ეზოთერიკოსი გოგა მანია საზოგადოებას აფრთხილებს. ის ეგზორციზმის საკითხზე საუბრობს.
მისი თქმით, ადამიანები განსაკუთრებული ყურადღებით უნდა მოეკიდონ იმას, თუ ვის მიმართავენ დახმარებისთვის.
„კიდევ ერთი გაფრთხილება: ძალიან ფრთხილად იყავით, ვისთან მიდიხართ და ვის ენდობით. ქალებს ეგზორციზმის ჩატარება არ შეუძლიათ, ამიტომ კარგად დაფიქრდით, სანამ ასეთ ადამიანებს მიმართავთ“, – განაცხადა გოგა მანიამ.
მოკლული მასწავლებლის, გიგა ავალიანის დედა, ეკა კუპატაძე აცხადებს, რომ იმნაძის ბებიის მიერ გასაჯაროებული მიმოწერის შესახებ მისთვის დიდი ხანია ცნობილი იყო. მისი განმარტებით, აღნიშნული მიმოწერა ვითარებას არ ცვლის, ვინაიდან ნია იმნაძეს უშუალოდ მკვლელობას არავინ ედავებოდა, ბრალდება სწორედ დანაშაულის წაქეზებას ეხება.
ეკა კუპატაძის შეფასებით, ის, რაც საქმის მასალებშია ასახული, წარმოუდგენელი და დაუჯერებელია.
„ათმა არასრულწლოვანმა 4 დღეში დაგეგმა და ჩაიდინა მკვლელობა. თქვენზე მეტად მე მიკვირის. უფრო მეტად მიკვირს, რაც დევს საქმის მასალებში. მკვლელობისთანავე, როგორც კი ტაქსიში ჩაჯდა გაბაშვილი, დროის სიზუსტით გეუბნებით, მაშინვე წერს ანი ნასყიდაშვილს [შეტყობინებები] წაშალე.
ტრაგედიამდე ალექსანდრე გაბაშვილი ChatGPT-ის აწვდის თავისი ელექტროშოკის ინფორმაციებს და ეუბნება გათიშავს თუ არა პიროვნებას, თან ეუბნება, დაივიწყე რაც გითხარი. ხალხო, ჩვენ საქმე გვაქვს ჩამოყალიბებულ კრიმინალებთან. მე რა, რომ იყვნენ 17 წლის ბიჭები? ფაქტია, თქვენ ნახეთ მათი ძალადობის კადრები, მათ დარტყმის ტექნიკებიც იციან“, – განაცხადა მოკლული მასწავლებლის, გიგა ავალიანის დედამ ეკა კუპატაძემ, „TV პირველთან“.
ეზოტერიკოსი თამუნა იოსელიანი სოციალურ ქსელში ავრცელებს რეკომენდაციას, რომლის თანახმად, 12 აგვისტომდე შესრულებული სიმბოლური რიტუალი, ფინანსური კეთილდღეობისკენ მიმართული განზრახვის გაძლიერებასა და ცხოვრების ახალი ეტაპის დაწყებას უწყობს ხელს.
„გააკეთეთ ეს 12 აგვისტომდე – გახსენით გზა კეთილდღეობისკენ! ეზოტერულ ტრადიციაში პლანეტარული ახალი წლის პერიოდი განახლებისა და ცხოვრების ახალი სცენარის არჩევის დროდ მიიჩნევა. ახლა კარგი დროა, გადახედოთ თქვენს დამოკიდებულებას ფულის მიმართ და გაათავისუფლოთ ის შეზღუდვები, რომლებიც წინსვლაში ხელს გიშლით.
რიტუალი დაფნის ფოთლით:
აიღეთ გამხმარი დაფნის ფოთოლი და ხელისგულებს შორის მოიქციეთ. წარმოიდგინეთ, როგორ რჩება ფინანსური სირთულეები წარსულში, ხოლო თქვენს წინ ახალი შესაძლებლობები იხსნება. სამჯერ ჩურჩულით წარმოთქვით:
„მზის ნათელი ოქროს შობს, კეთილდღეობას ჩემს სახლში ამრავლებს. ფული მოდის, სიკეთე მოაქვს, ჩემს სახლში რჩება და ყოველდღე იზრდება!“
ფრთხილად დაწვით დაფნის ფოთოლი არაწვად ჭურჭელზე, ხოლო გაციებული ფერფლი გარეთ, ქარში გაფანტეთ. უსაფრთხოების მიზნით: დაიცავით ხანძარსაწინააღმდეგო წესები და ცეცხლი უყურადღებოდ არ დატოვოთ.
