ხვიჩა კვარაცხელიას კომენტარი ბაიერნის დამარცხებისა და ფინალში გასვლის შემდეგ:
“ძალიან ბედნიერები ვართ ფინალში გასვლით. ეს მეტად მნიშვნელოვანი მატჩია და მასზე ვართ ფოკუსირებულნი. „არსენალის“ წინააღმდეგ რთული თამაში გველის. მიუნხენის „ბაიერნი“ ერთ-ერთი საუკეთესო გუნდია, მათთან ძალიან მძიმე, შესაძლოა, ამ სეზონში ყველაზე რთული შეხვედრა გვქონდა. ჩვენ დავამტკიცეთ, რომ ასეთ გუნდებთან კონკურენცია შეგვიძლია.“
ირაკლი ლომაია სოციალურ ქსელში ავრცელებს ფოტოს და წერს:
“ყურადღება! ეს ქალბატონი არის ჩემი უსაყვარლესი მამიდა – მზია ლომაია, იგი ცხოვრობდა მრავალი წელი იტალიაში ემიგრაციაში და 27 აპრილს დაბრუნდა საქართველოში.
მამიდა ცხოვრობს ქუთაისში, ფოთის ქუჩა N38-ში.
დღეს, გამთენიისას დაახლოებით 06:00 საათზე, სახლიდან გავიდა და ამ დრომდე აღარ დაბრუნებულა.
გთხოვთ, განსაკუთრებით ქუთაისში მცხოვრებლებო, ყურადღებით დააკვირდეთ ფოტოს და მაქსიმალურად გააზიაროთ ეს პოსტი. თუ ვინმემ სადმე ნახეთ ან რაიმე ინფორმაცია გაქვთ მისი ადგილსამყოფელის შესახებ, უმორჩილესად გთხოვთ დამიკავშირდეთ.
მივმართავთ თხოვნით ქუთაისის ადგილობრივ პოლიციას – უმორჩილესად გთხოვთ დაგვეხმაროთ მის პოვნაში.
მზია ლომაია, ამ დრომდე არ არის ნაპოვნი და ჩვენ კვლავ აქტიურად ვაგრძელებთ მის ძებნას. ჩვენ ვიტოვებთ იმედს რომ ის ცოცხალია.
უდიდესი მადლობა თითოეულ ადამიანს, ვინც გვერდში გვიდგას, გვეხმარება და გულთან მიაქვს ჩვენი ტკივილი. აუცილებლად ვიპოვი ჩემს ძირფას მამიდას”, – დაწერა ირაკლი ლომაიამ.
დღეს სწორედ თქვენ ხართ ის ძალა, რომელიც ყოველ წამს მზადაა დაიცვას სახელმწიფოსა და მოქალაქეების უსაფრთხოება. თქვენი ერთგულება და სიმტკიცე ქართველი ხალხისგან გამორჩეულ სიყვარულს იმსახურებს, – ამის შესახებ საქართველოს პრეზიდენტმა, მიხეილ ყაველაშვილმა საქართველოს თავდაცვის ძალების დღისადმი მიძღვნილ საზეიმო ღონისძიებაზე სიტყვით გამოსვლისას განაცხადა.
პრეზიდენტის თქმით, განსაკუთრებული მადლობა ეკუთვნის სამხედროების ოჯახებს, ადამიანებს, რომლებიც უდიდესი მოთმინებით, თანადგომითა და სულიერი სიმტკიცით იზიარებენ ღირსეული, თუმცა რთული მსახურების ტვირთს.
„მოგეხსენებათ, თანამედროვე უსაფრთხოების გარემო სწრაფად იცვლება და სახელმწიფოსგან მუდმივ სიფხიზლეს, გაძლიერებასა და განვითარებას მოითხოვს, მით უფრო მსოფლიოში დღეს არსებული გამოწვევების გათვალისწინებით. სწორედ ამიტომ საქართველოს თავდაცვის ძალების გაძლიერება ქვეყნის ერთ-ერთი მთავარი პრიორიტეტია. თქვენი სათანადო მხარდაჭერა, პროფესიული განვითარება და თავდაცვისუნარიანობის განმტკიცება პირდაპირ განსაზღვრავს ჩვენი ქვეყნის უსაფრთხოებას, სტაბილურობასა და იმ მომავალს, რომელსაც ერთად ვაშენებთ“, – განაცხადა მიხეილ ყაველაშვილმა.
