გარემოს ეროვნული სააგენტო მოსახლეობას აფრთხილებს
„11-13 მაისს საქართველოს უმეტეს ტერიტორიაზე სითბოს ფონზე მოსალოდნელია ხანმოკლე წვიმა ელჭექით, შესაძლებელია სეტყვა და ელჭექის დროს ქარის გაძლიერება.
მოსალოდნელმა ნალექებმა შესაძლებელია მდინარეებზე წყლის დონეების მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო)“
სინოპტიკოსების პროგნოზით, 11 მაისს საქართველოს უმეტეს ქალაქებში ღრუბლიანი, თუმცა თბილი ამინდია მოსალოდნელი. ტემპერატურა რამდენიმე ქალაქში +27 გრადუსს მიაღწევს. ზოგან მოსალოდნელია წვიმა.
ამინდი ქალაქების მიხედვით:
გაგრა +23 – უმეტესად ღრუბლიანი
სოხუმი +24 – უმეტესად ღრუბლიანი
ზუგდიდი +27 – უმეტესად ღრუბლიანი
მესტია +13 – წვიმა
ფოთი +23 – უმეტესად ღრუბლიანი
ბათუმი +23 – მზიანი
ოზურგეთი +27 – უმეტესად ღრუბლიანი
ქუთაისი +28 – უმეტესად ღრუბლიანი
ამბროლაური +24 – წვიმა
ახალციხე +22 – წვიმა
ბორჯომი +19 – წვიმა
ბაკურიანი +16 – წვიმა
გორი +24 – უმეტესად ღრუბლიანი
ცხინვალი +22 – უმეტესად ღრუბლიანი
სტეფანწმინდა +12 – მოღრუბლული
გუდაური +8 – წვიმა
თელავი +24 – უმეტესად ღრუბლიანი
რუსთავი +28 – მზიანი
თბილისი +26 – უმეტესად ღრუბლიანი
ვერძი – დღე ენერგიული და მოქმედებისთვის ხელსაყრელი იქნება. შეიძლება მოულოდნელი შეთავაზება მიიღოთ სამსახურთან ან ფინანსებთან დაკავშირებით. პირად ურთიერთობებში სიფრთხილე გამოიჩინეთ — ზედმეტი პირდაპირობა კამათს გამოიწვევს.
კურო – სიმშვიდისა და სტაბილურობის მოთხოვნილება გაიზრდება. კარგი დროა საოჯახო საკითხების მოსაგვარებლად და ფინანსური გეგმების გადასახედად. საღამოს სასიამოვნო შეხვედრა გელით.
ტყუპები – კომუნიკაციის დღეა, ახალი ნაცნობობა ან საინტერესო ინფორმაცია მნიშვნელოვან შესაძლებლობას მოგიტანთ. ეცადეთ, ერთდროულად ბევრ საქმეს არ მოჰკიდოთ ხელი.
კირჩხიბი – ემოციური ფონი გაძლიერდება. ინტუიცია სწორ გზას გაჩვენებთ, განსაკუთრებით პირად ურთიერთობებში. კარგი დღეა დასვენებისა და შინაური გარემოსთვის.
ლომი – ყურადღების ცენტრში აღმოჩნდებით. თქვენი იდეები სხვებზე შთაბეჭდილებას მოახდენს. ფინანსურ საკითხებში ფრთხილად იყავით — სპონტანური ხარჯები მოსალოდნელია.
ქალწული – საქმიანობაში წარმატების შანსი იზრდება. კარგი დროა დაგეგმვისა და ძველი საქმეების დასრულებისთვის. ჯანმრთელობას მეტი ყურადღება მიაქციეთ.
სასწორი – ურთიერთობებში ჰარმონია მნიშვნელოვანია. შესაძლოა, ძველ კონფლიქტს მშვიდობიანი გადაწყვეტა მოეძებნოს. საღამოს რომანტიკულ განწყობას იგრძნობთ.
მორიელი – დღე ცვლილებებისკენ გიბიძგებთ. ნუ შეგეშინდებათ ახალი ნაბიჯების. ინტუიცია და დაკვირვებულობა დაგეხმარებათ რთული სიტუაციის მოგვარებაში.
მშვილდოსანი – აქტიური და ოპტიმისტური დღეა. მოგზაურობასთან, სწავლასთან ან ახალ პროექტთან დაკავშირებული შესაძლებლობა გამოჩნდება. ყურადღება მიაქციეთ დეტალებს.
