Category: Uncategorized

ახალციხის სოფლები, ვალე, საყუნეთი, კლდე, ურავლის ხეობა და მიმდებარე სოფლები დაისეტყვა.

სურსათის ეროვნულმა სააგენტომ „ფუდ გალერიდან“ აღებული სურსათის ნიმუშების ლაბორატორიული კვლევის შედეგები მიიღო.

ამის შესახებ ინფორმაციას სურსათის ეროვნული სააგენტო ავრცელებს.

აღსანიშნავია, რომ სააგენტომ “ფუდ გალერიში” მოკვლევა ქუთაისში, 36 ადამიანის ინტოქსიკაციის შემდეგ დაიწყო.

„დადგინდა, რომ უზბეკური ფლოვი, ომლეტი სოკოთი, ბოსტნეულის კოქტეილი, ტირამისუ და ქათმის ფილე (ნედლი) არ შეესაბამება დადგენილ მოთხოვნებს, კერძოდ, აერობული მიკროორგანიზმების გადაჭარბებული ოდენობა აღმოჩნდა უზბეკური ფლოვის, ომლეტის (სოკოთი), ბოსტნეულის კოქტეილისა და ტირამისუს ნიმუშებში; გარდა ამისა, გამოვლინდა ოქროსფერი სტაფილოკოკი და კოლიფორმული ბაქტერიები.

აღნიშნულიდან გამომდინარე, ბიზნესოპერატორს დაევალა სამუშაო ზედაპირების, მოწყობილობების, აღჭურვილობების რეცხვა-დეზინფექცია და ნიმუშების აღება; პერსონალის ჯანმრთელობის მდგომარეობის კონტროლი და ლაბორატორიული კვლევის ჩატარება.

S.aureus (ოქროსფერი სტაფილოკოკი) პირობით-პათოგენური მიკროორგანიზმია, რომლის მატარებელია ჯანმრთელი ადამიანების 20-25%, ასევე გვხვდება ცხოველთა კანსა და ლორწოვანზე. ჩვეულებრივ პირობებში მიკრობი არ იწვევს დაავადებას, მაგრამ დაბინძურებული სურსათის ოთახის ტემპერატურაზე დაყოვნებისას მიკრობი მრავლდება, გამოიმუშავებს ტოქსინს (ენტეროტოქსინი) და იწვევს სურსათისმიერ დაავადებას (გასტროენტერიტი ან ნაწლავის ლორწოვანის ანთება). მიკრობის გამრავლებასა და ტოქსინის გამომუშავებაზე ზეგავლენას ახდენს: სურსათის არასათანადო თერმული დამუშავება; ჯვარედინი დაბინძურება (სურსათის დამუშავების პროცესებს შორის არასათანადო რეცხვა/დეზინფექციის ჩატარება, მაგ: ახალი ხორცის დამუშავების შემდგომ იგივე დასაჭრელი დაფის გამოყენება სხვა სახის სურსათის დასამუშავებლად); სურსათის არაერთგვაროვნების პრინციპის დარღვევა (მაგ: კვერცხის და სალათის ერთ სივრცეში განთავსება); პერსონალის არასათანადო ჰიგიენის პრაქტიკა“,- ნათქვამია ინფორმაციაში.

🔻გამოიწერეთ ჩვენი YouTube არხი>>> https://www.youtube.com/@palitravideo

რა შემთხვევაში იხდის სახელმწიფო თქვენი იპოთეკური სესხის ნაწილს ყოველთვიურად?

🔻გამოიწერეთ ჩვენი YouTube არხი>>> https://www.youtube.com/@palitravideo

“წიხლებს ნუ გვირტყამთ, თორემ ისეთ წიხლს გამოვიქნევთ, ფეხზე ვერ დადგებით ვერცერთი“ – პარლამენტის თავმჯდომარის მოადგილემ, თეა წულუკიანმა გუშინ, პარლამენტში გიორგი გახარიას პარტიის წევრებს მიმართა.