განამტკიცეთ თქვენი განზრახვა რეალური მოქმედებით: გადადეთ თქვენთვის კომფორტული თანხა, გააუქმეთ არასაჭირო გამოწერა ან გადადგით ერთი ნაბიჯი დამატებითი შემოსავლისკენ“, – წერს თამუნა იოსელიანი.
მოკლული მასწავლებლის საქმის პროკურორის, ქეთევან სონიძის განცხადებით, საქმეზე მოპოვებულ ფარულ ჩანაწერებში ნია იმნაძისა და მისი მამის, ვალერ იმნაძის, საუბარია ასახული, სადაც ისინი ალექსანდრე გაბაშვილის მიერ ჩადენილ დანაშაულს განიხილავენ.
სონიძის განმარტებით, ჩანაწერში ვალერ იმნაძე შვილს ეუბნება, რომ ბრალდებულს აღნიშნული ქმედება არ უნდა ჩაედინა და არასწორად მოიქცა.
მისივე თქმით, ნია იმნაძე პასუხობს, რომ სხვა გამოსავალი არ არსებობდა და აღნიშნავს, რომ გადაწყვეტილებების მიღების თანამედროვე მიდგომა განსხვავდება უფროსი თაობის ხედვისგან, რის გამოც მამა-შვილს შორის კამათი მიმდინარეობს.
„ფარული ჩანაწერები მიმდინარე წლის თებერვალში მოვიპოვეთ. თუმცა მანამდე, ოქტომბრის თვეშიც განხორციელდა ფარული საგამოძიებო მოქმედებები, თუმცა მაშინ, არაინფორმაციული აღმოჩნდა, უბრალოდ არ გაჟღერდა ეს ინფორმაცია და ვერ მოვიპოვეთ.
საუბარი მიმდინარეობს ნია იმნაძესა და მამამის, ვალერ იმნაძეს შორის, თუმცა იქ ოჯახის სხვა წევრებიც იმყოფებიან. განიხილავდნენ როგორ ჩაიდინა დანაშაული ალექსანდრე გაბაშვილმა. ნიას მამა ამბობს, რომ ეს არ უნდა გაეკეთებინა და არასწორად მოიქცა. თუმცა მამას ეუბნება, რომ სხვანაირად ვერ მოიქცეოდა, რომ თანამედროვე ეპოქაში სხვანაირად ხდება გადაწყვეტილებების მიღება და ის არის ძველი თაობის წარმომადგენელი. მოკლედ, მამა-შვილს შორის კამათი მიმდინარეობს. მიმდინარეობს ნია იმნაძის მიერ თავისი აზრის გამოხატვა. ასევე, დემონსტრირებას ახდებს, რომ ის არა მხოლოდ ეთანხმება იმას, რაც მოხდა, არამედ …“, – განაცხადა პროკურორმა.
ამასთან, სონიძემ აღნიშნა, რომ საქმისთვის მნიშვნელოვანი ინფორმაციის მისაღებად „მეტას“ კვლავ მიმართეს და ამ დრომდე კომპანიის პასუხს ელოდებიან შუამდგომლობაზე.
„მეტადან“ ისევ ველოდებით შუამდგომლობაზე პასუხს“,- განაცხადა პროკურორმა.
საქართველოს ელექტროენერგეტიკული სისტემის სრული გათიშვა ენგურჰესის აგრეგატებზე მიმდინარე დაგეგმილ ტესტირებას უკავშირდება.
ენერგეტიკისა და წყალმომარაგების მარეგულირებელი კომისიის წევრის, გიორგი ფანგანის განცხადებით, ამ ეტაპზე მიმდინარეობს მომხდარის დეტალური ანალიზი ავარიის ზუსტი მიზეზების დასადგენად.
„მინდა, გაცნობოთ, რომ დღეს სახელმწიფო ელექტროსისტემა ენგურჰესის აგრეგატებზე აწარმოებდა დაგეგმილ ტესტირებას, რომლის მიზანი იყო 24 და 25 ივლისის ავარიების გათვალისწინებით სისტემაში არსებული სუსტი წერტილების გამოვლენა და შეფასება.