თხის რქა – პრაქტიკული მიდგომა წარმატებას მოგიტანთ. ფინანსური საკითხების დალაგება და სამომავლო გეგმების შედგენა განსაკუთრებით ხელსაყრელია.
მერწყული – ახალი იდეები და შთაგონება დღის მთავარი თემაა. მეგობრებთან ურთიერთობა სასარგებლო აღმოჩნდება. პირად ცხოვრებაში გულწრფელობა მნიშვნელოვანია.
თევზები – ინტუიცია და შემოქმედებითი ენერგია გაძლიერდება. კარგი დროა საკუთარ სურვილებზე დაფიქრებისა და ემოციური ბალანსის აღსადგენად.
2025 წლის 1-ელ ნოემბრამდე ზედმეტად გაცემული პენსია, ასევე ზედმეტად გაცემული სახელმწიფო კომპენსაცია და შემწეობა ლეგალიზებულად ჩაითვლება და უკან დაბრუნებას აღარ დაექვემდებარება. ამასთან, უკან დაბრუნების საქმეებზე დაწყებული ადმინისტრაციული და სააღსრულებო წარმოებები შეწყდება.
ჯანდაცვის სამინისტროს მიერ მომზადებული საკანონმდებლო ინიციატივა პარლამენტმა მესამე მოსმენით დაამტკიცა.
კანონის თანახმად, პენსიის, ისევე როგორც კომპენსაციისა და შემწეობის შეწყვეტის საფუძველია პირის მიერ საჯარო სამსახურში საქმიანობის დაწყება, მის მიმართ გამამტყუნებელი განაჩენის კანონიერ ძალაში შესვლა, გარდაცვალება და სხვა.
როგორც მთავრობა განმარტავს, ხშირია შემთხვევები, როდესაც დადგენილი რეგულაციებიდან გამომდინარე, ინფორმაციის გვიან მოწოდება ხდება და ამის გამო თანხები ზედმეტად გაიცემა.
პარლამენტის მიერ მიღებული კანონის შედეგად, ზედმეტად დარიცხული პენსიების შემთხვევაში, შეღავათი 1 685 პენსიონერს/გარდაცვლილის მემკვიდრეს შეეხება, სახელმწიფო ბიუჯეტის სასარგებლოდ დასაბრუნებელი თანხის ოდენობა კი, 1 213 804 ლარია.
ზედმეტად გაცემული სახელმწიფო კომპენსაციის ლეგალიზაცია 252 პირს შეეხება, მათ შორის არის 32 პირს, რომელთა მიმართ სასამართლო წარმოება მიმდინარეობს.
რაც შეეხება შემწეობას, სოციალური მომსახურების სააგენტოს ინფორმაციის მიხედვით, შეღავათი სოციალური პაკეტის მიმღებ 304 პირს შეეხება, ხოლო სახელმწიფო ბიუჯეტის სასარგებლოდ დასაბრუნებელი თანხის ოდენობა 130 500 ლარია. ასევე შეღავათი შეეხება საარსებო შემწეობის მიმღებ 1 444 პირს/ოჯახს, ხოლო სახელმწიფო ბიუჯეტის სასარგებლოდ დასაბრუნებელი თანხის ოდენობა 2 653 678 ლარს შეადგენს.
რა გავაკეთოთ, რომ თავიდან ავირიდოთ ვერაგი სიმსივნე,- ამ თემაზე ვიდეომიმართვას ექიმი, მარინე ძაგნიძე ავრცელებს.
