Author: admin

ჩინეთში ძლიერი მიწისძვრა მოხდა.

ბიძგების ეპიცენტრი, რომლის სიმძლავრემაც 5.29 მაგნიტუდა შეადგინა სიჩუანის პროვინციაში იყო.

გერმანიის გეომეცნიერებების კვლევითი ცენტრის (GFZ) ცნობით, მიწისძვრა 10 კილომეტრის (6.21 მილი) სიღრმეზე მოხდა.

რამდენიმე თვეში 60 წელს გადაცილებული ადამიანების ზოგი საბანკო გადარიცხვა გარკვეული დროით შეიზღუდება. ახალი წესი ეროვნულმა ბანკმა 14 აპრილს მიიღო.

საბარათე ოპერაციებზე ცვლილება 2026 წლის 1 სექტემბრიდან ამოქმედდება, სხვა ელექტრონული გადახდის ოპერაციების შემთხვევაში კი 2027 წლის 1 მაისიდან.

რა იცვლება კონკრეტულად?

ბანკები დროებით შეაჩერებენ იმ საბანკო გადარიცხვებს, რომლებიც შეეხება სავარაუდო მაღალი რისკის (თაღლითურ) ოპერაციებს.

რისკიანად ჩაითვლება ოპერაცია, რომლითაც გათვალისწინებულია 500 ლარზე მეტი თანხის გაცემა:

ან ონლაინ სავაჭრო (ე.წ. „ფორექსის“) პლატფორმაზე;
ან საინვესტიციო მიზნით;
ან სათამაშო ბიზნესში;
ან ვირტუალურ აქტივებთან;
ან გამოიხატება „უჩვეულო ქცევა“.

რა მოხდება რისკის აღმოჩენის შემთხვევაში?

ეროვნული ბანკი პროვაიდერს ავალდებულებს, დაუკავშირდეს კლიენტს და დაეხმაროს „ინფორმაციის უკეთ გაანალიზებაში“, „რითაც შემცირებული იქნება თაღლითების მანიპულაციის ქვეშ მომხმარებლის მიერ ოპერაციების განხორციელების რისკი“.

„მომხმარებელს მის მიერ რისკიანი ან/და საეჭვო ტრანზაქციის ინიციირების შემდეგ 48 საათი ექნება იმისთვის, რომ მომხმარებელმა მიიღოს საბოლოო გადაწყვეტილება ტრანზაქციის განხორციელების შესახებ და აღნიშნული დაუდასტუროს მომსახურების პროვაიდერს“, – ამბობენ ეროვნულ ბანკში.

“მოწყდა კონსტრუქცია და თავში დაეცა … ძალიან მძიმედაა …” – ამის შესახებ ადგილობრივებმა “Tv პირველთნ” 14 წლის მოზარდის შესახებ ჰანაცხადეს, რომელსაც

სკვერში საქანელას რკინის კონსტრუქციები დაეცა მოიყოლა.

მომხდართან დაკავშირებით, ინფორმაცია დღეს ნაძალადევის რაიონის გამგეობამ ავრცელა.

“გაცნობებთ, რომ მიმდინარე წლის 22 ივნისს, ლოტკინის დასახლებაში, კიშინიოვის ქუჩაზე არსებულ რეკრეაციულ სივრცეში, ადგილი ჰქონდა გაუფრთხილებელი მოპყრობის შედეგად ატრაქციონის დაზიანების ფაქტს, რის

გამოც სხეულის დაზიანებები მიიღო ერთ-ერთმა მოზარდმა. მყარი კონსტრუქცია სკვერში განთავსებული იყო ყველა სტანდარტის დაცვით, რაც გულისხმობს ე.წ. დაანკერებას და იგი არ წარმოადგენდა არანაირ საფრთხეს იქ მყოფთათვის. თვითმხილველთა თქმით, ატრაქციონით

სარგებლობდა რამდენიმე მოზარდი, რომლებმაც დააზიანეს კონსტრუქცია და წაქცეული ატრაქციონი მოპირდაპირე მხარეს მჯდომ მოზარდს დაეცა. ბავშვის სიცოცხლეს საფრთხე არ ემუქრება, თუმცა მან მიიღო მძიმე დაზიანებები. ნაძალადევის რაიონის გამგეობა მუდმივ

კომუნიკაციაშია ოჯახთან და მათ გაეწიათ შესაბამისი დახმარება. საქმეზე მიმდინარეობს გამოძიება, რომელმაც პასუხი უნდა გასცეს ყველა სავარაუდო კითხვას. მოვუწოდებთ ყველას, გაუფრთხილდნენ, როგორც საკუთარ, ისე სხვების ჯანმრთელობას, ნუ დააზიანებენ სკვერებსა და

ბაღებში არსებულ ინფრასტრუქტურას, ნუ შეუქმნიან საფრთხეს გარშემომყოფებს,” – ნათქვამია განცხადებაში.

ილია თოფურიას ფიზმომზადების მწვრთნელი, ხესუს გალიო, SerEbro EnlosDeportes პოდკასტის სტუმარი იყო. გალიომ „ელ მატადორის“ ჯანმრთელობის მდგომარეობაზე ისაუბრა.

„გამოჯანმრთელების პროცესი ყველა მებრძოლთან მიმართებით სხვადასხვანაირია. ყველა ორგანიზმი განსხვავებულად რეაგირებს. ფიზიკურად, რაც საკუთარი თვალით ვნახე, შემიძლია გითხრათ, რომ ილია საერთოდ სხვა ადამიანივით გამოიყურება. რა თქმა უნდა, დისკომფორტს გრძნობს, მაგრამ უკვე ისე გამოიყურება, თითქოს საერთოდ არ უჩხუბია. სახეზე ის ადგილები, რომლებიც დასიებული ჰქონდა, სრულად ჩაუცხრა.