ტესტირების ფარგლებში, სხვა ღონისძიებებთან ერთად, გათვალისწინებული იყო საქართველოს ელექტროენერგეტიკული სისტემის იზოლირებულ რეჟიმში მუშაობაც. აღნიშნული რეჟიმი დაკავშირებული იყო მნიშვნელოვან ტექნიკურ რისკებთან, მათ შორის, ელექტროენერგეტიკული სისტემის სრულად გათიშვის შესაძლებლობასთან.
როგორც უკვე ცნობილია, ტესტირების მიმდინარეობისას მოხდა საქართველოს ელექტროენერგეტიკული სისტემის სრულად გათიშვა. ამ ეტაპზე მიმდინარეობს მომხდარის დეტალური ანალიზი და შესაბამისი შეფასება, რათა დადგინდეს ავარიის ზუსტი მიზეზები და შემდგომში თავიდან იქნეს აცილებული მსგავსი შემთხვევების განმეორება“,- წერს გიორგი ფანგანი სოციალურ ქსელში.
გეგმური სარეაბილიტაციო სამუშაოების გამო „ენერგო-პრო ჯორჯიას“ ქსელში არსებული აბონენტების ნაწილს ელექტროენერგიის მიწოდება შეეზღუდება.
კომპანიის ცნობით, გამანაწილებელ ქსელში დაგეგმილი სარეაბილიტაციო სამუშაოების გამო 6 აგვისტოს 10:00-დან 11:10 საათამდე და 18:00-დან 18:10 საათამდე ელექტროენერგიის მიწოდება დროებით შეეზღუდებათ მომხმარებლებს მცხეთის მუნიციპალიტეტის სოფლებში საგურამო, ახალსოფელი, არაშენდა, გალავანი, წილკანი, კოტორაანთკარი, ბიწმენდი და მიმდებარე სოფლებში. 11:00-დან 19:00 საათამდე – აბონენტებს სოფლებში მუხრანი, ქანდა, პატარა ქანდა და მიმდებარე სოფლებში.
10:30-დან 18:30 საათამდე ენერგომომარაგება შეუწყდებათ აბონენტებს დუშეთის რაიონის სოფლებში ჩარგალი, კაწალხევი, გველეთი, გოგოლაურთა, ბარისახო, ჯაღმიანი, ზაქათკარი, ხადა, კაიშაურნი, ჭართალი და მიმდებარე სოფლებში.
სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.
ნაძალადევის რაიონში, ლოტკინზე, სვირის ქუჩაზე ხანძარია. ადგილობრივის ინფორმაციით ცეცხლი სახლს გაუჩნდა. ადგილზე მობილიზებულია სახანძრო-სამაშველო ტექნიკა.
ქუთაისის ავტობანზე ავარია მოხდა – ერთმანეთს ევაკუატორი და მიკროავტობუსი შეეჯახა. მთავარის ინფორმაციით, შემთხვევის შედეგად 1 ადამიანი დაიღუპა, 2 კი დაშავდა.
შინაგან საქმეთა სამინისტრომ მომხდარზე გამოძიება სსკ-ის 276-ე მუხლით დაიწყო, რაც ტრანსპორტის მოძრაობის ან ექსპლუატაციის უსაფრთხოების წესების დარღვევას გულისხმობს
2009 წლის 17 ივლისს ქვემო ფონიჭალა – შემზარავი ამბის მოწმე გახდა – 7 წლის ბიჭის გატაცებისა და სასტიკი მკვლელობისთვის ჯემალ სამადაშვილი დააკავეს.
როგორც გაირკვა, პოლიციელმა ბავშვი საკუთარი კორპუსის ეზოდან გაიტაცა და გადამალვის მიზნით გარდაბნის რაიონის სოფელ მუხრანთელეთის მიმდებარე ტერიტორიაზე წაიყვანა.
დაკარგვიდან ერთ საათში გამტაცებელი ბავშვის მამას ტელეფონით დაუკავშირდა და გამოსასყიდი თანხა – 10.000 დოლარი მოითხოვა, თან გააფრთხილა, რომ სამართალდამცველებს ინფორმაციას თუ მიაწვდიდა, შვილს ცოცხალს ვეღარ ნახავდა. მუქარის მიუხედავად, ოჯახის წევრებმა მისი მოთხოვნა არ შეასრულეს, რის შემდეგაც გამტაცებელმა ბავშვი სასტიკად აწამა და მოკლა, გვამის მოშორება კი თავის 17 წლის ვაჟს, კახას დაავალა.