მიხეილ ყაველაშვილმა აღნიშნა, რომ დაღუპული გმირების სახელი სამუდამოდ დარჩება მეხსიერებაში, როგორც თავგანწირვის, უდრეკობისა და სამშობლოსადმი უანგარო სიყვარულის მაგალითი.
„უდიდესი პატივისცემითა და მოკრძალებით მინდა გავიხსენო ჩვენი დაღუპული გმირები, რომლებმაც სამშობლოს თავისუფლებასა და ღირსებას ყველაზე ძვირფასი – საკუთარი სიცოცხლე შესწირეს. ქედს ვიხრი ჩვენი გმირების ხსოვნის წინაშე. მათი სახელი სამუდამოდ დარჩება ჩვენი ხალხის მეხსიერებაში, როგორც თავგანწირვის, უდრეკობისა და სამშობლოსადმი უანგარო სიყვარულის მაგალითი“, – განაცხადა პრეზიდენტმა.
საქართველოს პრეზიდენტმა საქართველოს თავდაცვის ძალების 35 წლის იუბილე მიულოცა ახალგაზრდებს, რომლებმაც სამხედრო ფიცი დადეს და ვეტერანებს, რომლებმაც საკუთარი გამოცდილებით, სიმამაცითა და თავდადებით საფუძველი ჩაუყარეს თანამედროვე ქართულ ჯარს.
„მსურს, საქართველოს თავდაცვის ძალების დღე მივულოცო ახალგაზრდებს, რომლებმაც დღეს სამხედრო ფიცი დადეს. დღეიდან თქვენ იღებთ განსაკუთრებულ პასუხისმგებლობას, არა მხოლოდ საკუთარი თავის, არამედ სამშობლოს წინაშე. სამხედრო ფიცის დადებით თქვენც იმ უწყვეტი ჯაჭვის ნაწილი ხდებით, რომელიც საუკუნეების მანძილზე აკავშირებდა და აერთიანებდა ქართველ პატრიოტთა თაობებს. საქართველოს თავდაცვის ძალების 35 წლის იუბილე განსაკუთრებით მინდა მივულოცო ჩვენს საამაყო ვეტერანებს. ადამიანებს, რომლებმაც საკუთარი გამოცდილებით, სიმამაცითა და თავდადებით საფუძველი ჩაუყარეს თანამედროვე ქართულ ჯარს. თქვენი ღვაწლი ცოცხალი მაგალითია დღევანდელი და მომავალი თაობებისთვის. თქვენი პატრიოტიზმი, ერთგულება, თავგანწირვა და პროფესიონალიზმი შთაგონების წყაროა მათთვის, ვინც დღეს ამ საპასუხისმგებლო გზას აგრძელებს“, – განაცხადა მიხეილ ყაველაშვილმა.
საქართველოს ეროვნული ბანკის მონეტარული პოლიტიკის კომიტეტმა 2026 წლის 6 მაისის სხდომაზე მონეტარული პოლიტიკის განაკვეთი (რეფინანსირების განაკვეთი) 0.25 პროცენტული პუნქტით გაზარდა. მონეტარული პოლიტიკის განაკვეთი 8.25 პროცენტს შეადგენს.
„ახლო აღმოსავლეთში გამწვავებული გეოპოლიტიკური ვითარებისა და ჰორმუზის სრუტის გავლით ტრანსპორტირების მნიშვნელოვანი შეფერხებების გახანგრძლივებამ გლობალურად ინფლაციის მორიგი მიწოდების შოკი წარმოქმნა. საერთაშორისო ბაზრებზე ნედლეული ენერგორესურსების ფასების მკვეთრი ზრდა გლობალურად ინფლაციის ზრდაში უკვე აისახა. ამავდროულად, გეოპოლიტიკური მდგომარეობა საერთაშორისო ტრანსპორტირებას აფერხებს და მიწოდების ჯაჭვების რღვევის რისკებს აძლიერებს. ეს კი, თავის მხრივ, წარმოების ხარჯებს აძვირებს, რაც დამატებითი ინფლაციის წყარო შესაძლოა გახდეს.
