Author: tea

თბილისში ახალგაზრდა აზერბაიჯანელი ქალის მკვლელობის შესახებ ინფორმაციას უფლებადამცველი ბაია პატარაია ავრცელებს. საქმესთან დაკავშირებით მიმდინარეობს გამოძიება, ხოლო გარდაცვლილის ახლობლები ფემიციდის შესაძლო ფაქტზე და დანაშაულის გარემოებებზე საჯაროდ საუბრობენ.

“2026 წლის 26 ივნისს, საქართველოში, ქალაქ თბილისში, ნაქირავებ ბინაში იპოვეს ჩვენი დის, 2005 წელს დაბადებული ფატიმა კერიმოვას ცხედარი.

წინასწარი მონაცემებით, გოგონა თბილისში თავის მეგობარ ბიჭთან ერთად წავიდა. ისინი იქ ცხოვრებასა და მუშაობას გეგმავდნენ. გოგონას ახლობლები მათი ურთიერთობის წინააღმდეგნი იყვნენ და ანგარიშსწორებით ემუქრებოდნენ.

როდესაც ფული გამოელიათ, მისმა მეგობარმა ბიჭმა ის ქუჩაში მარტო დატოვა.

ქუჩაში ფატიმამ ერთი გოგონა გაიცნო. ფატიმა ქუჩაში დარჩა დახეული საბუთებით, მობილურისა და ფულის გარეშე. გოგონამ დახმარება შესთავაზა და ჰკითხა, ახლობლებიდან ვინ შეძლებდა ჩამოსვლას და მის წაყვანას. ფატიმამ თავისი ბიძაშვილის ტელეფონის ნომერი მისცა.
ბიძაშვილი ჩამოვიდა და ფატიმა წაიყვანა, თუმცა, როგორც მოგვიანებით გაირკვა, მისი განზრახვა სრულიად სხვა იყო…

მან ფატიმა ორი კვირის განმავლობაში თბილისში, ბინაში ჰყავდა გამოკეტილი და სასტიკად სცემდა, შემდეგ კი დაახრჩო.
ეჭვმიტანილმა ფატიმას ცხედარი დატოვა და შემთხვევის ადგილიდან მიიმალა.
მიმდინარეობს გამოძიება.

გოგონა სრული ობოლი იყო – ორივე მშობელი გარდაცვლილი ჰყავდა. მას 19 წლის უმცროსი და დარჩა.
გთხოვთ, მაქსიმალურად გაახმაუროთ ეს ამბავი! საჭიროა მედიის, ფემინისტების, იურისტებისა და ბლოგერების ჩართვა!” – წერს სოციალურ ქსელში თბილისში მოკლული აზერბაიჯანელი გოგონას ახლობელი.

დღეს უფლებადამცველმა ბაია პატარაიამ გაავრცელა ინფორმაცია, რომ თბილისში აზერბაიჯანელი ახალგაზრდა გოგო მოკლეს.

პა­რი­ზის მეტ­რო­ში თავ­დამ­სხმელ­მა სამი ქალი ცივი ია­რა­ღით დაჭ­რა. ცნო­ბი­ლია, რომ თავ­დას­ხმა სამ მეტ­როს სხვა­დას­ხვა სად­გურ­ზე მოხ­და.

პო­ლი­ცი­ის ცნო­ბით, მა­მა­კაც­მა და­ნა­შა­უ­ლი ბა­ნო­ლეტს (სენ-სენ-დენი) და ლე­ვა­ლუა-პე­რეს (ჰო-დე-სენი) შო­რის მდე­ბა­რე მე­სა­მე ხა­ზის სხვა­დას­ხვა სად­გურ­ზე ჩა­ი­დი­ნა. თავ­დას­ხმა 16:15-დან 16:45 სა­ა­თამ­დე მოხ­და.

