Category: Uncategorized

“ძალიან მაგარი ამბავი მოხდა. გუშინ, როცა ჩვენთან და უკრაინაში აღდგომას აღვნიშნავდით, როგორც სიკეთე ამარცხებს ბოროტებას, ივანიშვილს და ოცნებას “გარდაეცვალათ” მამა, ვიქტორ ორბანის სახით.ივანიშვილს ყველა უმსგავსობა სწორედ ორბანმა ასწავლა. ზიზღის პლაკატები, “კაცი-კაცია და ქალი-ქალია”,

აღვირახსნილი კორუფცია, ანტი ევროპული რიტორიკა, შავი პიარის კონსულტანტები ისრაელიდან, ომით დაშინება. გუშინ, ყველაფერმა ამან არ უშველა და მან კრახი განიცადა უნგრეთში.”ღმერთო, ღმერთო! ეს ხმა ტკბილი გამაგონე ჩემს მამულში!”ეს ხმა უკვე ისმის და მის გასაგონად მზად უნდა ვიყოთ. მიუხედავად ბევრი

მსგავსებისა არსებობს მთავარი განსხვავება – უნგრეთში საარჩევნო დღეს გაყალბებები არ ხდება და იქ არ არიან პოლიტ პატიმრები.ორბანი მიუხედავად ყველაფრისა, ყოველთვის იყო და რჩება პოლიტიკოსად. ჩვენთან საქმე გვაქვს კლასიკურ კრიმინალთან, მაგრამ ბოლო მაინც ერთი ექნებათ. ვუსამძიმრებ მათ საერთო პატრონს

პუტინს და ვულოცავ უნგრელებს, უკრაინელებს და ქართველებს ამ ისტორიულ გამარჯვებას.რუსეთმა ზედიზედ მეოთხედ წააგო, რუმინეთში, მოლდოვაში, საფრანგეთის მუნიციპალურ არჩევნებში და ახლა უნგრეთში. ყველგან სადაც არჩევნები ტარდება, ხალხი უარს ამბობს მონობაზე, – წერს მიხეილ სააკაშვილი.

შეერთებული შტატების საელჩო საქართველოში განცხადებას ავრცელებს და მოქალაქეებს დედაენის დღეს ულოცავს.

აშშ-ის საელჩო პატივს მიაგებს იმ ქართველებს, ვინც 1978 წლის 14 აპრილს წინ აღუდგა საბჭოთა კავშირის მცდელობას, ქართული ენისთვის წაერთმია სახელმწიფო ენის სტატუსი

1978 წლის 14 აპრილს ქართველები წინ აღუდგნენ საბჭოთა კავშირის მცდელობას, ქართული ენისთვის წაერთმია სახელმწიფო ენის სტატუსი. დღეს პატივს მივაგებთ მათ სიმამაცეს და აღვნიშნავთ ქართული ენის სილამაზესა და უნიკალურობას.

ვულოცავთ დედა ენის დღეს ჩვენს ქართველ მეგობრებს!” – წერს აშშ-ის საელჩო საქართველოში. 

სამ­ხრეთ ინ­გლის­ში, ჰორ­სელ­ში მცხოვ­რე­ბი 10 წლის გო­გო­ნა, სარა შა­რი­ფი, აგ­ვის­ტო­ში, სა­კუ­თარ სახ­ლში გარ­დაც­ვლი­ლი იპო­ვეს.

• ბრალ­დე­ბუ­ლე­ბი არი­ან სა­რას მამა ურ­ფან შა­რი­ფი, მისი დე­დი­ნაც­ვა­ლი ბე­ი­ნაშ ბა­ტუ­ლი და ბიძა ფა­ი­სალ მა­ლი­კი, რომ­ლე­ბიც პა­კის­ტან­ში გაფ­რინ­დნენ ერთი დღით ადრე, სა­ნამ ბავ­შვს იპო­ვიდ­ნენ, და­ნარ­ჩენ ხუთ შვილ­თან ერ­თად.

პა­კის­ტან­ში ჩას­ვლის შემ­დეგ, მა­მამ და­რე­კა სას­წრა­ფო დახ­მა­რე­ბის ნო­მერ­ზე ინ­გლის­ში და სა­რას და­კარ­გვის შე­სა­ხებ გა­ნა­ცხა­და. პო­ლი­ცია სახ­ლში შე­ვი­და, სა­დაც გო­გო­ნას უსი­ცო­ცხლო ცხე­და­რი იპო­ვეს.