ზემოაღნიშნული ნავთობის ფასების გაძვირების პირდაპირი ეფექტი საქართველოს ბაზარზეც საწვავის ფასებში უკვე აისახა. აღნიშნული მიწოდების შოკების პირდაპირი და არაპირდაპირი ეფექტების ერთობლიობის შედეგად, აპრილში, მთლიანი ინფლაცია მიზნობრივი 3 პროცენტიანი დონიდან გადაიხარა და 5.9 პროცენტი შეადგინა. ამავდროულად, შედარებით ხისტი ფასების ინდიკატორები, რომლებიც უკეთ ასახავს გრძელვადიან ინფლაციურ პროცესებსა და ინფლაციურ მოლოდინებს, ბოლო პერიოდში დაჩქარდა, რამაც მეორე რაუნდის რისკები უფრო საყურადღებო გახადა. თუმცა დაჩქარების მიუხედავად, ინდიკატორები კვლავ მიზნობრივ მაჩვენებელთან ახლოს არის. კერძოდ, საბაზო ინფლაციამ (სურსათის, ენერგომატარებლებისა და თამბაქოს გამორიცხვით) აპრილში 3.2 პროცენტი, ხოლო მომსახურების ინფლაციამ 3.7 პროცენტი შეადგინა.
მიუხედავად მწვავე გეოპოლიტიკური შოკებისა, საქართველოს ეკონომიკა ინარჩუნებს მდგრადობას და ეკონომიკური ზრდა კვლავ მაღალ დონეზე რჩება. წინასწარი მონაცემებით, 2026 წლის მარტში ეკონომიკური აქტივობის ზრდამ 10.7 პროცენტი, ხოლო პირველ კვარტალში 9.1 პროცენტი შეადგინა. ამასთანავე, ეკონომიკური ზრდის მნიშვნელოვანი მამოძრავებელი კვლავ მაღალპროდუქტიული სექტორებია, რაც მოთხოვნის მხრიდან მომდინარე ინფლაციურ წნეხს ნაწილობრივ აბალანსებს.
სებ-ის განახლებული ცენტრალური სცენარი მოიაზრებს ახლო აღმოსავლეთში მიმდინარე ომის მეორე კვარტალში დასრულებას. თუმცა აღნიშნული დაშვება პირობითია და მაღალი გაურკვევლობით ხასიათდება. ამასთან, იმ შემთხვევაშიც კი, თუ გეოპოლიტიკური ვითარების დეესკალაცია აღნიშნულ პერიოდში მართლაც განხორციელდა, გლობალური მიწოდების სიმძლავრეების აღდგენის ხანგრძლივობა დამატებით გაურკვევლობასთან არის დაკავშირებული. შესაბამისად, ინფლაციაზე ზრდის მიმართულებით მოქმედი რისკები უფრო მეტად გამოკვეთილია. თუმცა, ასევე, ნარჩუნდება ცენტრალურ სცენართან შედარებით გეოპოლიტიკურის ვითარების უფრო სწრაფად დეესკალაციის შესაძლებლობაც. აქედან გამომდინარე, მონეტარული პოლიტიკის კომიტეტმა (მპკ) ცენტრალურ სცენართან ერთად განიხილა როგორც მაღალინფლაციური, ისე დაბალინფლაციური რისკების სცენარები.
მაღალინფლაციური რისკის სცენარის რეალიზების შემთხვევაში ფუნდამენტური პროცესები მონეტარული პოლიტიკის განაკვეთის უფრო მაღალ ტრაექტორიას მოითხოვს, ვიდრე ცენტრალური სცენარი. მაღალინფლაციური სცენარი მოიაზრებს, გეოპოლიტიკური ვითარების უფრო მეტად გახანგრძლივებასა და გამწვავებას. ამის ფონზე, საერთაშორისო ბაზარზე სასაქონლო ფასები უფრო მეტად გაიზრდება და მიწოდების ჯაჭვების რღვევა ფართომასშტაბიანი გახდება. შედეგად საქართველოშიც მიწოდების მხრიდან მომდინარე ინფლაციური შოკი გაძლიერდება, რაც მეორე რიგის ეფექტებს გაამწვავებს და საბოლოოდ ინფლაცია ცენტრალურად სცენართან შედარებით მაღალი იქნება.
მეორე მხრივ, მონეტარული პოლიტიკის კომიტეტის მიერ განხილული დაბალინფლაციური სცენარით გათვალისწინებული რისკების რეალიზაცია მონეტარული პოლიტიკის განაკვეთის, ცენტრალურ სცენართან შედარებით, უფრო სწრაფად ნორმალიზების შესაძლებლობას მოიაზრებს. ახლო აღმოსავლეთში მიმდინარე მწვავე გეოპოლიტიკური ვითარების სწრაფი დეესკალაციის პირობებში, საერთაშორისო სასაქონლო ბაზრებზე ფასებზე წნეხი შერბილდება. ამასთანავე, გლობალური მიწოდების ჯაჭვებში არსებული შეფერხებების რისკები მნიშვნელოვნად შემცირდება, რაც საერთაშორისო ტრანსპორტირების ხარჯების კლებაში აისახება და, საბოლოოდ, გლობალურ ინფლაციურ წნეხს შეარბილებს.
