Author: tea

“უმძიმესი დიაგნოზი ჰქონდა და იარაღი სახლში ჰქონდა, თქვენი აზრით, ამას ვინ უნდა აკონტროლებდეს?!” – ნანუკა ჟორჟოლიანის ვიდეომიმართვა ვერაზე, გუშინ მომხდარი მკვლელობის შესახებ.

“აქ ვიდექი… ბავში მუხლებზე დაეცა, მანქანაში ისხდნენ.. შოკში იყვნენ, ბავშვებმა სისხლი რომ დაინახეს, მერე შეშინდნენ” – რას ჰყვება ვერაზე მომხდარი დანაშაულის თვითმხილვევლი?

https://newnews.com.ge/wp-content/uploads/2026/07/50580

• მთა­ვარ ფო­ტო­ზე: ნი­კო­ლოზ ღუ­ნაშ­ვი­ლი

თბი­ლი­სის ცენ­ტრში გუ­შინ 17 წლის ბიჭი მოკ­ლეს. შე­ი­ა­რა­ღე­ბულ­მა პირ­მა ცე­ცხლი გა­უხ­სნა ახალ­გაზ­რდებს, რის შე­დე­გა­დაც ოთხი ადა­მი­ა­ნი დაჭ­რა, მათ შო­რის ორი არას­რულ­წლო­ვა­ნი. სრო­ლის დროს დაჭ­რი­ლი ერთ-ერთი არას­რულ­წლო­ვა­ნი კლი­ნი­კა­ში გარ­და­იც­ვა­ლა.

• გარ­დაც­ვლი­ლი ნი­კო­ლოზ ღუ­ნაშ­ვი­ლია. მან სკო­ლა წელს და­ამ­თავ­რა, ეროვ­ნუ­ლი გა­მოც­დე­ბიც წარ­მა­ტე­ბით ჩა­ა­ბა­რა და ცხოვ­რე­ბის ახალ სა­ფე­ხურ­ზე გა­დას­ვლას აპი­რებ­და, თუმ­ცა არ აცა­ლეს.

მკვლე­ლო­ბა­სა და დაჭ­რა­ში ბრალ­დე­ბუ­ლი ნიკა კა­პა­ნა­ძეა, რო­მე­ლიც პო­ლი­ცი­ამ უკვე და­ა­კა­ვა. კა­პა­ნა­ძემ და­კა­ვე­ბის დროს, პო­ლი­ცი­ას შე­ი­ა­რა­ღე­ბუ­ლი წი­ნა­აღ­მდე­გო­ბა გა­უ­წია – ის ამ დრო­ის­თვის კლი­ნი­კა­შია მო­თავ­სე­ბუ­ლი ხელ­ზე მი­ღე­ბუ­ლი და­ზი­ა­ნე­ბის გამო.

მომ­ხდა­რის დე­ტა­ლე­ბი:

არ­სე­ბუ­ლი ინ­ფორ­მა­ცი­ით, თავ­და­პირ­ვე­ლად შე­ლა­პა­რა­კე­ბა და­კა­ვე­ბულ ნიკა კა­პა­ნა­ძის დე­და­სა და დაჭ­რი­ლებს შო­რის მოხ­და. კერ­ძოდ კი, კა­ფი­დან გა­მო­სულ ახალ­გაზ­რდებს, რო­მელ­თა ავ­ტო­მან­ქა­ნაც და­კა­ვე­ბუ­ლის სა­ცხოვ­რე­ბე­ლი სახ­ლის წინ იდგა, ქალ­მა შე­ნიშ­ვნა მის­ცა. არ­სე­ბუ­ლი ინ­ფორ­მა­ცი­ით, სწო­რედ აღ­ნიშ­ნუ­ლის შემ­დეგ გა­ნა­ხორ­ცი­ე­ლა და­კა­ვე­ბულ­მა გას­რო­ლა.

რო­გორც ირ­კვე­ვა, ავ­ტო­მან­ქა­ნა­ში მყო­ფი ოთხი პი­რი­დან ცე­ცხლსას­რო­ლი ია­რა­ღი­დან გას­რო­ლი­ლი ტყვია სამს მოხ­ვდა, მძღო­ლი კი არ და­შა­ვე­ბუ­ლა.

