე დაკავებულია, გამოძიება კი სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
აღნიშნულ ფაქტს ტელეწამყვანი და ჟურნალისტი გოდერძი შარაშია ეხმაურენა და წერს:
“ორ ჯიპს შორის რომ ქალი ჩანს რამდენიმე წამში უპასუხისმგებლობის, უკულტურობის, გაუნათლებლობის, თავხედობის და სინაგლის მსხვერპლი ხდება. იმისაც, რომ ამ განუკითხაობაზე პასუხისმგებლები ისე აივლიან და ჩაივლიან ვითომც არაფერი, მითუმეტეს თუ შავი ჯიპია, შავი შუშებით… რატომ დგანან ეს მანქანები ამ ტროტუარზე? სხვა ტროტუარებზეც. ამასწინათ პეკინზე ერთი დიდი და ცნობილი რესტორნის წინ, ზედ ტროტუარზე მანქანა გაჩერდა, ქალი გადმოვიდა, ვთხოვე არ გააჩერო ტროტუარია თქო და ვინ გეკითხება შენ, მე სულ აქ ვაჩერებო და რესტორანში შებრძანდა. ახლა ამ ფოტოზე დროს ვეღარაფერი დააბრუნებს. არც ეს ჩემი სტატუსი შეცვლის რამეს, მაგრამ როდემდე გააჩერებთ მანქანებს ტროტუარებზე, როდემდეეე? ,” – წერს გოდერძი შარაშუია.
წყარო: palitravideo.ge
2026 წლის 22 მაისიდან იტალიაში ძალაში შევიდა „Permesso Unico di Lavoro“-სთან დაკავშირებული ახალი რეგულაციები, რომლებიც ევროკავშირის არაწევრი ქვეყნების მოქალაქეებისთვის ბინადრობისა და მუშაობის ნებართვის გაცემის პროცედურას ეხება – ამის შესახევ ემიგრანტი ჟურნალისტი, ხათუნა შარაძე წერს.
„ცვლილებები მიღებულია ევროკავშირის დირექტივის საფუძველზე და მიზნად ისახავს ადმინისტრაციული პროცესების გამარტივებას, ვადების უფრო მკაფიო განსაზღვრას და უცხოელი დასაქმებულების უფლებების გაძლიერებას.
„Permesso Unico di Lavoro“ წარმოადგენს ერთიან ბინადრობისა და მუშაობის ნებართვას, რომელიც უცხოელს აძლევს უფლებას:
• იტალიაში კანონიერად იცხოვროს
• და ოფიციალურად იმუშაოს
სწორედ ამიტომ დოკუმენტს „ერთიანი“ ეწოდება — ის ერთდროულად აერთიანებს როგორც ბინადრობის, ისე დასაქმების უფლებას.
ახალი ელექტრონული დოკუმენტი ევროპული უსაფრთხოების სტანდარტების შესაბამისად გაიცემა და მასზე პირდაპირ იქნება აღნიშნული:
“perm. unico lavoro”
ასევე დოკუმენტში დამატებით აისახება ინფორმაცია:
• სამუშაო პირობების შესახებ
• დასაქმებულის უფლებებზე
• სოციალური და სამართლებრივი გარანტიების შესახებ
• ოჯახის წევრების გარკვეულ უფლებებზე
„Permesso Unico di Lavoro“-ს მიღება დაკავშირებულია ოფიციალურ სამუშაო პროცესთან.
პროცედურა, როგორც წესი, იწყება უცხო ქვეყნის მოქალაქის იტალიაში შემოსვლამდე. ამისთვის აუცილებელია:
• სამუშაო საფუძველი
• შესაბამისი ავტორიზაცია
• და სამუშაო ვიზა
იტალიაში ჩასვლის შემდეგ უცხოელი Questura-ში მიმართავს ბინადრობის ნებართვის გასაფორმებლად.
ყველაზე მნიშვნელოვანი ცვლილება ვადებს ეხება.
ახალი წესებით Questura ვალდებულია „Permesso Unico di Lavoro“ გასცეს განაცხადის სრულყოფილად დასრულებიდან 30 დღეში.
მანამდე ეს ვადა 60 დღე იყო.
რეფორმის მიზანია:
• ლოდინის პერიოდის შემცირება
• ბიუროკრატიული გაურკვევლობის შემცირება
• და პროცედურების უფრო პროგნოზირებადი გახდომა
„Permesso Unico di Lavoro“ ეხება ევროკავშირის არაწევრი ქვეყნების მოქალაქეებს, რომლებიც იტალიაში სამუშაოს საფუძველზე იმყოფებიან ან უნდა დასაქმდნენ.
თუმცა, ყველა ბინადრობის ნებართვა ამ კატეგორიაში არ შედის.
ახალი რეგულაცია არ ვრცელდება, მაგალითად:
• სტუდენტურ პერმესოზე
• თვითდასაქმებულებზე
• digital nomad-ებზე
• protezione speciale-ის მფლობელებზე
• ჰუმანიტარული და სპეციალური დაცვის გარკვეულ ფორმებზე
• სამედიცინო ან რელიგიური საფუძვლით გაცემულ პერმესოებზე
ახალი წესებით დამსაქმებელი ვალდებულია უცხოელ დასაქმებულს სრულად მიაწოდოს ინფორმაცია ადმინისტრაციული პროცესის შესახებ, მათ შორის შესაძლო უარის შემთხვევაშიც.