საქართველოში უახლოეს დღეებში არამდგრადი ამინდია მოსალოდნელი. სინოპტიკოსების პროგნოზით, ქვეყნის უმეტეს რეგიონში პერიოდულად იწვიმებს, ზოგან მოსალოდნელია ელჭექი და ქარის გაძლიერება.

თბილისში მომდევნო დღეებში ჰაერის ტემპერატურა დღისით დაახლოებით +21-დან +23 გრადუსამდე იქნება. პარასკევს მოსალოდნელია შედარებით ინტენსიური წვიმა და ქარი, შაბათიდან კი ამინდი ნაწილობრივ გამოიდარებს და ტემპერატურა ეტაპობრივად მოიმატებს.

გარემოს ეროვნული სააგენტოს ინფორმაციით, დასავლეთ და აღმოსავლეთ საქართველოს ცალკეულ რაიონებში მოსალოდნელია ხანმოკლე წვიმა და ელჭექი. მაღალმთიან ზონებში შესაძლოა გრილი ამინდი შენარჩუნდეს.

სინოპტიკოსები აცხადებენ, რომ ივნისის პირველ დღეებში საქართველოში შედარებით თბილი და უფრო სტაბილური ამინდებია მოსალოდნელი, ტემპერატურა კი ზოგ რეგიონში +25/+27+30 გრადუსამდე მოიმატებს.

ვერძი

დღე, შეიძლება, დაძაბული ნოტით დაიწყოს. დიდი ალბათობით, ბევრი ვერძი გადაჭარბებულად შეაფასებს საფრთხის დონეს. ყველაფერი მალე მოწესრიგდება, მთავარია, სწორად შეაფასოთ არსებული ვითარება.

კურო

დღეს, კურო არ დარჩება ნათელი შთაბეჭდილებების გარეშე. ბევრი კუროსთვის სასარგებლო იქნება, აქტიური რეჟიმით მოქმედება. გააფართოეთ კონტაქტები, ახლა ეს ძალიან სასარგებლოა თქვენთვის.

ტყუპები

დღეს დადებულმა გარიგებებმა შეიძლება, ბევრი პრობლემა გამოიწვიოს. ამიტომ, ერიდეთ ახალ პროექტებსა და ხელშეკრულებების გაფორმებას. ამასთან, ნუ მოიხიბლებით სარეკლამო წინადადებებით.

კირჩხიბი

კირჩხიბებს უნდა ახსოვდეთ, რომ დღეს მათი იმპულსურობა შესაძლოა, გასცდეს გონივრულს და  მიიღონ არასასურველი შედეგი. დღეს, გაქვთ შანსი, ტრიუმფს მიაღწიოთ, ოღონდ, დიდი ძალისხმევა უნდა გასწიოთ. ეცადეთ, ძალიან არ გადაიღალოთ.

ლომი

ამ დღის სტრესული სიტუაციები პირდაპირ არ იმოქმედებს თქვენზე, მაგრამ შეიძლება გავლენა იქონიოს ახლობელ ადამიანებზე. ნებისმიერ შემთხვევაში, სიფრთხილის ზომები დაიცავით და ერიდეთ ინტრიგებს.

ქალწული

დღეს, ქალწულებს შეუძლიათ, მოულოდნელი რისკები გასწიონ, რაც მიზანშეწონილი არაა. არ არის გამორიცხული, დაემორჩილოთ კოლექტიურ ემოციურ იმპულსს და არასასურველ ვითარებაში აღმოჩნდეთ. საბედნიეროდ, ამ დღეს თავგადასავლების დადებითი შედეგი მაინც უფრო სავარაუდოა, ვიდრე უარყოფითი.

სასწორი

დღეს, სასწორთა ნაწილისთვის, კონფლიქტების ალბათობა იზრდება. განსაკუთრებით ეს ეხება მათ, ვინც თანამდებობას იკავებს და ატარებს საზოგადოებრივი პასუხისმგებლობის ტვირთს. ის სასწორები, ვინც შორსაა საზოგადოებრივი საქმიანობისგან, დღეს მშვიდად გაატარებენ.