რას ჰყვე­ბი­ან და­ნა­შა­უ­ლის თვითმხილ­ვე­ლე­ბი?

“4-5 გას­რო­ლის ხმა იყო, მერე ბავ­შვე­ბის კი­ვი­ლი გა­ვი­გე. გად­მო­ვი­და ბავ­შვი, მუხ­ლებ­ზე და­ე­ცა, არც ნას­ვა­მე­ბი იყ­ვნენ, არა­ფე­რი. თავ­დამ­სხმე­ლი არც და­მი­ნა­ხავს, ძაღ­ლი მყავ­და გა­მოყ­ვა­ნი­ლი და გო­გო­ნებს ვე­ლა­პა­რა­კე­ბო­დი. ამ­ბო­ბენ, რომ უბ­რა­ლოდ გა­ი­ა­რა და მან­ქა­ნა­ში ის­რო­ლაო. მა­ნამ­დე ჩხუ­ბი არ ყო­ფი­ლა, აბ­სო­ლუ­ტუ­რი სიმ­შვი­დე იყო. სის­ხლი რომ და­ი­ნა­ხეს ბავ­შვებ­მა მერე შე­შინ­დნენ. ერთი უფრო მძი­მედ იყო. და­ნარ­ჩე­ნე­ბი გად­მო­ვიდ­ნენ და მერე აღ­მო­ა­ჩი­ნეს, რომ მხარ­ში დაჭ­რი­ლე­ბი იყ­ვნენ. რაც შე­ე­ხე­ბა ტაქ­სი­ში დაჭ­რილ ქალს, ამ­ბო­ბენ, რომ ზე­ვით რომ წა­ვი­და მერე ეს­რო­ლაო. შოკ­ში იყ­ვნენ ბავ­შვე­ბიც. ის, ვინც მძი­მედ იყო, თა­ვი­დან გონ­ზე იყო, მე მგო­ნი და­აგ­ვი­ა­ნა სას­წრა­ფომ მოს­ვლა. ხალ­ხი ყვი­რო­და სად არის სას­წრა­ფოო. სა­კა­ცით გა­და­იყ­ვა­ნეს ბავ­შვი”

“ტყუ­ილ-უბ­რა­ლოდ ქალს შვი­ლი მო­უკ­ლეს, ნეტა გა­ნა­ხათ, რა ბავ­შვე­ბი იყ­ვნენ. ვიცი, რომ ვი­ღაც გიჟ­მა ეს­რო­ლა. მოწ­მე ჰყავთ, არაჩ­ვე­უ­ლებ­რი­ვი ქალ­ბა­ტო­ნი, მის თვალ­წინ მოხ­და ეს ყვე­ლა­ფე­რი, თა­ვად მი­მარ­თა პო­ლი­ცი­ას და­კი­თხვა­ზე. ბავ­შვებს ზე­ვით ეს­რო­ლეს და ქვე­ვით ჩა­მო­ვიდ­ნენ, გვიშ­ვე­ლე­თო. ის კაცი არა­ნორ­მა­ლუ­რი იყო, ფსი­ქი­კუ­რი პრობ­ლე­მე­ბი აქვს, რო­გორ შე­იძ­ლე­ბა ია­რა­ღი ჰქონ­დეს დღე­ვან­დელ დღეს. რა ბავ­შვე­ბი იყ­ვნენ, ორ­მეტ­რი­ა­ნე­ბი, კალ­მით და­ხა­ტუ­ლე­ბი” – ჰყვე­ბი­ან თვითმხილ­ვე­ლე­ბი “ტვ პირ­ველ­თან”.

ვერაზე მომხდარი დაპირისპირების ახალი დეტალები ხდება ცნობილი.