„რა უნდა გავაკეთოთ რომ არასდროს დაგვემართოს სიმსივნე – ამაზე უნდა გელაპარაკოთ ახლა. პირველ რიგში, რა არის მიტოქონდრია. მიტოქონდრია ეს არის ჩვენი უჯრედის გული. ყველა საკითხი, რაც ჩვენს ორგანიზმში ხდება ან უნდა მოხდეს, ყველაფერი ხდება მიტოქონდრიაში. ამიტომ, მისი სიჯანსაღე აუცილებელია და ყველაფერი უნდა გავაკეთოთ, რომ ჯანსაღი მიტოქონდრია შევინარჩუნოთ. ამისთვის საჭიროა, ვიტამინ D-ს დონე შევინარჩუნოთ უმაღლეს საფეხურზე 70-80 ნანომეტრი მილიმეტრის ფარგლებში. მეორე – აუცილებელია ინტერვალური კვება. სასურველია თუ შევძლებთ 18 საათიანს ან 16, 14 საათიანს. ასევე, თუ შეძლებთ კარგი იქნება, თვეში 2 დღე სრული შიმშილი, მხოლოდ წყალზე. აუცილებლად უნდა მივიღოთ დიდი რაოდენობით ნიორი, ხახვი და ისეთი ბოსტნეული როგორიცაა ისპანახი, ბროკოლი. შევზღუდოთ ჩვენს რაციონში კარბოქსიდები – ფქვილი, შაქარი არის ის, რაც აზიანებს ჩვენს მიტოქონდრიებს. არ შეიძლება ჩვენს გემოზე რკინის დანამატის დალევა. ასევე, თუ გაქვთ სახლში რკინის ტაფები, ყველა გადაყარეთ”,- ამბობს ძაგნიძე.
სპეციალური ბრიფინგი საქართველოს საპატრიარქოში
გიგრძნიათ ოდესმე, რომ ზურგზე უხილავი ზურგჩანთა გაწევთ? თითქოს, ყველაფერი რიგზეა, თუმცა შინაგან სიმძიმეს მაინც გრძნობთ. ეს არის საკუთარი თავისთვის მიცემული და შეუსრულებელი პირობები, მცდარი არჩევანი, ადამიანები, რომელთაც სითბო ან გულწრფელობა დააკელით. 2026 წლის გაზაფხულის მიწურულს ზოდიაქოს სამ ნიშანს ამ ტვირთის მოხსნისა და ზედმეტი სიმძიმისგან გათავისუფლების იშვიათი შესაძლებლობა მიეცემა.
11-დან 31 მაისამდე პერიოდს განსაკუთრებული ყურადღება მიაქციეთ. სწორედ ამ დღეებში კუროს, მერწყულისა და მშვილდოსნისთვის საჭირო გასაღები იმალება. ცვლილებებს სხვა ნიშნებიც იგრძნობენ, თუმცა ეს სამეული სამყაროსთან “ძველ საუბარს” საბოლოოდ დაასრულებს. ყოველგვარი პათოსისა და ხმამაღალი სიტყვების გარეშე, ისინი უბრალოდ ამოისუნთქებენ და შვებას იგრძნობენ.
კურო: აპატიეთ საკუთარ თავს წარსულის შეცდომები
თქვენ, კუროები, დაგროვებას ხართ ჩვეულნი. ეს არა მხოლოდ ფულს, არამედ წყენას, დანაშაულის გრძნობასა და ფიქრებს – “სხვანაირად უნდა მოვქცეულიყავი” ეხება. 2026 წლის მაისი ამ ჩვევას დაგარღვევინებთ. 16 მაისს, კუროს ნიშანში ახალმთვარეობაა, რაც მომდევნო ექვსი თვისთვის ახალ პროგრამას აყალიბებს. თუმცა, ახლის ასაშენებლად ადგილის გათავისუფლებაა საჭირო.
იქამდე, 14 მაისს, მზე და მერკური კუროს ნიშანში ხვდებიან. ეს საკუთარ თავთან გულწრფელი საუბრის ტოლფასია. თქვენ მოულოდნელად გააცნობიერებთ: ვალს, რომელსაც ატარებდით, სინამდვილეში მხოლოდ საკუთარი თავისგან ითხოვდით. ძველი ვალები ხშირად სწორედ ასე – დაუსრულებელ შინაგან პროცესებად გვევლინება.
18 მაისს კუროს ნიშანში მარსი შედის და იქ დიდხანს რჩება, რაც თქვენ შეუპოვარ ძალას შეგმატებთ. თუმცა, 26 მაისს მარსისა და პლუტონის კვადრატურის გამო სიფრთხილე გმართებთ. შესაძლოა, ვინმემ კონფლიქტში ჩათრევა, წარსული შეცდომების შეხსენება ან დანაშაულის გრძნობით მანიპულირება სცადოს. პროვოკაციას ნუ აჰყვებით. თქვენი ამოცანა სხვებთან ბრძოლა კი არა, საკუთარ წარსულთან შეთანხმებაა.