გაკ­ვე­თამ და­ად­გი­ნა, რომ ბავ­შვს მრავ­ლო­ბი­თი და­ზი­ა­ნე­ბე­ბი აღე­ნიშ­ნე­ბო­და. აქე­დან გა­მომ­დი­ნა­რე, არ­სე­ბობს ეჭვი, რომ პა­ტა­რა გო­გო­ნას მუდ­მი­ვად სცემ­დნენ, რა­საც შე­ეძ­ლო მისი სიკ­ვდი­ლი გა­მო­ეწ­ვია. მისი სხე­უ­ლი სის­ხლჩაქ­ცე­ვე­ბით იყო და­ფა­რუ­ლი, ჰქონ­და თა­ვის ტრავ­მუ­ლი და­ზი­ა­ნე­ბა, ადა­მი­ა­ნის ნაკ­ბე­ნის კვა­ლი და მრავ­ლო­ბი­თი მო­ტე­ხი­ლო­ბა.

ოლდ ბე­ი­ლის ნა­ფიც­მა მსა­ჯუ­ლებ­მა სა­რას დე­დი­ნაც­ვა­ლი და მამა დამ­ნა­შა­ვედ ცნო მკვლე­ლო­ბა­ში, ბი­ძას ბავ­შვის სიკ­ვდი­ლის გა­მოწ­ვე­ვა ედე­ბა ბრა­ლად – სა­სა­მარ­თლომ მას 16 წლით თა­ვი­სუფ­ლე­ბის აღ­კვე­თა მი­უ­სა­ჯა.

სარა შა­რი­ფი და­ი­ბა­და 2013 წლის 11 იან­ვარს Wexham Park Hospital-ში, სლა­უ­ში. მისი მამა დიდ ბრი­ტა­ნეთ­ში ჩა­სუ­ლი პა­კის­ტა­ნი­დან სას­წავ­ლებ­ლად ჩა­ვი­და. 2009 წელს პო­ლო­ნე­ლი ოლგა დო­მი­ნი გა­იც­ნო და იქორ­წი­ნა.

სა­რას და­ბა­დე­ბამ­დეც ოჯა­ხი პო­ლი­ცი­ი­სა და ბავ­შვთა სამ­სა­ხუ­რე­ბის­თვის ცნო­ბი­ლი იყო, ჩა­ნა­წე­რე­ბი­დან ირ­კვე­ვა, რომ 2010-დან 2012 წლებ­ში, პო­ლი­ცია ოთხჯერ გა­მო­ი­ძა­ხეს. ეს გა­მოწ­ვე­უ­ლი იყო ოჯახ­ში ძა­ლა­დო­ბის მზარ­დი შეშ­ფო­თე­ბის გამო, მათ შო­რის სა­რას ერთ-ერთი ძმის მი­მართ – სა­სა­მარ­თლოს ჩა­ნა­წე­რებ­ში მოხ­სე­ნე­ბუ­ლია, რო­გორც “Z”.

2010 წელს სამი წლის “Z” მა­ღა­ზი­ა­ში იპო­ვეს. იმა­ვე წელს შა­რი­ფი და­ა­პა­ტიმ­რეს დო­მინ­ზე თავ­დას­ხმის­თვის. ჩხუ­ბის დროს მან ბავ­შვსაც და­არ­ტყა. სო­ცი­ა­ლუ­რი მუ­შა­კე­ბი ხში­რად სტუმ­რობ­დნენ ოჯახს.

სარა პირ­ვე­ლად 2014 წლის ნო­ემ­ბერ­ში გა­და­იყ­ვა­ნეს მინ­დო­ბით აღ­ზრდა­ში ხან­მოკ­ლე პე­რი­ო­დით. რო­დე­საც მისი მშობ­ლე­ბი ოფი­ცი­ა­ლუ­რად და­შორ­დნენ, მან დე­დას­თან ერ­თად და­ი­წყო ცხოვ­რე­ბა, ჯერ ქალ­თა თავ­შე­სა­ფარ­ში. შა­რიფს მხო­ლოდ ზე­დამ­ხედ­ვე­ლო­ბი­თი კონ­ტაქ­ტის უფ­ლე­ბა მი­ე­ცა.

• 2019 წლის ოქ­ტომ­ბერ­ში, სა­სა­მარ­თლოს გა­და­წყვე­ტი­ლე­ბით, სარა სა­ცხოვ­რებ­ლად მა­მას­თან და დე­დი­ნაც­ვალ­თან დაბ­რუნ­და. მე­ზობ­ლე­ბის გან­ცხა­დე­ბით, სახ­ლი­დან გა­მუდ­მე­ბით ის­მო­და ის­ტე­რი­უ­ლი ყვი­რი­ლის ხმა.