ეს ცვლილება მიზნად ისახავს, რომ უცხოელი დასაქმებული ინფორმაციის გარეშე არ დარჩეს და უკეთ იყოს დაცული ადმინისტრაციული პროცესების დროს.
„Permesso Unico di Lavoro“ ევროკავშირის მასშტაბით შექმნილი სისტემის ნაწილია, რომლის მიზანიც შრომითი მიგრაციის უფრო მოწესრიგებული, გამჭვირვალე და სამართლებრივად დაცული მოდელის ჩამოყალიბებაა“, – წერს ხათუნა შარაძე.
მომღერალი მარიამ ელიეშვილი, რომელიც ოჯახთან ერთად ამერიკის შეერთებულ შტატებში ცხოვრობს, სოციალურ ქსელში სამწუხარო ინფორმაციას ავრცელებს. მას ბებია გარდაეცვალა:
„გარდაიცვალა ჩემი ემა ბებო, მამიკოს დედა.
პანაშვიდები:
ქ.ბათუმი გიორგი ბრწყინვალეს (ყოფილი კიროვაკანის)52. სადარბაზო 1 ბინა 9.
ქ. თბილისი – სამშაბათს, ვორონცოვი. ნინო ჩხეიძის ქ.32, წმინდა ნინოს ეკლესია, 11 საათიდან.
დაკრძალვა – სამშაბათს, კუკიის ზედა(ახალი) სასაფლაო 2 საათზე“, – წერს მომღერალი.
ვერძი
დღე აქტიური და ენერგიული იქნება. კარგი დროა ახალი საქმეების დასაწყებად, თუმცა გადაწყვეტილებების მიღებისას აჩქარებას მოერიდეთ. საღამოს სასიამოვნო სიახლე გელით.
კურო
ფინანსურ საკითხებში სიფრთხილე გამოიჩინეთ. შესაძლოა, საინტერესო შეთავაზება მიიღოთ, თუმცა დეტალების გადამოწმება აუცილებელია. პირად ურთიერთობებში ჰარმონია შენარჩუნდება.
ტყუპები
კომუნიკაცია თქვენი მთავარი უპირატესობა იქნება. წარმატებით შეძლებთ მოლაპარაკებებსა და ახალი კონტაქტების დამყარებას. მოულოდნელი შეხვედრა სასიამოვნო შთაბეჭდილებას დატოვებს.
კირჩხიბი
დღე საკუთარ თავზე ზრუნვასა და დასვენებას დაუთმეთ. ნუ გადაიღლებით. ოჯახური გარემო დადებით ენერგიას მოგანიჭებთ და მნიშვნელოვანი საკითხების მოგვარებაშიც დაგეხმარებათ.
ლომი
შესაძლოა, ყურადღების ცენტრში აღმოჩნდეთ. პროფესიულ სფეროში თქვენი ძალისხმევა დაფასდება. სიყვარულში გულწრფელი საუბარი ურთიერთობას კიდევ უფრო გაამყარებს.
ქალწული
ორგანიზებულობა საუკეთესო შედეგს მოგიტანთ. დაწყებული საქმეების დასრულება უფრო მნიშვნელოვანი იქნება, ვიდრე ახლის წამოწყება. ჯანმრთელობასაც მეტი ყურადღება მიაქციეთ.
სასწორი
შემოქმედებითი იდეები წარმატებას მოგიტანთ. კარგი დღეა ახალი გეგმების დასაწყებად და მეგობრებთან ურთიერთობისთვის. ფინანსურ საკითხებში ზომიერება შეინარჩუნეთ.
მორიელი
ინტუიცია არ გიღალატებთ. მნიშვნელოვანი გადაწყვეტილების მიღებისას საკუთარ გამოცდილებას ენდეთ. ოჯახურ თემებზე საუბარი სასარგებლო შედეგს გამოიღებს.
მშვილდოსანი
აქტიური დღე გელით. მოგზაურობის, სწავლისა და ახალი ცოდნის მიღებისთვის ხელსაყრელი პერიოდია. მოულოდნელმა ინფორმაციამ შესაძლოა თქვენი გეგმები შეცვალოს.
თხის რქა
საქმიანობაში მოთმინება და სიზუსტე წარმატებას მოგიტანთ. ფინანსურ საკითხებში წინსვლის შანსი გამოჩნდება. პირად ცხოვრებაში კომპრომისი საუკეთესო გამოსავალი იქნება.
მერწყული
ურთიერთობები დღეს განსაკუთრებულ მნიშვნელობას შეიძენს. კარგი დროა თანამშრომლობისა და საერთო პროექტების დასაწყებად. ყურადღებით მოუსმინეთ გარშემომყოფებს.
თევზებიდღე ნაყოფიერი იქნება, თუ პრიორიტეტებს სწორად განსაზღვრავთ. ინტუიცია სწორ გზას გაჩვენებთ, ხოლო საღამოს სასიამოვნო ემოციები და დასვენების შესაძლებლობა გელით.