მიმდინარე მაკროეკონომიკური ანალიზისა და არსებული რისკების განხილვის შედეგად, მპკ-მ ოპტიმალურად მიიჩნია პოლიტიკის განაკვეთის 0.25 პპ-ით 8.25 პროცენტამდე ზრდა. აღნიშნული გადაწყვეტილება მიმართულია ინფლაციური მოლოდინების მიზნობრივ მაჩვენებელთან სტაბილურად შენარჩუნებისკენ. მონეტარული პოლიტიკის ზომიერი გამკაცრება, თავის მხრივ, ამცირებს მეორე რიგის ეფექტების რისკებს და მიზნად ისახავს, რომ, მიწოდების მხრიდან მოქმედი შოკის ამოწურვის შემდგომ, ინფლაცია მიზნობრივ სამპროცენტიან დონეს სწრაფად დაუბრუნდეს. სებ აქტიურად განაგრძობს დაკვირვებას მიმდინარე მოვლენებსა და მათი ადგილობრივ ბაზარზე გადმოცემის ინტენსივობაზე. იმ შემთხვევაში, თუ გეოპოლიტიკური ვითარების შედეგად გამოწვეული ინფლაციური შოკები კიდევ უფრო გახანგრძლივდება და/ან მათი მასშტაბი მეორე რაუნდის ეფექტების რისკებს გააძლიერებს, მპკ მონეტარული პოლიტიკის განაკვეთის ზომიერ ზრდას გააგრძელებს. ხოლო მას შემდგომ, რაც ინფლაციური შოკი ამოიწურება, სებ ეტაპობრივად დაიწყებს პოლიტიკის ნორმალიზებას“, – წერია მონეტარული პოლიტიკის კომიტეტის გადაწყვეტილებაში.
მონეტარული პოლიტიკის კომიტეტის შემდეგი სხდომა 2026 წლის 17 ივნისს გაიმართება.
,,პირველი ხაზის” ეთერში.
-მამაჩემის ჯანმრთელობის საკითხი უნდა იყოს ნაკლებად პოლიტიზირებული, რომ საზოგადოებაში შეიქმნას კონსესუსი, რომ ის იმსახურებს ღირსეულ მკურნალობას. შეიძლება მისი როლი პოლიტიკაში უნდა გადაიხედოს. მე ერთი კვირაა, რაც საქართველოში ვარ. ვიმოგზაურე საქართველოში, მეგობრებს შევხვდი. ხალხი მხვდება ქუჩაში და მეკითხება, მიშა როგორ არისო. ვგრძნობ, რომ არის ფართო დაინტერესება მამაჩემის ჯანმრთელობასთან დაკავშირებით, მაგრამ მე ტონში ვამჩნევ, რომ ბევრი მათგანისთვის მამაჩემი არ არის მომავლის ლიდერი ან მსგავსი. მასზე არ მეკითხებიან, მიშა გამოვიდეს და გადაგვარჩენსო. კი, ბევრია ასეთი, ვინც ასე ფიქრობს, მაგრამ ბევრია ისეთი, ვინც აფასებენ მის როლს პოლიტიკაში და უბრალოდ მისთვის უნდათ კარგი, ნერვიულობენ მასზე, როგორც ადამიანზე. ისინი ამომრჩევლებიც კი არ არიან ნაციონალების. მამაჩემიც უნდა დეპოლიტიზირდეს ცოტა.
მისი როლი ქართულ პოლიტიკაში ცოტა გაუგებარია. არ ვიცი, კიდევ რა უნდა მოხდეს, რომ ის მთავრობაში დაბრუნდეს. ეს ჩემთვის რთული წარმოსადგენია. მე როცა შევდივარ მამაჩემთან, ის მხოლოდ უკრაინულ ტელევიზიას უყურებს. მე მგონი, თვითონაც ხვდება, რომ იქ უფრო შეიძლება ჰქონდეს მომავალი მის კარიერას, ვიდრე აქ. ჩვენ ამაზე ვისაუბრეთ…
მამაჩემი არც ბევრს წერს პოლიტიკაზე, აღარ ერევა პოლიტიკაში. ჩამოსვლამდე ის ამბობდა, მე ჩამოვალ, შევცლით ხელისუფლებას, დაიწყება აღმშენებლობა, მაგრამ რეალურად ეს თეორია არ გამოდგა მართალი. ის ჩამოვიდა და მივიღეთ კატასტროფული მდგომარეობა. ეს იყო ძალიან დიდი შეცდომა.