გაზაფხულის ბოლომდე ვალის გასტუმრება კუროსთვის საკუთარი თავის დასჯის შეწყვეტას ნიშნავს. 16 მაისის ახალმთვარეობა მადლიერების რიტუალისთვის საუკეთესო დროა: ფურცელზე ის სამი შეცდომა დაწერეთ, რომელთა გამოც თავს დღემდე სჯით, და დაწვით. სამყარო თქვენს ხმას აუცილებლად გაიგონებს.
მერწყული: დაიბრუნეთ თავისუფლება
თქვენ იმდენად დიდხანს ამტკიცებდით დამოუკიდებლობისა და თავისუფლების სურვილს, რომ ხშირად მართლაც ახლობელ ადამიანებს კარგავდით. 2026 წლის გაზაფხულის მიწურული ყველა კითხვას პასუხს გასცემს.
19 მაისს მერკურისა და პლუტონის ტრინი იმ საუბრის საშუალებას მოგცემთ, რომელსაც წლებია, აჭიანურებთ. პლუტონი ახლა მერწყულის ნიშანში იმყოფება და ეს პროცესი ქირურგიულ ჩარევას ჰგავს.
26 მაისს ორმაგი გავლენა გელოდებათ. ერთი მხრივ, მარსისა და პლუტონის კვადრატურაა, რა დროსაც შესაძლოა ვინმემ თქვენი რესურსის – დროის, ფულის ან თავისუფლების მითვისება სცადოს. მეორე მხრივ, მზისა და პლუტონის ტრინი განახლების მძლავრ ნაკადს წარმოშობს. თქვენ მიხვდებით, რომ ბედის ძველი ვალი, რომელსაც წლების განმავლობაში იხდიდით, მხოლოდ გაუგებრობის ჩვევა იყო.
31 მაისის სავსემთვარეობა მშვილდოსანში თქვენს წარმოდგენებს რადიკალურად შეცვლის. აღმოჩნდება, რომ თქვენ უკვე ყველაფერი გაეცით. როგორ უნდა გაისტუმროთ ვალი მაისის ბოლომდე? შეწყვიტეთ იმათი გადარჩენა, ვისაც ეს არ უთხოვია. თქვენი ნამდვილი თავისუფლება იქაა, სადაც “არას” თქმას ახსნა-განმარტების გარეშე შეძლებთ…ვრცლად
2026 წლის მარტში, წინა წლის იმავე პერიოდთან შედარებით, თბილისში საცხოვრებელი ბინები 4.7%-ით გაძვირდა, – ამის შესახებ კვლევითი ორგანიზაცია „ქოლიერსის“ ბაზრის მიმოხილვიდან ირკვევა .
უფრო კონკრეტულად, კვლევის მიხედვით, მიმდინარე წლის მარტში დედაქალაქში 1 კვ.მ ბინის ფასი საშუალოდ 1 244 დოლარის ფარგლებში მერყეობდა. ეს კი მაშინ, როცა 2025 წლის მარტში 1 კვ.მ-ის ფასი 1 188 დოლარს შეადგენდა.
„2026 წლის მარტში თბილისში ახალაშენებული ბინების საშუალო შეწონილი გასაყიდი ფასი 2025 წლის მარტთან შედარებით 10.9%-ით გაიზარდა გარეუბნებში, 7.4%-ით – ფართო ცენტრში, ხოლო ქალაქის ცენტრში 0.4%-იანი კლება დაფიქსირდა, რაც გამოწვეულია ქალაქის ცენტრში შედარებით დაბალი ფასის მქონე უბნის წილის ზრდით.
ქალაქის მასშტაბით პირველადი ტრანზაქციების საშუალო შეწონილი ფასის ზრდამ 4.2% შეადგინა. მეორეულ ბაზარზე კი საშუალო შეწონილი ფასი ქალაქის მასშტაბით 3.9%-ით გაიზარდა”, – აღნიშნულია პუბლიკაციაში.
დერმატოლოგი, ვერიკო აბრალავა სოციალურ ქსელში მშობლების თანხმობით, 14 წლის გოგონას ისტორიას გვიზიარებს, სადაც მოზარდი გვიამბობს, თუ რა პრობლემები შეუქმნა მის ჯანმრთელობას ე.წ. შილაკის გამოყენებამ.
„მქონდა ტკივილები, სამწუხაროდ ერთი „შილაკის“ გამო მომიწევს, რომ რენტგენებზე ვიარო და ვიმკურნალო თითებზე…“ – ამბობს 14 წლის გოგონა.