პა­რი­ზის მეტ­რო­ში თავ­დამ­სხმელ­მა სამი ქალი ცივი ია­რა­ღით დაჭ­რა. ცნო­ბი­ლია, რომ თავ­დას­ხმა სამ მეტ­როს სხვა­დას­ხვა სად­გურ­ზე მოხ­და.

პო­ლი­ცი­ის ცნო­ბით, მა­მა­კაც­მა და­ნა­შა­უ­ლი ბა­ნო­ლეტს (სენ-სენ-დენი) და ლე­ვა­ლუა-პე­რეს (ჰო-დე-სენი) შო­რის მდე­ბა­რე მე­სა­მე ხა­ზის სხვა­დას­ხვა სად­გურ­ზე ჩა­ი­დი­ნა. თავ­დას­ხმა 16:15-დან 16:45 სა­ა­თამ­დე მოხ­და.

პრო­კუ­რო­რე­ბის თქმით, ოფიც­რებ­მა მისი ად­გილ­სამ­ყოფ­ლის და­სად­გე­ნად სათ­ვალ­თვა­ლო კა­მე­რე­ბის ჩა­ნა­წე­რე­ბი გა­მო­ი­ყე­ნეს. სა­ბო­ლო­ოდ, დამ­ნა­შა­ვე სა­კუ­თარ სახ­ლში და­ა­კა­ვეს. რაც შე­ე­ხე­ბა და­შა­ვე­ბუ­ლებს, მათ სი­ცო­ცხლეს საფრ­თხე არ ემუქ­რე­ბა.

„საკ­მა­ოდ ბევ­რი სის­ხლი იყო; ეს საკ­მა­ოდ ღრმა ჭრი­ლო­ბა იყო“ – გა­ნუ­ცხა­და ერთ-ერ­თმა თვითმხილ­ველ­მა მე­დი­ას.

პა­რი­ზის პრო­კუ­რა­ტუ­რის ინ­ფორ­მა­ცი­ით, მა­მა­კა­ცი 2000 წელს და­ი­ბა­და.

„საქართველოს მწვანეთა მოძრაობა/დედამიწის მეგობრების“ თავმჯდომარის ნინო ჩხობაძის განცხადებით, მთავარ პრობლემას წარმოადგენს ის, რომ ექსტრემალური ტემპერატურების ხანგრძლივობა ეტაპობრივად იზრდება.

„ძირითადი სცენარებით, რაც შეიძლება განვითარდეს საქართველოში, ივლისის მეორე ნახევრიდან მკვეთრად აიწევს ტემპერატურა. ტემპერატურა იქნება მაღალი, ისეთი, როგორიც შარშანაც იყო აგვისტოში საკმაოდ ხანგრძლივად. ექსტრემალური ტემპერატურები საქართველოში ყოფილა, 45 გრადუსიც ყოფილა და 50 გრადუსზეც კი ავიდა ცოტა ხნით დასავლეთ საქართველოში. პრობლემა იმაში მდგომარეობას, რომ ექსტრემალური ტემპერატურების ხანგრძლივობა იზრდება. ამან შესაძლოა, გამოიწვიოს კატასტროფული შედეგები“, – აცხადებს ჩხობაძე.

როგორც მანვე აღნიშნა, მიმდინარე წელს აღმოსავლეთ საქართველოში მოსალოდნელია ძლიერი გვალვა, ხოლო დასავლეთ საქართველოში წვიმები.

„ჩვენი მეტეოროლოგები და სინოპტიკოსები როგორც ამბობენ, აღმოსავლეთ საქართველოში მოსალოდნელია ძლიერი გვალვა, დასავლეთ საქართველოში შესაძლოა წვიმების პერიოდი უფრო მეტად გახანგრძლივეს. მართალია ზაფხულის პერიოდში არ ფიქსირდება, რომ იქნება ხშირი წვიმები, მაგრამ თუ იქნება, იქნება ერთბაშად ისეთი ძლიერი წვიმა, მაგალითად როგორიც იყო 2015 წელს“, – აღნიშნა რესპონდენტმა და დასძინა, რომ საქართველოში ელ-ნინიოს ეფექტი აგვისტო-სექტემბრის პერიოდში დაიწყებს გამოვლენას.