მორიელი

დღეს, მორიელებს თავგადასავლები ელით, მაგრამ აქვთ ყველა შანსი, რომ უსაფრთხოდ და ბონუსებითაც კი გამოვიდნენ სიტუაციიდან. თუ რამე ისე არ აეწყო, როგორც გეგმავდით, არ იჩქაროთ, შორს არ არის ის დრო, როდესაც თქვენი სურვილების და ოცნებების ახდენა დაიწყება.

მშვილდოსანი

დღეს, დამატებითი ძალისხმევა იქნება საჭირო ბიზნესსა თუ ოჯახში სიტუაციის დასალაგებლად. სიტუაციიდან გამომდინარე, შეიძლება საჭირო გახდეს მეტი გამბედაობა. მთავარია, ხელოვნურად არ შექმნათ პრობლემები.

თხის რქა

დღეს, თხის რქებს ძალიან მნიშვნელოვანი ურთიერთობის გაფუჭების რისკი ემუქრებათ. დღევანდელი ჰოროსკოპი გირჩევთ, არ მიიღოთ მნიშვნელოვანი გადაწყვეტილებები – ახლა, თქვენ ვერ ხედავთ მთლიან სურათს და შეიძლება, დაუშვათ საბედისწერო შეცდომა.

მერწყული

დღეს, მერწყულებისთვის ადვილი არაფერი იქნება, ფრთხილად იყავით, სამსახურშიც და პირად ურთიერთობებშიც, შეიძლება, საბედისწერო შეცდომა დაუშვათ. ამიტომ, დაფიქრდით სანამ რამეს იტყვით, ან გააკეთებთ.

თევზები

დღეს, თევზებმა არ უნდა მოინდომონ, საკუთარ თავს აჯობონ, საბოლოოდ, ყველაფერი კარგად დასრულდება, მაგრამ თქვენ ძალიან დიდ ენერგიას დახარჯავთ, რაც, ნამდვილად, არ ღირს.

ასტროლოგები უახლოეს დღეებს განსაკუთრებით წარმატებულ პერიოდად ასახელებენ სამი ზოდიაქოს ნიშნისთვის. მათი თქმით, ენერგეტიკული ცვლილებები ფინანსურ, პირად და კარიერულ სფეროებზე დადებით გავლენას მოახდენს.

ლომი

ლომებისთვის იწყება პერიოდი, როცა დიდი ხნის ნაფიქრი გეგმები რეალურ შედეგებს მოიტანს. მოსალოდნელია წარმატება როგორც სამსახურში, ისე პირად ურთიერთობებში. ასტროლოგები ამბობენ, რომ სწორედ ახლაა საუკეთესო დრო ახალი პროექტების დასაწყებად და მნიშვნელოვანი გადაწყვეტილებების მისაღებად.

მშვილდოსანი

მშვილდოსნებს იღბალი ფინანსურ საკითხებში გაუღიმებთ. შესაძლოა მოულოდნელი შემოსავალი, საინტერესო შეთავაზება ან ახალი შესაძლებლობა გამოჩნდეს. ამ ნიშნის წარმომადგენლებს ურჩევენ, არ თქვან უარი ახალ ნაცნობობასა და მოგზაურობებზე – ისინი წარმატებასთან იქნება დაკავშირებული.

თევზები

თევზებისთვის ეს პერიოდი ემოციური და სულიერი სიმშვიდის მომტანი იქნება. მათ ცხოვრებაში პოზიტიური ცვლილებები განსაკუთრებით სიყვარულისა და ოჯახური ურთიერთობების მიმართულებით იგრძნობა. ასტროლოგების თქმით, ინტუიცია თევზებს სწორი არჩევანის გაკეთებაში დაეხმარება.

სამტრედიაში დაკარგული მწყემსი, რომელსაც ორი დღის განმავლობაში ეძებდნენ, სოფელ იანეთში, მდინარე გუბისწყალში იპოვეს.

მაშველებმა ცხედარი მდინარიდან უკვე ამოასვენეს.

ინფორმაცია „პრაიმტაიმს“ საგანგებო სიტუაციების მართვის სამსახურში დაუდასტურეს.