ნახეთ ვიდეო:
გუშინ გლდანში მომხდარი ავტოსაგზაო შემთხვევას ახალგაზრდა ქალის, ლალი პაპიაშვილის სიცოცხლე ემსხვერპლა.
სამსახურიდან სახლში მიმავალ ახალგაზრდა ქალს მანქანა ტროტუარზე დაეჯახა. მისი გადარჩენა ფაქტის თვითმხილველებმა და ტრაგედიის ადგილზე მისულმა სასწრაფოს ბრიგადამ სცადა, მაგრამ სამწუხაროდ ვერ მოხერხდა.
მომხდარზე გამოძიება სსკ-ის 276-ე მუხლით არის დაწყებული, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. როგორც ფაქტის თვითმხილველები ამბობენ, მძღოლი დიდი სიჩქარით მოძრაობდა, მანქანა ჯერ ავტომობილს დაეჯახა, მერე ტროტუარზე მყოფ ახალგაზრდა ქალს. ამ ფაქტს გარდაცვლილი ქალის თანამშრომლებიც შეესწრნენ, ისინი ერთად გამოვიდნენ სამსახურიდან და სახლებში მიდიოდნენ. ძალიან უჭირთ ფაქტის თვითმხილველებს მომხდარზე საუბარი.
“მსუბუქი ავტომობილი ტროტუარზე ავარდა და ქვეითად მოსიარულე ქალს დაეჯახა. მძღოლი “ბასლაინზე” მოქროდა გიჟივით, ჯერ სხვა მანქანას დაეჯახა, მერე ავარდა ტროტუარზე, საშინელება იყო ამ კადრების ნახვა. მთელი ღამე ამ გოგოს საცოდაობაზე და მის ოჯახზე მეფიქრებოდა. სამსახურიდან გამოვიდა, იქვე “კარფურში” მუშაობდა თურმე. 2 მეტრის მოშორებით მოდიოდა თანამშრომლებთან და ეს ტრაგედია დატრიალდა. მძღოლი ძალიან ახალგაზრდა იყო, ალბათ – სრულწლოვანი, მაგრამ რომ შეხედავდი, ძალიან ბავშვური. ცდილობდნენ გოგოს გადარჩენას. ხელოვნურ მასაჟს უტარებდნენ კარგა ხანს, რომ გული აემუშავებინათ, მაგრამ ვერ გადაარჩინეს. თქვეს რომ დაოჯახებულია, ძალიან კარგი ოჯახი ჰქონდაო და ასე დააობლეს მისი შვილები. ვუსამძიმრებ ოჯახს. საუბარიც მიჭირს, მიკანკალებს ახლაც მთელი ორგანიზმი”, – ამბობს ჩვენთან საუბარში ფაქტის თვითმხილველი.
ლალი პაპიაშვილი “კარფურში” მუშაობდა, მას ყველა დადებითად ახასიათებს. ამბობენ, რომ სიცოცხლით სავსე გოგო იყო.
“სულ გაღიმებული სახით შეგხვდებოდა. ძალიან თბილი, კეთილი, მშვიდი, წყნარი, გაწონასწორებული გოგო იყო. არაჩვეულებრივი ოჯახის დედა. არ ვიცი, მასზე წარსულში როგორ უნდა ვილაპარაკო. ეს რა გავიგე, ამის დაჯერება მიჭირს. სახლამდე ვერ მიაღწია. როგორ საშიშია ქუჩაში გადაადგილებაც კი. ტროტუარზე იდგა და იქ მოუსწრაფა სიცოცხლე”, – ამბობს ახლობელი.
“გუშინ, ასე, 9 საათი იქნებოდა, სამსახურში შევუარე. კარგა ხანს ვსაუბრობდით, გავიხსენეთ ჩვენ შვილებთან ერთად განვლილი წლები. სულ კადრებად მიტრიალებს მისი თვალები, ახლა გული მიკვდება, სიტყვებს ვერ ვპოულობ. რატომ ღმერთო, რატომ?”, – წერს სოციალურ ქსელში მომხდარით შეძრული ახლობელი.
“კვირის პალიტრა” სამძიმარს უცხადებს მის ოჯახს მომხდარი ტრაგედიის გამო. ფაქტზე გამოძიება დაწყებულია.
თეა ხურცილავა
(სპეციალურად საიტისთვის)