“კურიერის” ინფორმაციით, სამართალდამცველებმა თავდამსხმელი საკუთარ სახლში დააკავეს. შინაგან საქმეთა სამინისტროს მიერ გავრცელებული ინფორმაციის მიხედვით, ბრალდებულმა სამართალდამცველების გამოჩენისთანავე ცეცხლი გახსნა და მათ წინააღმდეგობა გაუწია, შემდეგ კი თვითდაზიანება მიიყენა თითებზე.

დამამძიმებელ გარემოში ჩადენილი განზრახ მკვლელობის მცდელობისთვის, ნიკა კაპანაძეა დაკავებული. “კურიერის” ინფორმაციით, ის სხვადასხვა დანაშაულისთვის უკვე ნასამართლევია.

რაც შეეხება მოტივს, გავრცელებული ინფორმაციით, კაპანაძესა და ახალგაზრდებს შორის სროლამდე სიტყვიერი დაპირისპირება მოხდა. თვითმხილველები იხსენებენ, რომ დაახლოებით ათამდე გასროლის ხმა გაიგეს, გარეთ გამოსულს კი დაჭრილი ახალგაზრდები დახვდათ.

შეგახსენებთ, სროლის დროს სულ ოთხი ადამიანი დაიჭრა, მათ შორის იყვნენ არასრულწლოვნები. ერთ-ერთი არასრულწლოვანი კლინიკაში შეყვანისთანავე გარდაიცვალა.

თბილისის ცენტრში, ვერაზე მომხდარი შეიარაღებული თავდასხმის შედეგად ოთხი ადამიანი დაშავდა, რომელთაგან ერთი არასრულწლოვანი საავადმყოფოში გარდაიცვალა. დაღუპულია 2008 წელს დაბადებული ნიკოლოზ ღუნაშვილი, რომელსაც მასწავლებელი სოციალურ ქსელში ემშვიდობება:

„ეს შემზარავი ამბავი არ უნდა მომხდარიყო?! არ ვიცი რა დავწერო?! უდიდესი ტკივილით და გადაჭარბების გარეშე გეტყვით, რომ თავისი ცხოვრების წესით და აღზრდით ნიკოლოზი მიწიერი ანგელოზი იყო და ალბათ, ამიტომ პატარა ასაკში გაფრინდა, გადაიქცა ზეციურ არსებად!
სკოლა ამ წელს დაასრულა, ეროვნული გამოცდები წარმატებით ჩააბარა, 1 აგვისტოს 18 წლის გახდებოდა…. 22 ივლისის არასრულწლოვნებზე თავდასხმამ ნიკოლოზის სიცოცხლე დაასრულა, ჩააქრო ოჯახის იმედი! დედას რა ვუთხრათ, რა იმედი მივცეთ?! ეს დასასრულია აზროვნებისაც და სიცოცხლისაც! ღმერთმა გააძლიეროს ჩემი უტკბილესი, საამაყო ოჯახი!
უმცროსი ძმასავით ამშვენებდა დედ-მამას და ყველას აბედნიერებდა ნიკოლოზი”.

უმ­ძი­მე­სი და­ნა­შა­უ­ლი მოხ­და გუ­შინ ვერაზე. შე­ი­ა­რა­ღე­ბულ­მა პირ­მა ოთხი ადა­მი­ა­ნი დაჭ­რა, მათ შო­რის ორი არას­რულ­წლო­ვა­ნი. სრო­ლის დროს დაჭ­რი­ლი ერთ-ერთი არას­რულ­წლო­ვა­ნი – ნიკოლოზ ღუნაშვილი კლი­ნი­კა­ში გარ­და­იც­ვა­ლა.

როგორც გარდაცვლილის ახლობელი სოციალურ ქსელში წერს, ნიკოლოზ ღუნაშვილმა სკოლა წელს დაამთავრა.

“ეს შემზარავი ამბავი არ უნდა მომხდარიყო. არ ვიცი რა დავწერო… უდიდესი ტკივილით და გადაჭარბების გარეშე გეტყვით, რომ თავისი ცხოვრების წესით და აღზრდით, ნიკოლოზი მიწიერი ანგელოზი იყო და ალბათ, ამიტომ პატარა ასაკში გაფრინდა, გადაიქცა ზეციურ არსებად!