მამაკაცის გაუჩინარების შესახებ შეტყობინების მიღებისთანავე, სამძებრო-სამაშველო ღონისძიებებში რამდენიმე მუნიციპალიტეტის ძალები აქტიურად ჩაერთნენ.

ადგილზე მობილიზებული იყო ყველა შესაბამისი სამსახური.

გიგა ავალიანის სისხლის სამართლის საქმიდან გამოყოფილ საქმეზე, ძალადობით ჯგუფურ მოქმედებაში მონაწილეობის ფაქტებზე დაკავებულია და ბრალდება წარედგინა ორ პირს, – ამის შესახებ განცხადებას პროკურატურა ავრცელებს.

„საქართველოს პროკურატურის ზედამხედველობით, შინაგან საქმეთა სამინისტროში მიმდინარე გამოძიების ფარგლებში ჩატარდა ასეულობით საგამოძიებო მოქმედება, გამოკითხულია ასამდე მოწმე, დანიშნულია და მიღებულია სხვადასხვა სახის ექსპერტიზები, რის შედეგადაც დადგინდა, რომ ალექსანდრე გაბაშვილმა, გიორგი რიკაძემ, დემეტრე ჩიქოვანმა და სხვა პირებმა მათთვის მიუღებელ პირთა გამოვლენის და დასჯის მიზნით ჯგუფური მოქმედება დააორგანიზეს. ისინი შერჩეულ მსხვერპლებს კომუნიკაციის სხვადასხვა საშუალებებით გოგონების სახელით წერდნენ და წინასწარ შერჩეულ დროსა და ადგილზე შეხვედრაზე ითანხმებდნენ, შემდეგ კი უსაფრდებოდნენ და ჯგუფურად ძალადობდნენ, რასაც კამერაზე აფიქსირებდნენ, ძალადობის ამსახველ კადრებს კი მობილურ ტელეფონებში ინახავდნენ და მიზნობრივ ჯგუფებში ავრცელებდნენ.

2025 წლის თებერვალში, ღამის საათებში, ალექსანდრე გაბაშვილმა, გიორგი რიკაძემ, დემეტრე ჩიქოვანმა, დემეტრე კასრაძემ, ირაკლი სულაბერიძემ და სხვა პირებმა იმ მოტივაციით, რომ თითქოსდა დაზარალებული ერთ-ერთი მათგანის ახლობელ გოგონას სოციალური ქსელის მეშვეობით წერდა, მოტყუებით მიიყვანეს თბილისში, დიდ დიღომში, მე-3 მიკრორაიონის მიმდებარე ტერიტორიაზე და ფიზიკურად გაუსწორდნენ მას, ხოლო ძალადობის პროცესი მობილური ტელეფონით გადაიღეს.

იმავე წლის ივლისში, ალექსანდრე გაბაშვილი, გიორგი რიკაძე, ირაკლი სულაბერიძე და დემეტრე კასრაძე სხვა პირებთან ერთად, ფიზიკურად უმოწყალოდ გაუსწორდნენ წინასწარ შერჩეულ მსხვერპლს, ძალადობის პროცესი კი ასევე მობილური ტელეფონით გადაიღეს.

სამართალდამცველებმა ირაკლი სულაბერიძე და დემეტრე კასრაძე მოსამართლის განჩინების საფუძველზე 27 მაისს დააკავეს. მათ ბრალდება საქართველოს სისხლის სამართლის კოდექსის 225-ე მუხლის მეორე ნაწილით (ჯგუფურ მოქმედებაში მონაწილეობა, რასაც თან ახლავს ძალადობა) წარედგინათ, რაც სასჯელის სახედ და ზომად 6 წლამდე თავისუფლების აღკვეთას ითვალისწინებს.

პროკურატურა ბრალდებულებისთვის აღკვეთის ღონისძიების სახით პატიმრობის გამოყენების შუამდგომლობით სასამართლოს კანონით დადგენილ ვადაში მიმართავს“, – აცხადებენ უწყებაში.