მე და გიული ვიყავით ევროპაში. როცა იქ ჩვენ აქცენტს ვაკეთებთ მხოლოდ ჰუმანიტარულ მხარეზე, ბევრად დიდი კონსესუსი არსებობს, ვიდრე თუ ჩვენ დავიწყებთ, რომ მიხეილ სააკაშვილი არის პოლიტპატიმარი. იქ უფრო იყოფა აზრები. თუ ჩვენ მოვახერხებთ, საზოგადოების კოსოლიდაციას… მამაჩემისთვისაც იქნება კარგი, თუ მოახდენს საკუთარი თავის… ეს უნდა იყოს სარწმუნო და არა – ტრიუკი…
მამაჩემი უნდა იყოს კონცენტრირებული მხოლოდ ერთ რამეზე, რაც არის მისი გადარჩენა, ამაზე მნიშვნელოვანი მისთვის არაფერი უნდა იყოს. თუ ის გახდება პოსტპოლიტიკური ფიგურა, ეს კარგი იქნება, – განაცხადა ედუარდ სააკაშვილმა გიორგი ნიორაძის გადაცემაში.
რას გვირჩევენ ვარსკვლავები 6 მაისისთვის ჯანმრთელობის, ბიზნესის და სიყვარულის მიმართულებით?
ვერძი
თქვენს ცხოვრებაში დაუვიწყარი მოვლენა მოხდება. ვარსკვლავების განლაგებით თუ ვიმსჯელებთ, ეს დიდი ხნის ნანატრი და სასიამოვნო ამბავი იქნება. ასტროლოგიური პროგნოზი გირჩევთ, თქვენს მეორე ნახევარს მეტად ენდოთ. თქვენი ეჭვიანობა და უმიზეზო უნდობლობა შეიძლება კონფლიქტის მიზეზი გახდეს. უახლოეს დღეებში საქმიანი შეხვედრა ან მივლინება გელით. ამ დღეს „ცივი გონებით“ მოქმედება ძალიან მნიშვნელოვანია. ფულთან ან საბუთებთან მუშაობისას სიფრთხილე გამოიჩინეთ — არსებობს შეცდომის დაშვების საფრთხე. ნუ გასცემთ ნაჩქარევ დაპირებებს, რადგან სავარაუდოდ, მათ შესრულებას ვერ შეძლებთ. დღეს შანსი გექნებათ, რომ აპატიოთ მათ, ვინც წარსულში გული გატკინათ. ეს კეთილშობილი ნაბიჯი თქვენს აურაზე დადებითად აისახება.
კურო
თქვენი ფსიქიკა ახლა დაუცველია, ამიტომ დამშვიდდით და მოთმინება გამოიჩინეთ. მეგობრის რჩევა პირადი პრობლემის მოგვარებაში დაგეხმარებათ. მალე დარწუნდებით, რომ ხანგრძლივ ფილოსოფიურ მსჯელობას გადამჭრელი მოქმედება სჯობს. დაუღალავი შრომა და შეუპოვრობა ნებისმიერი დაბრკოლების გადალახვაში დაგეხმარებათ. მოერიდეთ ფინანსურ დავებს და ეცადეთ, მატერიალური საკითხები მშვიდობიანად მოაგვაროთ. თუ ზედმეტი კილოგრამების დაკლებაზე ოცნებობთ, გახსოვდეთ, რომ თუ ჯერ ივარჯიშებთ, შემდეგ კი დივანზე წამოწვებით და ტორტს მიირთმევთ, სასურველ შედეგს ვერ მიიღებთ.
ტყუპები
პირად ცხოვრებაში პატარა სიურპრიზი გელით. დადგა დრო, რომ იმიჯი შეიცვალოთ და ურთიერთობებს გადახედოთ. ეცადეთ, მეორე ნახევართან მეტი დრო გაატაროთ — ეს თქვენს კავშირს გააძლიერებს. ამ დღეს სამსახურში თქვენს წარმატებას ის განსაზღვრავს, თუ რამდენად მონდომებული იქნებით, თუმცა გაითვალისწინეთ, რომ მუშაობა მხოლოდ ფუსფუსის იმიტაცია არ უნდა იყოს. საუკეთესო დღეა სპორტისა და ფიზიკური შრომისთვის. ბევრ ტყუპს გაუჩნდება სურვილი, რომ გარისკოს და ადრენალინის მოზღვავება იგრძნოს.