2020 წლის დე­კემ­ბერ­ში, დე­დი­ნაც­ვალ­მა თა­ვის დას კან­დი­ე­ლა სა­ბუ­ჰის გა­უგ­ზავ­ნა სა­რას რამ­დე­ნი­მე სუ­რა­თი მკლა­ვებ­სა და სა­ხე­ზე აშ­კა­რა სე­რი­ო­ზუ­ლი და­ჟე­ჟი­ლო­ბით. მომ­დევ­ნო ორი წლის გან­მავ­ლო­ბა­ში ის ხში­რად უგ­ზავ­ნი­და შე­ტყო­ბი­ნე­ბებს თა­ვის დებს იმის შე­სა­ხებ, რომ შა­რი­ფი ბავ­შვს “სუ­ლე­ლუ­რი მი­ზე­ზის” გა­მოც სცემ­და.

სა­რას დე­დამ, ოლგა დო­მინ­მა გა­ნა­ცხა­და, რომ ბრალ­დე­ბუ­ლე­ბი “სა­დის­ტე­ბი” არი­ან და დას­ძი­ნა: “თუმ­ცა ეს სი­ტყვაც არ არის საკ­მა­რი­სი თქვენ­თვის. მე ვი­ტყო­დი, რომ ჯა­ლა­თე­ბი ხართ. ჩემი შვი­ლი კი ან­გე­ლო­ზია, რო­მე­ლიც ზე­ცი­დან გვი­ყუ­რებს. ის აღარ გა­ნიც­დის ძა­ლა­დო­ბას.”

რუსეთის პრეზიდენტმა, ვლადიმირ პუტინმა სააღდგომო ზავი გამოაცხადა. ამის შესახებ კრემლის პრესსამსახური იუწყება.

„რუსეთის ფედერაციის შეიარაღებული ძალების უმაღლესი მთავარსარდლის გადაწყვეტილებით, მოახლოებულ მართლმადიდებლურ დღესასწაულთან – აღდგომასთან დაკავშირებით, ცხადდება ზავი 2026 წლის 11 აპრილის 16:00 საათიდან 12 აპრილის დღის ბოლომდე“, – ნათქვამია განცხადებაში.

„გამოვდივართ იქიდან, რომ უკრაინული მხარე რუსეთის ფედერაციის მაგალითს მიჰყვება [სააღდგომო ზავთან დაკავშირებით]“, – აღნიშნულია განცხადებაში.

პუტინმა ასევე მისცა მითითება რუსეთის შეიარაღებულ ძალებს, ზავის პერიოდში შეწყვიტონ საბრძოლო მოქმედებები, თუმცა მზად იყვნენ მოწინააღმდეგის პასუხისთვის.

14 აპრილს ქუთაისში დღისით +14 და ღამით +4 გრადუსი იქნება. მოსალოდნელია მცირე ნალექი წვიმის სახით.

მცირე ნალექს ელოდებიან ოზურგეთშიც. დღისით +15 გრადუსი დაფიქსირდება, ღამით კი +5 გრადუსი იქნება. ბათუმშიც იწვიმებს, დღისით ჰაერი +13 გრადუსამდე გათბება, ხოლო ღამით +4 გრადუსი დაფიქსირდება.

ნალექიანი ამინდია ფოთში. დღისით +14 გრადუსი დაფიქსირდება, ღამით კი +5 გრადუსია მოსალოდნელი. მცირე ალექი იქნება ზუგდიდშიც, დღისით ტემპერატურა +14, ღამით კი +4 გრადუსია ნავარაუდევი.

სოხუმშიც იწვიმებს, +12 გრადუსია მოსალოდნელი დღისით, ღამით +4 გრადუსი დაფიქსირდება.

მესტიაში თოვლია ნავარაუდევი, დღისით +14 გრადუსი იქნება, ღამით კი -6 გრადუსი დაფიქსირდება. ამბროლაურში წვიმაა მოსალოდნელი, ჰაერი +8 გრადუსამდე გათბება, ღამით კი –1 გრადუსი დაფიქსირდება.

ჭიათურაშიც წვიმს, დღისით 10 გრადუსი, ღამით კი 1 გრადუსი დაფიქსირდება. ახალციხეშიც იწვიმებს, დღისით +9 გრადუსი, ღამით კი -7 გრადუსი იქნება.