„ელ-ნინიოს გავლენაც იქნება საქართველოში, თუმცა, ჩვენთან უფრო გვიან იწყებს მოქმედებას, ალბათ, უფრო აგვისტო-სექტემბერში გამოვლინდება; ვარაუდობენ, რომ გაგრძელდება ოქტომბერშიც, მაგრამ ვინაიდან გრძელვადიანი პროგნოზის გაკეთება რთულია, შესაძლოა, ოქტომბერში მალევე აცივდეს“, – განაცხადა ნინო ჩხობაძემ.

ბიზნესპრესნიუსი 

იმის მიუხედავად, რომ ილია თოფურიასა და ჯასტინ გეიჯის ბრძოლიდან ორ კვირაზე მეტი გავიდა, ქართველი მებრძოლის მარცხი ამ დრომდე, როგორც ქართულ, ისე ესპანურ მედიაში კვლავ განხილვის მთავარი საგანია.

მედიაში აქტიურად გვხვდება სხვადასხვა კომპეტენტური სპეციალისტების ინტერვიუები და ამჯერად, ცნობილმა ესპანურმა გამოცემა Sport.es-მა ინტერვიუ ცნობილ ესპანელ ექიმთან, თერაპევთან და მედიცინის დოქტორთან, პედრო გარტანილასთან ჩაწერა, რომელიც დეტალურად განიხილავს თოფურიას დაზიანებებსა და სამედიცინო მდგომარეობას.

სპეციალისტი საკვანძო მომენტად მიიჩნევს გეიჯის მიერ პირველ რაუნდში გატარებულ აპერკოტს – თვალბუდის ზონაში მიყენებულ აღმავალ დარტყმას, რამაც, მისი შეფასებით, შესაძლოა თვალბუდის სერიოზული ტრავმა გამოიწვია:

„ამ დარტყმამ ილიას მარჯვენა თვალი დაუზიანა. მყისიერად გააქტიურდა ანთებითი პროცესი, რაც გამოიხატა კაპილარების გახეთქვით, სისხლჩაქცევებითა და ლიმფური სითხის დაგროვებით, ამან მასიური შეშუპება გამოიწვია. ხილული შედეგი იყო იერსახის შემცვლელი შეშუპება, რამაც ქუთუთო მთლიანად დახურა; თუმცა, რეალური საფრთხე არა ესთეტიკური, არამედ ფუნქციური გახლდათ“.

სპეციალისტი ხაზს უსვამს, რომ პრაქტიკულად დახურული თვალით ან ფუნქციური მხედველობის გარეშე ასპარეზობა ძალიან მაღალ სამედიცინო რისკს წარმოადგენს. მისი შეფასებით, ამ დროს მებრძოლი კარგავს ბინოკულარულ მხედველობას, სივრცის აღქმასა და გვერდითი შეტევებისგან დაცვას. ასეთ სცენარში, რამდენიმე რაუნდის განმავლობაში თოფურიას გამძლეობა ბრძოლისთვის დამახასიათებელი ადრენალინისა და ენდორფინების მოზღვავებით აიხსნება, თუმცა ეს არ აქრობს თვალის ან ნევროლოგიური მდგომარეობის გაუარესების საფრთხეს:

„მიუხედავად იმისა, რომ მარჯვენა მხრიდან აბსოლუტურად ვერაფერს ხედავდა, ელიტარული მეომრის გონება სხვა მოკვდავებისგან განსხვავებულ ნეირობიოლოგიურ ზღვარზე მუშაობს“, – განმარტავს გარგანტილა.