კირჩხიბი
მათ, ვინც სასიყვარულო ურთიერთობა ახლახან დაიწყო, მოვლენების დაჩქარებას არ ვურჩევთ — ამან შეიძლება თქვენი პარტნიორის გაღიზიანება გამოიწვიოს. სანამ გაებუტებით, ეცადეთ, საკუთარ თავს გვერდიდან შეხედოთ — შესაძლოა მისი პრეტენზიები უსაფუძვლო არ იყოს. კოლეგებთან და ხელმძღვანელობასთან ურთიერთობა შეიძლება დაიძაბოს, მოსალოდნელია კამათიც. კოლეგა, რომელიც მეგობარი გეგონათ, ეცდება, სხვა კოლეგების ან ხელმძღვანელობის თვალში უარყოფითად წარმოგაჩინოთ. პლანეტების ხელსაყრელი განლაგება წარმატებულ ფინანსურ ოპერაციებს გპირდებათ. ამ დღეს ჯანმრთელობას განსაკუთრებული ყურადღება უნდა მიაქციოთ.
ლომი
შესაძლოა, მალე სასიყვარულო ურთიერთობა დაიწყოთ. ვარსკვლავების პროგნოზით, თქვენი რჩეული შეიძლება ის ადამიანი გახდეს, რომელსაც დიდი ხანია იცნობთ. გამორიცხული არ არის შორეული ნათესავების მოულოდნელი სტუმრობა. შესაძლოა, ძველი მეგობრების დახმარებით გავლენიანი ადამიანი გაიცნოთ, რომელიც კარიერულ წინსვლაში დაგეხმარებათ. გირჩევთ, ფინანსებთან დაკავშირებული სარისკო გარიგებები სამომავლოდ გადადოთ. გაუფრთხილდით ჯანმრთელობას — ერთი შეხედვით უწყინარი გაციება შესაძლოა გართულდეს.
ქალწული
ამ დღეს განვითარებული მოვლენების გავლენით სტრატეგიის შეცვლა და პრაგმატულად მოქმედება მოგიწევთ. ძლიერმა ემოციებმა რომ შეცდომა არ დაგაშვებინოთ, ეცადეთ, დროულად შეჩერება ისწავლოთ. პროფესიული პრობლემები სასწრაფო გადაჭრას მოითხოვს — თუ საჭიროა, დახმარება კოლეგებს სთხოვეთ. გაუთვალისწინებელი ხარჯი გელით, თუმცა სანერვიულო არაფერია — თქვენი მატერიალური მდგომარეობა მყარია და შემოსავლების ზრდის ტენდენცია შენარჩუნდება. ერთადერთი, რამაც შეიძლება თქვენს განწყობაზე იმოქმედოს, ახლობელი ადამიანის პრობლემებია. თუ ყველა საქმის დროულად დასრულება გსურთ, დილას ადრე უნდა ადგეთ და მოვალეობების ნაწილი სანდო ადამიანებს მიანდოთ.
სასწორი
ეცადეთ, რომ სიმპათიური უცნობის გაცნობის შანსი ხელიდან არ გაუშვათ. გულწრფელობა და სიმართლე ერთმანეთის უკეთ გაგებაში დაგეხმარებათ. გამორიცხული არ არის, რომ უსამართლო პრეტენზიებით ოჯახის წევრებს გული ატკინოთ. ასე რომ არ მოხდეს, საყვარელი ადამიანების მოსმენა უნდა ისწავლოთ. დღეს კარიერული წინსვლის კარგი შანსი გექნებათ. პირადი მომხიბვლელობა, კავშირები და გამოცდილება ფინანსურ კეთილდღეობას მოგიტანთ. მთავარია, თავში არ აგივარდეთ — იღბალს ამპარტავანი ხალხი არ უყვარს. დღის დასაწყისში სტრესულ სიტუაციებს მოერიდეთ. დილას რაც ნაკლებად ინერვიულებთ, საღამოს მით უკეთესი განწყობა გექნებათ.