დალურჯებებიც აღარ აქვს. სახეზე დისკომფორტი და მომატებული მგრძნობელობა კვლავ აწუხებს, მაგრამ მას ყოველდღე ვხედავ და შემიძლია ვთქვა, რომ გამოჯანმრთელებული ადამიანივით გამოიყურება. თვალბუდის ძვლის მოტეხილობა? ექიმმა გვითხრა, რომ ძვალი 6-8 კვირაში სრულად აღდგება, რადგან თვალბუდის ძვლის მოტეხილობა ფრაგმენტების გადანაცვლების (ცდომის) გარეშეა (ეს ნიშნავს, რომ ძვალმა დაკარგა თავისი მთლიანობა, მაგრამ მისი ანატომიური ფორმა და გეომეტრია არ დარღვეულა). ძვალი 6-8 კვირაში თავისით აღდგება, რის შემდეგაც გარკვეული დრო იქნება საჭირო, რათა იგი სრულად გამყარდეს. საუბარი დაახლოებით 2-3 თვეზეა“.

შეგახსენებთ, რომ თოფურიას ქირურგიული ჩარევა არ დასჭირდა და საავადმყოფოდან მალევე გაწერეს. გალიოს თქმით, თუ ორგანიზაციისგან შეთავაზება მიიღო, შესაძლოა, ილიამ ჩხუბი წლის ბოლოს შეძლოს.

 მდინარეში დაღუპული 8 წლის ინგუში ბავშვის ცხედრის პოვნის შემდეგ, 19 წლის მოხალისეს გული გაუჩერდა და გარდაიცვალა | ინფორმაციას ადგილობრივი მედია ავრცელებს. 19 წლის მოხალისე დაღესტნიდან იყო.  8 წლის ხიზირ დერბიჩევს 20 000-ზე მეტი ადამიანი რამდენიმე დღის განმავლობაში ეძებდა. მიმდინარე წლის 15 ივნისს ნაზრანის რაიონის სოფელ იანდარეში 8 წლის ბიჭი ორ მეგობართან ერთად მდინარის პირას იმყოფებოდა, როდესაც ერთ-ერთი ბიჭი დინებამ წაიღო. ხიზირ დერბიჩევი კი მდინარეში გადახტა და მეგობარი გადაარჩინა, თუმცა ის თავად ძლიერმა დინებამ გაიტაცა.

საქართველოში მიწისძვრა მოხდა. მიწისძვრის სიმძლავრემ 4.4 მაგნიტუდა შეადგინა.

დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის პირველადი მონაცემებით, მიწისძვრის ეპიცენტრი ამბროლაურის დასავლეთით შვიდ კილომეტრში, სოფელ ხონჭიორში იყო.

ბიძგები თბილისის დროით 08:07 საათზე დაფიქსირდა.

ცნობილი ქუთაისელი  ექიმი – ნევროლოგი გოგა დევდარიანი გარდაიცვალა. სამწუხარო ინფორმაციას სოციალურ ქსელში „თანამედროვე სამედიცინო ტექნოლოგიების დასავლეთის რეგიონალური ცენტრი“ ავრცელებს.

ცენტრი მწუხარებას გამოთქვამს და უსამძიმრებს ოჯახს, კოლეგებს და საზოგადოებას.

„ღრმა მწუხარებას გამოვთქვამთ ექიმ – ნევროლოგის, გოგა დევდარიანის გარდაცვალების გამო.

ბატონი გოგა ჩვენი კლინიკის ყოფილი თანამშრომელი იყო, პროფესიონალი ექიმი, ღირსეული კოლეგა და კეთილშობილი ადამიანი, რომელმაც თავისი ცოდნით, გამოცდილებითა და ადამიანური დამოკიდებულებით მნიშვნელოვანი კვალი დატოვა როგორც კოლეგების, ისე პაციენტების გულებში.მისი პროფესიული საქმიანობა და ადამიანური ღირსებები ყოველთვის დარჩება ჩვენს მეხსიერებაში.

თანაგრძნობას გამოვთქვამთ და ვიზიარებთ ამ დიდ ტკივილს მისი ოჯახის წევრების, ახლობლების, მეგობრებისა და კოლეგების მიმართ. ვუსამძიმრებთ გარდაცვლილის ოჯახს და ნათესავებს. გოგა დევდარიანის ნათელი ხსოვნა მარადიულად დარჩება ჩვენს გულებში“,- ნათქვამია სამძიმრის წერილში.

ინგლისელი ფეხბურთელი ბილი ვიგარი 21 წლის ასაკში გარდაიცვალა. ახალგაზრდა მოთამაშემ უდიდესი დრო არსენალის ახალგაზრდულ გუნდებში გაატარა, ბოლოს კი ინგლისის ქვედა დივიზიონის გუნდ ჩიჩესტერ სიტიში ასპარეზობდა, სწორედ აღნიშნულმა გუნდმა გაავრცელა ეს სამწუხარო ინფორმაცია.

აღნიშნულ დაპირისპირებაში თამაში მე-15 წუთზე შეწყდა, რადგან 21 წლის ფეხბურთელმა მძიმე დაზიანება მიიღო და შემთხვევის შედეგად ის სასწრაფოდ საავადმყოფოში გადაიყვანეს, რადგან ხელოვნურ კომაში იმყოფებოდა. მომხდარის შემდეგ ფეხბურთელს ოპერაციაც ჩაუტარდა, სამწუხაროდ ახალგაზრდა ფეხბურთელის გადარჩენა ვერ შეძლეს.

იხილეთ ფოტო