მისი აზრით, მეოთხე რაუნდის შემდეგ ბრძოლის შეჩერების გადაწყვეტილება სამედიცინო თვალსაზრისით სავსებით გამართლებული იყო. მისი ვარაუდით, კუთხემ ილია საკუთარი თავისგან დაიცვა იმ მომენტში, როდესაც კონკურენტულმა ინსტინქტმა შესაძლოა მას არაპროპორციულ რისკზე წასვლისკენ უბიძგა:

„როგორც ექიმმა, ამ გადაწყვეტილებას ტაში უნდა დავუკრა. მებრძოლის ეგოს ყოველთვის სურს, ოქტაგონზე ფეხზე მდგომი დაეცეს, მაგრამ კუთხის როლი სპორტსმენის საკუთარი თავისგან გადარჩენაა. მეხუთე რაუნდის თავიდან არიდებამ აღკვეთა უფრო მძიმე ნევროლოგიური ტრავმა ან მხედველობის აპარატის მუდმივი დაზიანება, რაც მის კარიერას სამუდამოდ გაანადგურებდა“.

რაც შეეხება პროგნოზს, სამედიცინო ანალიზი ხანგრძლივ და ფრთხილ რეაბილიტაციაზე მიუთითებს:

„თუ ადგილი აქვს კუნთის ჩაჭედვას ან მხედველობის ნერვის დაზიანების რისკს, ილიას მოუწევს რეკონსტრუქციული ოპერაციის ჩატარება, რათა თვალბუდის ფსკერის აღსადგენად პატარა ტიტანის ბადე ჩაიდგას. თუ მოტეხილობა სუფთაა და საფრთხეს არ უქმნის მოძრაობას ან მხედველობას გრძელვადიან პერსპექტივაში, მკურნალობა შესაძლოა კონსერვატიული იყოს, რაც ეფუძნება აბსოლუტურ დასვენებას, ანთების შესამცირებელ კორტიკოსტეროიდებსა და პროფილაქტიკურ ანტიბიოტიკებს.“

„გარდაუვალი სამედიცინო რეალობა ის არის, რომ სპორტული თვალსაზრისით 2026 წელი ილია თოფურიასთვის დასრულდა. ამ ტიპის ძვლოვანი და ქალა-სახის რბილი ქსოვილების ტრავმები მოითხოვს მინიმუმ ექვსთვიან ბიოლოგიურ შეხორცებას, სანამ ძვალი თავის თავდაპირველ სიმკვრივესა და გამძლეობას დაიბრუნებს. ძვლის აღდგენის ფაზაში ამ ზონაში ნებისმიერი მცირე დარტყმაც კი შესაძლოა კატასტროფული აღმოჩნდეს.“

ცნობისთვის, რამდენიმე დღის წინ, ილიას ფიზმომზადების მწვრთნელმა, ხესუს გალიომ, ერთ-ერთ ინტერვიუში განაცხადა, რომ თოფურია დეკემბერში საჩხუბრად მზად იქნება. თუმცა, თავდაპირველი ინფორმაციით, ქართველი მებრძოლი ოქტაგონზე დაბრუნებას მინიმუმ იანვრამდე ვერ შეძლებს.

“რამდენიმე დღის წინ რუსი ინფლუენსერი დამიკავშირდა “ინსტაგრამზე” და მთხოვა გამერკვია და მერე საზოგადოებისთვის მეცნობებინა შემზარავი ფემიციდის შესახებ. ამბავი ასეთია: აზერბაიჯანიდან ერთი ახალგაზრდა, ლამაზი, ობოლი გოგო შეყვარებულმა გამოიტყუა. საქართველოში ვიცხოვროთ და ვიმუშაოთ ერთადო. მანამდე ეს გოგო სხვაზე დანიშნეს ნათესავებმა, რომელმაც ამ გოგოსგან ვალი აიღო და აღარ დაუბრუნდა. მოკლედ, ასე სიყვარულს და ახალ ცხოვრებას მინდობილი ჩამოვიდა. შეპირებული სამსახური არ გამოვიდა, როგორც კი ფული გამოელიათ და ამ გოგოს “აიფონი” დაალომბარდა შეყვარებულმა ბიჭმა, მანამდე მაგრად სცემა ეს გოგო, დააგდო ქუჩაში და მარტო დაბრუდნა აზერბაიჯანში.