მორიელი
დღევანდელმა შეხვედრამ შესაძლოა დიდ მეგობრობას საფუძველი ჩაუყაროს, რომელიც დროთა განმავლობაში უფრო დიდ გრძნობაში გადაიზრდება. მოვლენებს ნუ დააჩქარებთ, უბრალოდ ამ ადამიანთან ურთიერთობით ისიამოვნეთ. ახლობელ ადამიანს თქვენი ყურადღება და მხარდაჭერა დასჭირდება — შესაძლოა ვინმე შეუძლოდ გახდეს ან უსიამოვნო სიტუაციაში გაეხვიოს. ცდუნებას ნუ აჰყვებით, გახსოვდეთ, რომ იოლი ფული მხოლოდ სათაგურშია. ჯობია საქმიანი პარტნიორის კეთილ რჩევას დაუჯეროთ და დაწყებული საქმე დაასრულოთ. თქვენს ჯანმრთელობაზე ემოციური ფონი დიდ გავლენას ახდენს. გაითვალისწინეთ, რომ ქრონიკულმა სტრესმა შეიძლება პრობლემები გამოიწვიოს.
მშვილდოსანი
მოვლენები აჩვენებს, რომ საყვარელ ადამიანს ისე კარგად არ იცნობთ, როგორც გეგონათ და ყველა აღმოჩენა სასიამოვნო არ იქნება. მოერიდეთ ნათესავების კრიტიკას და განსჯას — თქვენი სიტყვები ძალიან მტკივნეულად იქნება აღქმული. ეცადეთ, პოზიტიური და მეგობრული ატმოსფერო შეინარჩუნოთ. შრომისმოყვარეობა და მიზანდასახულობა დაგეხმარებათ, მნიშვნელოვან ამოცანებზე კონცენტრირდეთ და საქმეები დროულად დაასრულოთ. ფინანსური მდგომარეობა ნაკლებად სტაბილურია, ამიტომ ასტროლოგები გირჩევენ, გაუაზრებელი ხარჯებისგან თავი შეიკავოთ. ამ დღეებში დიეტის დაწყება ნაკლებად ეფექტურია, რადგან ჯერჯერობით, თქვენი მეტაბოლიზმი შენელებულია.
თხისრქა
ჭორები და სპეკულაციები რომ აირიდოთ, თქვენი პირადი ცხოვრება ყველასთვის საიდუმლოდ უნდა შეინახოთ. სავარაუდოდ, ამ დღეს არა მხოლოდ საკუთარი, არამედ ახლობლების პრობლემების მოგვარებაც მოგიწევთ. თქვენი ბოლოდროინდელი შრომა ნაყოფს გამოიღებს — მოსალოდნელია მატერიალური კეთილდღეობის ზრდა.
შეიძლება არჩევანის წინაშე აღმოჩნდეთ — ეცადეთ, რეალურსა და სასურველს შორის გონივრული ბალანსი იპოვოთ.
შესაძლოა დღის ბოლომდე ენერგია არ გეყოთ, მაგრამ ყავისა და სხვა სტიმულატორების გადამეტებული მოხმარებისგან მაინც თავი შეიკავეთ.
მერწყული
თუ გრძნობთ, რომ თქვენს ურთიერთობაში მოწყენილობა გაჩნდა, იფიქრეთ იმაზე, როგორ გაამრავალფეროვნოთ — უჩვეულო პაემანი თქვენს კავშირს ახალ ნაპერწკალს შემატებს. სამსახურში სიფრთხილე გამოიჩინეთ — უფროსი ცუდ ხასიათზეა და სჯობს, თვალში არ მოხვდეთ. როცა საქმე ფულს ან ახალ შენაძენს ეხება, გაბედულად უნდა იმოქმედოთ. ატმოსფერული წნევის ცვალებადობამ შესაძლოა თავის ტკივილი გამოიწვიოს, ამიტომ გამაყუჩებელი საშუალებები ახლოს იქონიეთ.
თევზები
ვარსკვლავები გირჩევენ, საყვარელ ადამიანთან ერთად მეტი დრო გაატაროთ. ეცადეთ საოჯახო პასუხისმგებლობები სამართლიანად გაანაწილოთ — მნიშვნელოვანია, რომ სახლის მოვლაში ოჯახის ყველა წევრს თავისი წვლილი ჰქონდეს. საპასუხისმგებლო საქმის დაწყება ნუ შეგაშინებთ — თუ მონდომებით და თავდადებით იმუშავებთ, შედეგი თავადაც გაგაოცებთ. ხელსაყრელი დღეა ფინანსური სტრატეგიის განახლებისთვის — დროა, შემოსავლების გაზრდის ახალ გზებზე იფიქროთ. დაგეგმეთ საქმეები პრიორიტეტების მიხედვით და გეგმას მიჰყევით — სწორად ორგანიზებული სამუშაო მდგომარეობას მნიშვნელოვნად გაგიმარტივებთ. ნუ აიღებთ საკუთარ თავზე იმაზე მეტს, ვიდრე რეალურად შეგიძლიათ.