სკოლა ამ წელს დაასრულა, ეროვნული გამოცდები წარმატებით ჩააბარა, 1-ელ აგვისტოს 18 წლის გახდებოდა… 22 ივლისის არასრულწლოვნებზე თავდასხმამ ნიკოლოზის სიცოცხლე დაასრულა, ჩააქრო ოჯახის იმედი!

დედას რა ვუთხრათ, რა იმედი მივცეთ?! ეს დასასრულია აზროვნებისაც და სიცოცხლისაც! ღმერთმა გააძლიეროს ჩემი უტკბილესი, საამაყო ოჯახი! უმცროსი ძმასავით ამშვენებდა დედ-მამას და ყველას აბედნიერებდა ნიკოლოზი” – წერს მაია კობახიძე.

კიდევ ერთი ახლობელი მაიკო ხირსელი წერს, რომ მკვლელობამდე, ბიჭები მანქანაში ისხდნენ.

“ღმერთო! გული მეგლიჯება – ჩემს ნიკოლოზს ძმაკაცი მოუკლა თურმე იმ ნაძირალა, ავაზაკმა ვერაზე! ყმაწვილობის წლები ერთად რომ გაატარეს; ვაი, შენს უბედურ დედას და მამას “ღუნა” 17 წლის!

მსხდარან ეს ბიჭები თავისთვის მანქანაში, მასხარაობდნენ ალბათ, თან ეროვნულ ჩაბარებულები და ჩააცალა მთელი აბოიმა, სრულიად უცხომ! მიზეზი-“რა გაცინებთო?!!!

რა ხდება, ღმერთო ჩემო! საგიჟეთია ჩვეულებრივი! რატომ არ არიან იზოლირებულნი ფსიქიურად დაავადებულები?! რატომაა გიჟი მართლაც თავისუფალი და თან იარაღით ?…” – წერს მაიკო ხირსელი

ვერაზე მომხდარი რამდენიმე გასროლის შედეგად ოთხი ადამიანი დაიჭრა. 17 -18 წლის ბიჭები და ერთი ქალი. როგორც ამბობენ, დაჭრილი ქალი შემთხვევითი გამვლელია. ფაქტი შანიძისა და ხორავას ქუჩების კვეთაზე მოხდა, დაჭრილები სასწრაფოდ კლინიკაში გადაიყვანეს. მათ შორის ერთი არასრულწლოვანი კლინიკაში მიყვანისთანავე გარდაიცვალა.

უფრო მეტი დეტალის გასარკვევად დავუკავშირდით კაფე „ზილიკოს“ თანამშრომელს. ის მედიაში გავრცელებულ ინფორმაციას, რომ თითქოს კაფედან დაიწყო კონფლიქტი არ ადასტურებს. კაფეში “ზილიკოში” მომუშავე გვიყვება, რომ რამდენიმე გასროლის ხმა გაიგონეს, თუმცა მომხდარის დეტალები მისთვის უცნობია.