ბორჯომშიც წვიმიანი დღეა, +9 იქნება დღისით, ღამით კი -5 გრადუსი დაფიქსირდება. თოვლია მოსალოდნელი ბაკურიანში, დღისით 2 გრადუსია მოსალოდნელი, ღამით -13 გრადუსი დაფიქსირდება.

ნალექიან დღეს ელოდებიან გორში, დღისით +10 გრადუსი, ღამის განმავლობაში კი 0 გრადუსი დაფიქსირდება. ცხინვალშიც წვიმს, ჰაერის ტემპერატურა +9 გრადუსი იქნება, ღამით კი -1 გრადუსი დაფიქსირდება.

გუდაურში თოვლია მოსალოდნელი, დღის განმავლობაში 0 გრადუსი დაფიქსირდება, ღამით კი ჰაერის ტემპერატურა -9 გრადუსი იქნება. ომალოშიც თოვს. დღისით 3 ღამით კი -8 გრადუსი დაფიქსირდება.

ლაგოდეხში მზიან დღეს ელოდებიან. ჰაერის ტემპერატურა დღის განმავლობაში +13 გრადუსი იქნება, ღამით კი +4 გრადუსი დაფიქსირდება. მზიანი ამინდი იქნება დღეს თელავში, +12 გრადუსი დაფიქსირდება, ღამით კი +3 გრადუსია ნავარაუდევი.

უნალექო დღე იქნება გურჯაანში, დღისით +13 გრადუსი, ღამით კი +3 გრადუსი დაფიქსირდება. სიღნაღში დღისით +14 გრადუსია მოსალოდნელი, ღამით +3 გრადუსი დაფიქსირდება.

რუსთავში დღისით +13 გრადუსია მოსალოდნელი, ღამით კი +4 გრადუსი დაფიქსირდება. მოსალოდნელია ხანმოკლე წვიმა.თბილისშიც ხანმოკლე წვიმის ფონზე მზე გამოანათებს. ჰაერის ტემპერატურა დღისით +13 გრადუსს მიაღწევს, ღამით კი +4 გრადუსი იქნება.

ვერძი

ის, რაც გუშინ მნიშვნელოვანი იყო თქვენთვის, დღეს უკანა პლანზე გადაიწევს და უმნიშვნელო გახდება. რთული იქნება ემოციებთან გამკლავება.

კურო

პირად ცხოვრებაში სიახლეებისა და ცვლილებების დროა, შეგიძლიათ, დააჩქაროთ კიდეც ეს მოვლენები გონივრული და ჯანსაღი მიდგომით.

ტყუპები

დღეს, მოლაპარაკებები და პარტნიორული ურთიერთობებთან გონივრული მიდგომა სამომავლოდ წარმატების მომტანი იქნება. საღამოს, აუცილებლად მეგობრების წრეში, ან ოჯახის წევრებთან ერთად დაისვენეთ.

კირჩხიბი

იზრდება თქვენი გავლენის არეალი და ცნობადობა. ზომიერება და სხვათა დამშვიდების უნარი ზრდის თქვენს ავტორიტეტსა და იმიჯზეც კარგად აისახება.

ლომი

დღეს შესაძლოა იმ ძველ ურთიერთობებში, რომელიც ტვირთად გაწევთ, ხარვეზების შესწორება მოგიწიოთ, დროა, სამუდამოდ დაემშვიდობოთ წარსულს და დაისვენოთ.

ქალწული

გლობალური ცვლილებებია მოსალოდნელი, დიდია ალბათობა, დადგეთ არჩევანის წინაშე – ვის დაშორდეთ და ვის არა.

სასწორი

კარგი დღეა პირადი თუ ოჯახური სივრცის მოსაწესრიგებლად, სასიამოვნო გარემოს შესაქმნელად. საქმიანი ურთიერთობები მინიმუმამდე დაიყვანეთ.

მორიელი

ცვლილებების დრო დადგა, კარგი იქნება, თუ ეს ცვლილებები თქვენს გეგმებში შედის, გადადეთ ყველა საქმე და ჩამოყალიბდით, კონცენტრირდით ყველაზე მნიშვნელოვანზე.

მშვილდოსანი

პირად ურთიერთობებში მეტი ყურადღება და გულწრფელობა გჭირდებათ, მეტი სერიოზულობით მიუდექით პირად საკითხებს.