ნაცემი და უცხო ქვეყანაში უყველაფროდ დატოვებული აზერბაიჯანელი გოგო ერთმა კეთილმა სომხემა ქალმა შეიფარა, თავისი აზერბაიჯანელი დაქალიც მოუყვანა კარგად საკომუნიკაციოდ და ნათესავებთან დაარეკინა. ჩამოვიდა ნათესავი, ახალგაზრდა კაცი, ბინას ვუქირავებო და რამდენიმე თვეში უკან გავაბრუნებ აზრებაიჯანში, როცა სიტუაცია დაწყნარდებაო და წაიყვანა ეს გოგო. თითქოს ყველაფერი ნორმალურად იყო, მაგრამ ეს გოგო მალევე გაქრა. აზერბაიჯანიდან უმცროსმა დამ ძებნა რომ დაუწყო, ამ სომეხ ქალს დაურეკა, მეორეა დღეა ვერ ვეკონტაქტები და იქნებ ბინაში მიაკითხოო. მივიდა ეს სომეხი ქალი, კარი არავინ გაუღო, მეზობლებში გაარკვია, რომ დიდი ჩხუბის ხმა ისმოდა წინა ღამეს. (ცხადია, პოლიციას არავინ გამოუძახა. ეს ჯერ ვერ ვისწავლეთ ამ ქვეყანაში). დარეკა ამ სომეხმა ქალმა პოლიციაში, პოლიციამ შეამტვრია კარი და მოკლული გოგო იპოვა ბინაში. მკვლელი თურქეთში გაიქცა. გამოცხადებულია ძებნა.

დღეს დილას საფარმა პროკურატურას მიმართა, გაგზავნა ორდერი და მოითხოვა საქმეში ჩართვა. ახლა პროკურორის გადასაწყვეტია, მოგვცემენ თუ არა უფლებას ვიყოთ ამ საქმეში იურისტებად, რადგან მოკლულის ერთადერთი ოჯახის წევრი აზერბაიჯანშია და ჯერ ის უნდა იქნეს აღიარებული უფლებამონაცვლედ.

რუსი ინფლუენსერი ქალი, რომელსაც აზერბაიჯანელი ქმარი ჰყავს, ღელავს, რომ მკვლელი დაუსჯელი დარჩება, ფემიციდის ეს საზარელი დანაშაული კი – შეუმჩნეველი, რადგან აზერბაიჯანში ის უკვე “ღირსების დანაშაულად” მიიჩნიეს. ანუ ნათესავები გოგოს ადანაშაულებენ ყველაფერში და მკვლელს “ღირსების აღდგენის” მოტივით ამართლებენ. ამიტომ ძალიან მნიშვნელოვანია, რომ ეს საქმე ვიცოდეთ ყველამ: ქართველებმაც, აზერბაიჯანელებმაც, სომხებმაც და თურქებმაც.

იმისთვის, რომ არაფერი მიჩუმათდეს, არაფერი დაიმალოს და მკვლელი დაუსჯელი არ დარჩეს, ჩვენ უნდა ამოვიღოთ ხმა!

მოვუწოდებ ქართულ და არაქართულ მედიებს გამოიძიონ ეს საქმე.

მოვუწოდებ პროკურატურას, ჩაგვრთოს საქმეში მოკლულის დის სახელით, რათა მოგვცეს საშუალება, შევისწავლოთ საქმის მასალები იმ ფემიციდისა, რომელიც უკვე სამ ქვეყანას ეხება”- წერს ბაია პატარაია.