ჯემალ სამადაშვილი იმავე ღამეს დააკავეს. სასამართლომ გატაცებისა და სასტიკი მკვლელობის ჩადენისთვის პოლიციელს თავისუფლების უვადოდ აღკვეთა მიუსაჯა,- არასრულწლოვან კახა სამადაშვილს კი მძევლად ხელში ჩაგდებისა და ნარკოტიკული საშუალების განსაკუთრებით დიდი ოდენობით შეძენა-შენახვის ბრალდებით 12 წლით პატიმრობა შეუფარდა. აღშფოთებული მეზობლები და ახლობლები სამადაშვილის ლინჩის წესით გასამართლებას ითხოვდნენ.
ბიჭის მშობლებისთვის დღემდე გაურკვეველია, რატომ მოკლეს მათი ერთადერთი შვილი. ოფიციალური ვერსიით, ბავშვი ფულის გამოძალვის მიზნით გაიტაცეს, მაგრამ რეალურად მკვლელობის მოტივს პასუხი ვერ გაეცა.
43 წლის ჯემალ სამადაშვილისა და მისი მსხვერპლის ოჯახი გვერდიგვერდ სადარბაზოში ცხოვრობდნენ. იმ პერიოდში სამადაშვილი მეცნიერებათა აკადემიის დაცვის თანამშრომელი იყო. მკვლელობის მოტივად ანგარიშსწორება გამოირიცხა, ფულის გამოძალვის მიზნით ბავშვის გატაცებაც თითქმის დაუჯერებელი ვერსია იყო, რადგან ბიჭის მშობლები ხელმოკლედ ცხოვრობდნენ. გამოძიებამ სხვა ორ ვერსიაზეც იმუშავა, კერძოდ, სამადაშვილი მანიაკი იყო ან ბავშვის მკვლელობა რიტუალური მოტივით მოხდა.
2026 წლის მოახლოებასთან ერთად, სოციალურ ქსელებში აქტიურად ვრცელდება ფრანგი წინასწარმეტყველის, ნოსტრადამუსის, თითქმის 470 წლის წინ დაწერილი იდუმალი ჩანაწერების ახალი ინტერპრეტაციები. ვირუსული განხილვები გლობალურ კონფლიქტებს, გეოპოლიტიკურ ცვლილებებსა და შესაძლო კატასტროფებს პროგნოზირებს, თუმცა ექსპერტები ხაზგასმით აღნიშნავენ, რომ ეს ტექსტები სიმბოლურია და არ ეფუძნება სამეცნიერო მტკიცებულებებს.
განსაკუთრებული ყურადღება ექცევა რამდენიმე ოთხკუთხედს, სადაც ნახსენებია 26 წელი, „ფუტკრების უზარმაზარი გროვა“ და „სისხლით სავსე მიწები“. თანამედროვე ანალიტიკოსები ფუტკრებს არა პირდაპირ მოვლენად, არამედ მეტაფორად განიხილავენ – ზოგი ამას ძლიერ პოლიტიკურ ძალას ან მასობრივ სოციალურ მოძრაობებს უკავშირებს, სხვები კი სამხედრო ან ტექნოლოგიურ სიმბოლოდ აღიქვამენ.
ნოსტრადამუსის ლექსების ნაწილი ინტერპრეტირდება როგორც გლობალური დაძაბულობის ზრდის ან ძალაუფლების დასავლეთიდან აღმოსავლეთისკენ გადაადგილების მინიშნება. არსებობს მოსაზრება, რომ საუბარი შეიძლება არა სამხედრო ომზე, არამედ ტექნოლოგიურ და ეკონომიკურ კონკურენციაზე — განსაკუთრებით ხელოვნური ინტელექტის სწრაფ განვითარებაზე აზიის ქვეყნებში.
ერთ-ერთი ყველაზე შემაშფოთებელი ინტერპრეტაცია ეხება „დიდი ფიგურის უეცარ დაცემას“, რასაც ზოგი 2026 წელს მნიშვნელოვანი მსოფლიო ლიდერის მოულოდნელ სიკვდილად ან მკვლელობად განიხილავს.
მიუხედავად ფართო საზოგადოებრივი ინტერესისა, მკვლევრები და მეცნიერები მოუწოდებენ მკითხველს, ნოსტრადამუსის წინასწარმეტყველებები აღიქვან კულტურულ და ისტორიულ კონტექსტში და არა როგორც მომავლის სანდო პროგნოზი.
ასევე იხილეთ: ლოცვა, რომელიც ნათლისღების წინა დღეს უნდა წაიკითხოთ
წყარო: primetime.ge