თხის რქა

ნურავის გადააბარებთ თქვენს პასუხისმგებლობას, იყავით მომთმენი და გულდასმით განიხილეთ ყოველი დეტალი, საქმეშიც და ურთიერთობაშიც.

მერწყული

უნდა გათავისუფლდეთ ყოველგვარი ძველისა და ზედმეტისგან, რათა ახლის წამოწყებისთვის მოემზადოთ. დატოვეთ თქვენს ცხოვრებაში მხოლოდ აუცილებელი, დანარჩენისგან გათავისუფლდით.

თევზები

შესაძლოა, დღეს გაიგოთ ის, რაც დიდი ხანია გაინტერესებდათ. იყავით უფრო მეტად თავდაჯერებული და იზრუნეთ თქვენს იმიჯსა და განწყობაზე.

ექიმი, გიორგი ღოღობერიძე განმარტავს, რატომ არის პასკა ჯანმრთელობისთვის სასარგებლო.

„ის ყურძნის მარცვლები, რომელიც პასკაშია, ცნობილია ბევრი სახელით – ზოგიერთი ქიშმიშს (თურქულად) უწოდებს, ეს ყურძნის მარცვლები საკმაოდ მდიდარია ბევრი სასარგებლო ნივთიერებით, მათ შორის, სამს გამოვყოფდი – საკმაოდ ბევრს შეიცავს ვიტამინ B2 – რიბოფლავინს, ასევე ვიტამინი B6, ბევრი კალიუმია მასში.

ვიტამინი B2 არის ერთ-ერთი უმნიშვნელოვანესი, რომელიც ჩვენს სხეულს სჭირდება, განსაკუთრებით, ჩვენს მიტოქონდრიებს. ამის ნაკლებობა ორგანიზმში ტუჩის კუთხეების სილურჯით, ნახეთქებით გამოიხატება.

რიბოფლავინის ნაკლებობის დროს პირის ღრუს ანთებაც ემართება, სტომატიტი, ასევე, დამახასიათებელია ელექტროციტების რაოდენობა, იმ წითელი ბურთულების რაოდენობა, რომელსაც ჟანგბადი გადააქვს. როცა ადამიანი იღებს ქიშმიშს, ფაქტობრივად, ის იღებს დღიურ ვიტამინ B2-ს დოზას.

ვიტამინი B6 გარდა მიტოქონდრიებისა, ასევე გამოიყენება თავის ტვინის მედიატორების სინთეზისთვისაც. თავის ტვინში ბევრი მედიატორია – ცელტონი, დოპამინი, აქედან ნაწილი ბედნიერების ჰორმონია. ამიტომ ქიშმიშიდან მიღებული ვიტამინი B6 ჩვენ ნამდვილად არ გვაწყენდა. ასევე, ის ძალიან მნიშვნელოვან როლს თამაშობს, რომ ჩვენს ორგანიზმში ჰემოგლობინის სინთეზი დაიწყოს.

როცა ადამიანს ორგანიზმში ვიტამინი B6 აკლდება, ის ნიშნები ჩნდება, რაც ახლავს ვიტამინ B2-ს. ადამიანი ხდება მიდრეკილი ძილიანობისკენ.

როცა ადამიანი ხშირად იღებს ქიშმიშს, ორივე ვიტამინს მარტივად ივსებს. როგორც გითხარით, ქიშმიშში კალიუმის მაღალი ჩემცველობაა, ვისაც მაღალი წნევა აქვს, კალიუმით მდიდარი საკვები ძალიან მაგარი საშუალებაა წნევის დასაწევადაც“, – ამბობს გიორგი ღოღობერიძე.

რამდენად აუცილებელია, სახლში გვქონდეს ნაკურთხი წყალი და როგორ შევინახოთ ის – ამის შესახებ სასულიერო პირი ჟურნალ „თბილისელებთან“ საუბრობს.

„ნაკურთხი წყალი ყველა ქრისტიანულ ოჯახში უნდა ინახებოდეს. ის გამოიყენება დასალევად და ოთახში მოსასხურებლად. უნდა მოვათავსოთ საგანგებოდ მისთვის განკუთვნილ ჭურჭელში და მის დასალევად ჭიქაც საგანგებოდ უნდა იყოს გამოყოფილი. სასურველია, ნაკურთხი წყალი ყოველ დილით, უზმოზე, ლოცვის შემდეგ დალიოთ. ყოველთვის მიიღეთ ის ავადმყოფობის დროს“,- ამბობს სასულიერო პირი