ვრცელდება სკანდალური ვიდეო – “-პატრულმა რომ გაგაჩეროს რას ეტყვი? – დედაჩემი მთვრალია და წინ და უკან დავატარებ-მეთქი”

„ქართული ოცნების“ დამფუძნებლის, ბიძინა ივანიშვილის მეუღლე ეკატერინა ივანიშვილი მოკლული მასწავლებლის, გიგა ავალიანის დედის მიმართვას პასუხობს. „ქალბატონო ეკა, მთელი გულით თანაგიგრძნობთ და ვიზიარებ თქვენს უმძიმეს ტრაგედიას. ვიცი, რომ არ არსებობს სიტყვა, რომელიც დედას შვილის დაკარგვის ტკივილს შეუმსუბუქებს, თუმცა მინდა იცოდეთ, რომ ამ მწუხარებაში მარტო არ ხართ და ამ ქვეყანაში მცხოვრები ყველა ქართველი დედა თქვენი ჭირისუფალია. რაც შეეხება ჩემდამი თქვენს მოწოდებას, როგორც ჩემთვის ცნობილია, გამოძიება ჯერ არ დასრულებულა. დარწმუნებული ვარ, შესაბამისი სახელმწიფო უწყებები საქმეს სრულყოფილად გამოიძიებენ და ყველა გარემოება სრულად იქნება შესწავლილი, რათა თქვენს თავს დატრიალებული უმძიმესი ტრაგედიის არცერთი კითხვა არ დარჩეს პასუხგაუცემელი. როგორც დედა-დედას, როგორც ქალი-ქალს, გისურვებთ სულიერ სიმტკიცეს, ძალას და სიმშვიდეს,“ – ნათქვამია ეკატერინა ივანიშვილის მიმართვაში.

ცნობისთვის, მოკლული მასწავლებლის, გიგა ავალიანის დედა ეკა კუპატაძე გუშინ, ბიძინა ივანიშვილის სახლთან მივიდა და მის მეუღლეს ეკატერინა ივანიშვილს მიმართა, მის გვერდით, როგორც შვილმკვდარი დედის გვერდით დამდგარიყო.

„ქალბატონო ეკატერინე ხვედელიძე, მე ვიცი, რომ თქვენ ბრძანდებით მოსიყვარულე დედა. ამიტომ, დღეს, ბატონი ბიძინა ივანიშვილის სახლთან კი არა, მისი შვილების დედის სახლთან მოვედი. ოთხი შვილის გამზრდელი დედის სახლთან მოვედი, სადისტურად შვილმოკლული დედა. ღმერთმა თქვენ ის სიმწარე არ გამოგაცდევინოთ, რაც მე გავიარე. გონებით უნდა გამომყვეთ და მიხვდეთ, რა სიგიჟეში ვარ მე დღეს, რამ მომიყვანა მე დღეს აქ. თქვენ უნდა გადადგათ ისტორიული ნაბიჯი და ამომიდგეთ გვერდით, როგორც დედა გამწარებულ დედას. გიგა ავალიანს არასდროს გაუვა ვადა! არ არსებობს ძალა, რომელიც უკან დაახევინებს. გთხოვთ, გვერდით დამიდექით. ველოდები თქვენგან უკუკავშირს.

ეს არის ბოლო რამდენიმე ათწლეულის განმავლობაში ყველაზე მეტად რეზონანსული საქმე საქართველოში, როგორც არასდროს ისე არის საზოგადოება ერთსულოვანი, გონება მოჭიმული, აკვირდება ყველაფერს გამადიდებელი შუშით და ახლა პატარა შეცდომაც კი სახელმწიფოს ღირსებაზე არ იმოქმედებს კარგად. მე ველოდები თქვენგან უკუკავშირს და დარწმუნებული ვარ ეს იქნება სამართლიანი და კეთილგონივრული. მე იმედი მაქვს თქვენი მხარდაჭერის ქალბატონო ეკატერინე ხვედელიძე“, – მიმართა ეკა კუპატაძემ.