“კაფეში ჩვენთან შემოვიდა ქალი, შეშინებული იყო, გვთხოვა, თავს შევაფარებო. ძაღლს ასეირნებდა და ამ დროს რომ გაიგო სროლის ხმები, ჩვენთან შემოვიდა, სხვაგან ვერსად შევაფარე თავი, უნდა მიშველოთო და შემოვიდა. ქუჩაში იყო სროლები. შანიძის ქუჩის ზემოთ ისმოდა სროლის ხმები, თავიდან სროლა არც მეგონა, ეს ქალი რომ შემოვარდა შეშინებული, მაგაზე მივხვდით, რომ აშკარად სროლის ხმა იყო… რაღაცნაირად მიყვა სროლები, ახლა რომ ვაანალიზებ, ზუსტი რაოდენობა არ ვიცი, მაგრამ 10 გასროლა მაინც იქნებოდა. მერე მივხდით უბრალოდ ასაფეთქებლის ხმა ეს არ იყო. ძალიან მალე მოვიდა პატრული და სასწრაფოს ორი მანქანა, როგორც ვიცი, დაჭრილები გადაიყვანეს. სხვა ვერაფერი გავარკვიე, ვცდილობდი გამერკვია მეტი დეტალი, მაგრამ ვერ შევძელი. მალე პოლიციელები მოვიდნენ და ახლოს ვინ მიმიშვებდა. მხოლოდ გასროლის ხმა გავიგეთ ჩვენ. იმდენად ვინერვიულე, ცუდად გავხდი. დაჭრილი ბიჭები ვინ არიან არ ვიცი. ამ ქალბატონმა ასე გვითხრა ორი თუ სამი ბიჭი იყოო. სასწრაფოებით წაიყვანეს დაჭრილები. იმედია, გადარჩებიან. სულ სამ ადამიანზე ამბობენ დაჭრილიაო. ალბათ საღამოს 10 საათი იყო, ეს ამბები რომ ხდებოდა, არც დაჭრილებზე მაქვს ინფორმაცია, არ ვიცი უბნელები არიან თუ არა”, – ამბობს ჩვენთან საუბარში გოგონა და სოციალური ქსელით და მედიით გავრცელებულ ინფორმაციას, რომ თითქოს კაფედან გასულმა ადამიანმა დაჭრა ისინი, არ ადასტურებს:

განაგრძეთ კითხვა

კლინიკა „ჰელსიკორის“ აღმასრულებელი დირექტორის,  შმაგი ჭიოკაძის ინფორმაციით, ვერაზე სროლის შედეგად დაჭრილი ორი ახალგაზრდის ჯანმრთელობის მდგომარეობა სტაბილურია.

შმაგი ჭიოკაძის თქმით, ერთ ახალგაზრდას კლინიკაში შეყვანის დროს მარცხენა მხარის არეში ჰქონდა ღია ჭრილობა, მეორეს კი, მარცხენა მტევნის არეში. ორივე მათგანს ჩაუტარდა ოპერაცია, არიან კონტაქტურები და რეაბილიტაციის გავლის მიზნით, რამდენიმე დღის განმავლობაში მოუწევთ კლინიკაში დარჩენა.

„22 ივლისს, დაახლოებით 22:00 საათზე ჩვენთან შემოიყვანეს ორი ახალგაზრდა ბიჭი, 17-18 წლისები. ორივეს ესაჭიროებოდა ოპერაციული ჩარევა – ერთს დაზიანება ჰქონდა მარცხენა მხრის არეში, მეორეს  – მარცხენა მტევნის არეში. ორივეს ჩაუტარდა ოპერაციული მკურნალობა. კარგად ჩაიარა ოპერაციამ. ამ დროისთვის ორივენი არიან სტაბილურად, მათ სიცოცხლეს და ჯანმრთელობას საფრთხე არ ემუქრებათ.

ჯერჯერობით დარჩებიან კლინიკაში, ვინაიდან მოგეხსენებათ, ჭრილობაა, ცეცხლსასროლით, თუ არაცეცხლსასროლით, ამას უკვე ექსპერტიზა დაადგენს. შესაბამისად, დაველოდოთ. კონტაქტურები არიან, კარგად არიან. რაც შეეხება სარეაბილიტაციო პერიოდს, ვნახოთ, რამდენი ხანიც დასჭირდებათ“, – განაცხადა კლინიკა „ჰელსიკორის“ აღმასრულებელმა დირექტორმა.

შეგახსენებთ, პოლიციამ თბილისში, ვერაზე მომხდარი მკვლელობისა და დაჭრის ფაქტზე ერთი პირი დააკავა.

შსს-ს ცნობით, გამოძიებით დადგინდა, რომ ბრალდებულმა მიმდინარე წლის 22 ივლისს თბილისში ცეცხლსასროლი იარაღიდან გასროლით ოთხი პირი დაჭრა და შემთხვევის ადგილიდან მიიმალა.

ოთხივე მათგანი სამედიცინო დახმარების გაწევის მიზნით კლინიკაში გადაიყვანეს, თუმცა მიყენებული დაზიანების შედეგად ერთ-ერთი არასრულწლოვანი საავადმყოფოში მიყვანიდან მალევე გარდაიცვალა.