საქართველოს მთავრობასა და საბერძნეთის რესპუბლიკის მთავრობას შორის, ეროვნული მართვის მოწმობების ურთიერთაღიარებისა და გადაცვლის შესახებ შეთანხმება, ძალაში მიმდინარე წლის 21 ივნისიდან შევიდა. ინფორმაციას შინაგან საქმეთა სამინისტრო ავრცელებს.
შეთანხმების ამოქმედებისთანავე, მხარეთა კომპეტენტური ორგანოების მიერ გაცემული მოქმედი მართვის მოწმობის მფლობელები, თეორიული ან პრაქტიკული გამოცდის ჩაბარების გარეშე შეძლებენ მიიღონ, თანაბარი ძალის მქონე მართვის მოწმობა იმ სახელმწიფოში, რომელიც მათ კანონიერ საცხოვრებელს წარმოადგენს.
შეთანხმებით განსაზღვრულია, რომ დოკუმენტის ძალაში შესვლის შემდგომ, თეორიული და პრაქტიკული გამოცდების ჩაბარების გარეშე, გადაცვლას დაექვემდებარება მართვის მოწმობის AM, A, A1, A2, B, B1, C, D, C1, D1, BE, CE, DE, C1E, D1E კატეგორიები/ქვეკატეგორიები.
საქართველოს მთავრობასა და საბერძნეთის რესპუბლიკის მთავრობას შორის ეროვნული მართვის მოწმობების ურთიერთაღიარებისა და გადაცვლის შესახებ შეთანხმებას 2024 წლის 26 ივნისს, საბერძნეთის რესპუბლიკაში, ათენში მოეწერა ხელი.
მსგავსი ტიპის შეთანხმება საქართველოს, ასევე, გაფორმებული აქვს ესპანეთის სამეფოსთან და ირლანდიასთან, სადაც ქართული მართვის მოწმობების გადაცვლა უკვე შესაძლებელია.
საერთაშორისო კვლევითი ორგანიზაცია Numbeo-ს განახლებული სტატისტიკის მიხედვით, საქართველოს სასურსათო მაღაზიებში 1 კგ. საქონლის ხორცის საშუალო ფასი 9.78 აშშ დოლარია. აღნიშნული მაჩვენებლით, რეიტინგში, რომელიც საქონლის ხორცის სიძვირეს 103 ქვეყანაში ზომავს, საქართველო 75-ე ადგილს იკავებს.
აღსანიშნავია, რომ ამავე კვლევის მიხედვით, საქართველოში მეზობელ ქვეყნებთან შედარებით, საქონლის ხორცი ყველაზე იაფია, ყველაზე ძვირი კი თურქეთში ღირს.
კერძოდ, Numbeo-ს განახლებულ რეიტინგში, თურქეთი მე-17 ადგილს იკავებს, სადაც საქონლის ხორცის ღირებულება კილოგრაზე საშუალოდ, 20 აშშ დოლარს შეადგენს.
უფრო კონკრეტულად, კვლევის მიხედვით, საქართველოსა და სამეზობლოში 1 კგ. საქონლის ხორცის საშუალო ფასები ასე გამოყურება:
აღსანიშნავია, რომ საქონლის ხორცი მსოფლიოში ყველაზე ძვირი შვეიცარიაშია და ფასი 45 აშშ დოლარს აჭარბებს, ყველაზე იაფი კი პაკისტანში ღირს, სადაც კილოგრამის ფასი საშუალოდ, 4.68 აშშ დოლარის ფარგლებში მერყეობს.
Numbeo-ს მიხედვით, მსოფლიოს 5 ქვეყანა, სადაც 1 კგ ხორცი ყველაზე ძვირია, ასე გამოიყურება:
იმ 5 ქვეყნის ჩამონათვალი კი, სადაც საქონლის ხორცი შედარებით იაფია, ასეთია:
სოციალურ ქსელში ვრცელდება ახალგაზრდა კაცის ფოტო, რომელიც დღეს ბათუმში, 43-ე სართულიდან გადმოვარდა.
ადგილზე ექსპერტ-კრიმინალისტები იმყოფებოდნენ.
მომხდარის სხვა დეტალები ჯერჯერობით უცნობია.
